Симптомите на деменција не ги погодуваат само постарите луѓе. За да го намалите ризикот од деменција, одбегнувајте исхрана базирана на преработена храна, а јадете што повеќе медитеранска храна и движете се почесто.

Еве што уште можете да направите за да го намалите ризикот од деменција…

1. Одбегнувајте високо ниво на бакар во водата
Бакарот е неопходен за здрави коски, хормони и нерви. Но вишокот од овој метал има штетно влијание врз мозокот. Бакарот може да биде причинител за појава на Алцхајмерова болест. Сѐ уште е тешко да се каже која концентрација на бакар навистина е опасна, но подобро е да ги замените бакарните водоводни цевки. Исто така, добро е да користите филтри за вода за да го намалите процентот на бакар.

2. Одбегнувајте одредени лекови (како што се лекови за алергии)
Лековите кои имаат антихолинергични ефекти, обично се поврзуваат со деменција. Пациентите кои пијат антихолинергични лекови имаат намален метаболизам на мозокот и зголемена атрофија на мозокот. Хроничната употреба на низа антихолинергични таблети за спиење и лекови против поленска треска го зголемуваат ризикот од деменција.

3. Спијте во положба што е добра за вашиот мозок
Вашата положба на спиење игра голема улога за благосостојбата на вашиот мозок. Спиењето на страна го подобрува процесот на прочистување на мозокот, намалувајќи го ризикот од Алцхајмерова и Паркинсонова болест.

4. Одбегнувајте пестициди
Пестицидите се еколошки причинители на деменција, а тука спаѓаат ДДТ и инсектицидите. ДДТ веќе е забранет, но и понатаму е присутен во околината. Храната од животинско потекло и масната храна содржат највисоко ниво на ДДТ и производи за разградба. Многу современи пестициди го оштетуваат мозокот. Ова се случува кога се внесува храна третирана со ацетамиприд, неоникотиноиден инсектицид.

5. Живејте исполнет живот
Одредувањето на целите го намалува ризикот од развој на деменција. Исполнетиот живот го прави човекот среќен и позитивно влијае врз работата на мозокот.

6. Надоместете го дефицитот на витамин Д
Луѓето на кои им недостасува витамин Д се изложени на зголемен ризик од развој на деменција. Можете да ги покачите нивоата на витамин Д, така што ќе поминувате време на сонце и ќе внесувате храна со висока концентрација на овој витамин. Земањето диететски суплементи исто така е корисна стратегија.

7. Грижете се за оралното здравје
Грижата за забите и непцата ќе ви помогне во заштитата на мозокот од дегенеративни процеси. Постои силна врска меѓу лошата орална хигиена и Алцхајмеровата болест. Неопходно е да ги миете забите најмалку двапати дневно.

8. Шетајте најмалку трипати неделно
Одењето и кардиоваскуларните вежби помагаат за подобрување на мозочните функции, способности и размислување. Па така, редовното шетање може да биде првиот чекор кон здрав и активен мозок.

The post Осум начина да го намалите ризикот од деменција appeared first on Република.

Чадот од шумските пожари може да биде полош за здравјето на мозокот од другите видови на загадување на воздухот, па дури и да го зголеми ризикот од деменција, покажа новото американско истражување.

Резултатите, објавени во понеделникот на Меѓународната конференција на Здружението за Алцхајмерова болест во Филаделфија, дојдоа додека милиони луѓе во САД го поминаа викендот под предупредувања за квалитетот на воздухот поради шумските пожари кои исфрлаа чад низ американскиот запад, вклучително и масовниот шумски пожар во Калифорнија кој се прошири на повеќе од 360.000 хектари.

Тоа се мали честички или ПМ 2,5 – ситни честички околу 30 пати помали од дијаметарот на човечкото влакно кои можат да се вдишат длабоко во белите дробови и да се преселат во крвотокот. Ова загадување, од сообраќај, фабрики и пожари, може да предизвика или влоши срцеви и белодробни заболувања, а новата студија упатува на доказите дека може да игра улога и во деменцијата.

Истражувачите ги следеле здравствените досиеја на 1,2 милиони постари возрасни лица во Јужна Калифорнија помеѓу 2009 и 2019 година. Тие користеле мониторинг на квалитетот на воздухот и други податоци за да ја проценат изложеноста на PM 2,5 во домовите во текот на три години од чад од шумски пожар или други причини.

Студијата покажа дека шансите за нова дијагноза на деменција се зголемуваат за околу 21 отсто за секое зголемување на микрограмите во концентрацијата на честичките од шумските пожари. Тоа е речиси три отсто зголемен ризик од деменција поради загадувањето предизвикано од шумски пожари во споредба со другото загадување, заклучија истражувачите од Универзитетот во Вашингтон и Пенсилванија.

The post Чадот од шумските пожари може да го зголеми ризикот од деменција appeared first on Република.

Деменцијата е синдром којшто се одликува со прогресивно влошување на когнитивните функции, како што се помнењето, размислувањето и способноста за извршување на секојдневните должности, а најчесто е предизвикана од дегенеративни заболувања на мозокот.

Возраста се смета за еден од поважните фактори на ризик, којшто човекот не може да го контролира. Сепак, и други фактори, како што се секојдневните навики, начинот на живот и сл. - играат важна улога. На некој начин, тоа е добра вест, според стручњаците, и ова значи дека имаме одредена моќ на контрола врз здравјето на својот мозок. Според истражувањето што ги поделило испитаниците во пет групи, имено, една навика може значително да ја намали опасноста од деменција - физичките вежби. Во таа смисла, дури и благото надминување на неделните препораки за вежбање може да биде прилично корисно.

Се говори за вежбите за срцето, белите дробови, мускулите, коишто исто така, се полезни и за мозокот.

Во споредба со групата испитаници означени како „најмалку фит“, оние со малку подобра форма имале 13 отсто помал ризик од Алцхајмерова болест... Натаму - средната група имала 20 отсто помал ризик, следната група на скалата имала 26 отсто помал ризик, а луѓето од „физички најактивната група“ имале 33 отсто помала опасност.

Авторите заклучуваат дека кардиореспираторната кондиција е поврзана со помали шанси за деменција, а како што луѓето стареат, сѐ тоа е поистакнато.

- Истражувањето покажа дека најмалку 150 минути вежбање со умерен интензитет неделно се клучни за оптимално здравје на мозокот како што старееме. „Помалку значи повеќе“ има свое место во одредени случаи, но и надминувањето на неделните препораки за вежбање може да биде доста корисно вели невропсихологот д-р Џесика Калдвел за „Парејд“.

Таа вели оти за помладите луѓе или оние кои биле физички активни во минатото и постојано во нивниот живот, вежбањето до 300 минути или поинтензивно вежбање може да биде уште покорисно за мозокот. Како што возраста напредува, и рамнотежата меѓу физичката кондиција и спречувањето повреди и добрата аеробна кондиција се зацврстува.

The post Вежбајте за да не заболите од деменција appeared first on Република.

Деменцијата е синдром којшто се одликува со прогресивно влошување на когнитивните функции, како што се помнењето, размислувањето и способноста за извршување на секојдневните должности, а најчесто е предизвикана од дегенеративни заболувања на мозокот.

Возраста се смета за еден од поважните фактори на ризик, којшто човекот не може да го контролира. Сепак, и други фактори, како што се секојдневните навики, начинот на живот и сл. - играат важна улога. На некој начин, тоа е добра вест, според стручњаците, и ова значи дека имаме одредена моќ на контрола врз здравјето на својот мозок. Според истражувањето што ги поделило испитаниците во пет групи, имено, една навика може значително да ја намали опасноста од деменција - физичките вежби. Во таа смисла, дури и благото надминување на неделните препораки за вежбање може да биде прилично корисно.

Се говори за вежбите за срцето, белите дробови, мускулите, коишто исто така, се полезни и за мозокот.

Во споредба со групата испитаници означени како „најмалку фит“, оние со малку подобра форма имале 13 отсто помал ризик од Алцхајмерова болест... Натаму - средната група имала 20 отсто помал ризик, следната група на скалата имала 26 отсто помал ризик, а луѓето од „физички најактивната група“ имале 33 отсто помала опасност.

Авторите заклучуваат дека кардиореспираторната кондиција е поврзана со помали шанси за деменција, а како што луѓето стареат, сѐ тоа е поистакнато.

Истражувањето покажа дека најмалку 150 минути вежбање со умерен интензитет неделно се клучни за оптимално здравје на мозокот како што старееме. „Помалку значи повеќе“ има свое место во одредени случаи, но и надминувањето на неделните препораки за вежбање може да биде доста корисно вели невропсихологот д-р Џесика Калдвел за „Парејд“.

Таа вели оти за помладите луѓе или оние кои биле физички активни во минатото и постојано во нивниот живот, вежбањето до 300 минути или поинтензивно вежбање може да биде уште покорисно за мозокот. Како што возраста напредува, и рамнотежата меѓу физичката кондиција и спречувањето повреди и добрата аеробна кондиција се зацврстува.

Според сѐ, вежбањето е корисно не е само здравјето на срцето, туку и за мозокот.

The post Вежбањето спречува појава на деменциија appeared first on Република.

Многумина повремено уживаат во алкохолни пијалоци... Но, некои луѓе често знаат и да претераат, што не е добро за нивното целокупно здравје. 3атоа, неврологот и невропсихијатар Ричард Рестак открива: Во која доба треба трајно да се престане со алкохол?

Во својата книга „Како да се спречи деменција“, неврологот ја образложува врската меѓу алкохолот и можноста за појава на одредени болести. Тој вели дека алкохолот е „директен невротоксин“, што значи дека редовното пиење големи количини алкохол може да биде штетно за мозокот, а оттука и за другите органи.

Запрашајте се: „Зошто пијам?“ Ако одговорот е: „Алкохолот ми помага да си го подигнам расположението и да ја намалам анксиозноста“, можеби сте изложени на опасност и веројатно е најдобро да престанете целосно со алкохолот, објаснува д-р Рестак.

Советот гласи: Откажете се од алкохолот по навршувањето 65 години.

На таа возраст вашиот мозок веројатно веќе консумирал алкохол колку што му е потребно на вашето тело. Кога алкохолот го оштетува мозокот, тоа влијае и на агилноста на телото, а можноста и за паѓање е поголема, појасни лекарот.

Наводите говорат: Стапката на смртност од пад е во раст - особено кај повозрасните мажи. Пиењето може да биде особено опасно за оние луѓе кои веќе се погодени од мускулна атрофија, проблеми со рамнотежата или користат одредени лекови.

The post На која возраст е најдобро да се остави алкохолот? appeared first on Република.

Еден британски лекар сподели изненадувачки предупредувачки знак за деменција, состојба која го уништува умот и која погодува повеќе од 55 милиони луѓе ширум светот.

Очигледните симптоми на деменција вклучуваат губење на меморијата, но д-р Ахмад Кундакар изјави дека отежнатото голтање може да биде ран показател за нарушувањето.

Всушност, овој необичен симптом, познат и како дисфагија, беше спомнат во студија објавена во 2008 година во Националната медицинска библиотека.

Дисфагијата е предизвикана од оштетување на мозочните региони одговорни за движење и координација, вклучувајќи ги и оние кои го контролираат рефлексот на голтање“, рече Кундакар, додавајќи:

„Луѓето кои живеат со деменција може да доживеат мускулна слабост, проблеми со координацијата и намалена чувствителност на грлото, што доведува до тешкотии при голтање.

Главната причина за деменција е Алцхајмеровата болест, добро позната болест која е распространета кај постарите лица и влијае на губењето на меморијата и однесувањето.

Симптомите на дисфагија споделени од д-р Кундакар вклучуваат опсесивно џвакање и чувство на потреба да се држи храната во устата додека јаде. Ова ќе доведе до губење на тежината, дехидрација и неухранетост.

NHS East Sussex Healthcare Trust вели дека знаците на дисфагија се широко распространети и не треба да се игнорираат, нагласувајќи колку често луѓето со деменција имаат потешкотии да јадат или пијат. Тие истакнуваат дека ризиците поврзани со дисфагијата се аспирација (храната оди во белите дробови), гушење, лоша исхрана и намален квалитет на живот.

The post Изненадувачки симптом кој може да биде ран знак на деменција appeared first on Република.

Сирењето може да помогне да се намали ризикот од деменција, сугерира нова студија. Научниците открија дека оние што редовно јаделе сирење имаат подобри резултати на когнитивните тестови, што укажува на тоа дека имаат помала веројатност да ја развијат болеста подоцна во животот.

Истражувачите го следеле здравјето, физичката активност и навиките во исхраната на 1.516 луѓе на возраст над 65 години во Токио.

Тоа ги вклучувало нивната исхрана, историјата на падови, хроничните состојби, мускулната маса, телесните масти, крвниот притисок, силата на стисокот, брзината на одење, холестеролот и менталната состојба.

Околу 80% од учесниците консумирале сирење - или дневно (28%), еднаш на секои два дена (24%) или двапати неделно (30%).

Преработената сорта била најпопуларна опција, проследена со бело сирење покриено со мувла (како што се бри и камембер), свежо сирење (како што се фета, маскарпоне и рикота) и сино сирење (вклучувајќи ги стилтон и горгонзола).

Волонтерите потоа одговориле на 30 прашања кои ја тестирале нивната когнитивна функција - прашалник познат како Mini-Mental State Examination (MMSE). Вклучува меморија, јазик, ориентација, внимание и визуопросторни вештини.

Оценката од 23 или подолу се смета за маркер за лоша когнитивна функција. Тимот откри дека оние кои вклучиле сирење во нивната исхрана имале помали шанси да постигнат резултати под овој праг.

Оние кои јаделе сирење, исто така, имале малку понизок крвен притисок и БМИ, поголема брзина на одење и поголема разновидност во нивната исхрана воопшто. Сепак, тие имале повисок холестерол и шеќер во крвта.

Авторите, кои ги објавија своите наоди во списанието Nutrients, рекоа: Претходните студии покажаа дека исхраната која се карактеризира со висок внес на производи од соја, зеленчук, алги, млеко и млечни производи, заедно со низок внес на житни производи, е поврзана со намален ризик од развој на деменција. Нашите резултати сугерираат дека внесот на сирење е обратно поврзан со пониски когнитивни функции дури и по прилагодување за повеќекратни конфузни фактори.

Тие заклучија дека сирењето може да има својства за подобрување на мозокот, но потребни се дополнителни студии за да се утврди улогата што ја игра, особено во развојот на деменцијата.

The post Oмилената храна на некои луѓе може да го намали ризикот од деменција appeared first on Република.

Деменцијата е една од водечките причини за смрт во светот, така што нејзиното откривање во рана фаза може да им помогне на луѓето и нивните семејства подобро да ја разберат дијагнозата и соодветно да ја планираат иднината.

Затоа, не е лошо да се знаат помалку познатите знаци кои можат да укажуваат на оваа болест. Имено, научниците откриле дека еден таков симптом можете да забележите додека се туширате.

Еден од најчудните знаци на деменција е губењето на сетилото за мирис. Значи, ако не можете да го мирисате вашиот шампон, гел за туширање или сапун додека сте под туш, тоа може да биде знак дека сте во раните фази на деменција.

Губењето на меморијата не е нужно знак за деменција, но способноста за препознавање мириси се карактеризира како еден од првите знаци.

Оваа студија ја објави Универзитетот во Чикаго, а истражувањето се заснова на студија во која учествувале 515 луѓе. Професорот Дејвид Страјн, предавач на Универзитетот во Ексетер, рекол дека деменцијата само значи дека мозокот не работи како порано.

Покрај губењето на меморијата и чувството за мирис, постојат и други симптоми кои укажуваат на оваа состојба, а тоа се: промени во расположението, отежнато извршување на секојдневните задачи, отежнато концентрирање, отежнато зборување и конфузија во времето и просторот. Бидејќи постојат различни видови на деменција, некои од овие симптоми може да не бидат веднаш забележливи.

The post Ран знак на деменција може да се открие при туширање appeared first on Република.

Пред две години беше откриено дека холивудската легенда Џек Николсон (84) боледува од деменција и дека е „физички добро, но психички не“.

По оваа вест, актерот последен пат беше виден во јавноста на кошаркарскиот натпревар на ЛА Лејкерс пред две години, кога се сликаше со навивачите и даваше автограми. Во тоа време тој беше во друштво на својот син кој го следеше во чекор. Сега американските медиуми пишуваат дека оскаровецот „може да умре во самотија бидејќи ретко се гледа со други луѓе“.

Таткото на пет деца, наводно, поголемиот дел од времето го поминува дома во неговата вила на Беверли Хилс, повремено придружуван од своите деца.

Џек е во контакт со одредени роднини, особено со Реј, неговиот штитеник, со кој се гордее, но неговите денови на дружење одамна поминаа. Неговите деца го посетуваат, но тие се неговата единствена врска со светот“, вели изворот.

Некои од попознатите улоги ги играше во филмовите „Кинески град“, „Сјаење“, „Летот над кукавичкото гнездо“, „Неколку добри луѓе“, „Бетмен“ и многу други. Последен пат глумеше во 2010 година во романтичната комедија „How Do You Know Love“ со колегите Рис Витерспун, Фил Руд и Овен Вилсон.

The post Џек Николсон боледува од деменција, децата му се единствена врска со светот appeared first on Република.

Витаминот Д игра клучна улога во кревање на расположението и ублажувањето на симптомите на депресија. Научниците одлучија да ја истражат оваа очигледна поврзаност на витаминот Д со нервниот систем – со посебен фокус на тоа како витаминот Д влијае на когнитивната функција.

Во новата студија објавена во „Alzheimer’s & Dementia“, научниците од Универзитетот Раш и Универзитетот Тафтс се првите кои ги споредија факторите на когнитивно опаѓање со концентрациите на витамин Д, не само во крвта, туку и во мозокот.

Една студија покажа дека витаминот Д во мозокот всушност го поддржува когнитивното здравје. Оние кои имале поголема концентрација на витамин Д во мозокот имале подобра меморија и побрзо ја перцепирале околината. Исто така, учесниците со повисоки концентрации имале 25% до 33% помали шанси да развијат деменција или благо когнитивно оштетување.

The post Кој витамин спречува деменција: Важен е за целиот организам, но одличен e и за здравјето на мозокот appeared first on Република.

Иако точната причина за Алцхајмерова болест и деменција не е утврдена, некои експерти веруваат дека храната што ја консумираме може да ја подобри меморијата или да придонесе за влошување на когнитивните функции.

Која храна може да го влоши процесот на помнење ако ја консумираме во големи количини?

Преработени млечни производи

Преработените млечни производи како преработеното сирење може да придонесат за формирање наслаги во мозокот. Некои студии покажаа дека преработената храна може да го забрза процесот на влошување на мозокот. Затоа, треба да ги намалите овие намирници на минимум.

Бел леб

Колачите, белиот леб и тестенините се исто така меѓу намирниците кои треба да ги избегнувате. И оваа храна може да предизвика процес на формирање на наслаги во мозокот и други воспалителни процеси во телото. Подобро е да се заменат производите од бело брашно со житарки од цело зрно.

Бел ориз

Покрај белиот ориз, тука спаѓаат шпагети, крекери и колачи. Нивното консумирање во големи количини може да го зголеми ризикот од формирање на наслаги во мозокот и, следствено, појава на деменција или Алцхајмерова болест. Најдете здрави замени за овие намирници – наместо бел шеќер користете кафен шеќер, а наместо рафинирани шеќери користете природни засладувачи.

Пуканки

Пуканките содржат диацетил, соединение кое може да го зголеми формирањето на амилоидни плаки во мозокот. Студијата спроведена пред една деценија заклучи дека диацетил може да ги зголеми штетните ефекти од акумулацијата на протеините и да го зголеми ризикот од респираторни и белодробни заболувања.

The post Храна која може да ја влоши меморијата и да го зголеми ризикот од деменција appeared first on Република.

83-гпдишниот Ѓорѓи Сенков, облечен како на сликата, последен пат е виден во Велес пред два дена. Ѓорѓи боледува од деменција. Семејсвото моли секој кој го сретнал или има некакви информации да пријави во полиција.

The post Го нема Ѓорѓи Сенков од Велес – семејството моли за помош appeared first on Република.

Студијата на австралиски и американски научници анализирала податоци од 16.855 луѓе на возраст над 65 години и заклучила дека ако постара личност почне да оди побавно од вообичаеното, може да биде изложен на зголемен ризик од развој на деменција, особено ако има нарушена меморија, јави мрежата Јама.

Студијата покажа дека луѓето кои го забавуваат одењето секоја година имаат поголема веројатност да развијат деменција.

Ризикот бил поголем доколку, покрај побавното одење, имале и постепено послаба меморија. Сличен заклучок дошле и американските истражувачи кои спровеле студија во 2020 година во која учествувале 9.000 луѓе.

Присуството на благо когнитивно оштетување не мора да значи дека ќе се појави деменција. Само 10 до 20 проценти од луѓето на возраст над 65 години со благо когнитивно оштетување и оштетување на меморијата на крајот развиваат деменција.

Во многу случаи, симптомите остануваат исти со текот на времето, па дури и се подобруваат ако постарото лице води физички и психички активен живот.

Загрижувачки бројки

Околу 50 милиони луѓе во светот страдаат од деменција, а се предвидува дека до 2050 година тој број ќе се зголеми тројно.

Се верува дека повеќето од симптомите кои би можеле да укажуваат на деменција се појавуваат уште 20 до 30 години пред дијагнозата, научниците сметаат дека е многу важно навреме да се идентификуваат факторите на ризик и да се спречи деменцијата што е можно повеќе.

The post Симптом кој може да најави деменција, a е многу очигледен appeared first on Република.

Холивудскиот глумец Брус Вилис се бори со тешка болест. Имено, Брус се бори со деменција во рана фаза, покажуваат најновите информации за здравствената состојба на 66-годишниот актер. Режисерот Мет Ескандари, кој работеше со него на снимањето на неколку филмови, ја откри неговата вистинска состојба.

Со него режирав четири филма, па знам од прва рака. Тажно е да се види легенда како Брус како се распаѓа пред вашите очи. Видов како е да се работи со него во последните неколку години, напишал тој во коментар на Твитер под видеото за гласините за болеста на Вилис.

Според пишувањата на медиумите, Брус Вилис сака да заработи што повеќе пари додека е во можност. Поради таа цел, тој презема улоги во филмовите Б категорија, односно нискобуџетните. Според порталот IMDB, само во 2022. година ќе има најмалку 11. нискобуџетни продукции со Вилис во актерската екипа.

Инаку, Брус Вилис, глумејќи во три дела од филмскиот серијал „Умри машки“, заработи речиси милијарда долари профит ширум светот. Во 1999. година заедно со Стивен Спилберг и Џејмс Камерон се најде на листата на 100. највлијателни луѓе во филмот што ја подготви англискиот месечник „Империја“.

The post Холивудскиот актер Брус Вилис има деменција appeared first on Република.

Нов труд којшто ги анализира трендовите на јавното здравје во 195 земји, предвидува дека деменцијата како заболување ќе ја имаат околу 153 милиони луѓе ширум светот до 2050 година. Тоа е околу трипати повеќе отколку во 2019 година.

Тројното зголемување на когнитивните нарушувања со оштетена меморија, вклучително и Алцхајмеровата болест, е поврзано со трендовите во факторите на ризик – дебелината, дијабетесот, ниското образование и пушењето. Испитувањата се објавени во „Глобал бурден оф дезис“ (Global Burden of Disease). Жените кои живеат со деменција и натаму ќе бидат побројни од мажите и наредните 30 години, според истражувањето, поради генетските фактори на опасност и подолгиот животен век, бидејќи ризикот од деменција се зголемува со возраста.

Истражувачите предвидуваат дека Северна Африка, Блискиот Исток и источна субсахарска Африка ќе доживеат најголем пораст на деменција, а бројките ќе се зголемат за четирипати. Спротивно на тоа, помал раст се очекува во побогатите земји во азиско-пацифичкиот регион и во Западна Европа.

Сепак, прогнозата може да се промени доколку се преземат соодветни мерки, се вели во придружниот коментар во истото списание.

Трудот дава „апокалиптични проекции кои не ги земаат предвид препорачаните промени во животниот стил“, велат лекарите од Универзитетската болница во Бордо, Франција – Мајкл Шварцингер и Керол Дуфоил, кои не биле вклучени во испитувањата.

Поради сето горенаведено, надлежни лица се обидуваат да осмислат политики насочени кон справување со опасноста од деменција, која е седма на списокот водечки причини за смрт во светот. Производителите на лекови, исто така, се обидуваат да осмислат терапии за борба против Алцхајмеровата болест.

Дури и скромниот напредок во спречувањето или одложувањето на деменцијата би се исплатувал неверојатно, вели водечкиот автор на испитувањата, Ема Николс од Институтот за здравствена метрика и евалуација при Универзитетот во Вашингтон во Сиетл, САД.

За да имаме најдобри резултати, мора да ја намалиме изложеноста на водечките фактори на ризик во секоја земја, објасни таа.

Иако се барани од многу компании, лековите за Алцхајмерова болест досега покажаа ограничена делотворност во борбата против деменцијата.

The post Научници со предвидување: Ќе расте деменцијата во светот appeared first on Република.