123 функционери кријат 30 милиони евра вреден имот со месеци, а дел од нив и со години, односно не поднеле анкетни листови иако за тоа имаат законска обврска. Со месеци па дури и со години ДКСК не покренала постапка.  Дали со ова се праќа порака дека може да се прави криминал и доколку си член на СДС И ДУИ нема да одговараш.  Што се крие и кој се крие во аферата Тајни имоти, па власта се спрегна во релативизирање, пуштајќи дури и тези дека не се работело за првиот ешалон на власта, туку за вториот или третиот”, порача пратеникот од ВМРО-ДПМНЕ, Бране Петрушевски на денешната собраниска седница посветена на пратенички прашања.

Според него криењето на имот од над сто функционери не може никако да е случајност, туку тука постои основано сомнение дека се работи за системско криење на имот.

И веќе четврти ден наместо одговорност и оставки  од функционерите, гледаме бледи соопштенија и обиди за маргинализирање на случајот.  Доколку не станува збор за системско криење, тогаш Ковачевски треба да побара пресек од Антикорупциска комисија на сите функционери кои не пријавиле имот и истите да ги разреши веднаш затоа што не го почитуваат законот”, рече Петрушевски.

Пратеникот посочи дека доколку не го направи тоа Ковачевски фрла само поголем сомнеж дека се работи за системско криење на имот.

Едноставно не може да не знаеле дека имаат законска обврска да го пријават имотот”, рече Петрушевски кој упати едно прашање до премиерот Димитар Ковачевски кое гласи „зошто ги штитите функционерите кои кријат имот или и самите криете имот стекнат преку аферата „Броило”. Второ прашање го упати до претседателката на Антикорупциска, Билјана Ивановска, „колку вкупно функционери по стапување на функција, или во рок од 30 дена по стапување на истата немаат поднесено анкетни листови”.

Седиштето на ВМРО-ДПМНЕ е синоним за криминал и незаконски имот стекнат врз грбот на граѓаните истакна премиерот Димитар Ковачевски во одговор на пратеничко прашање на денешната седница на Собранието.

Со судска пресуда од предметот Талир 2 е докажано  дека  дворецот што вреди седум милиони  евра е незаконски и криминално стекнат, врз грбот на граѓаните, односно со пари украдени од граѓаните. Тоа значи дека тие кои тогаш биле на власт, краделе од граѓаните, граделе имот, се луксузирале, и на незаконски начин изградиле објект додека граѓаните тонеа во сиромаштија и долгови, во време кога минималната плата беше 9.000 денари двојно помалку од денес, кога социјалната помош беше три пати помала од денес.

Се злоупотребувале милионски суми на пари, се злоупотребувале процедурите, Деталниот урбанистички план за таа зграда е три пати менуван за да може ВМРО-ДПМНЕ да добие 12.000 квадратни метри за седиштето, а на местото на станбена зграда, да никне хотел. Таа шема е докажана на суд.

Затоа кога се зборува имот, прво треба да се погледне во сопствениот двор, посочи Ковачевски.

Ковачевски порача дека секој државен функционер мора да го пријави до Државната комисија за спречување корупција и за тоа отстапка нема.

Секој функционер, без разлика од која политичка партија доаѓа, без разлика на која државна позиција е должен согласно закон, да поднесе анкетен лист за се она што го поседува до Државната комисија за спречување корупција. Сите оние кои не го сториле тоа во законскиот рок треба да бидат санкционирани согласно законот. И од тоа никој никогаш не добил заштита ниту од мене, ниту од кој било друг член на Владата.

Се што јас поседувам сум го стекнал низ 22 годишната кариера и сето тоа е пријавено во ДКСК и секоја промена навремено е доставена до ДКСК.

Вие фабрикувавте афера која нема никаква основа, а ја фабрикувавте затоа што вашата партија, вашиот претседател и вашата градоначалничка на Град Скопје се најдовте во средиште на огромна афера која сами си ја отворивте и себе си се обвинувавте кој какви тендери местел во Водовод Скопје, кој какви вработувања правел, бидејќи тоа беше единственото нешто за кое се зборуваше, вие решивте да фабрикувате афера, порача Ковачевски.

The post Петрушевски до Ковачевски: Зошто ги штитите функционерите кои кријат имот или и самите криете имот стекнат преку аферата „Броило“ appeared first on Република.

Од ВМРО-ДПМНЕ обвиниваат дека половина месец од Јавното обвинителство (ЈО) и ДКСК нема реакција за аферата „Броило“, односно за тоа како додека Ковачевски е функционер, фирма основана од него земала државна помош.

Невидено е ЈО и ДКСК да немаат институционален одговор повеќе од половина месец на голем број изнесени факти за судир на интереси и тргување со влијание во аферата Броило. Во центарот на таа афера и соларниот картел е дезертерот Ковачевски, а свртени се над 26 милиони евра.

 

ДКСК во обид предвремено да го амнестира Ковачевски, кажа дека нема судир на интереси во аферата Броило, и уште повеќе се заглави, бидејќи и самиот Ковачевски призна дека додека е заменик министер за финансии се префрлани пари на Пиксел груп, фирма која е основана од него. ВМРО-ДПМНЕ потоа поднесе претставка до ДКСК за аферата Броило, но од таму молк.

 

Не реагира ниту ЈО, иако има сознанија и факти во медиумите дека фирма основана од премиерот, е вмешана во афера тешка над 26 милиони евра. Пиксел груп е фирмата која за една година откако е формирана гради фабрика за фотовилатици, а 8 месеци откако Ковачевски станува премиер влегува во инвестиција од 54 милиони евра во ТИРЗ Тетово заедно со новоформирана бугарска фирма.

 

Подемот и успехот на Пиксел груп се врзани со времето додека СДС е власт во Македонија. А во истиот тој период КМГ ЕОЛ Квазар сопственост на кумот на Ковачевски добива 2 милиони евра државни тендери и склучува договор со ЕВН тежок над 2 милиони евра. Аферата Броило го извади на површина соларниот картел околу Ковачевски.

 

И институциите мора да отворат постапки. А не предвреме да го амнестираат, за потоа да бидат демантирани од самиот Ковачевски - велат од ВМРО-ДПМНЕ.

The post ЈО и Aнтикорупциска без реакција за тоа што додека Ковачевски е функционер, фирма основана од него земала државна помош appeared first on Република.

Кога веќе Антикорупциска реши да биде адвокат во одбрана на криминалот на Ковачевски, тогаш Јавното обвинителство да се одважи и да отвори случај за аферата Броило од 26 милиони евра, се вели во партиското соопштение на опозициската ВМРО-ДПМНЕ.

Јавното обвинителство не смее да замижува пред фактите за криминалното здружување на соларниот картел предводен од Димитар Ковачевски и неговиот кум Горан Паунов преку кој црпеле милионски суми државни пари додека граѓаните едвај преживуваат. Не може за обвинителството да молчи пред фактот дека овие пари соларниот картел ги заработил најмногу во периодот откако Ковачевски е функционер и во центарот да биде токму Пиксел груп, фирмата во која тој е еден од основачите. Ковачевски и неговиот кум Паунов ја формирале Пиксел груп откако СДС доаѓа на власт и истата од 2019 до 2021 година добива над половина милион евра државна помош. И за да биде криминалот очигледен половина од времето Ковачевски е на функција. Воедно над 200.000 евра се земени во периодот кога Ковачевски е мандатар за состав на нова влада. И тука не запрел овој соларен картел со црпењето државни пари. КМГ ЕОЛ Квазар, фирма основана од кумот на Ковачевски добила речиси 2 милиони евра за тендери за поставување на фотоволтаични панели и тоа баш произведени од Пиксел груп, основана од Ковачевски и неговиот кум. Не може да биде случајно фирмата на кумот и ортак на Ковачевски да склучи и договор за монтирање фотоволтаични панели од над 2 милиони евра, баш кога тој е заменик министер. Сепак, дека без осет црпеле државни пари, покажува и фактот дека откако Ковачевски станува премиер фирмата која тој ја основал се заортачува со бугарска компанија и заедно градат фабрика во ТИРЗ Тетово во вредност од 54 милиони евра. Поочигледен случај за криминал, злосторничко здружување и тргување со влијание, обвинителството и не може да најде. Се што треба е да собере храброст и да отвори случај за соларниот картел предводен од Ковачевски, истакнуваат од опозициската партија.

The post ВМРО-ДПМНЕ: Антикорупциска реши да биде адвокат на Ковачевски, ЈО нека се одважи и да отвори случај за аферата Броило и 26 милиони евра appeared first on Република.

Кога веќе Антикорупциска реши да биде адвокат во одбрана на криминалот на Ковачевски, тогаш Јавното обвинителство да се одважи и да отвори случај за аферата Броило од 26 милиони евра, се вели во партиското соопштение на опозициската ВМРО-ДПМНЕ.

-Јавното обвинителство не смее да замижува пред фактите за криминалното здружување на соларниот картел предводен од Димитар Ковачевски и неговиот кум Горан Паунов преку кој црпеле милионски суми државни пари додека граѓаните едвај преживуваат. Не може за обвинителството да молчи пред фактот дека овие пари соларниот картел ги заработил најмногу во периодот откако Ковачевски е функционер и во центарот да биде токму Пиксел груп, фирмата во која тој е еден од основачите. Ковачевски и неговиот кум Паунов ја формирале Пиксел груп откако СДС доаѓа на власт и истата од 2019 до 2021 година добива над половина милион евра државна помош. И за да биде криминалот очигледен половина од времето Ковачевски е на функција. Воедно над 200.000 евра се земени во периодот кога Ковачевски е мандатар за состав на нова влада. И тука не запрел овој соларен картел со црпењето државни пари. КМГ ЕОЛ Квазар, фирма основана од кумот на Ковачевски добила речиси 2 милиони евра за тендери за поставување на фотоволтаични панели и тоа баш произведени од Пиксел груп, основана од Ковачевски и неговиот кум. Не може да биде случајно фирмата на кумот и ортак на Ковачевски да склучи и договор за монтирање фотоволтаични панели од над 2 милиони евра, баш кога тој е заменик министер. Сепак, дека без осет црпеле државни пари, покажува и фактот дека откако Ковачевски станува премиер фирмата која тој ја основал се заортачува со бугарска компанија и заедно градат фабрика во ТИРЗ Тетово во вредност од 54 милиони евра. Поочигледен случај за криминал, злосторничко здружување и тргување со влијание, обвинителството и не може да најде. Се што треба е да собере храброст и да отвори случај за соларниот картел предводен од Ковачевски, истакнуваат од опозициската партија.

26 милиони евра се украдени од граѓаните во аферата Броило, пари кои можеле да се наменат за помош за граѓаните кои не знаат како ќе си ги платат сметките. Затоа ЈО не смее да молчи пред фактите и да застане во одбрана на криминалот. Одговорност мора да има! Порачуваат од ВМРО-ДПМНЕ.

The post ВМРО-ДПМНЕ: Јавното обвинителство да се одважи и да отвори случај аферата Броило на Ковачевски од 26 милиони евра appeared first on Република.

Јавното обвинителство треба да отвори случај и да го испита целиот соларен картел на Ковачевски, тежок 26 милиони евра, велат од ВМРО-ДПМНЕ.

Јавното обвинителство треба да ги земе предвид следните факти.

Ковачевски и неговиот кум Горан Паунов заедно ја основаат фирмата Пиксел груп која е во центарот на соларниот картел и аферата Броило.

Оваа компанија е основана само 5 месеци откако СДС доаѓа на власт во 2017 година.

Од 2019 до 2021 година оваа компанија добива над половина милион евра државна помош, при што половина од времето Ковачевски е на функција.

Најголемата сума на државна помош, од над 200 илјади евра фирмата добива ден откако Ковачевски е избран за мандатар.

Дополнително, КМГ ЕОЛ Квазар, фирма основана од ортакот и кумот на Ковачевски зема скоро 2 милиони евра државни тендери. Тендерите се за поставување на фотоволтаични панели кои ги произведува Пиксел груп, основана од Ковачевски. Додека Ковачевски е заменик министер за финансии, фирмата на кумот склучува договор за испорака и монтирање на фотоволтаични панели во вредност од над 2 милиони евра.

И на крајот, 4 месеци откако Ковачевски станува премиер, фирмата која тој ја основал се заортачува со бугарска компанија и заедно градат фабрика во ТИРЗ Тетово во вредност од 54 милиони евра. Патем во овие зони важат повластици,а според информациите во јавноста и ќе конкурираат за државна помош.

Ова наликува на злосторничко здружување по сите нишани. Износите се милионски, лице основач и близок до фирмата е на високи државни позиции, има можност да тргува со влијание, кумот ги води бизнисите, а броилото врти ли врти во време на криза кога останатите едвај врзуваат крај со крај.

Јавното обвинителство треба да ги земе сите овие факти во предвид и да не чека, туку веднаш да ги испита и да утврди кој и како работи за личните и бизнис интереси, наместо за државните.

 

The post Аферата Броило наликува на злосторничко здружување со сите нишани, Јавното обвинителство да го испита соларниот картел околу Ковачевски appeared first on Република.

Дезертерот Ковачевски сам призна дека додека бил заменик министер за финансии е исплаќана помош на фирмата Пиксел груп, основана од него, а сега во центарот на аферата „Броило“, тешка 26 милиони евра. ДКСК се буквално пуштени низ вода по вчерашната изјава на Ковачевски, кој сам призна дека наводите од нашите прес конференции се целосно точни, и дека во време кога тој е заменик министер за финансии е исплаќана помош на фирма основана од него, а сега во посед на неговиот кум, изјави пратеникот од ВМРО-ДПМНЕ Миле Лефков на денешната прес конференција.

Тој посочи дека вчера ДКСК предвреме се обиде да го амнестира Ковачевски.

Јасно е дека гласот на ДКСК е Ковачевски кој сака да гоа испере криминалот преку наводна констатација на ДКСК дека нема криминал. Како тоа утврдија дека нема судир на интереси и трговија со влијание кога Пиксел груп формирана од самиот Ковачевски е основана 5 месеци откако СДС доаѓа на власт во 2017 година? И за само една година оваа фирма гради фабрика за фотоволтаици. Кои факти ги анализираше ДКСК и врз основа на кои документи утврди дека нема судир на интереси треба да елаборира пред јавноста? Истата оваа Пиксел груп, 8 месеци откако Ковачевски станува премиер влегува во инвестиција од 54 милиони евра, за изградба на фабрика во ТИРЗ Тетово за производство на фотоволтаични панели заедно со бугарски партнер. Бугарската фирма – партнер на Пиксел груп основана од Ковачевски, е основана неколку месеци откако Ковачевски станува премиер во Македонија. Кога ДКСК одлучи повторно да ја штити власта, сега останува ЈО да го истражи патот на парите во Пиксел груп, основана од Ковачевски и неговиот кум, а сега водена само од неговиот кум. Како оваа фирма се наоѓа во вртлогот на аферата Броило од 26 милиони евра, и дали се користени државни влијанија? Не смее да се заборави, ниту дека Пиксел груп е фирмата која ги произведува фотоволтаичните панели, кои КМГ ЕОЛ Квазар на кумот на Ковачевски ги монтира на тендерите добиени од државата во висина од 2 милиони евра, и договорот со ЕВН во вредност од над 2 милиони евра Дека се наликува на злосторничко здружение околу Пиксел груп е и фактот што оваа фирма добива над половина милион евра државна помош, а за половина од тоа време Ковачевски е заменик министер и мандатар за избор на нова влада, појасни Лефков.

Пратеникот порача ЈО да не чека и да истражи, дали и колкаво е влијанието на Ковачевски и дали тој ја злоупотребил својата положба во трупањето на милиони на соларниот картел.

А ДКСК да престане политички да го амнестира врвот на владата, а со тоа и соларниот картел, а за многу кратко ќе објавиме и кои се причините поради ваквата заштита, додаде тој.

https://youtu.be/qdIaf7_KeRM

The post Лефков: ДКСК пуштени низ вода, дезертерот Ковачевски призна дека додека бил заменик министер е исплаќана помош на „Пиксел груп“, која е во центарот на аферата Броило appeared first on Република.

ДКСК и ЈО да се охрабрат и да отворат случај за Димитар Ковачевски и неговиот кум Паунов кои на сомнителен начин заработиле 26 милиони евра, порачуваат од ВМРО ДПМНЕ.

Ковачевски и Паунов злосторнички се здружиле и 5 месеци откако антимакедонската СДС е на власт во 2017та година ја основале Пискел Груп.

Во рок од една година Ковачевски и Паунов отвораат фабрика за производство на фотоволтаични панели, а преку државна помош земале 2 милиони евра, додека пак во период кога Ковачевски е заменик министер за финансии, фирмата на кумот на Ковачевски прави договор со ЕВН во вредност од над 2 милиони евра.

Аферата „Броило“покажува сериозна спрега помеѓу криминалот и Димитар Ковачевски. Институциите да не го оправдуваат криминалот на Ковачевски и Паунов и веднаш да отворат случај по допрен глас.

Дополнително, истата фирма која е основана од Ковачевски, само 8 месеца по стапување на функциката претседател на Владата влегува во инвестиција во фабрика во ТИРЗ Тетово, заедно со ново формирана бугарска фирма, која пак е во висина од 54 милиони евра, а според учеството во уделите, делот кој Пиксел Груп треба да го инвестира е скоро 22 милиони евра.

Ковачевски ја користи функцијата за лично богатење, додека народот осиромашува.

И самиот Ковачевски вчера во гостување на национална телевизија призна дека неговата компанија добила државни пари, што е доволен доказ дека тој свесно ја користел позицијата за лично богатење.

Токму затоа ДКСК и ЈО веднаш да отворат случај за Ковачевски и Паунов и да не се ставаат во одбрана на криминалот, во спротивно истите се соучесници во соларниот картел тежок 26 милиони евра.

Со промена на власта и ослободување на институциите ќе следи одговорност, велат од ВМРО ДПМНЕ.

The post ДКСК и ЈО да отворат случај за аферата „Броило“, во која Ковачевски и Паунов преку соларен картел заработиле 26 милиони евра appeared first on Република.

Очекувана беше реакцијата СДС по паушалната изјава на Ивановска дека нема да отвори предмет за Ковачевски и аферата Броило, реагираатод ВМРО-ДПМНЕ.

Ниту не почекаа да ја добијат претставката за Ковачевски и броило, влијанието и вмешаноста во скандал тежок 26.000.000 евра, туку излегоа во јавност дека нема да отворат предмет, веројатно по допрен глас директно од Ковачевски.

Во услови на криза некој профитира, добива 26.000.000 евра, постои сериозна индиција за трговија со влијание, а ДКСК однапред крева раце.

Ова е уште еден во низата коруптивни скандали и спречување на борбата со корупцијата што ја втурна државата во кризи и сиромаштија.

За многу кусо време јавноста ќе ја види спрегата на ДКСК со СДС, стои во партиската реакција.

The post Очекувано беше ДКСК да не почека ниту да ја добие претставката за Ковачевски за аферата Броило и однапред кренаа раце appeared first on Република.

На денешната прес конференција претседателот на ВМРО-ДПМНЕ, Христијан Мицкоски одговарајќи на новинарско прашање во однос на аферата „Броило“ истакна дека аферата „Броило“ е воено профитерство на Ковачевски и е лош пример за сите во државата кои што имаат такви амбиции, затоа е потребно многу внимателно да се следи и од ДКСК.

Па денеска гледам има став од антикорупциска комисија од претседателката ако не се лажам Билјана Ивановска дека таа не видела случај без да ја види претставката која што евентуално како политичка партија би ја поднеле до државната комисија за спречување на корупцијата, се надевам дека нема така експресно да делуваат како што тоа го направи денеска пред време на прашање на еден медиум, и се надевам дека многу сериозно ќе му пристапат на овој случај, затоа што многу внимателно ќе го следиме овој случај, многу внимателно ќе го следиме, бидејќи во услови на криза некој профитира на грбот на граѓаните, тоа на времето ги викаа воени профитери, народот едвај крај со крај врзува, од први до први, компаниите се борат едвај да опстанат а некој на грбот на народот профитира, тргува со влијание тоа не е добро, тоа е многу лошо и тоа е лош пример за сите во државата кои што имаат такви амбиции, затоа многу внимателно нека го гледаат и ние ќе го следиме внимателно овој процес, истакна Мицкоски.

https://youtu.be/RvpJExWy4hk

The post Мицкоски: Аферата „Броило“ е воено профитерство на Ковачевски appeared first on Република.

Аферата „Броило“ раѓа нови факти. Соларниот картел сконцентриран околу дезертерот Ковачевски, кој е фатен како врти 26 милиони евра, ги открива и длабоките корени, кои овој картел ги има во самата СДС, рече на денешната прес конференција Миле Лефков.

Имено Горанчо Паунов, освен што е кум на Ковачевски, освен што е основач на КМГ ЕОЛ Квазар, освен што е коосновач на „Пиксел груп“ заедно со Ковачевски е и партиски пиун во СДС.

Во 2005-та година Горанчо Паунов, тогаш е актуелен претседател на општинската организација на СДС во Гази Баба, и на локалните избори во 2005-та година, СДС го става на листата за советници во општинскиот Совет. Практично кумот на Ковачевски е советник во Советот на Општина Гази Баба во мандат од 2005-та до 2009-та година. Согласно актуелните случувања и кривичната пријава, која Горанчо Паунов ја има за извршен надзор на проектот за поставување на улични лед светилки и бандери во Гази Баба. Кој што криминал е тежок над 11 милиони денари покажува дека Горанчо Паунов уште во далечната 2005-та година, ги поставува корените, за сега само од позиција на бизнисмен СДС да го ангажира него и неговата фирма за вршење на надзорот каде Финансиската полиција утврдува дека се ставани потписи за нешто што воопшто не постои.

Длабоките конекции на Паунов со СДС и функциите во партијата сега му овозможуваат да заработува.

Вториот факт за поврзаноста на Паунов, не само со Ковачевски, туку и со СДС е неговото именување за кандидат за советник во Советот во Град Скопје во 2009-та година. Функциите во СДС продолжуваат и во 2013-тата година, кога кумот на Ковачевски е избран за претседател на Советот за инвестиции и инфраструктура, партиска позиција во рамки на СДС.

По доаѓањето на СДС на власт, во 2017-та година, почнува бумот на соларниот картел.

Ковачевски и неговиот кум преку фирмите од аферата „Броило“, која зазема милионски димензии земаат државни тендери во вредност од 2 милиони евра, и склучуваат договор со ЕВН исто во износ од 2 милиони евра.

Аферата „Броило“ откри дека кумот и кумашинот работат за личен, но и партиски бизнис интерес.

Ние продолжуваме со објавување на детали од соларниот картел, за кој одговорност мора да има.

https://www.youtube.com/watch?v=4DSBTnLXado

The post Лефков: Соларниот картел има длабоки врски во СДС, Паунов, кум на Ковачевски, е поранешен функционер во СДС, советник во Град Скопје и претседател на партиски совет appeared first on Република.

Прв ден откако Ковачевски е мандатар за влада фирмата основана од него Пиксел груп добива 203 илјади евра државна помош, велат од ВМРО-ДПМНЕ.

Од партијата истакнуваат дека во период од 2019 година до 2021 година Пиксел груп основана од дезертерот Ковачевски од владата и од ФИТР добила над половина милион евра помош. Во половина од тој период Ковачевски е заменик министер за финансии.

-Ковачевски е во центарот на соларен картел тежок 26 милиони евра, а Пиксел груп основана од него е фирмата околу која се врти аферата Броило. Аферата Броило не завршува само кај фирмите на соларниот картел, туку тие учествувале во прикривање на неправилности и како надзор. Имено фирмата на кумот на Ковачевски, КМГ ЕОЛ Квазар е надзор над проектот за промена на постојните светилки и поставување на бандери во општина Гази Баба, додека со неа управува кадар на СДС. Според утврденото од општината, но и според Финансиската полиција фирмата изведувач пишувала дека поставила бандери или сменила светилки, на места каде воопшто ги немало, и сето тоа било со потпис на надзорор, т.е. фирмата на кумот на Ковачевски, се наведува во соопштението.

За овој случај веќе се води истрага.

Мрежата во соларниот картел допрва ќе се отплетува. А дезертерот Ковачевски да не чека и да си поднесе оставка веднаш, додаваат од партијата.

The post ВМРО-ДПМНЕ денес ќе објави нови детали за аферата „Броило“ appeared first on Република.

Дезертерот Ковачевски може да бега од одговори, може да се прави недоветен, може да се крие зад кумот, ама аферата Броило го разоткри соларниот картел кој што го создал околу себе, тежок над 26 милиони евра, ова денеска преку соопштение до јавноста го истакнаа од ВМРО-ДПМНЕ.

Постои основано сомнение дека преку трговија со влијание се обезбедувани милионски бизниси, притоа злоупотребувајќи државни позиции и функции.
Фирмата која ја основал Ковачевски, Пиксел груп заедно со една бугарска компанија основале фирма АЕ СОЛАР АД Тетово за производство на фотоволтаични панели во ТИРЗ ТЕТОВО. Сето ова се случува откако Ковачевски е станат премиер. Симптоматично и бугарската компанија партнер исто така е формирана откако Ковачевски станува премиер. Оваа новопечена, ќе ја наречеме “бугарско-ковачевска“ инвестиција според информациите од медиумите треба да добие државна помош, што би било судир на интереси, бидејќи владата предводена од Ковачевски ќе даде помош на бизнис во кој удел има компанија основана од Ковачевски, а водена од неговиот кум, велат од партијата.

Од таму додаваат дека да биде матната зделка целосна, постои основан сомнеж дека оваа компанија од Тетово која е дел од соларниот картел поврзан со Ковачевски треба да произведува и продава фотоволтаици за ФЕЦ Осломеј во која државата има удел.

Ете тоа е БРОИЛОТО кое брои милиони евра на контото на соларниот картел на Ковачевски, додека народот и стопанството тонат кон банкрот. Дезертерот Ковачевски треба да каже дали и колку државна помош треба да добие компанијата АЕ СОЛАР од Тетово која е дел од овој соларен картел? Дали и колку од произведените панели треба да ги продаде на ФЕЦ Осломеј во кој државата има удел? И на крај да каже каде и колку тој лично влијаел ваквата бизнис шема да се развива и БРОИЛОТО да врти милиони? Освен овие следат и други детали за оваа афера Броило, стои во партиското соопштение.

The post Дали компанија од соларниот картел на Ковачевски со државна помош гради фабрика за панели кои потоа ќе ги продава на ФЕЦ Осломеј кај што државата има удел? appeared first on Република.

Христијан Мицкокси, претседател на ВМРО-ДПМНЕ во своето гостување во емисијата „Студио 10“ говореше за аферата броило каде истакна дека оваа афера покажува сериозна трговија на влијание на Ковачевски и неговиот кум.

– Ние докажуваме, ние велиме оваа компанија ја формирал тој и тој, оваа компанија склучила договор со таа компанија, тој кој ја формирал сега е на висока државна позиција, на првата позиција. Ете тој и да нема ништо во моментот, има кумот, дали не е тоа трговија со влијание? запраша Мицкоски.

Мицкоски истакна дека деновиве ќе поднесе тужба за клевета затоа што СДС го нарекува „докажан криминалец“, а немаат докази за тоа.

-Сега ќе треба тоа што го тврдат да го докажат на суд, денеска или најдоцна утре ќе поднесам пријава за клевета бидејќи вчера ме нарекоа, така како што ме нарекоа „докажан криминалец“, сакам да ги видам тие докази каде јас сум осуден правосилно за сторен криминал, морам да го тужам СДС за клевета да се извини или неколку дена да им оставам простор да се извинат бидејќи навистина ја поминуваат секоја пристојна граница. Ги поминавме билбордите, флаерите ги поминавме, ја поминавме кампањата, сепак на крајот од денот јас сум универзитетски професор, еве денеска почна семестарот пред мене имаше 90 студенти во втора година факултетот и сега јас сум бил „докажан криминалец“, треба да го докажат тоа, да ја покажат пресудата каде докажале дека сум криминалец, додаде Мицкоски.

The post Мицкоски најавува тужба: Вистината е во аферата броило која покажува сериозна трговија на влијание на Ковачевски и кумот, СДС се брани со лаги кон мене appeared first on Република.

ВМРО-ДПМНЕ фабрикува лаги, Ковачевски не е дел од сопствеништвото на Пиксел Груп, реагираат од СДСМ откако денеска ВМРО-ДПМНЕ објавија за аферата „Броило“, во која се открива дека фирма основана од премиерот Димитар Ковачевски и неговиот пријател и кум Горан Паунов добила милиони евра преку државата.

https://republika.mk/vesti/makedonija/afera-broilo-dimitar-kovachevski-i-negoviot-kum-zdruzeni-vo-solaren-kartel-svrtele-26-milioni-evra/

Конкретно за оваа компанија Пиксел Гроуп Доо Скопје, Димитар Ковачевски не е дел од сопственичката структура, ниту пак е сопственик.
Уште на ден 28.09.2020 г Димитар Ковачевски во целост го повлече износот на финансиските средства вложени за обезбедување на почетната ликвидност на компанијатa. Тоа е јавно соопштено, за да може целосно да се посвети на функцијата којашто тогаш ја извршуваше, земеник министер за финансии. Сето ова може да види и во Анкетниот лист на премиерот, вели пратеничката на СДСМ, Даниела Марковска на денешната прес-конференција свикана за одбрана на лидерот на партијата.

Таа вели дека ВМРО-ДПМНЕ е очајно и „го напаѓа претседателот Ковачевски затоа што е чесен и затоа што работи за граѓаните додека Мицкоски се кара за тендери и провизии“.

Фатени со рацете во медот за тендер од 136 милиони евра ВМРО-ДПМНЕ и шпицниот градоначалник Мицкоски продолжуваат со фабрукување лаги и невистини за претседателот на СДСМ, Димитар Ковачевски.
Дека станува збор за фабрикувана манипулацијата на ВМРО-ДПМНЕ се гледа и од тоа што споменуваат државна помош за компаниите, којашто се однесува на сите компании кои исполниле услови, вели Даниела.

Покрај денешната прес-конференција на ВМРО-ДПМНЕ, аферата, како дел од истражувачка серија, беше обелоденета вчера:

https://republika.mk/vesti/makedonija/kumot-na-premierot-primil-dva-milioni-evra-vo-tenderi-i-drzavna-pomosh-zasega/

The post СДСМ за аферата „Броило“: Го напаѓаат Ковачевски затоа што е чесен appeared first on Република.

Аферата броило значи само едно – трговија со влијание, преку злосторничко здружување во Соларен Картел.

Фирми основани од Димитар Ковачевски и негови семејни врски вртат милионски суми во енергетскиот бизнис, и тоа додека Македонија е на колена, а народот осиромашен се бори секој ден да преживее. Аферата Броило ќе покаже како Ковачевски и една тесна клика се здружиле во картел кој печали и добива лична корист, истакна на денешната прес конференција Миле Лефков, пратеник и член на ИК на ВМРО-ДПМНЕ.

Пиксел груп – фирма основа од Ковачевски и неговиот кум Горан Паунов, заедно со фирмата КМГ ЕОЛ Квазар, фирма само на кумот Паунов, се вмешани во бизниси во вредност од 26 милиони евра!

Во Соларниот Картел, Ковачевски и неговиот кум Паунов, по основањето на Пиксел груп, во 2018 година градат фабрика за производство на фотоволтаични панели во Кочани.

Еве доказ за тоа – фотографија од отворањето на фабриката, на која се гледа како кумовите Ковачевски – Паунов прославуваат свечено отворање на фирмата со торта.

Фирмата станува централна во бизнисот, околу која се вртат 26 милиони евра. Аферата БРОИЛО е шема која покажува како преку Пиксел груп и фирмата КМГ ЕОЛ Квазар Соларниот Картел ги свртеле парите.

Само од државни тендери во изминативе неколку години овие фирми инкасирале 1.8 милиони евра - рече Лефков.

Понатаму тој објасни:

Во 2021 година, кога Димитар Ковачевски е заменик министер за финансии, КМГ ЕОЛ Квазар склучува договор со ЕВН, врз која сега Ковачевски како премиер има мандатна сопственост преку државниот удел во ЕВН, и тоа договор за изведба на работи и испорака на фотоволтаични панели, во вредност од над 2 милиони евра.

Аферата броило зазема димензии од десетици милиони евра, кога пред месец и половина, Пиксел груп најави дека влегува во фаза на инвестиција во фабрика за производство на соларни панели во индустриската зона во Тетово, во вредност од 54 милиони евра. Ова е зона во која инвеститорите имаат даночни и царински ослободувања, а според написите во медиумите се очекува да потпишаат и договор за државна помош.

Фирмата е регистрирана под името АЕ Солар АД Тетово, како заедничка на Пиксел груп која поседува 40%, и 60% поседува фирма од Бугарија. Горанчо Паунов, кумот на премиерот Димитар Ковачевски веќе е поставен како еден од двајцата извршни директори на АЕ Солар АД Тетово. Инвестицијата на Пиксел груп треба да биде 21.6 милиони евра, соодветно на процентот на учество.

Со тоа, Ковачевски како премиер, ќе му потпише договор за државна помош, на кумот Горанчо Паунов како извршен директор на фирмата, во која 40% од сопственоста е на Пиксел груп, основана заедно со Ковачевски!

И сето ова се случува во период откако друга бугарска фирма најави инвестиција во ФЕЦ Осломеј, каде државата е партнер со 18.5%. А за која инвестиција бугарската фирма партнер на Пиксел груп се пофали на нивната интернет страница. Па оттука се поставува прашањето дали панелите произведени во фабриката во Тетово ќе завршат во ФЕЦ Осломеј, каде државата е застапена со 18.5%? И каква е улогата на Ковачевски кој се јавува како основач на фирмата која е во кругот на бизнис интересите од оваа шема, но сега и како премиер?

Лефков праша дали со фабриката во Тетово, во која Пиксел груп основана од Ковачевски е сопственик ќе се монополизира пазарот на производство и продажба на фотоволтаични панели?

Сето ова се случува во услови кога постојано се најавуваат нови поскапувања на електричната енергија за граѓаните, а бизнисот во Македонија плаќа двојно поскапа електрична енергија од бизнисот во регионот.

Во наредниот период целосно ќе откриеме како во аферата броило фирми блиски до Ковачевски стигнале да свртат 26 милиони евра.

Го повикуваме Ковачевски да не чека да ги објавуваме деталите, веднаш да каже каква е неговата вмешаност во сите бизниси на овој соларен картел и веднаш да си поднесе оставка- рече на крајот Лефков.

The post Афера „Броило“: Димитар Ковачевски и неговиот кум здружени во Соларен Картел свртеле 26 милиони евра appeared first on Република.

Денес граѓаните ќе дознаат кои се кризните профитери во Македонија, аферата Броило ќе ги открие фирмите и профитерите кои се богателе на маката на граѓаните, најави опозициската ВМРО-ДПМНЕ.

Од партијата велат дека лице од власта краделе пари од граѓаните за време на кризните состојби во државата.

Во Македонија дневно затвораат по 10тина бизниси и на улица, без работа остануваат 100-тина луѓе, а некои преку криминални тендери и со пари на граѓаните се богатат. Клептоманите од СДС не мислеле, и не работеле за излез од енергетската криза, туку работеле за личен профит. На фирми на високи функционери од власта им вртело електричното броило за богатење. Аферата „Броило“ која ќе ја објавиме денес на прес конференција ќе ја открие вистината, за тоа кои фирми и кои функционери од анти македонската СДС се богателе на грбот на граѓаните. Ова афера ќе ги открие кризните профитери. Додека стопанството тоне, граѓаните не знаат како да ги платат високите сметки на електрична енергија, кризните профитери енормно се богателе. Скандалот Броило ќе ги разоткрие бизнис шемите за богатење на клептоманите од СДС, и исто така ќе покаже зашто оваа власт грчевито се бори за продолжување на кризната состојба во енергетиката, велат од опозициската партија.

The post ВМРО-ДПМНЕ денес ќе ја објави аферата „Броило“ за кризните профитери appeared first on Република.

Вчера околу 14,25 часот избувнал пожар на броило во куќа лоцирана на улица „Партизански Одреди“ во населба Раштански пат во Кичево.

По дојава дека на улица„ Партизански Одреди“ во населба Раштански пат, избувнал пожар на електрично борило во индивидуална станбена зграда, наша екипа со едно вoзило и четворица пожарникари се упати на местото на пожарот и по час и половина пожарот е целосно ликвидиран. Причините за пожарот и висината на материјалната штета допрва ќе се утврдуваат а како можна причина секако е неисправната инсталација на објектот, истакна командирот на ТППЕ Кичево, Горан Соколески.

Тој потсети дека во месец март вработените на Територијалната противпожарна единица во Кичево интеревенирале на дури 35 пожари, кои се појавиле на стрништа, оџаци, возила, електрични броила и друго.

Бројот на интервенции во март годинава е натпросечно висок ,бидејќи од последните неколку години само во 2019 година сме имале повеќе интервенции од годинава дури 97, рече командирот Соколески.

Тој упати апел до жителите на општина Кичево да бидат многу повнимателни каде палат оган, бидејќи превентивата е најголемиот дел од успехот и придонесува бројот на пожари да биде многу помал.

The post Пожар на броило во куќа во Кичево appeared first on Република.