Федералната управа за воздухопловство на САД (FAA) издаде препораки до авио-операторите кои летаат со авиони „Боинг 737-900 ЕР“ визуелно да ги проверат безбедносните делови на средните излезни врати и да се осигураат дека сите компоненти се во работна состојба.

По неодамнешното откинување на вратата за итен излез за време на летот на Алјаска ерлајнс, ФАА нареди приземјување на 171 авион Боинг 737 МАКС 9 на 6 јануари, пренесува Ројтерс.

ФАА во синоќешното соопштение соопшти дека авионите Боинг 737-900ЕР не се дел од поновата флота MAX, но имаат ист дизајн на бравата на вратата.

Федералната управа за воздухопловство потврди во неделата дека некои авиокомпании извршиле дополнителни инспекции на бравите на средните излезни врати на авионот Боинг 737-900ER, што откри аномалии во безбедносните завртки.

Портпаролот на авиокомпанијата потврди во е-пошта дека „компанијата целосно ги поддржува FAA и нејзините клиенти“ во овој безбедносен преглед.

The post Цела серија на „Боинг“ авиони оди на детална проверка откако се откина врата среде лет appeared first on Република.

Американската федерална агенција за цивилно воздухопловство (ФАА) нареди привремена суспензија на летовите со 171 авион Боинг 737 Макс 9 за да се провери нивната безбедност, пренесоа светските агенции.

Причина е несреќата со ваква машина во петокот на американската авиокомпанија „Аласка ерлајнс“, во која се скршил панел за време на летот. Авионот, кој патувал од Портланд, Орегон, до Онтарио, Калифорнија, принудно слетал назад во Портланд. Сите 171 патник и шесте членови на екипажот во авионот се неповредени.

Турскиот авиопревозник Туркиш ерлајнс, исто така, соопшти дека привремено повлекува пет од своите авиони Боинг 737 Макс 9 на проверка, објави Ројтерс. Авионите ќе останат на првиот аеродром на кој ќе слетаат.

Европската агенција за воздухопловна безбедност (ЕАСА) соопшти дека ќе ги спроведе упатствата на американската ФАА, но прецизираше дека ниту една авиокомпанија на ЕУ во моментов не управува со авиони од засегнатата конфигурација.

https://republika.mk/vesti/svet/avion-prinudno-sleta-otkako-prozorets-i-stranichen-zid-se-otkornaa/

The post САД и Турција го приземјија Боинг 737 Макс appeared first on Република.

Американскиот Национален одбор за безбедност на транспортот објави дека го истражува летот на Алјаска ерлајнс откако неговиот Боинг 737 мораше да изврши принудно слетување веднаш по полетувањето од Портланд.

Летот 1282 на Алјаска ерлајнс имаше несреќа по полетувањето, поради што принудно слета. Во авионот имало 174 луѓе и шест членови на екипажот, пренесува Ројтерс.

Објавите на социјалните мрежи покажаа дека недостасува прозорец и дел од страничниот ѕид на авионот. Засега нема коментар од производителот.

https://twitter.com/1in1indianews/status/1743482598037618896?ref_src=twsrc%5Etfw%7Ctwcamp%5Etweetembed%7Ctwterm%5E1743482598037618896%7Ctwgr%5Ebd7accd78f4d235667546e0b6432bdcf7cd74299%7Ctwcon%5Es1_&ref_url=https%3A%2F%2F4news.mk%2Fvideo-avion-prinudno-sleta-otkako-prozorets-i-stranichen-zid-se-otkornaa%2F

The post Авион принудно слета откако прозорец и страничен ѕид се откорнаа appeared first on Република.