Нема место во општина Гази Баба каде што во изминатиот период нема реализирано повеќе проекти. Имавме јавен настан, го презентиравме отчетот, вкупно 420 реализирани проекти и проекти кои се отпочнати со реализација, работевме макотрпно и затоа резултатите стигаат, изјави градоначалникот на општина Гази Баба, Бобан Стефковски на денешниот настан „Важно е! Платформа за иднина“ во рамки на кампањата Важно е! Од тебе зависат промените“.

Стефковски истакна дека општината ја затекнал во катастрофална ситуација во 21 век имало проблеми како недостаток на вода за  пиење, фекална канализација или асфалт и од првиот ден се работи на решавање на овие проблеми.

– Ќе продолжиме со оваа динамика за жителите од руралниот дел на Гази Баба да ги немаат овие проблеми кои ги имаа години наназад. Сериозно се посветивме на патната инфраструктура, за две години име асфалтирано улици во вкупна површина од 29.000 метри квадратни, во скоро сите населени места. Работевме на подобрување на образовната инфраструктура, за две години имаме инвестирано повеќе од 50 милиони денари само во основните училишта. Работевме на подобрување на спортската инфраструктура, 18 игралишта изградивме и реконструиравме, а она што сакам да ги потенцирам е дека конечно ја пуштивме новата спортска сала во  ОУ Кирил и Методиј и започнавме изградба на нова во Булачани, изјави Стефковски.

Стефковски нагласи дека еден од клучните проекти е обезбедување на бесплатна училишна униформа на сите 6800 ученици во Гази Баба за да се надминат социјалните бариери и воедно додаде дека централната власт ја кочи наменската обврзница со која треба да се реализираат 6 клучни проекти.

The post Стефковски: Со 420 реализирани и почнати проекти, нема место во Гази Баба каде нема нешто направено appeared first on Република.

На мое задоволство, денес во посета на општина Гази Баба е претседателот на ВМРО-ДПМНЕ, Христијан Мицкоски со кого имавме можност да направиме увид во реконструкцијата на асфалтирање на улици во населеното место Гоце Делчев. Општина Гази Баба оваа година за прв пат во историјата има определено најголем број на финансиски средства и планираме да асфалтираме повеќе од 40 улици на територија на општина Гази Баба. До сега се асфалтира улици во населените места Брњарци, Булачани, Идризово, Ергеле, Гоце Делчев и Ченто. Во наредниот период продолжуваме да асфалтираме улици во други населени места. Дополнително се наоѓаме на втората локација каде правиме отворање на спортски терен изграден со најсовремена тартан подлога и комплетно нова урбана опрема, изјави Боби Стефковски.

Општина Гази Баба оваа година особено во летниот период инвестираше во спортската инфраструктура. До сега се изградени осум терени со подлога од тартан и еден терен со подлога од вештачка трева, до крајот на годината ќе изградиме уште дополнителни три нови спортски терени.

Во периодот пред нас ќе продолжиме со реализација и на нови проекти. Започнуваме со решавање на деценискиот проблем на жителите на населеното место Брњарци со недостаток на питка вода за пиење, за многу кратко од денес започнуваме со изградба на водоводниот систем за ова населено место. Дополнително започнуваме со изградба на последната фаза од фекалната канализација во населеното место Црешево и секако она што е клучно барање на жителите од Хиподром е тоа што започнуваме со изградба на патната инфраструктура во новата населба Хиподром 2. Дополнително во наредниот период ќе се реализираат и други проекти за кои сите ние заедно ќе бидеме сведоци и ќе ги промовираме и презентираме пред граѓаните.

The post Стефковски: Планираме асфалтирање на повеќе од 40 улици, летово инвестиравме во спортска инфраструктура, а го решаваме и деценискиот проблем со недостаток на питка вода на жителите од Брњарци appeared first on Република.

Министерството а труд и социјална политика ги одзеде надлежностите на Општина Гази Баба над градинката Детска радост во Автокоманда. Градоначалникот на Општината, Боби Стефковски попладнево на социјалните мрежи најави прес-конференција за утре посочувајќи дека состојбата е загрижувачка.

Доцна попладнево пред крајот на работното време во општина Гази Баба пристигна Одлуката со која Министерката за труд и социјална политика ни ги одзема надлежностите над градинката Детска радост во Автокоманда.
Но она што загрижува е Одлуката на Министерката да ја врати разрешената директорка на чело на градинката, што е директна заштита на незаконско работење утврдено со ревизорски извештај.
Состојбата е загрижувачка и за таа цел закажувам прес конференција, утре 27.05.2023 година (сабота) со почеток во 11:00 часот во просториите на општина Гази Баба - стои во објавата на Стефковски

Претходно градоначалникот Стефковски обвини дека има низа неправилности во работењето на директорката на градинката Детска радост.

https://republika.mk/vesti/skopje/se-jadelo-i-pielo-na-smetka-na-gradinkata-stefkovski-ja-razreshi-direktorkata-na-detska-radost/

The post Тренчевска ми ги одзеде надлежностите на Стефковски за градинката Детска радост appeared first on Република.

Скопските градоначалници пригодно и во кругот на семејството ги пречекаа новогодишните и божиќните празници.

Првите луѓе на Кисела Вода, Ѓорче Петров и на Гази Баба посакаа за граѓаните, бериќет, благосостојба и мир.

The post Градоначалниците Георгиевски, Стојкоски и Стефковски со семејствата за Божик appeared first on Република.

општина Гази Баба го живее новото време, време на посветено транспарентно и отчетно работење. Општините се на народот и затоа граѓаните се тие кои што одлучуваат како да се трошат народните пари. Во оваа насока овој викенд во општина Гази Баба се реализира отворен ден во кој што граѓаните ги даваат  своите предлози и идеи кои ќе бидат составен дел од буџетот за 2023 година, изјави градоначалникот Орце Стефковски.

Исто така изминатиот период како општина организиравме еден граѓански дијалог со директни средби со граѓаните во 24 месни урбани заедници. Искрено од одзивот и интересот на граѓаните сум задоволен, а секако и од идеите кои што се доставени. Согласно идеите кои што стигнаа до општината и кои што ги предлагаат граѓаните и можностите за 2023 година ќе креираме  еден развоен буџет, буџет кој ќе донесе инфраструктурен бум во општина Гази Баба, година во која што ќе се реализираат голем број на капитални инвестиции како што се изградба на нови детски градинки, изградба на нови паркови, изградба на училишни спортски сали, изградба на детски катчиња, на мултифункционални игралишта и така натаму.

The post Стефковски: За 2023 година ќе креираме еден развоен буџе кој ќе донесе инфраструктурен бум во општина Гази Баба appeared first on Република.

Денес во јавноста е отворена темата околку трошењето на средствата од буџетот на општина Гази Баба по однос на уличното осветлување во која и јас како градоначалник сум повикан да се произнесам. Вистината е следна:

Точно е дека општина Гази Баба на 19.05.2021 година имала склучено два договори за оддржување на уличното осветлување и еден договор за изградба на нови линии во висина од 11.000.000 денари.

Точно е дека економскиот оператор со кој општината ги имала склучено договорите на 30.08.2021 година, 103 дена по склучување на истите доставил известување дека средствата во висина од 11.000.000 денари по сите три склучени договори се реализирани.

Нејасно е како за само 103 дена се потрошени 11.000.000 денари, за таа цел на 05.01.2022 година формирав комисија која ќе спроведе теренска ревизија, односно ќе направи споредба на фактичката состојба на терен и работите фактурирани до општината.

The post Градоначалникот на Гази Баба Стефковски: Нејасно е како за 103 дена се потрошени 11 милиони денари appeared first on Република.