„Честитки за моите фудбалери за истрајноста, решителноста и трпението кое го имаа од почетокот до крајот. Едноставно момците беа решени да го добиеме натпреварот денеска. Жал ми е што пропуштивме неколку прилики и порано не го одлучивме натпреварот. Кога играте против противник со толку густа одбрана за напаѓачите останува многу малку простор, а денеска сите си ја одиграа својата улога како што треба. За дефанзивата нема што да кажам и во овој натпревар, повторно не примивме гол и изгледавме одлично како целина“, изјави селекторот Благоја Милевски откако Фудбалската репрезентација на Македонија се пласираше на првото место во групата на Лигата на нациите, со вечерашната победа над Летонија (1-0) во петтото коло од Ц сегментот, група 4.

Елиф Елмас се пожали на повреда поради која мораше да биде заменет уште во првото полувреме.

„Елиф не можеше да продолжи, но секоја чест за него што сакаше да игра иако имаше проблем со задната ложа.Македонија треба да е среќна и горда што има еден таков проблем.

Кога е Фарски Острови во прашање и натпреварот в недела Милевски очекува да биде уште потешко.

„По денешниот натпревар ја остваривме примарната цел, но сега сме во ситуација да играме за плеј-оф каде што само привилегирани репрезентации може да се најдат. Сигурен сум дека момците ќе дадат максимум и ќе се посветат за да остварат нова победа.Знам дека в недела може да биде и уште потешко, но ќе се обидиме да победиме“.

The post Милевски: Едноставно момците беа решени да го добиеме натпреварот денеска appeared first on Република.

Еуфорично беше во соблекувалната на Македонија по вчерашната победа над Ерменија. Во еден момент влезе селекторот Милевски и на момците им рече „Вие не сте нормални“.

Погледнете што се случуваше во Ереван.

The post Милевски до момците: „Вие не сте нормални“ appeared first on Република.

Македонската фудбалска репрезентација утревечер на Националната арена во Скопје ја пречекува Ерменија во рамки на вториот натпревар во Ц дивизијата во Лигата на нации.

По воведното разочарувачко реми на гостински терен против Фарски Острови, избраниците на селекторот Благоја Милевски се пред императив со победа над директниот конкурент да го задржат шансите за освојување на првото место во групата Ц4.

Селекторот Милевски на денешната официјална прес – конференција рече дека репрезентативците се ментално силни и подготвени со победа над Ерменија да го анулирират негативниот резултат во Торашвн.

„Секако дека ментално не е сменето ништо, познавајќи ги моите фудбалери, тие се подготвени за секој нов предизвик. Имаме резултатско разочарување, но без потценување на Летонија и Фарски, Острови мислам дека директните дуели против Ерменија ќе го одлучат патникот во следната фаза. Нашите мисли се фокусирани кон Ерменија и она што може да го очекуваме на теренот. Сигурен сум дека ќе одиграме победнички, бидејќи секогаш кога сме биле под притисок овие момци и тоа како знаеле да се покажат на најдобар начин“, изјави Милевски“.

Утрешниот натпревар ќе стартува во 20:45 часот, а главен судија ќе биде Германецот Харм Осмерс

The post Селекторот Милевски верува во победа утре против Ерменија appeared first on Република.

 Селекторот на македонската фудбалска репрезентација Благоја Милевски ги искажа очекувањата за претстојните натпревари од Лигата на нациите против Фарски Острови и со Ерменија.

- Фарски Острови се незгоден противник, агресивен и дисциплиниран противник. Се игра на вештачка трева и ќе мора да се навикнеме и на тој момент. Мора да сме на максимумот на можностите, сите ставени во функција на тимот, но со респект кон секој противник во групата. Фарски Острови не се наивни, условите ќе бидат тешки и мора да се потрудиме максимално. Оваа Лига на нации, дава можност за пласман на Светско првенство, но патот до таму е навистина тежок. Не очекуваат противници кои се незгодни, физички одлично подготвени,играат дисциплинирано и со доста динамика. Мирен сум дека пред септемврискиот циклус, речиси сите ги минаа подготовките и се максимално подготвени, за разлика од јунскиот прозорец кој секогаш ни бил проблематичен, изјави Милевски.

Првиот натпревар против Фарски Острови се игра на 7 септември од 15 часот, а вториот дуел е закажан на 10 септември од 20:45 часот против Ерменија во Скопје

The post Милевски очекува шест бода против Фарски Острови и Ерменија appeared first on Република.

Селекторот на македонската фудбалска репрезентација, Благоја Милевски на попладневната прес-конференција ги сподели очекувањата за утрешниот контролен натпревар против Чешка во Храдец Кралове.

- Работевме на освежување на тимот, задоволен сум тоа што сите се здрави, освен како што знаеме Енис Барди не може да биде со нас. По тренингот кој го имаме, сите работи околу составот ќе ги оставиме за потоа. Се надевам дека сите ќе бидат спремни да се стават на располагање за она кое не очекува. Кога сте учесник на едно Европско првенство, тоа е доволен доказ за квалитет. Чешка покажа дека е квалитетна репрезентација со извонредни играчи од Премиер лигата, Бундеслигата и Серија А, но имаат и голем број на домашни играчи од квалитетна лига низ која ја црпат базата за А-репрезентацијата. Не очекува противник сосема различен од типот на Хрватска. Уверен сум дека ние како тим и репрезентација може да напредуваме ако играме тип на мечеви со поквалитетни ривали од нас, за да го видиме нашиот реален квалитет и домет во моментов. Одиме да го извадиме максимумот, иако сме свесни дека е крај на сезоната и заморот е присутен кај играчите, како и проблемите кои ги имаат дел од играчите во клубовите, истакна Милевски.

Натпреварот Чешка – Македонија е закажан за утре со почеток во 18 часот.

The post Милевски: Може да напредуваме преку натпревари со поквалитетни противници од нас appeared first on Република.

Македонија, во Анталија, вечерва (18 часот) ќе го одигра вториот контролен натпревар. Противник на избраниците на селекторот Благоја Милевски ќе биде Црна Гора. Пред три дена Македонија одигра 1.1 со Молдавија, а Црна Гора ден претходно ја победи Белорусија со 2:0.

Во пресрет на натпреварот, новиот селектор на Црна Гора, Роберт Просинечки, најави дека со целосни нов тим ќе настапи против Македониа.

„Во тимот ќе остане само Јоветиќ, бидејќи сакаме да му дадеме минутажа што ја нема во Олимпијакос, а остатокот од тимот ќе биде сменет затоа што сакам сите играчи да добијат можност да се покажат, да се докажат и да се наметнат. Тоа сега ни е поважно од резултатот, иако сигурно ќе се обидеме да продолжиме таму каде што застанавме против Белорусија“, рече Просинечки на прес-конференцијата во Анталија, а потоа продолжи:

„Момците имаа голем мотив за Белорусија, мислам дека тоа беше евидентно. Пристигна нов тренер, нормално дека сите сакаа да се докажат. Бевме исклучително борбени на секој дел од теренот, топката се движеше добро, лесно доаѓавме до добри позиции во нападот и тоа ме радува. Се надевам дека така ќе биде и против Македонија“.

Со оглед на тоа што Просинечки најави дека само Јоветиќ ќе го започне мечот против Македонија во однос на тимот што играше против Белорусија, се очекува на теренот да бидат: Шаркиќ, Вукчевиќ, Савиќ, Вујачиќ, Радуновиќ, Лончар, Бакиќ, Јововиќ. Чамај, Јоветиќ, Мугоша.

Извор: ТОПСПОРТ

The post Просинечки: Против Македонија Јоветиќ и десет нови играчи appeared first on Република.

Македонската фудбалска репрезентација ќе се собере во втората половина на март во турска Анталија на еднонеделен тренинг камп во рамки на кој ќе одигра два пријателски натпревари.

Избраниците на селекторот Благоја Милевски првиот натпревар во 2024 ќе го играат на 22 март против Молдавија, со почеток во17:30 часот, а три денови подоцна за противник ќе ја имаат селекцијата на Црна Гора.

ПО двата дуели во Анталија избраниците на Милевски своите репрезентативни обврски ќе ги продолжат во јуни со гостински натпревари против Хрватска во Риека и Чешка во Прага, пред стартот на Лигата на нации во септември.

Македонските фудбалери се во групата 4 во Ц – дивизијата во која за противници ќе ги имаат селекциите на Ерменија, Фарски Острови и Латвија

The post Просинечки ќе ги тестира избраниците на Боби Милевски appeared first on Република.

Селекторот Благоја Милевски има големи очекувања во Лигата на нации а тоа е Македонија да го освои првото место во групата Ц4.

„Ако во претходните циклуси бевме во групи кои реално сакавме да ги избегнеме, овој пат тоа не е случај. Во денешниот фудбал нема фаворити. Посакувам само да бидеме здрави. Имаме минати дуели со сите селекции во групата, јасно е дека имаме и позитивни и лоши искуства со овие противници. Мораме да бидеме целосно фокусирани. Да имаме вистински пристап против секој противник. Ерменија ја победивме на последниот меч на гости со 5-0, но да не заборавиме дека таму имаме и пораз од 0-4. Фарски Острови и Латвија влегуваат со свои пресметки и очекувања“, кажа селекторот Милевски.

The post Милевски за групата во Лигата на нации: Во денешниот фудбал нема фаворити appeared first on Република.

Фудбалската федерација на Македонија со одлука на Управниот одбор го продолжи договорот со селекторот на македонската А репрезентација, Благоја Милевски.

Според новиот договор Милевски останува на селекторската функција до крајот на квалификациски циклус за пласман на Светското првенство 2026, под истите услови како и досега.

- Фудбалската федерација на Македонија, како и досега, ќе биде полна поддршка за селекторот Благоја Милевски и репрезентацијата. Се радуваме на новите предизвици и успеси.  Длабоко сме убедени дека со голема страст и амбиција, селекторот и неговиот тим ќе продолжат да работат за напредок на македонскиот репрезентативен фудбал.

Изминатите неколку месеци и натпреварите кои ги одигра македонската А репрезентација ни потврдија дека заеднички сме на вистинскиот пат. Во тимот се чувствува енергија и амбиција за нови големи резултати и уверени сме дека тоа е неверојатен мотив за работата во иднина, стои во ставот на Управниот одбор на ФФМ.

Благоја Милевски на селекторското место на македонската сениорска репрезентација дојде во 2021 година

The post ФФМ го награди за „добрите“ резултати: Милевски доби нов договор appeared first on Република.

Македонија денеска со 3-1 ја совлада Ерменија во пријателски натпревар кој се одигра во Струмица, селекторот Благоја Милевски е презадоволен од тоа што го виде.

Милевски извади комбиниран состав, шанса добија повеќе играчи кои обично се на клупата за резерви. Селекторот има само пофалби за нив.

„Задоволен сум и среќен за момците кои го почнаа натпреварот. Осум нови играчи од дуелот со Украина и двајца дебитанти. Презадоволен сум од тоа што го покажаа на теренот и со право ќе бидат тука и во иднина. Ова е најдоброто од Македонија. Ова се момците кои ги имаме и мислам дека секој следен натпревар покажуваат сè поголем квалитет“, кажа Милевски.

The post Милевски: Презадоволен сум од тоа што го покажаа момците appeared first on Република.

Селекторот Благоија Милевски изрази разочарување од вечерашниот пораз од Украина (0-2) во евроквалификациите, истакнувајќи дека македонските фудбалери одиграле квалитетен натпревар на „Епет Арена“ во Прага.

Македонската репрезентација пропушти неколку изгледни шанси во текот на дуелот во кој Украина поведе преку Георги Судаков во 30. минута, а победата ја завери во судиското продолжение со голот на Олександр Каравајев.

-Мислам дека сите гледачи на стадионот уживаа во натпреварот. И Украина и Македонија покажаа добра игра. Честитки за Украина за победата, но горд сум на моите момци. Нашата реакцијата по несреќно примениот гол беше одлична. На почетокот на вториот дел направивме измени и успеавме да се наметнеме, но, за жал, не успеавме да дојдеме до гол и кога нема да ги искористиш шансите, поразот е неминовен, изјави Милевски на прес-конференцијата по натпреварот.

https://republika.mk/sport/fudbal/tolku-od-shansite-za-ep-makedonija-igrashe-dobro-no-zagubi-od-ukraina/

Со денешниот пораз од Украина на неутрален терен во Прага, македонската репрезентација остана на четвртото место во квалификациската група Ц со седум бодови, три помалку од Украина која изби на второто место, пред вечерашниот дуел на Италија (7 бодови) на домашен терен против Малта. Лидер на табелата е Англија со 13 бодови.

Евроквалификацискиот циклус избраниците на Милевски ќе го заокружат идниот месец против Италија, во Рим на 17 ноември, и против Англија, во Скопје на 20 ноември

The post Селекторот Милевски задоволен само од играта, не и од резултатот со кој се простивме од ЕП appeared first on Република.

По мечот двајцата селектори ги искажаа своите ставови.Милевски рече е задоволен со ремите иако играта секогаш може да биде подобра.

Мора да сум задоволен, имаше желба за докажување, желба за надигрување. Овој нерешен резултат не е рамен на победа затоа што освои само еден бод, а не три. Во вториот дел одигравме одлично за разлика од првиот дел кога имавме некои аномалии во играта-истакна селекторот.

Лучијално Спалети пак го истакна лошиот терен но и фактот дека Македонија има добри играчи како што е Елмас.

Минавме две години со Елмас, Тој е беспрекорен професионалец и можам да му се извинам што можеби не му дадов доволно простор. Елмас заслужи да игра повеќе во Наполи, но можам да кажам дека напорно работеше, на тренинзите секогаш беше одличен. Му посакувам само успеси во кариерата.

https://republika.mk/sport/fudbal/italija-se-izvadi-vo-skopje-bardi-so-magija-za-donaruma/

The post Спалети: Eлмас е голем играч appeared first on Република.

По поразот од 7-0 од Англија, Милевски требаше да поднесе оставка, смета Горан Пандев, кој во разговор за италијанскиот медиум „Кориере дело Спорт“ пред мечот Македонија - Италија уште еднаш јасно го изрази своето мислење за актуелниот селектор, но уште повеќе за раководството на Фудбалската федерација на Македонија (ФФМ).

Федерацијата застана во негова одбрана, но не сме мирни, репрезентацијата минува низ еден комплициран момент. Не знам како ќе играме против Италија. Очекував дека Милевски ќе се повлече, но не се случи тоа. Стефан Ристовски, капитенот, реши да не одговара позитивно на повиците на репрезентацијата додека тој е селектор. Ристовски разговараше со Милевски ова лето, на крајот соопшти дека нема да игра додека тој е селектор, открива Пандев.

Македонската фудбалска легенда повтори дека ова раководство на ФФМ и Милевски ја уништиле „златната генерација и сега ќе треба трипати повеќе да се бориме за да го достигнеме нивото на кое веќе бевме“.

Сите очекуваа промена, навивачите исто така ја бараа. Проблемот е многу подлабок и ги погодува и оние над тренерот, тука мислам на луѓето од Федерацијата. Јас немам амбиција да станам претседател на ФФМ, не ме интересира тоа. Но има многу проблеми, не ги градиме темелите, не инвестираме во младинскиот сектор во нашата земја во која се уште е тешко за децата да тренираат. Тие ја уништија најдобрата фудбалска генерација создадена во последните 30 години. Имаа други интереси. Се собраа и го потврдија Милевски наспроти советите на сите. Сега за да се вратиме на нивото на кое ги постигнавме тие резултати, ќе треба да се бориме трипати повеќе, рече Пандев.

The post Пандев: Сите чекаа промена по поразот, ама ФФМ реши да ја уништи најдобрата фудбалска генерација appeared first on Република.

Управниот одбор на Фудбалската федерација на Македонија на денешната седница дискутираше во однос на работата и постигнатите резултати на македонската репрезентација во квалификациите за ЕП 2024 и одлучи селекторот Благоја Милевски да остане на функцијата.

- Управниот одбор на ФФМ го почитува начелото „на стара слава не се живее“. Незадоволство од постигнатите резултати е впечатокот кои го делат и членовите кои одлучуваат за избор на селектор на националниот тим.

Меѓутоа, имајќи ги в предвид околностите во групата во која се наоѓа македонската А-репрезентација во квалификациите за ЕП 2024, распоредот на натпревари кои следува и релативно краткото време до завршување на договорот со актуелниот селектор, е на став Благоја Милевски да продолжи со работа во националниот А тим. Договорот на селекторот трае до ноември 2023 година.

Како што е убаво кога се победува, така е тешко кога се губи. ФФМ во следниот период ќе го даде најдоброто решение за репрезентацијата, соопштија од „Куќата на фудбалот“.

Изминатиот период се шпекулираше дека ФФМ ќе му додели отказ на Милевски, а притисокот од јавноста за оставка на селекторот се зголеми по повлекувањето од националниот тим на капитенот Стефан Ристовски поради нарушен однос со предводникот на „црвено-жолтите“

The post ФФМ не го смени селекторот Милевски appeared first on Република.

Селекторот на македонската фудбалска репрезентација, Благоја Милевски ги искажа своите очекувања за утрешниот квалификациски натпревар за ЕУРО 2024 со Англија.

-Македонија покажа не само сега во моментов, туку покажува и назад неколку години дека има квалитет и потенцијал да биде конкурентна во Европа. Да не се навраќам што овие момци имаат постигнато низ годините. Овој тим има потенцијал да одигра добар меч со Англија, а потоа да биде конкурентна и во квалификациите. Ме радува фактот што Серафимов и Велковски го завршија тренингот без проблеми. Се надевам дека ќе се стават во функција на денешниот натпревар. Натпреварот кој ни следи го играте еднаш, можеби и ниеднаш пак во своите кариери. Мора да го потврдиме она кое го покажавме во претходните дуели. Околу Англија, не треба да се трошат зборови, дали е индивидуален или тимски најдобар. Се работи за екипа со врвни фудбалери, кои пред некое време ја освоија Лигата на шампионите. Би ја сместил Англија во ТОП-3 во Европа и ќе ни биде чест да одиграме меч со таков ривал, рече Милевски на денешната прес-конференција.

Средбата ќе се одржи утревечер на „Олд Трафорд“ во Манчестер со почеток во 20:45 часот.

Англичаните се први на табелата во Ц-групата од квалификациите со максимални девет бодови, македонската селекција има три бода исто колку и Италија и Украина. Малта е последна без освоен бод.

The post Милевски: Овој тим има потенцијал да одигра добар меч со Англија appeared first on Република.

Ми недостига македонскиот дрес, тој дрес што најмногу го сакам и ценам и за кој што играв од срце, од љубов... Но, знаеме во Македонија кој и какви луѓе го водат фудбалот. Затоа и сме на ова ниво. Нивното его е поголемо. Жално е што таму се некои луѓе што немаат врска со фудбалот и лечат лични комплекси, обвинува нашиот најпознат фудбалер, Горан Пандев

Не знам баш дали сме на вистинскиот пат, зашто тоа го покажуваат резултатите. Жал ми е, но знам со каков квалитет располагаат фудбалерите во репрезентацијата. И јас најголемата вина за овие резултати ја гледам во претседателот (Муамед Сејдини – н.з.), спортскиот директор (Данчо Масев – н.з.) и селекторот (Благоја Милевски – н.з.). Нарушена е атмосферата зашто селекторот сака да гради имиџ врз фудбалерите со голем стаж во репрезентацијата. Сака да гради имиџ врз еден Аце Трајковски, кого по 20 минути го менува, врз еден Аријан Адеми, Стефан Ристовски, кои срцето и душата ја оставиле за оваа репрезентација. Знам што можат и што им значи националниот дрес, ама некои сакаат преку нив да градат авторитет и тоа е жално. Селекторот, спортскиот директор и претседателот ја растурија најквалитетната репрезентација. Јас сум кажал и стојам на тоа дека ова е најквалитетната репрезентација што Македонија ја имала, но не знам како во иднина ќе опстои - вели Пандев.

Според него Милевски може е роден за младата репрезентација, но не е за А-тимот.

Милевски може да води младински репрезентации, да гради имиџ таму, да има негова кариера. Но, да зборуваш за професионален фудбал, треба да имаш нешто друго, треба да бидеш шмекер, фудбалерите да се чувствуваат слободни и да гинат. Тоа го имавме со Мрме. Имавме хемија, имавме другарство, навистина бевме семејство. Денес тоа го нема и недостига - вели Пандев.

The post Пандев: Селекторот, спортскиот директор и претседателот на ФФМ ја растурија репрезентацијата appeared first on Република.

Фудбалската репрезентација на Македонија загуби на домашен терен од Бугарија со 0-1 во последниот натпревар од ова издание во Лигата на нации. Селекторот Благоја Милевски вели дека и покрај поразите во низа, Македонија е на вистинскиот пат...

„Момците покажаа голема желба за победа и немам ништо да им замерам од таа страна. Во овие момци има потенцијал. Се наоѓаме во период на транзиција каде овие млади играчи што доаѓаат мора да добијат минутажа за да бидат конкуренти во квалификациите за ЕВРО 2024. Мислам дека сме на вистинскиот пат без разлика на сите проблеми што ги имаме, многуте откажувања и натпреварувачката форма. Дали двајца или тројца фудбалери имаат фул минутажа во своите клубови. Повторно од наш корнер примаме гол. Тоа се моменти на деконцентрација и мислам дека се тоа доаѓа од физичката неподготвеност. Но, имаме време до март и мислам дека фудбалерите многу повеќе ќе играат и во клубовите“, изјави Боби Милевски.

Селекторот на Бугарија, Младен Крстајиќ, беше многу порасположен по триумфот.

„Бугарија по четири години победи на гости. Одигравме добар натпревар. Не треба да се измислува топла вода во фудбалот. Без атмосфера и желба не може да се направи ништо во репрезентација. Никој не веруваше во нас пред овие два меча. Едноставно моравме да направиме рез. Јас бев победник како играч, тоа сакам да бидам и како селектор. Не е лесно да се игра пред овие прекрасни навивач, околу 20 илјади луѓе, овие млади играчи требаше да го издржат притисокот и да стигнат до победа“, изјави Младен Крстајиќ, селекторот на Бугарија.

The post Милевски се надева на подобри денови appeared first on Република.

Селекторот на репрезентацијата на Македонија, Боби Милевски по мечот вели дека и покрај сите проблеми тој смета дека сме на вистинскиот пат

„Тоа што го одигравме во квалификациите за СП и баражите е зад нас, но ни дава за право да кажеме дека сме на добар пат без разлика на сите проблеми што ги имаме, многуте откажувања и натпреварувачката форма. Дали двајца или тројца фудбалери имаат фул минутажа во своите клубови. Без разлика на тоа со Грузиај одигравме добар натпревар, морам да кажам и вечерва по се тоа што се случи момците покажаа голема желба за победа и немам ништо да им замерам од таа страна. Во овие момци има потенцијал. Се наоѓаме во период на транзиција каде овие млади играчи што доаѓаат мора да добијат минутажа за да бидат конкуренти во ЕВРО квалификациите. Мора да размислиме за тоа кој се ќе игра во следните пријателски натпревари кои што ни следат. “, вели Милевски.

The post Mилевски: Mислам дека сме на вистинскиот пат appeared first on Република.

Во последното коло во Ц-сегментот од Лигата на нации, македонската фудбалска репрезентација вечер во Скопје на Националната арена „Тодор Проески” е домаќин на Бугарија.

Селекторот Благоја Милевски е оптимист дека со победа може да се заврши овој циклус на второто место во Групата 4.

Очекувам како и на секој натпревар да се потрудиме да победиме. Што ќе донесе играта, ќе видиме. Момците се спремни да покажат дека незаслужено загубивме во Тбилиси. Што се однесува до Бугарија, ја анализиравме, но со многу проблеми. Тие имаат нов селектор и многу нови играчи, а тоа е непознаница. Сепак, ние мора да се концентрираме на нашата игра. Само тројца од првиот меч се тука, а особено и младите играчи кои првпат се во составот, поседуваат квалитет, јас гледам на тоа како противникот функционира како тим. Имаме стратегија, тоа е создавање на тим кој ќе биде конкурентен во наредните 4-5 години. Здравствениот билтен ќе биде појасен по денешниот тренинг. Што се однесува до теренот, тој не е во многу добра состојба. На мое барање стадионот триесет дена не се користеше – изјави Милевски.

Натпреварот почнува во 20:45 часот.

The post На барање на Милевски, Националната арена „Тодор Проески“ не се користела 30 дена appeared first on Република.

Благоја Милевски се надева дека натпреварот меѓу Македонија и Бугарија ќе биде тема на разговор само поради фудбалски случувња, бидејќи политичките страни воопшто не го засегаа и тие работи ги остава на луѓето кои се задолжени да водат надворешна политика.

Селекторот на македонската фудбалска репрезентација нагласи дека Бугарите се однесувале многу коректно како домаќини на првиот меч во Разград, па поради тоа, јавно побара од македонската публика да се однесува фер и да изгледа достоинствено.

Јас сум фудбалски работник, да им ја оставиме политиката на политичарите. Сите знаете дека јас по првиот меч им се заблагодарив на Бугарите за приемот кој го добивме. Сега останува ние да им вратиме со исте мера.

The post Милевски со порака до навивачите: Бугарите нè пречекаа одлично, да им вратиме со иста мерка appeared first on Република.