„Гледаме една медиумска хистерија дека ние сме имале потреба да порачуваме некакви наместени анкети и излеговме како партија со став. Кажавме дека не само што тоа не е точно, туку дополнително дека и ќе ги тужиме. Се јави и сопственикот кажа дека исто така и тој ќе тужи. Додека дојде тој процес, најдобрата анкета ќе дојде на избори додека заврши судскиот процес најдобрата анкета ќе ја видат на избори партијата која обвинува за лажни вести“, истакна пратеничката од ВМРО-ДПМНЕ Благица Ласовска во вечерашното гостување во емисијата „24 анализа“ на телевизија 24.

Таа продолжи и истакна дека на 24 април граѓаните ќе им ја испорачаат вистинската анкета.

„Во овие моменти е многу важно што толку многу го потценуваат македонскиот народ. Тие мислат дека македонскиот народ не гледа што се прави 7 години, не гледа дека СДС е партијата која дојде на бранот „Живот за сите“ а всушност имаме највисока инфлација, државата ни е киднапирана од една мала клика на луѓе кои се збогатија на име на граѓаните. Интересно ќе биде баш на 24 април кога таа анкета ќе им ја испорачаат граѓаните“, кажа Ласовска.

Таа додаде дека на 24 април и на 8 мај ќе биде испорачана најголемата анкета.

„Граѓаните само чекаат да дојде 8 мај и тоа ќе биде празник на Македонија кога ќе ги испратат во длабока опозиција за која е здраво и добро да се оди во опозиција да ги согледаат грешките што се направени. Она што треба да го научат е дека треба да си ја сакаат државата, да не не’ срамат бидејќи во последните години не срамеа со виткање на кичма во сите светски метрополи со голем број на предавства што се направија“, посочи Ласовска.

The post Ласовска: На 24 април и на 8 мај граѓаните ќе ја испорачаат најголемата анкета appeared first on Република.

Добро е што во Собранието постои статистика и се гледа кој колку бил присутен во Собранието, кој колку зборувал и се гледа активноста на сите пратеници, рече Благица Ласовска, пратеник во

Собранието од ВМРО-ДПМНЕ на вечерашното гостување на телевизија 24.
Ласовска се осврна и на злоупотребата на европското знамеце при носење на законите во Собранието.

„ВМРО-ДПМНЕ има блокирано шест закони, а во периодот од 2020 година до 2024 година Собранието има усвоено 747 закони од кои само 312 во редовна постапка, 425 по скратена постапка, 10 закони по итна постапка и доаѓаме до клучниот момент со европско знаменце се донесени 102 закони што е огромна злоупотреба на европското знаменце. Или како што забележа Брисел бројот на закони по скратена постапка се зголемил од 38 на 59 проценти на сметка на важни дебати во Собранието и тоа е во делот на критиката на работата на Собранието, а ВМРО-ДПМНЕ блокираше само закони штетни за граѓаните“, кажа Ласовска.
Според Ласовска ова владеачко мнозинство е само гласачка машина.
„Оваа власт дојде со ветување за подобар живот, а не направи ништо, не покачи пензии, не покачи плати на наставници и сите тие знаат во колку нефункционална држава живеат. Не знам еден голем проект што го направи оваа власт, ветуваа 5 проценти раст, а стигнаа само до 0,5 проценти за да заврши Македонија на дното по раст во регионот“, изјави Ласовска.
Ласовска укажа дека лошото живеење на граѓаните кое се гледа секојдневно.
„Секој ден има протести на улица од сите групи на граѓани, незадоволството е огромно“, кажа Ласовска.

The post Ласовска: Оваа власт дојде со ветување за подобар живот, а не направи ништо appeared first on Република.

По митингот кој што го одржа премиерот во заминување редно е да се вратиме на вистинските теми кои што го мачат опљачканиот, осиромашениот од оваа самонаречена европска влада. Која што до толку го девастира владеењето на правото и го украде македонскиот народ што и хвалоспевите кои што ги кажуваат на говорница не можат да го побијат податокот дека добивме од ЕУ најлош Извештај за последниве 30 години. Па колку и да си се фалите вака сами себе, податоците кажуваат сосема нешто друго, истакна пратеничката Благица Ласовска на собраниска седница на пратенички прашања.

Ласовска додаде дека има три прашања од коишто едното е до министерката за труд и социјална политика, а другите две прашања се до министерот за внатрешни работи.

Веќе со месеци пензионерите во Република Македонија, нашите дедовци, баби, мајки, татковци протестираат и излегоа најупорните протестирачи и демонстранти за своите права и тоа замислете право за достоинствен живот. Долго време ги лажеа од оваа самонаречена европска влада, што министерката нели правеше театар пред јавноста дека еве преговараат со нив и договараат покачување на пензиите за да пред неколку дена излезе таа лага голема со опашка дека практично нема ништо од тоа. Но, се уште важи мантрата на дотичната министерка дека ќе ги покачи пензиите на нашите сограѓани“, изјави Ласовска.

Таа посочи дека нејзе ја замолиле пензионерите, групите коишто протестираат, и во име на сите нив сака да ја праша министерката до кога ќе ги лаже пензионерите и нели и е срам за ваков недостоинствен живот кој што го живеат пензионерите. Тие пари што ги земаат пензионерите не им стигаат само за лекарства и за храна.

Единственото прашање до министерката ми е кога и колку ќе ги покачите пензиите на пензионерите во Република Македонија“, запраша пратеничката.

На пратеничката Ласовска второто прашање се однесуваше кон министерот за внатрешни работи.

Има информација дека голем број на косовски државјани кои што не ги исполнуваат условите за државјанство во Република Македонија примаат пензии од Република Македонија и се лечат во здравствените установи на Република Македонија исто како да се жители на Република Македонија. Јас како пратеник немам многу алатки за да го истражам овој момент, преку Парламентарниот Институт побарав едно истражување по основ на законската легислатива која што е кај нас и во Република Косово, речиси да е иста. Но, само се разбира многу подоцна ги имаат донесено законските решенија. Според истражувањата од 2021 година од страна на Европската мрежа за социјална политика кое се однесува на проценка на адекватноста на пензијата во Косово, остварување на пензиите во однос на одржувањето на приходите е слабо. Повеќе од 70% од пензионерите добиваат приход во вредност од 21% од просечна нето плата на пазарот, адекватноста на пензиите ќе се намали во иднина доколку не се покачат пензиските придонеси и доколку не се зајакне пензискиот систем. Дали како министерство правите некаква истрага во врска со случај каде што граѓани од Косово на нелегален начин да добиваат пензиско и здравствено осигурување во Република Македонија“, праша Ласовска.

Таа посочи дека веќе петти ден го нема девојчето Вања, за жал освен неа може да се забележи на страната дека има над 50-тина исчезнати лица.

Прашањето ми е ако во Дебар Маало ви исчезне во сред бел ден, пред кафиќ „Броз“ и „Силбо“ кој што е центар, срцето на Скопје, каде што има голема фреквенција на луѓе, ако таму безбедноста не е добра тогаш што да се очекува на некои други одредени места“, праша таа.

Ласовска го праша Спасовски дали ќе ја зголеми безбедноста на граѓаните, а особено на децата и кога мисли да ја информира крајно вознемирената јавност за состојбата со видео надзорот т.н. „Сејф сити“ (Safe city).

The post Ласовска до Спасовски: Ако во Дебар Маало, во срцето на Скопје сред бел ден ви исчезне дете, што да се очекува на други места!? appeared first on Република.

Уште еден мега скандал во македонската дипломатија кој ја потресе јавноста овие дена како резултат на катастрофалната кадровска политика на Македонија во однос на дипломатијата и меѓународните односи.Личниот пријател на Никола Димитров, а особено близок на претседателот Пендаровски и амбасадор на Република Македонија во Јапонија и на Бујар Османи, Горан Цеков извршил сексуално вознемирување врз повеќе жени за кој е пријавуван неколку пати!, вели Благица Ласовска од ВМРО-ДПМНЕ.

Алармот го вклучила јапонската државјанка која го пријавила Цеков во неколку наврати, но она што е уште повознемирувачко што истиот тој амбасадор истовремено сексуално нападнал и негова колешка од ДКП-то во Јапонија за кого било алармирано во МНР неколку пати, но никој не превземал ништо!

Она што е уште по шокантно е фактот дека амбасадорот е вратен во земјата НО поминува, замислете, само со мерка враќање назад!

https://www.youtube.com/watch?v=iMwkJ6vJRF8&embeds_referring_euri=https%3A%2F%2Fvmro-dpmne.org.mk%2F&source_ve_path=MjM4NTE&feature=emb_title

Во сериозни држави каде не владеат антидржавни ентитети како СДС и ДУИ, вакво тешко дело, најмалку  се казнува со одземање на амбасадорското звање, престанок на работниот однос во МНР, оставка на министерот и хиерархиски казни за сите кои  молчеле три месеци за нападот врз жените!

Се поставуваат неколку прашања:

1. Дали скандалот е прикриван неколку месеци заради неговите лични релации со Претседателот Пендаровски?

2. Дали на Цеков ова му е прв ваков сексуален напад?

Согласно законските прописи, сексуалното вознемирување е кривично дело.

Наместо враќање назад, овој господин треба и кривично да одговара.

Борбата против сексуално вознемирување врз жените, мора да биде не селективна и да го опфаќа секој сегмент во општеството.

БЕЗ ИСКЛУЧОЦИ!!

Го повикуваме Бујар Османи да ги изнесе јавно сите детали од извештајот за дисциплинската комисија каде се наведени сите детали за овој голем срам на Македонија пред јапонските власти и пред се, огромен срам за македонската дипломатија!

The post Личниот пријател на Димитров и Пендаровски извршил сексуално вознемирување врз повеќе жени appeared first on Република.

Пратеничката од ВМРО-ДПМНЕ, Благица Ласовска за „Анализа“ на ТВ24 истакна дека мнозинство од граѓаните не сакаат да се случат уставни измени и ако одите против волјата на граѓаните и ако правите нешто што е противуставно, противзаконско мора да одговарате.

- Затворена е темата уставни измени за ВМРО-ДПМНЕ. Уставот нема да се менува, ова го кажувам на ваков начин за да се смири јавноста особено Македонците и кои на средбите молат да не се попушта. Тука ја затвораме темата. Нема потреба повеќе да се дебатира за уставни измени, бидејќи нашиот став нема да се промени, рече таа.

Во врска со работната група, Ласовска истакна дека партиските претставници сакаат да си направат референца за биографија за Уставни судии, додека професорите по Уставно право одбија да бидат дел од неа.

- Работната група која е составена дел од кривичари и малку ексерти по Уставно право. Најеминентните професори по Уставно право се изјаснија дека не сакаат да учествуваат во работната група затоа што нема консензус. Членот 131 од Уставот е многу јасен – одлука за пристапување кон измена на Уставот донесува Собранието со двотретинско мнозинство гласови од вкупниот број на пратеници, рече Ласовска.

Таа потенцира ајде за зборуваме за криминалот, за образованието, за руинираното здравство, Уставот е затворена тема.

The post Ласовска: Прашањето за Уставот е затворена тема за ВМРО-ДПМНЕ, ајде да зборуваме за криминалот на власта appeared first on Република.

Дебатираме за разрешување на министер за информатичко општество, Алити, тешко го читам зошто не го познавам. Толку се потрудил за една да направи нешто за Република Македонија и не можам да го бранам зошто не знам каков министер бил. Очигледно она кое го знаеме како граѓани дека незаконски постапи во таканаречениот балансер за кој што искрено не знам согласно кој закон. Договор постои, незаконски постапи и наместо 20% реши 31.5 да има вработувања на Албанците во Македонија. Сега ќе видите има огласи во источниот регион од Министерство за земјоделие каде што исклучиво се бараат Албанци и дали е тоа фер? Праша пратеничката од редовите на ВМРО-ДПМНЕ, Благица Ласовска.

Ласовска во текот на своето обраќање во врска со ова побара од премиерот Димитар Ковачевски да одговори дали е можно еден министер самостојно да носи одлуки без да се консултира со владата?

Премиерот во неговото објаснување не кажа зошто го разрешува овој човек, знам дека не одговара на сите прашања поставени од наша страна, еве на јавноста нека и каже дали се согласува со оваа одлука бидејќи во јавноста дознавме став само од Симовски, а не и на премиерот. Дали е можно еден министер самостојно да носи одлуки без да се консултира со владата? Праша Ласовска.

Таа исто така посочи дека во државата единствен услов за вработување е етничката припадност, а не квалификациите.

Единствен услов не е квалификација туку етникум, без разлика дали се Македонци, Албанци, Турци, Власи. Тоа е единствен услов за жал и тоа не не води кон европските вредност, рече Ласовска.

Пратеничката Ласовска се осврна и на безбедноста во државата односно на хакерскиот напад врз ФЗОМ и укажа дека премиерот Ковачевски треба да даде одговор на македонската јавност дали е точно дека хакерите барале откуп за да го вратат системот.

Овој министер исто така треба да се занимава со сајбер безбедноста, а сведоци сме какви хакерски напади и каква небезбедност има во државата. Најголемата лага која што се искажа од оваа говорница е да кажете дека здравствените работните не добивале плата заради ВМРО-ДПМНЕ, за се ви е криво ВМРО-ДПМНЕ, да кажете дали тој министер и оваа влада бидејќи нели сме членка на НАТО, соработуваат со членките на НАТО да се решат овие проблеми. Јас сум сериозно загрижена и сите граѓани бидејќи секојдневно имаме дојави за бомби, сите се исплашени. ФЗО има хакерски напад и конечно претседателот на владата треба да одговори дали хакерскиот напад и хакерите кои што нападнале бараат откуп да го вратат, сериозни пари. Тоа премиере треба да биде одговорено на македонската јавноста, додаде Ласовска.

The post Ласовска: Ковачевски да одговори дали е точно дека хакерите бараат откуп за да се врати системот на ФЗОМ? appeared first on Република.

Благица Ласовска, пратеничка од ВМРО-ДПМНЕ на денешната собраниска седница на која се расправаше за францускиот предлог истакна дека со овој предлог велеправниците односно пратениците од владеачката коалиција решиле по секоја цена да ја погребат Македонија.

-Македонски народе во овој момент на ова место кое некој го нарекуваат дом на народот и демократијата, една шака квинслинзи, велепрадавници решија да ја погребат илинденска и асномска Македонија. Да е трагедијата поголема Македонците кои ќе кренат рака за поддршка на овој предлог  мизерно релативизирајќи за некаков европски сон  под флоскулата „Моментот е сега“ се кажуваат наследници на антифашистичката  комунистичка партија. Истата оваа клика со децении живее на грбот на граѓаните и ги ужива сите привилегии станови, куќи, високи позиции во општеството. Со овие флоскули сакаат да го измијат од македонскиот народ од пропаста на македонската држава. Надгробна плоча и ставаат на државата, наследните на партизаните, се превртуваат го гроб и партизаните и илинденците. Овие Јуди, овие Котевци за грс пари власт и моќ се спремни да кажат дека македонскиот јазик е дијалект на бугарскиот јазик, дека сите наши учебници ќе одат на ревизија во Бугарија и само ако тие одобрат вашите деца и вашите внуци ќе можат да учат и што да учат македонски народе дека Гоце Делчев е Бугарин , дека Крсте Петков Мисирков е Бугарин, плеада на дејци кој го дале својот живот се Бугари, дека младинците во Ваташа не ги убил бугарскиот фашистички окупатор, туку тоа било некоја улична пресметка, дека Бугарија не била окупатор туку администратор во Македонија, рече таа.

Таа во текот на своето обраќање посочи дека како Заев така и Ковачевски ја уништуваат државата.

-Протоколот го кријат, а зошто, затоа што бугарскиот политички памфлет полн со антимакедонизам, негаторски пристап, полон со уцени и закани од билатерален станува мултилатерален, станува европски проблем. Уцена до уцена. Стогодишниот сон на Бугарите ќе го остварите вие безсрамни квинслинзи, отворивте Пандорина кутија на чело со велепредавникот од Муртино и неговата маша Ковачевски и ја соголивте и уништивте државата, додаде таа.

The post Ласовска: Овие Јуди, овие Котевци за грст пари власт и моќ се спремни да кажат дека македонскиот јазик е дијалект на бугарскиот јазик appeared first on Република.

Пратениците денеска расправаа за Предлогот на финансиски план на Регулаторната комисија за енергетика и водни услуги (РКЕ) за 2022 година, во рамки на 54 седница.

За пратениците од опозицијата, финансискиот план на Регулаторната комисија за 2022 година, е неиздржан во услови на енергетска, пандемска, мигрантска и топлинска кризна состојба во државата, а регулаторите си дозволуваат највисок износ на расходни во однос на претходните години.

Пратеничката од ВМРО-ДПМНЕ, Благица Ласовска потенцира дека и покрај кризата во државата, Владата дала позитивно мислење за финансискиот план на РКЕ, според кој е предвидено ова регулаторно тело дневно да има на располагање околу 5.500 евра.

– РКЕ за 2022 година предвидела да троши за кафе 83 евра на ден. РКЕ предвидела 30 проценти поскапа струја и 39 отсто повеќе за бензин и нафта. Таа предвидела 1.700 евра месечно за одржување на зградата, а објектот е нов, дел од проектот „Скопје 2014“. Како тоа ви се потребни 450.000 денари за печатарски услуги? РКЕ предвидела и четири милиони денари за службени патувања, рече Ласовска, додавајќи дека во државата над 500.000 граѓани живеат со две евра на ден.

Таа упати критика и за работењето на РЕК „Битола“, која го намалила производството на струја за половина.

Претседателот на РКЕ, Марко Бислимоски реплицирајќи и на Ласовска рече Комисијата набавува струја од слободниот пазар за енергија, каде што цената е зголемена, а со тоа се зголемени и предвидените средства за електрична енергија.

– РКЕ ја регулира цената за домаќинствата и малите потрошувачи и точно е од 1 јануари 2022 година цената на електричната енергија се зголеми за 9,48 отсто. Набавка на електрична енергија на слободен пазар нема никаква врска со регулиран пазар на електрична енергија. Би било добро да не ги мешаме тие две работи. Во однос на одржувањето на зградата, сакам да кажам дека таа нема употребна дозвола. Институциите не дозволуваат да добиеме употребна дозвола, бидејќи зградата е изградена без соодветно сообраќајно решение. Зградата се распаѓа, тече од сите страни вода на секој дожд. Не протекува само кога не врне, вели Бислимоски.

The post Регулаторна за кафе ќе троши по 5.000 денари на ден, секој ден Бислимоски ќе има 5 500 евра за трошење appeared first on Република.

На денешната седница во Собранието на Република Македонија пратеничката од редовите на ВМРО-ДПМНЕ Благица Ласовска го образложи законското решение поднесено од пратеничката група на ВМРО-ДПМНЕ за покачување на платите на наставниците, практично истото законско решение кое што е во собраниска процедура но без делот за партизација и неквалитет во образованието, предлог кој што пратениците од власта го одбија.

Ова законско решение го поднесуваме од причини што преголемата медиумска застапеност и негативно образложение во јавноста дека пратениците на ВМРО-ДПМНЕ се против покачувањето на платите за наставниците е апсолутно неточно. Постоечкото решение не е добро бидејќи врши преголема партизација и дискриминација на наставниот кадар. Се зголемува општиот ризик за продуцирање на технолошки вишок, заради барањето трансформација да се врши сега и веднаш. Намалување на квалитетот на образовниот процес. Тоа се основни причини заради кои што законското решение кое што е во собраниска процедура не е добро, истакна Ласовска.

Пратеничката од редовите на ВМРО-ДПМНЕ, Благица Ласовска истакна дека доколку власта се грижи изминатите пет години за обрaзовниот процес и зголемување на платите на наставниците истото можела да го реши со колективниот договор кој што веќе постои.

Доколку на сите нас ни се приоритет платите на наставниците тогаш го предлагаме ова законско решение кое што ќе помогне како законска основа за почитување на колективниот договор и конечно оваа влада која што пет години владее со државата да разбере дека не може да ги манипулира наставниците и наставниот кадар и ако сакаше до сега да им го реши статусот и нееднаквоста на платите можеше да го реши со почитување на колективниот договор кој што постои, нагласи Ласовска.

Ласовска ги повика пратениците на СДСМ и ДУИ да го поддржат законското решение за решавање на статусот на наставниот кадар, решение кое што практично е истото кое е во собраниска процедура но без делот за делот за партизација и неквалитет во образованието, но пратениците од власта таквиот предлог го одбија.

Ве повикувам да го изгласаме заедно ова законско решение да почне да се решава социјалниот статус на наставниот кадар и да почнеме оттука, а за следните законски решение да најдеме начин дијалог како тие законски решенија да ги направиме уште подобри. Законското решение кое што вие го поднесовте но тргнат делот за партизација и неквалитет во образованието еве прилика да се изјасните дали сте за покачување на платите на наставниот кадар или не, истакна Ласовска.

https://youtu.be/GWR2uD22rSg

The post Ласовска: Пратениците од власта одбија предлог законско решение на ВМРО-ДПМНЕ за покачување на платите на наставниците appeared first on Република.

Пратеничката Благица Ласовска на денешната собраниска комисија за надворешна политика имаше неколку прашања за шефот на дипломатијата Бујар Османи за преговорите.Таа го запраша кој му дал право да преговара за неа како Македонка и зошто се согласил на ваков несиметричен договор.

Таа го праша и тоа дали се точни изјавите на Кирил Петков дека веќе со Ковачевски договорил за внесување на Бугарите со македонскиот устав.?

„Господине Османи не знам за останатите колеги, но јас денеска доживувам дежа ву во оваа сала. И морам да признам дека не можам да говорам со емоции. Затоа што прашањава за кои што денеска зборуваме односно имам лош обид за зборување ме задираат мене како Македонка. И ме задираат овие прашања со години откако сте вие на власт, нас Македонците“ истакна Благица Ласовска, пратеник од редовите на ВМРО-ДПМНЕ на седницата на Комисијата за надворешни работи.

Ласовска го потсети Османи билбордите со ЕУ, европско здравство и се што не ветуваа на граѓаните, а граѓаните не добија ништо.

„Господине Бујар Османи како министер за надворешни работи и како граѓанин на оваа држава, а пред се Македонка која што атакуваат од сите страни можни, морам да Ве прашам кога ги слушавме сите навредливи коментари од страна на бугарските функционери вклучително и Резолуцијата која што за нас не само што не е прифатлива, туку е и навредлива, не слушнав ниту една одбрана од Вас“, рече Ласовска.

Извинете ама граѓаните со право се исплашени и не ве веруваат, рече пратеничката.

The post Ласовскa до Османи: Kој ви дава право да преговарате за мене како Македонка? appeared first on Република.

Собранието денеска напладне ја продолжи расправата за избор на новата влада. Пратеничката Благица Ласовска од ВМРО-ДПМНЕ на седницата обвини дека мандатарот Димитар Ковачевски не учестувал на избори, не ја побарал довербата и нема глас од ниту еден граѓанин и затоа, како што рече, го нема народниот легитимитет.

Таа посочи дека најголем дел од министрите остануваат и се продолжение на „хибриден режим“ кој беше поразен на локалните избори пред неколку месеци.

Во состојба на дури четири кризи, економска, здравствена, енергетска и топлинска, кога имаме вакви кризи мандатарот говори за економска состојба и раст на БДП. Како да треба да заборавиме дека имаме инфлација, граѓаните буквално немаат ниту за леб, цените на прозиводи растат вртоглаво, парите немаат никаква вредност, и потценување е во ваква состојба да се зборува за економска ренесанса, додаде Ласовска.

Здравствената криза, посочува Ласовска, е во експанзија, а нема предложени мерки за заштита на населението во време кога имаме најголема смртност и енормен број на заразени.

Мандатарот Димитар Ковачевски откако го достави Предлогот за состав на нова влада и Предлог-програмата за нејзината работа до претседателот на Собранието, Талат Џафери, собранискиот спикер веднаш за сабота закажа седница на Парламентот со единствена точка на дневниот ред – Избор на Влада на Република Македонија.

Собраниската расправа за избор на нова влада трае најмногу два дена, а за изборот на владиниот состав се гласа по нејзиното завршување, односно најдоцна до 24 часот вториот ден или во случајов во недела до полноќ. Владата е избрана ако за неа гласаат мнозинството од вкупниот број пратеници во Собранието.

Согласно собранискиот Деловник, мандаторот ја образложува програмата и предлогот за состав на владата на седницата на Собранието на која се врши нејзиниот избор. По програмата на мандаторот и предлогот за состав на владата, Собранието води единствен претрес. Во Деловникот е предвидено дека редоследот на пратениците кои ќе учествуваат во претресот го утврдува претседателот на Собранието на начин кој обезбедува учество на пратеници од различни политички партии застапени во Собранието. Гласањето за избор на Владата се врши по предлогот за состав на Владата во целина, со јавно гласање.

The post Ласовска: Ковачевски нема ниту еден глас од ниту еден граѓанин и зборува како премиер за раст на БДП во време на дури четири кризи appeared first on Република.