По речиси три недели потрага денеска е најдено безживотното тело на 52 годишниот Иса Рушити од село Теново, Општина Брвеница.

По него се водеше потрага од 6 август, откако ноќта помеѓу 4 и 5 август излегол од дома и оттогаш не се вратил во Теново.

– Денеска 22 август во 15 часот во СВР Тетово пријавено е дека во водите на реката Вардар, во близина на месноста Бриони и старото фудбалско игралиште, закачено на дрво, било пронајдено безживотното тело на И.Р.(52) од тетовско Теново. Екипи од тетовската Територијална противпожарна единица и СВР Тетово попладнево го извлекле телото на брегот. Увидна екипа на СВР Тетово во координација со Јавен обвинител извршиле увид, а ќе се врши и обдукција, информираат од СВР Тетово.

Во потрагата учествуваа Центар за управување со кризи, Дирекција за заштита и спасување, МВР, Општина Брвеница како и граѓани.

The post Во водите на Вардар во Тетовско најдено безживотно тело на 52 годишник по кого се трагаше изминативе недели appeared first on Република.

Безживотното тело на нуркачот А.С. било извлечен од морето околу 17:00 часот со спасувачкиот брод САР-1, потврди за „Вијести“ помошник директорот на Управата за поморска безбедност Жарко Лукшиќ.

Според него, на телото биле видливи повреди, а истрагата ќе утврди што ги предизвикало. Полицијата и обвинителството се на терен.

Припадници на УПСУЛ, Секторот за гранична полиција, нуркачи, граѓани трагаа по А.С., чие исчезнување било пријавено денеска во 13 часот и 40 минути.

Лукшиќ претходно за „Вијести“ изјавил дека биле информирани дека нуркач исчезнал во близина на пристаништето Милена, на почетокот на Велика Плажа во Улцињ.

„Нуркачот ловеше риба, а неговите пријатели пријавија дека исчезнал… Возилото што го користел било паркирано во близина на плажата. Поморскиот оперативен центар започнал координирана операција за пребарување и спасување. Бродот за спасување САР-1 веднаш бил испратен на Велики Плажата „Исто така, спасувачите беа испратени да го пребаруваат копното. Во потрагата беа вклучени граѓани и нуркачи од Управата за поморска безбедност и управување со пристаништа, како и припадници на Секторот за гранична полиција кои користеа дрон“, изјави Лукшиќ за црногорски Вијести.

The post Од морето во близина на Улцињ е извлечено тело на нуркач, имал видливи повреди appeared first on Република.

Како што беше објавено и во текот на денот, безживотно тело било пронајдено синоќа во водите на Преспанското Езеро.

„На 11.11.2022 во 21.00 часот во СВР Битола било пријавено дека во водите на Преспанското езеро било пронајдено телото на Р.А.(39) од с. Могила, Битолско, по што од Противпожарната единица Ресен било извлечено од водата и по наредба на Јавен обвинител било пренесено во Клиничка болница-Битола за обдукција“, се вели во соопштението.

Увид на местото на настанот извршила екипа од СВР Битола.

The post МВР со детали: Безживотно тело пронајдено во Преспанско Езеро appeared first on Република.

Откако безживотно тело беше најдено утринава околу 10:40 часот во водите на реката Вардар кај касарната Еребино семејството го идентификуваше и препозна Ердон Рамадани. Тоа е 22 годишникот од Куманово кој на 27 септември со автомобил фолксваген голф излета од автопатот во реката Вардар од мост кај селото Желино.

По наоѓање на телото, извршена е идентификација од најблиските членови на семејството на Е.Р. . Извршен е преглед од лекар од Судска медицина, додека Јавен обвинител наредил обдукција на телото, информираше Марјан Јосифоски, портпарол на СВР Тетово.

По пет дневна потрага телото беше најдено утринава од страна на полицајци од СВР Тетово во водите на реката Вардар кај бетонски мост во близина на касарната Еребино.

Изминативе денови претставници на повеќе институции учествуваа во потрагата по младиот кумановец, а беа вклучени нуркачи и кучиња трагачи.

The post Семејството го идентификуваше Ердон Рамадани, телото предадено на Судска медицина appeared first on Република.

Во десниот магистрален канал на хидросистемот „Брегалница“, во близина на кочанското село Бања, доцна попладнево е пронајдено безживотното тело на 27-годишниот Р.А. од Кавадарци, кој вчера беше пријавен дека е исчезнат.

Полициски службеници во соработка со вработени од водостопанската подружница „Брегалница“ и од Територијалната противпожарна единица попладнево околу 19 часот го најдоа телото на исчезнатото лице кај еден од испустите за вода во близина на црквата во Бања. По наше барање претходно беше намален водостојот во каналот, со што потрагата беше олеснета. Лицето паднало во каналот за наводнување кај селото Тркање додека работело на инсталација на фотоволтаична централа за електрична енергија, по што негов колега случајот го пријавил во Полициската станица, изјави Александар Максимов, началник на Одделението за внатрешни работи од Кочани.

Увид на местото на настанот прават полициски екипи, а повикан е и јавен обвинител од Кочани кој треба да одреди дали ќе се врши обдукција врз телото на починатиот.

The post Пронајдено е безживотното тело на работникот кој беше пријавен за исчезнат appeared first on Република.

Полициската станица Драчево добила пријава на 09.05.2022 во 11.22 часот дека на брегот на реката Вардар во село Зелениково, скопско било пронајдено тело на женско лице.

Полициски службеници излегле на местото и констатирале дека станува збор за Г.Н.(71) од с.Банско, струмичко.

„Смрт без траги на насилство констатирал лекар од Итна медицинска помош, а по наредба на Јавен обвинител телото на починатата било предадено на обдукција“, соопштија од МВР.

The post Пронајдено безживотно тело на брегот на реката Вардар appeared first on Република.

Безживотно машко тело е пронајдено во водите на Охридското Езеро кај комплексот „Свети Наум“.

СВР Охрид соопшти случајот бил пријавен во полиција вчера околу 10 часот.

Јавен обвинител и полициски екипи извршија увид, а лекар од итна медицинска помош констатирал дека нема видливи траги на насилство. Безживотното тело е пренесено во Општата болница во Битола каде денеска ќе биде извршена обдукција, стои во информацијата на полицијата.

Според соопштението, СВР Охрид презема мерки за утврдување на идентитетот.

The post Безживотно тело пронајдено во Охридското Езеро, кај Свети Наум appeared first on Република.