На 28.09.2024 околу 18 часот во СВР Скопје било пријавено дека во дворно место од куќа на подрачјето на Чаир, додека извршувал градежни работи, врз Ј.И.(54) од Скопје паднал бетонски столб.

-Ј.И. бил пренесен во Поликлиниката Чаир, каде од страна на лекар констатирана била смрт, информира МВР.

Извршен е увид од увидна екипа од СВР Скопје, а по наредба на јавен обвинител, телото на починатиот е дадено на обдукција.

The post Скопјанец почина откако бетонски столб паднал врз него appeared first on Република.

Ноќта сабота кон недела во 03.30 часот во СВР Скопје било пријавено дека на ул.„1732“ во Скопје (уличката од „Маракана“ кон „Хавана“), патничко возило „бмв“ со скопски регистарски ознаки, управувано од Г.Т.(40) од Скопје удрило во бетонски столб.

Во несреќата со тешки телесни повреди се здобил возачот, констатирани во приватна болница во Скопје.

Извршен бил увид од увидна екипа од СВР Скопје.

The post Скопјанец со „бмв“ се заби во бетонски столб кај летните дискотеки appeared first on Република.

Осумнаесетгодишник го загуби животот, а 23-годишно момче е повредено во сообраќајна несреќа што се случи вчера во 21 часот и 30 минути на патот Пирок-Тетово кај Долно Палчиште. Починатиот и повредениот се од селото Синичане.

Вчеравечер (2 октомври) околу 21 часот и 30 минути во СВР Тетово пријавено е дека на регионалниот пат Пирок-Тетово, во тетовско Долно Палчиште, патничко моторно возило „бмв“ со тетовски регистарски ознаки кое, според првичните сознанија од увидот го управувал 18-годишниот М.З. од тетовско Синичане, излетало од коловоз и удрило во столб. Во несреќата, М.З се здобил со тешки телесни повреди од кои починал на самото место, а сопатникот А.З.(23) од истото село со телесни повреди констатирани во тетовската Клиничка болница, каде бил пренесен за укажување на лекарска помош. Јавен обвинител и екипа од СВР Тетово извршиле комплетен увид, а по наредба на јавниот обвинител на телото на починатиот ќе се врши обдукција, информира СВР Тетово.

За два дена ова е втора сообраќајна несреќа во Тетовско. Во неделата поради удирање во столб на автопатот Тетово-Гостивар, загина 18-годишно момче од Чегране.

https://republika.mk/vesti/crna-hronika/zagina-18-godishnik-koj-nokva-kaj-naplatna-rampa-gostivar-se-zabi-vo-betonski-stolb/

The post Уште еден 18-годишник загина забивајќи се во бетонски столб appeared first on Република.

Тешко повредена е 55-годишна сопатничка во возило кое вчера околу 16 часот излетало од патот и удрило во бетонски столб во близина на тетовско Рогачево.

Во СВР Тетово пријавено е дека на регионалниот пат Тетово-Јажинце, во близина на тетовско Рогачево, патничко моторно возило „фолксваген поло" со тетовски регистарски ознаки управувано од 19-годишната З.И. од тетовско Јажинце излетало од коловоз и удрило во бетонски столб. Во несреќата, сопатничката во возилото Џ.И.(55), исто така, од Јажинце се здобила со тешки телесни повреди, а З.И.телесни повреди, констатирани во тетовската Клиничка болница, каде биле пренесени за укажување на лекарска помош, информира Марјан Јосифоски, портпарол на СВР Тетово.

На местото на несреќата увид извршила екипа од СВР Тетово.

The post Тешко повредена жена откако возило управувано од 19-годишна девојка удрило во бетонски столб appeared first on Република.

Ај престигни го оној камион, и да се судриме, нè боли к*р. Ова се зборовите кои се слушаат во видеото на двајца малолетници кои со автомобил се тркале околу Нова Градишка, Хрватска, го претекнале камионот пред нив, а потоа удриле во бетонски столб. Видеото од судирот е објавено на социјалните мрежи.

Несреќата се случила во петокот околу три часот наутро, а од хрватската полиција велат дека поради неприлагодена брзина, додека сопирале се удриле од работ на пешачки остров, го прелетале и се забиле во столбот, кој сега е распарчен.

Возачот бил 17-годишник, се разбира, без возачка дозвола, не носел појас и е тешко повреден со фрактура на клучната коска. Неговиот совозач, 16-годишнен пријател, исто така не бил врзан и е тешко повреден.

И против двајцата е поднесена кривична пријава.

The post „И да се судриме, нè боли к*рот“, зборуваат малолетници пред да се забијат во бетонски столб appeared first on Република.