Американската пејачка и глумица Џенифер Лопез поднесе барање за развод од глумецот Бен Афлек, по две години брак. Барањето е поднесено вчера во Врховниот суд на Округот Лос Анџелес, според судските документи до коишто дојде „Би-би-си“.

Во документот се наведува дека двете страни се обврзани да споделуваат финансиски информации, како што се тековни приходи, расходи, долгови.

Лопез и Афлек се запознаа на снимање филм во 2003 година и планираа да се венчаат, но ја раскинаа свршувачката следната година, а се венчаа скоро 20 години подоцна. Афлек во меѓувреме беше в брак со глумицата Џенифер Гарнер со која има три деца, а за Лопез ова беше четврти брак. Од бракот со пејачот Марк Антони, латиноамериканската пејачка има две деца.

The post Џенифер Лопез поднесе барање за развод од Бен Афлек appeared first on Република.

Џенифер Лопез и Бен Афлек, за кои се шират гласини дека се на работ на разделба, деновиве живеат одвоено, изјави неименуван извор за порталот „ЕТ“.

Имено, според наводите, парот „официјално, сè уште не се разделени“, но моментно се насочени кон сопствените работни обврски. „Кога повторно почнаа да излегуваат, имаа големи надежи дека вториот пат ќе им успее. За жал, работите не одеа баш така“, додаде изворот.

Неодамна беше откриено дека Бен и Џенифер продале и својата семејна куќа во Беверли Хилс – само една година откако ја купија. Афлек сега живее во куќа во Брентвуд, а Лопез бара ново живеалиште, па „во меѓувреме престојува кај мајка сѝ и нејзините сестри“, според наводите.

Претходно пејачката ја откажа и турнејата „This Is Me“. Причина: „Да минува време со своите деца, семејството и блиските пријатели“.

Бен, пак, „е многу тажен поради состојбава и претпочита да работи за да не размислува за тоа и сè повеќе време поминува со пријателите, кои му се голема поддршка“, изјави неименуван пријател за „Пејџ сикс“.

Ова е втор, се чини – неуспешен обид на Џенифер и Бен. Во првите години на ова столетие, парот ја прекина првата свршувачка, а во 2021 година ја продолжија врската и се венчаа во Лас Вегас.

The post Џенифер Лопез и Бен Афлек веќе не живеат заедно appeared first on Република.

Џенифер Лопез и Бен Афлек ја продаваат својата семејна куќа во Беверли Хилс, Калифорнија поради брачната криза и гласините за можен развод.

ТМЗ објави дека двојката ангажирала агент за недвижнини за да го продаде домот што заедно го купиле минатиот мај. На пазарот е веќе две недели, но се уште нема купувачи.

Парот бара околу 65 милиони долари за вилата. Лопез и Афлек го купија домот за 60,85 милиони долари во мај 2023 година – 10 месеци откако се венчаа во Лас Вегас.

Вилата има 17 спални соби, 30 бањи и паркинг за 80 возила. Има и затворен спортски комплекс, простор за рекреација на отворено, базен и пространи терени.

Веста за продажбата на вилата доаѓа по бројните гласини за брачната криза на холивудската двојка. Афлек наводно живее одвоено од сопругата, а Лопез неодамна била забележана без бурмата, што дополнително ги убедило сите дека парот е во лоши односи.

Лопез неодамна ја откажа најавената турнеја, а изјави дека е тажна и уништена што ги разочарала своите фанови.

Овој неочекуван потег во кариерата може да се поврзе со гласините дека таа и актерот се на работ на развод, а изворите тврдат дека Џеј Ло морала да одвои време за да биде со семејството и блиските пријатели.

The post Дали е навистина крај: Џеј Ло и Бен Афлек ја продаваат вилата од 60 милиони долари што ја купија пред една година appeared first on Република.

За време на „шопинг-тура“ со сопругата Џенифер Лопез во продавница за накит деновиве на францускиот карипски остров Сан Бартелеми, Бен Афлек изгледал како „да врие однатре“, слично како и неколкупати досега кога e уловен од папараците. Размените на огорчени погледи и искрите меѓу нив двајца биле „краток спој“, којшто сепак, кусо траел, раскажува неименуван извор за „Ин тач“ (In Touch).

За неколку минути таа ја стивна состојбата и работите се смирија. Бен обично е среќен и го прифаќа она што неговата сопруга го сака, како излегување и фотографирање, но има мигови кога тој ја достигнува својата точка на прекршување,“ вели изворот близок до двојката.

Според наводите, Џенифер и Бен се двајца неверојатно страствени личности. Неименуваниот пријател ја има таа оценка за парот кој се венча во 2022. – 18 години откако нивната прва свршувачка пропадна. Оттогаш, тие се борат да ги избегнат истите стапици и да направат бракот да им успее.

Првиот пат кога беа заедно, нивната врска не можеше да се справи со притисоците на рефлекторите, а истите тие прашања почнуваат повторно да ги напаѓаат“, појаснува изворот.

Но, се чини, Џенифер е решена да не му дозволи да залута премногу.

Не само што четвртиот развод би бил крајно понижувачки за неа, туку таа навистина верува дека Бен е љубовта на нејзиниот живот. Сè на сè, нивните семејства прекрасно се споија, а нивните деца се зближија“, додава изворот.

Според сè, ова е само почеток од бракот, па и двајцата се трудат, се вели, а особено Џеј-Ло „прави сè што може“ за да го спаси овој брак.

The post Повторно „краток спој“ меѓу Бен Афлек и Џенифер Лопез appeared first on Република.

Актерката Гвинет Палтроу, која се прослави кон крајот на 90-тите, со филмови како „Вљубениот Шекспир“ или филмовите од универзумот на Марвел како „Железниот човек“; „Железниот човек 2“; или „Одмаздници“, може да се пофали дека била во врска со двајца од најпознатите холивудски актери Бред Пит и Бен Афлек.

Токму овие две имиња беа тема на разговор при гостувањето на Гвинет Палтроу во подкастот „Повикај го тато“ (Call Her Daddy), каде што актерката на водителката Александра Купер и открива какви се тие двајца во кревет.

https://twitter.com/callherdaddy/status/1653578914894315522?ref_src=twsrc%5Etfw%7Ctwcamp%5Etweetembed%7Ctwterm%5E1653578914894315522%7Ctwgr%5E%7Ctwcon%5Es1_&ref_url=https%3A%2F%2Fwww.marca.com%2Ftiramillas%2Fcine%2F2023%2F05%2F04%2F6453c46d22601d48298b45a8.html

Александра Купер во еден момент од интервјуто почна да ги именува сите познати мажи со кои актерката имала врска, а кога дојде до Афлек и Пит, ја праша кој и оставил подобар впечаток.

На тоа, Палтроу одговора дека би го избрала Бред Пит, но дека и двајцата се многу добри во бакнувањето.

Во еден момент од подкастот разговорот се фокусира на сексот, при што, Палтроу мораше да избере помеѓу Бред Пит и Бен Афлек. Актерката, без да сокрива нешто одговори на прашањето.

Тоа е навистина тешко прашање, бидејќи Бред е како момче со кое имаш така важна хемија, како да е љубовта на твојот живот, со кое сакаш врска. А, потоа, тука е Бен, кој беше технички одличен во кревет“, раскажа Гвинет Палтроу.

The post Гвинет Палтроу открива које е подобар во кревет, Бред Пит или Бен Афлек: Едниот е момче за врска, другиот со одлична техника appeared first on Република.

Мала незгода се случила вчеравечер пред пробната вечера за свадбата на Џенифер Лопез и Бен Афлек која се одржува викендот. На фотографиите од папараците се гледа дека на местото каде што ќе се одржи веселбата пристигнала Брза помош.

Како што пишува „Дејли мејл“, мајката на актерот, Крис Ен Болд, доживеала мала несреќа кога паднала од една клупа. Таа си ја пресекла ногата за време на падот, за што сега ѝ биле потребни три шавови.

Штом Бен ја нашол, се јавил на 911, а подоцна во текот на денот, Џенифер и Бен биле видени во локалната болница во Савана со мајката на Бен.
Актерот бил доста нервозен, а Џенифер не го оставала и цело време го тешела.

Пред речиси еден месец Џенифер Лопез и Бен Афлек се заколнаа на својата вечна љубов во Лас Вегас, а сега одлучија да направат свадбена веселба за своите најблиски која ќе трае три дена.

The post Несреќа во пресрет на свадбената прослава на Бен Афлек и Џенифер Лопез appeared first on Република.

Првиот сопруг на Џенифер Лопез, кубанскиот актер, Ојани Ноа, отворено проговори за бракот со латино дивата, при што открива зошто мисли дека нејзиниот брак со Бен Афлек нема да трае долго и е осуден на пропаст.

Лопез неодамна се омажи за актерот Бен Афлек, што предизвика голм интерес во јавноста, како и голем број коментари во медиумите.

Кубанецот, кој од келнер стана актер,  за Дејли мејл, вели дека поради нејзиниот карактер, Џенифер, лесно се заљубува, но нејзините врски не траат долго.

Им посакувам на беа и на Бен многу среќа во нивниот брак, но сигурен сум дека нема да трае долго. Џен сака да биде заљубена, но таа беше свршена шест пати. Бен е сопруг број четири. Јас бев сопруг број еден и ми кажа дека сум љубов на нејзиниот живот. Кога легнавме на првата брачна ноќ, таа ми рече дека ќе бидеме заедно засекогаш - вели Ојани за Дејли МеилДејли Меил.

Иако се разведе од пејачката во 1998 година, тој и Џенифер со години останаа добри пријатели, но сега, како штовели, одлучил јавно да проговори за нивниот брак бидејќи му здодеало да го етикетираат во медиумите како сиромашен келнер кој Џеј Ло го одби по една година.

The post Првиот сопруг на Џеј Ло: Им посакувам се најдобро на Џенифер и Бен, но нивниот брак нема да трае долго appeared first on Република.

Бен Афлек ќе се враќа како Бетмен во претстојното продолжение на Аквамен – „Аквамен и изгубеното кралство“.

Неговото враќање го најави ѕвездата на филмот Џејсон Момоа преку објава на Инстаграм. Момоа објави селфи од двајцата актери, со описот: „Повторно се обединивме, Брус и Артур. Те сакам и ми недостигаш. Фатен на снимање, ќе има одлични работи во Aquaman 2“.

Џејсон Момоа се враќа како Артур Кари, поморскиот суперхерој познат како Аквамен, а појавата на Афлек е прилично изненадување. Имено, актерот претходно објави дека повеќе нема да ја игра улогата на Темниот витез, а неговото појавување во филмот Flash, кој ќе излезе следната година, требаше да биде неговата последна инкарнација на познатиот суперхерој. Своето заминување го најави по филмот Justice League.

„Имав навистина лошо искуство со Justice League од многу различни причини. Не обвинувам никого, се случија многу работи. Но, не бев навистина среќен. Не ми се допадна да бидам таму. Мислам дека беше интересно. А потоа се случија некои навистина луди, ужасни работи. Но, тогаш помислив дека нема да го повторам тоа“, рече Афлек.

Продолжението на Аквамен го режира Џејмс Ван по сценарио на Дејвид Лесли Џонсон-Мекголдрик и Џејсон Момоа, а на Момоа и Афлек им се придружуваат Амбер Херд, Вилем Дефо, Патрик Вилсон, Долф Лундгрен, Јахја Абдул-Матин II, Темуера Морисон и Никол Кидман.

The post Бен Афлек се враќа како Бетмен во новото продолжение на Аквамен appeared first on Република.

Џенифер Лопез по медениот месец во Париз веќе е подготвена за концертот на италијанскиот остров Капри: пристигнува заедно со „тазе“ сопругот со Бен Афлек, а предизвикаа вистински туристички „хаос“. 

Сè е подготвено за добротворниот концерт на Луиза Виа Рома за Уницеф ​​во Капри. Џенифер Лопез ќе биде кума на вечерта во сабота на 30 јули, кога и ќе настапи на ексклузивен концерт во Чертоза ди Сан Џакомо. Свежо вратена од медениот месец во Париз со нејзиниот сопруг Бен Афлек, таа веќе генерира големо движење на островот, со огромни барања за вили, апартмани и соби до 18 илјади евра.

Љубовта на Џенифер Лопез кон Капри е добро позната. Често ѕвездата го избира лукзуниот италијански остров како станица на нејзините мини турнеи во Италија и соседството во текот на летото, а минатата година Капри беше и избор за „магична позадина“ при враќањето на пламенот со Бен Афлек, актерот со кој таа повторно се соедини дваесет години по раскинувањето на врската.

Благодарение на Џенифер Лопез, секако овојпат и на Бен Афлек, жителите на Капри можат да бидат и ова лето презадоволни – сè повеќе се зголемуваат цените на одредени локации, кои со текот на времето станаа толку ексклузивни и модерни дестинации, што се надвор од границите за обичните смртници.

Инаку, настанот на кој ќе настапи секси пејачката е резервиран само за ВИП гости. Но со оглед на тоа што ќе се движи ни уличките на малиот остров и секако ќе седнува во локалните ресторани, како што објави италијанскиот весник Ил Матино, цените на собите и апартманите веќе се искачени на недостапни нивоа. Така, ноќевањето на Капри во овој период започнува од 700 евра од ноќ до дури 18 илјади евра за апартмани со приватен базен за ноќевање со појадок.

 

View this post on Instagram

 

A post shared by JENNIFER LOPEZ (@jloveritaly)

The post Џенифер Лопез и Бен Афлек пристигнаа на Капри appeared first on Република.

Венчавката на Бен Афлек и Џенифер Лопез се одржа викендов во Лас Вегас во најголема тајност.

Дозволата за брак  е издадена на 16 јули и е под нивните правни имиња Бенџамин Газа Афлек и Џенифер Лин Лопез.

Веста како бомба одекна низ светот, а задоволството што се вратија еден на друг по 17 години од раскинувањето на свршувачката не престанува.

The post Старата љубов нема заборав: Џенифер Лопез пак облече бело за Бен Афлек appeared first on Република.

Американската поп-пејачка Џенифер Лопез и актерот Бен Афлек се венчале во Лас Вегас, откако славната двојка ја обнови својата романса по речиси 20 години, објавија во неделата медиумите.

Весникот The New York Post објави дека на увид ја има дозволата за венчавка во округот Кларк во американската сојузна држава Невада, поднесена во саботата а којашто покажува дека Лопез и Афлек се венчале.

Интернет таблоидот TMZ, кој е вообичаено најдобро информиран за настаните во светот на познатите личности, исто така, ја објави веста за венчавката на славната естрадна двојка.

Афлек и Лопез, гламурозната двојка којашто медиумите ја нарекоа „Бенифер“, повторно се спои минатата година по речиси 20 години откако се раздели. Веридбата ја објавија во април годинава.

На почетокот од 2000-те години двојката беше во центарот на вниманието на весниците, со луксузните автомобили и нејзиниот голем 6,1-каратен розев дијамант на вереничкиот прстен. Но венчавката ненадејно во 2003 година беше прекината и двојката се раздели неколку месеци подоцна.

The post Се венчаа Џенифер Лопез и Бен Афлек appeared first on Република.

10-годишниот син на Бен Афлек, Семјуел, отишол со татко му и неговата девојка Џенифер Лопез во продавница за луксузни автомобили.

Актерот во еден момент му дозволил на својот син да седне на возачкото седиште додека работел моторот на неговото жолто Lamborghini.

Додека седел зад воланот, Семјуел го ставил возилото во „рикверц“ и удрил во предниот дел на бело BMW паркирано зад него. Момчето било на возачкото седиште со отворена врата, додека Афлек бил меѓу вратата и возачкото седиште, а Лопез седела зад Самуел на возачката страна. По контакт со друго возило, Афлек отишол да види што се случило, а од автомобилот излегол и неговиот син.

Кога утврдиле дека штетата не е страшна, актерот го гушнал синот додека Џенифер го држела за рака и си заминале. Портпаролот на познатиот актер за TMZ изјави дека нема штета и дека двете страни се задоволни и дека нема никакви проблеми.

Семјуел е најмалото дете на Бен Афлек и поранешната сопруга Џенифер Гарнер, а заедно имаат и две ќерки - тринаесетгодишната Серафина и шеснаесетгодишната Вајолет.

The post Бен Афлек му даде „ламборгини“ на 10-годишниот син, а тој го удри во „бмв“ appeared first on Република.