Вчеравечер во 23.00 часот на Граничниот премин Богородица, на излез од државата, полициски службеници го лишиле од слобода А.Р.(32) од с.Баница, струмичко, поради тоа што при извршена пасошка контрола било констатирано дека приложил фалсификувана бугарска лична карта на туѓо име.

При извршени дополнителни проверки било утврдено дека А.Р. издржувал затворска казна во Казнено-поправната установа Затвор Штип, од каде бил пуштен на викенд.

Тој бил предаден на полициски службеници од Полициската станица Гевгелија, по што бил спроведен во установата.

The post Затвореник пробал со лажни бугарски документи да пребега надвор од Македонија appeared first on Република.

42-годишен маж настрадал синоќа околу 17 часот на автопатот Белград – Ниш откако излегол од возило на Брза помош, а во него удрил друг автомобил. Како што пренесуваат српските медиуми, се работи за психијатриски пациент, кој требало да биде сместен во установа, а бил пренесуван со полициска придружба.

Со возило на Брза помош требало да биде пренесен во Психијатриската болница во Горња Топоница. Но, тој се вознемирил и излетал од возилото на патот, каде го удри автомобил и тој почина на лице место, пренесуваат медиумите.

Увид извршил јавен обвинител, по што е наредена вонредна техничка инспекција на возилото, алкотест на сите присутни, како и обдукција.

The post Психијатриски пациент избега од возило на Брза помош, автомобил го покосил на место appeared first on Република.

На 08.12.2023 во 14.50 часот било пријавено дека на регионалниот пат Гостивар– с.Градец, кај с.Врапчиште, патничко возило „голф“ со гостиварски регистарски ознаки, управувано од А.М.(29) од с.Врапчиште, удрило во пешакот Н.П.(70) од с.Зубовце.

Како што информира МВР, во несреќата со тешки телесни повреди се здобила Н.П., констатирани во Општата болница Гостивар.

-Во врска со настанот, во 20.30 часот во с.Врапчиште, гостиварско, полициски службеници од ОВР Гостивар ги лишиле од слобода С.М.(44) и А.М.(40) од истото село, поради сомнение дека се обиделе да го прикријат возилото кое учествувало во сообраќајната несреќа, велат од полицијата.

Извори од полицијата велат дека станува збор за пријатели на А.М., а возилото со кое е прегазена жената не било регистрирано.

По целосно документирање на случајот ќе следи соодветен поднесок.

The post Прегазил жена, па пријатели се обиделе да му помогнат и да го сокријат автомобилот appeared first on Република.

Oсновното јавно обвинителство Скопје до Основниот кривичен суд Скопје поднесе предлог за определување мерка краткотраен 48-часовен притвор против 46-годишен скопјанец под сомнение дека извршил – Помагање на сторител по извршено кривично дело од член 365 став 3 во врска со став 1 од Кривичниот законик.

Основаното сомневање дека осомничениот го сторил кривичното дело произлегува од досега прибавените докази од Бирото за јавна безбедност, Сектор за меѓународна полициска соработка доставено до СВР Скопје во кое е наведено дека лице осомничено дека сторило кривично дело, по кое сега е распишана меѓународна потерница, на 02.12.2023 година било регистрирано на граничните премини во Р.Бугарија и тоа со влез во Р.Бугарија на ГП Калотина и излез од Р.Бугарија на ГП Капитан Андреево (кон Р.Турција). И двете регистрации се со возило марка Ланд Ровер, управувано од осомничениот. Лицето е лишено од слобода и со него полициски службеници од Секторот за меѓународна соработка извршија информативен разговор, велат од ОЈО.

Од Обвинителството велат дека во конкретниот случај, постојат околности кои го оправдуваат стравот за опасност од бегство, како и особени околности кои го оправдуваат стравот дека ќе го повтори кривичното дело, со оглед на околностите за видот и карактерот на делото, запретената казна и последиците од истото.

The post Притвор за лицето што помогна во бегството на Палчо, со „ленд ровер“ заминале кон Турција appeared first on Република.

Минатата недела, осуден убиец избегал од затвор во Пенсилванија. Данело Кавалканте (34) се качил меѓу два ѕида држејќи се за нив со рацете и нозете, а начинот на кој се качувал американските медиуми го опишаа како „одење на рак“.

Ова е огромен неуспех на овој американски казнено-поправен дом, со оглед на тоа дека на почетокот на годинава уште еден затвореник побегнал од затворот на ист начин. Вработени во затворот рекле дека по претходното бегство, била поставена жилет-жица, но дека таа очигледно била неефикасна.

https://twitter.com/BrianEntin/status/1699521355048231264?ref_src=twsrc%5Etfw%7Ctwcamp%5Etweetembed%7Ctwterm%5E1699521355048231264%7Ctwgr%5Eb3f542011be650bf38fc22e78c6aa627862ad291%7Ctwcon%5Es1_&ref_url=https%3A%2F%2Fmakfax.com.mk%2Fsvet%2Fd0b2d0b8d0b4d0b5d0be-d183d0b1d0b8d0b5d186-d0b8d0b7d0b1d0b5d0b3d0b0-d0bed0b4-d0b0d0bcd0b5d180d0b8d0bad0b0d0bdd181d0bad0b8-d0b7d0b0d182%2F

Вршителот на должноста управник на затворот, Хауард Холанд, на прес-конференција изјавил дека затворот ангажирал безбедносни консултанти по бегството на Игор Болте на 19 мај, кој на полицијата ѝ рекол дека неговото искуство со качување по карпи му помогнало да избега.

Иако верувавме дека нашите безбедносни методи се доволни, се докажа спротивното. И сега бргу ќе преминеме на понапредни безбедносни мерки“, рече Холанд.

Видеото објавено од затворот го покажува Кавалканте како „оди по ѕидот, низ жицата“, додава Холанд, ставајќи ги рацете на едниот ѕид, а нозете на другиот ѕид за да се искачи. Кога стигнале до покривот, и двајцата затвореници можеле да се спуштат по скалата до нечуваниот дел од затворот.

The post Убиец избегал од американски затвор: „Одеше по ѕидот како рак“ appeared first on Република.

Полициски службеници од Оперативен тим потраги при СВР Скопје и од Единицата за интервентна полиција при СВР Скопје денеска околу 16.45 часот ги лишиле од слобода И.Ј.(36), Е.Д.(36) и М.Р.(37), сите од скопското село Студеничани.

Министерството за внатрешни работи информира дека околу 9 часот денеска тие побегнале од Казнено-поправната установа Затвор „Идризово“ каде што биле на издржување казна затвор.

По преземени мерки и активности, тројцата биле забележани во село Долно Лисиче со патничко возило „фолксваген голф“ со скопски регистарски ознаки. Не застанале на знак за запирање даден од полициските службеници и продолжиле со движење кон село Јурумлери, но набргу биле пресретнати и лишени од слобода. Притоа, кај И.Ј. и Е.Д. биле пронајдени и одземени два ножа, соопшти МВР.

И.Ј. бил осуден на вкупна казна затвор затвор од 11 години за сторени кривични дела по член 215, член 418-б и член 144 од Кривичниот законик, а имал за доиздржување пет години и три месеци.

Е.Д. бил осуден на казна затвор од седум години за сторено кривично дело по член 215 од Кривичниот законик, а имал за доиздржување 18 месеци од казната.

М.Р бил осуден на казна затвор од осум години и три месеци за сторени кривични дела по член 215 и член 418-б од Кривичниот законик, а имал за доиздржување три години од казната.

Тие ќе бидат спроведени во казнено-поправната установа за доиздржување на казната.

The post Тројца затвореници избегале од КПД „Идризово“ appeared first on Република.

Единицата за корупција при Одделот за сузбивање на организиран и сериозен криминал (ОСОСК) денеска (20.06.2023) до ОЈО за гонење на организиран криминал и корупција поднесе кривична пријава против И.П.(45) од Скопје, за сторено кривично дело „противзаконито ослободување на лице лишено од слобода“, предвидено и казниво по член 373 од Кривичниот законик.

Имено, И.П. во својство на службено лице-затворски полицаец при КПУ-КПД Идризово Скопје, на 18.05.2023, додека бил на смена, на барање на Д.К. од Куманово, осуден за издржување казна затвор до 2027 година за сторени кривични дела по чл.237 ст.1 и чл.396 ст.1 од Кривичниот законик, со затворен третман, му ја отворил вратата кон Отвореното одделение, овозможувајќи му истиот да избега од КПУ Идризово.

Со вака преземените дејствија И.П. постапил спротивно на процедурите, надлежностите и работните задачи и обврски за обезбедување, со што сторил кривично дело „противзаконито ослободување на лице лишено од слобода“, по чл. 373 од Кривичниот законик.

The post Кривична за чувар во „Идризово“ кој му отворил врата на затвореник за да избега appeared first on Република.

Полицијата во Колумбија трага по српскиот државјанин А.М., осомничен за шверц на поголема количина дрога од Јужна Америка во Европа, откако спектакуларно избега од аеродромот во Рионегро, кај Меделин, во моментот кога требало да биде екстрадиран во Италија!

Осомничениот бил уапсен на 9 мај откако со лажни документи пристигнал во Колумбија од Доминиканската Република. Полицијата тогаш утврдила дека се работи за тежок криминалец кој соработува и со озлогласената италијанска мафија „Ндрангета“ и кој е осомничен дека учествувал во шверц на големи количества кокаин, хероин и хашиш од Јужна Америка во Европа.

Планот на полицијата бил да го качи во авион и да им го предаде на италијанските власти кои подолго време трагаат по него.

Меѓутоа, кога во средата во 19 часот и 30 минути на аеродромот „Хозе Марија Кордова де Рионегро“ пристигнал српски државјанин во придружба на полиција, побарал дозвола да купи шише вода, по што започнала филмска сцена, пред неколку стотици луѓе.

Осомничениот го искористил невниманието на полицијата и почнал да трча кон излезот. Пред аеродромот го чекал црн џип Ауди Q7 во кој имало неколку мажи, најверојатно негови соработници. Во еден момент почнале да пукаат кон полицајците кои биле принудени да возвратат. Сепак, српскиот државјанин успеал да стигне до автомобилот и да избега.

The post Може да купам шише вода? Српски нарко бос избегал од аеродром во Колумбија appeared first on Република.

СВР Тетово поднесе кривична пријава против А.Ј.(28) од Тетово, поради постоење основано сомнение за сторени кривични дела „неовластено производство и пуштање во промет на наркотични дроги, психотропни супстанци и прекурсори“ и „напад врз службено лице при вршење работи на безбедноста“ и против С.К.(24) од село Порој, тетовско, поради постоење основано сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“, соопштија денеска од МВР.

Полициски службеници на СВР Тетово на 14.03.2023 околу 19:40 часот, на локалниот пат Тетово - Ѓермо, ги лишиле од слобода пријавените А.Ј. и С.К., двајцата од тетовско, затоа што при нивен и преглед на патничко возило „бмв“ со тетовски регистарски ознаки, во кое се превезувале, била пронајдена и одземена марихуана. Претходно, тие не застанале на полициски знак за запирање и со нивното возило оштетиле полициско возило на СВР Тетово. Од судија на претходна постапка при Основен суд Тетово на пријавените им е одредена мерка притвор во траење од по 30 дена.

The post Кривичен прогон за тетовците што со марихуана во „бмв“ се судриле во полициско возило бегајќи appeared first on Република.

Уште еден затвореник му избега на „Сокол” од затворот Скопје во Шуто Оризари. Второ бегство за две недели, изјави денеска портпаролот на ВМРО-ДПМНЕ, Наум Стоилковски.

Пред два дена од затворот каде директор е Филип Андов Сокол, избегал Ариф Алили од Кичево. И Алили, најновиот бегалец од затворот под окото на Сокол, како и бегалецот од пред две недели бил дел од таканареченото „слободно одделение”.

Ариф е еден од двајцата браќа Алили добро познати на кичевската јавност, уапсен во септември 2020, бил осуден на три години, по опсежна акција за апсење на нарко дилери, а од затворот Шутка бега на пет месеци пред истек на казната.

Ова повеќе не може да се гледа како случајност, ова се системски пропусти, ако не и намерни системски пропусти. Ова повеќе не е држава, туку територија на мафијата, во којашто затвореници кога сакаат непречено излегуваат од затвор.

Пред само две недели од Шутка си замина Нафи Абдиовски, затвореник со цел фотоалбум со цело СДС, власта му премолче на миленикот Сокол. Сега се случува уште едно бегство, а власта пак молчи и се крие.

Уште колку затвореници треба да излезат од Шутка за да се побара одговорност? Мора ли крв да падне, како во Идризово, за да се реагира?

Почитувани, ваков дебакл нема никаде во светот, а СДС се уште си го чува Сокол за директор, а во затворската полиција луѓе коишто по наредба и по потреба ги обезбедуваат собирите на СДС.

Затворите станаа решето, од нив бега секој што има врска со СДС, мафијата и нивните структури распоредени во затворската хиерархија.

Потребни се оставки и одговорност и од миленикот на СДС, Филип Андов Сокол и од министерот за правда, Никола Тупанчевски.

Ниту право, ниту правда, ниту систем има со СДС. Потребна е одговорност и таа ќе дојде по изборите.

https://www.youtube.com/watch?v=T6x6lLSk000

The post Стоилковски: Ново бегство од „Шутка”, мора ли крв да падне како во Идризово за одговорност на Тупанчевски и Сокол? appeared first on Република.

The post Стоилковски: Бегството од затвор го организираат Срѓан Димитриевски од СДС и Идриз Асани, затворски полицаец од ДУИ? appeared first on Република.

Истрагата се проширува, но она што ги вчудовидува обвинителите се најновите сознанија. Беким Мемети не само што ја отворил футролата и го грабнал пиштолот на затворскиот чувар, успеал со врзани дланки да испука не еден туку два куршуми, и од рикошет да го рани возачот во стомак, објави телевизијата „Телма“.

Според сознанијата на „Телма“ што навистина се случило во комбето кое со четворица затворски чувари, а со наредба од командирот Срѓан Димитријевски и без придружба се упатило кон клинички е непознат дел за истрагата.

Во првичните изјави, петмината затворски чувари негирале дека се здружиле и му помогнале на Мемети да избега, велат извори од истрагата за Телма. Осомничените, прашани зошто во ниту еден момент не реагирале кога врзан човек молскавично ги совладал и застрашил се бранеле дека се исплашиле и затоа не реагирале.

Целиот текст тука

The post Беким Мемети, со врзани раце, не еднаш туку два пати пукал во комбето – затворските чувари негираат дека му помогнале да избега appeared first on Република.

Единицата за корупција во Сектор за криминалистички истраги при Одделот за сузбивање на организиран и сериозен криминал до Основното јавно обвинителство за гонење на организиран криминал и корупција поднесе кривична пријава против четворица затворски полицајци, командир и надзорници, вработени во КПУ Идризово и тоа: С.Д. (50), Т.А. (34) И.А. (49) и Т.П. (47) за сторено кривично дело „Противзаконито ослободување на лице лишено од слобода“ по член 373 од КЗ. Тие на 12.01.2023, спротивно на законот, го ослободиле лицето Б.М. – осудено за кривично дело по член 123 – убиство, кое им било доверено на чување и му помогнале да побегне, соопшти МВР.

Имено, на 12.01.2023 околу 22.50 часот осудениот Б.М., планирано и во договор со затворските полицајци и лица од надвор, се повредил така што си нанел расокотина на левата дланка, по што бил однесен во домската амбуланта, од каде било дадено препорака Б.М. да се пренесе во Клинички центар „Мајка Тереза“-Ургентен центар со цел санирање на повредата. За настанот бил запознат дежурниот командир на смена, првопријавениот С.Д., кој наредил да се изготви наредба за спровод од КПУ Идризово до Клинички центар „Мајка Тереза“ за осуденото лице од страна на затворските полицајци Т.А., И.А., Т.П. и И.Х..

Кривичното дело е извршено на начин што осомничените свесно и со намера да му овозможат бегство на осуденото лице кое го спроведувале, го седнале во средниот ред на службеното возило, а не според стандардните оперативни процедури за спровод на осудени лица во посебниот дел од возилото наменет за тоа. Потоа, еден од затворските полицајци воопшто не носел службено оружје иако морал да носи, а иако на осуденикот му било ограничено движењето на рацете со средства за врзување, сепак му било овозможено да пристапи до службениот пиштол на еден од затворските полицајци, со кој испукал еден куршум.

Иако намерата за пукањето со пиштолот во кровот на возилото била да го оправда овозможувањето на бегството од страна на затворските полицајци, зрното од куршумот се одбило од кровот и случајно го погодило затворскиот полицаец И.Х. во долниот дел од стомакот.

Наведените противзаконски дејствија се извршени откако службеното затворско возило било пресретнато и му било попречено движењето од страна на друго возило марка „ауди“ и притоа овластените службени лица за спровод – затворските полицајци не преземале никакви дејствија во однос на присилното нивно запирање, а осуденото лице по настанот влегло во возилото „ауди“ и заминало од лице местото.

Од страна на затворските полицајци, иако дел од нив биле вооружени, не се преземени никакви дејствија за спречување на бегството. Повредениот затворски полицаец И.Х. е пренесен во болница за укажување на лекарска помош, се вели во соопштението на МВР.

The post МВР со детали за инцидентот во кој беше ранет полицаец: Бегството на Мемети било планирано appeared first on Република.

Четворица затворски полицајци кои го спроведувале осудениот Беким Мемети од КПУ Идризово во Ургентниот центар „Мајка Тереза“ и командирот кој ја издал наредбата, се суспендирани од работа, потврдуваат за МИА од Министерство за правда.

Одлуката за суспендирањето на затворските полицајци и командирот е донесена по спроведениот вонреден надзор.

https://republika.mk/vesti/crna-hronika/izbeganiot-zatvorenik-bekim-memeti-osuden-za-ubistvo-vo-mala-rechitsa-bil-ekstradiran-od-germanija-pred-2-i-pol-godini/

Министерството за внатрешни работи објави меѓународна потерница за Мемети Беким, кој додека бил пренесуван во болница пукал во затворски полицаец и побегнал.

Мемети Беким род. 30.01.1986 год. во Тетово, каде и живее на ул.„115“ бр.8, кој се бара за бегство од КПУ Идризово за сторено кривично дело по чл. 123, чл.396 и чл.215 од КЗ на РСМ, стои во објавата на МВР.

Беким бил осуден на вкупна казна од 21 година затвор, од кои 19 за убиство и две за неовластено производство и пуштање во промет на наркотични дроги, психотропни супстанции и прекурсори. Казната ја издржува од 28.12.2020 година, а му истекува на 17.04.2040 година.

https://republika.mk/vesti/crna-hronika/za-sprovodot-na-izbeganiot-zatvorenik-ne-bila-pobarana-politsiska-asistentsija-upravata-za-izvrshuvane-sanktsii-ke-ispituva-propusti-vo-sluchajot/

Управата за извршување на санкции, информираше дека синоќа околу 23:20 часот при спровод на осуденото лице Б.М (36) од КПУ Идризово во Ургентниот центар „Мајка Тереза“ поради повреда на десната рака, на автопатот кон Скопје кај бензиската пимпа на Лукоил, службено возило било пресретнато од возило марка „ауди” со сива боја без регистерски таблички кое им го блокирало патот.

Осуденото лице во тој момент му го одзел службениот пиштол од футрола на затворскиот полицаец И.Х. кој го возел комбето, пукал во него и го повредил во долниот дел на стомакот. Поради повредата, возачот го запрел возилото, а осуденото лице се дало во бегство со патничкото возило „ауди”. Вработените во затворската полиција го пријавиле случајот во СВР Скопје, појаснуваат од Управата за извршување на санкции.

Повредениот затворски полицаец е префрлен во болница на натамошно лекување, а со учесниците на настанот извршени се разговори од страна на надлежните на МВР.

The post Суспендирани командирот и четворицата полицајци кои го спроведувале Беким Мемети appeared first on Република.

Министерството за правда преку писмено соопштение утрово информира за синоќешното бегство на осуденик од комбе на затворот „Идризово“ во кое е ранет припадник на затворската полиција и најави дека Управата за извршување санкции, која е под надлежност на Министерството, ќе ги испитува пропустите што довеле до настанот, како и дали постои одговорност за организацијата на спроведувањето на затвореникот.

Според соопштението на Правда, синоќа во 23:20 часот, додека припадници на затворската полиција со службеното возило на КПУ „Идризово“ го спроведувале 36-годишниот затвореник со иницијали Б.М. од затворот во Ургентниот центар „Мајка Тереза“, заради укажување на лекарска помош поради повреда на десната рака, кај бензинската пумпа на „Лукоил“ на автопатот кон Скопје, биле пресретнати од возило марка „ауди“ со сива боја, кое им го блокирало патот.

Затвореникот во тој момент му го одзел пиштолот од футролата на затворскиот полицаец И.Х. кој го управувал комбето, пукал во него и го ранил во долниот дел на стомакот.

Поради повредата, возачот го запрел возилото, а осуденото лице се дало во бегство со патничкото возило `ауди,се наведува во соопштението од Министерството за правда.
Вработените во затворската полиција случајот го пријавиле во Секторот за внатрешни работи Скопје, а ранетиот затворски полицаец бил префрлен во болница на натамошно лекување.

По избеганиот затвореник, како што информираат оттаму, веднаш е издадена централна потерница, а со учесниците во настанот, односно со припадниците на затворската полиција биле извршени разговори од страна на надлежните на МВР.

Сега, како што се наведува и во соопштението од Правда, Управата за извршување на санкции ќе треба да одговори на прашањата што се наметнуваат во врска со филмското бегство на затвореникот, а се однесуваат на почитувањето на протоколите за спровод на осудено лице.

Она што дополнително им дава тежина на ваквите прашања е што станува збор за затвореник, кој издржувал затворска казна од 21 година, за убиство и за трговија со дрога.

Она што досега е утврдено, а е дел од пропустите што треба да се испитуваат и за кои ќе се утврдува евентуална одговорност, е дека не била обезбедена полициска асистенција за спровод на осуденикот во болница.

Управата за извршување санкции ќе направи вонреден надзор во КПУ ‘Идризово’ и за сите утврдени неправилности ќе преземе соодветни мерки со цел да се утврди зошто не била обезбедена полициска асистенција за спровод до болница. Воедно, ќе се утврдува дали постои одговорност за организацијата на спроведувањето на осуденикот, како и за пропустите што довеле до ваква разврска на целиот настан, велат од Правда.
Според Министерството, односно Управата за извршување санкции, затвореникот Б.М. бил осуден на вкупна казна од 21 година затвор, од кои 19 за убиство и две за неовластено производство и пуштање во промет на наркотични дроги, психотропни супстанции и прекурсори.

Казната ја издржувал од 28 декември 2020 година, а му истекува на 17 април 2040 година.

The post За спроводот на избеганиот затвореник не била побарана полициска асистенција: Управата за извршување санкции ќе испитува пропусти во случајот appeared first on Република.

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција, како специјализирано одделение за истражување и гонење на кривични дела сторени од лица со полициски овластувања и припадници на затворската полиција, поднесе кривична пријава против Ќ.А. и Ј.А., двајцата полициски службеници во Полициската станица за граничен премин Долно Блаце при Регионалниот центар за гранични работи Север, поради постоење на основи на сомнение за сторено кривично дело „злоупотреба на службена положба и овластување“ по член 353 од Кривичниот законик.

Како што информира МВР, пријавените на 14.12.2022 им овозможиле на две лица со албански лични документи, кои биле задржани во станицата по извршени проверки во врска со телеграма со мерка за нивно задржување, да побегнат.

Тие во 13:25 часот пристигнале на граничниот премин со патничко возило „мерцедес“ и додека се преземале мерки по телеграмата, задржаните лица не биле обезбедувани од полициски службеник, а возачот на возилото не бил контролиран. Околу 16:00 часот, првопријавениот му овозможил на возачот со возилото да оствари влез во Република Косово без проверка на лични документи и документи за возилото. Во 16:20 часот, возачот со возило се вратил во меѓузоната, а во 17:26 часот влегол во станицата и набргу заедно со возилото заминале и оствариле влез во Косово. После тоа, откако било утврдено дека лицата се оддалечиле, пријавените не презеле никакви мерки за нивно пронаоѓање. Од надлежниот обвинител на првопријавениот му е изречена мерка притвор, а на второпријавениот мерка на претпазливост со одземање патната исправа. Одделот за внатрешна контрола против двајцата полициски службеници ќе поведе постапка за утврдување на дисциплинска одговорност и ќе бидат суспендирани од работните места, се наведува во соопштението од МВР.

The post Полицајци од Блаце помогнале да побегнат двајца албански криминалци appeared first on Република.

Затвореник од Затвор-Штип утринава во 1.30 часот побегнал од одделот за ортопедија и трауматологија во Клиничка болница-Штип. Бегството на 48 годишниот осуденик за МИА го потврдува директорот на Затвор-Штип, Мики Тодоров и портпаролот на Клиничка болница-Штип, Марина Шуманска.

Станува збор за 48 годишен пациент на кого требало денеска да му се извади шраф од кукот, во 1.30 часот се јавил дека ќе излезе на воздухот, но пациентот по лифтот излегол од зградата и му се губи трагот, вели Шуманска.

Директорот на Затвор-Штип, Тодоров вели дека станува збор за осуденик кој е повратник,а за издржување на затворската казна има уште една година и пет месеца. За двајцата затворски службеници кои требале да го чуваат во болницата ќе биде покрената дисциплинска постапка и најверојатно ќе бидат суспендирани се до решавањето на дисциплинската постапка.

The post Излегол на воздух, па го снемало, затвореник избега од болницата во Штип, полицајците на дисциплинска appeared first on Република.

Навивач од Скопје, при обид да избега од полиција се здобил со повреди и е пренесен во Градската општа болница „8 Септември“, а потоа бил задржан во полициска станица.

Во текот на вчерашниот ден, во СВР Скопје е пријавено дека на булеварот „Гоце Делчев“ и улица „Лазар Личеновски“, по завршување на спортски натпревар, повеќе лица фрлале тврди предмети кон возило „Сеат“, во кое се превезувале навивачи на една од навивачките групи, информираат од Министерството за внатрешни работи.

Откако ја забележал полицијата, повредениот се обидел да избега, но се здобил со повреди и бил пренесен во Градската општа болница „8 Септември“, а по укажаната помош бил задржан во полициска станица. Се преземаат мерки за расчистување на случајот.

The post При обид за бегство од полиција повреден навивач од Скопје appeared first on Република.

Полицијата во Индијана го пронашла и го фатила „исклучително опасниот“ затвореник кој на 29 април побегна со помош на полицајка која работела како затворски чувар. Таа се самоубила при апсењето.

Кејси Вајт повторно е уапсен - изјави шерифот Рик Синглтон за новинарите.

Затворската чуварка, Вики Вајт, која е осомничена дека му помогнала да избега и со која затвореникот бил во љубовна врска, во болница им подлегнала на повредите кои си ги нанела со огнено оружје при апсењето.

Вики Вајт (56) и Кејси Вајт (38) имаат исто презиме, но не се во роднинска врска.

Парот последен пат бил виден во затвор во Алабама кога Вики Вајт го одвела на лажен психијатриски преглед. Тоа на Вики и бил последниот ден на работа пред да се пензионира. Според пишувањата на локалните медиуми, таа неодамна ја продала куќата и им рекла на колегите дека планира да поминува повеќе време на плажа.

Нивното бегство траеше десет дена во кои поминале стотици километри и поминале низ најмалку четири сојузни држави. Сè заврши ненадејно со бркотница со автомобил во близина на Евансвил во срцето на Средниот Запад.

Кејси Вајт беше зад воланот. Вики Вајт беше на совозачкото седиште. Тие доживеаа несреќа за време на потерата. Кејси Вајт се предаде, додека Вики Вајт беше пренесена во болница - соопшти Синглтон.

Двојката го разбуди интересот на јавноста затоа што тие двајца се многу различни: таа - примерен јавен службеник кој имаше уреден живот; тој - „џин“ висок 2,06, повеќекратен повратник во затвор осомничен за убиство.

Денеска отстранивме многу опасна личност од улица. Тој повеќе нема да ја гледа светлината на слободата - изјави шерифот Синглтон.

Шерифот објасни дека бегството на двајцата било „многу внимателно подготвено“.

На 29 април, Вики Вајт со неверојатна леснотија го зела Кејси од затворот во градот Фиренца, Алабама, каде што издржуваше казна од 75 години. Вики ги надгледувала трансферите на затворениците во округот Лодердејл.

На снимката од надзорните камери се гледа како полицајка следи голем тетовиран затвореник чии раце и нозе се во синџири, му помага да влезе во полициско возило и да го одведе под лажен изговор дека ќе го однесе на психијатриско вештачење.

„Примерниот службеник“ и „најсигурниот затворски чувар“, како што ја опишуваат шерифот и обвинителот, обезбедила уште еден автомобил за бегство што ги чекал на паркингот во блискиот трговски центар. Автомобилот, кој таа го купила под лажно име, подоцна бил пронајден во засолниште за животни во Тенеси.

Подоцна полицијата утврдила дека Вики подигнала околу 90.000 долари од нејзината сметка, кои и останале од продажбата на куќата и дека двојката била во врска две години.

Во септември 2020 година, Кејси Вајт беше обвинет за убиство на 58-годишната Кони Риџвеј. Тој веќе лежеше 75 години затвор за серија насилни злосторства во 2015 година, вклучувајќи провална кражба, кражба на возила и полициска потера.

Тој, наводно, го признал убиството, но подоцна се изјаснил за невин поради лудило и го чекал судењето во окружниот затвор Лодердејл кога исчезнал, додаваат властите.

Кејси се соочува со егзекуција доколку биде осуден.

Да беше фатена, Вики Вајт, вдовица без деца, можеше да биде осудена на 10 години затвор за помагање на затвореник да избега.

The post Филмски крај на потерата по затворскиот пар: Примерната полицајка си пресуди пред апсењето, фатен нејзиниот љубовник криминалец appeared first on Република.