Од јавното претпријатие „Лајка“ известуваат дека од денеска нивниот заловувачкиот тим започнува со стратешко заловување на бездомни кучиња на територијата на општина Аеродром.

-Нашиот тим на заловувачи оваа недела ќе заловува во реоните: Долно Лисиче, Горно Лисиче, Тодор Чангов, населба Лисиче, Ново Лисиче, Јане Сандански, Реонски центар, Бисер, Стар Аеродром, Мичурин и Острово – соопштија од претпријатието.

Заловувачкиот тим ќе го залови секое бездомно куче кое што ќе го сретне во овие реони, а кое го нема поминато хуманиот третман.

Доколку граѓаните од гореспоменатите населби имаат бездомно куче кое сакаат да го посочат на тимовите, можат да се јават на телефонските броеви: 02 256 5859 / 071 219 925 или можат да пријават на [email protected]

The post Од денеска почна заловувањето бездомни кучиња во општина Аеродром appeared first on Република.

Во четвртокот, околу 18.30 часот на паркинг простор пред трговски центар на подрачје на Аеродром, полициски службеници од Одделението за криминалистички работи при ЕВР Аеродром и Драчево ги лишиле од слобода Г.Г.(43) и М.М.(40), двајцата од Скопје.

Тие се сомничат дека во периодот од 15 до 18 часот одзеле три влезни врати од две згради на бул.„АСНОМ“.

Во службен разговор во полициска станица тие ги признале делата, а одземените предмети биле пронајдени и вратени. По целосно документирање на случајот, против нив ќе биде поднесена соодветна пријава.

The post Фатени мажи кои краделе влезни врати од бул „АСНОМ“ во Аеродром appeared first on Република.

Синоќа во 04.33 часот во Полициска станица Аеродром, 19-годишна кичевчанка пријавила дека околу 04.20 часот додека со такси возило се враќала кон нејзиниот дом на подрачјето на скопски Аеродром, такси возачот започнал да се однесува недолично и да ја допира по телото.

Се преземаат мерки за расчистување на случајот, соопштуваат од МВР.

The post Таксист во Аеродром допирал 19-годишна патничка appeared first on Република.

Објектот „Лале“ кој е дел од детската градинка „Срничка“ доби целосно нова енергетски ефикасна фасада, информираше градоначалникот на Општина Аеродром, Тимчо Муцунски.

Фасадата е изведена по највисоки стандарди, му дава нов и модерен изглед на објектот, придонесува за заштеда на електрична енергија и обезбедува подобри услови за престој на дечињата во оваа градинка. Како Општина Аеродром, континуирано преземаме мерки за заштеда на средства за електрична енергија, но и за обезбедување квалитетни услови за правилен раст и развој на најмладите - напиша Муцунски на официјалната Фејсбук страница.

Тој најави и дека наскоро ќе биде пуштена во употреба и новата градинка „Црвенкапа“ во Стар Аеродром, а и дека со ребалансот на буџетот се обезбедени средства за проектирање на уште две нови градинки.

The post Нова енергетски ефикасна фасада за објектот „Лале“ во Аеродром appeared first on Република.

Во основното училиште „Ѓорѓија Пулевски“ во општина Аеродром моментов се изведуваат работи со инвестиција на над 100.000 евра во средување на дворот во основното училиште и спортската и рекреативна инфраструктура која што е опфатена со истото, изјави денеска градоначалникот на општината Тимчо Муцунски.

Денеска заедно со претседателот на Советот на Општина Аеродром, Дејан Митески сме тука пред основното училиште „Ѓорѓија Пулевски“ каде што во моментов се изведуваат работи со инвестиција на над 100.000 евра во средување на дворот во основното училиште и спортската и рекреативна инфраструктура која што е опфатена со истото, изјави Муцунски.

Муцунски додаде дека исто така се работи и во основните училишта во општината „Блаже Конески“ и „Гоце Делчев“.

Во истиот момент се има градежни работи во основното училиште „Блаже Конески“, таму има целосна промена на фасадата. При крај се работите поврзани со проект за проширување и реконструкција на истото училиште на „Блаже Конески“. И наскоро таму ќе почнеме со работа. Инвестициите во образовната инфраструктура исто така продолжуваат и кај основното училиште „Гоце Делчев“ каде што ќе има проширување на капацитетите и реконструкција на училиштето, додаде Муцунски.

Во делот на инфраструктурата отпочнати се радежни работи на повеќе километри на улици во општината.

Во делот на инфраструктурата сакаме да најавиме дека се отпочнати градежни работи во населба Лисиче, во општина Аеродром на повеќе километри улици кои што треба да се изградат. Така да работиме на сериозни инфраструктурни подобрувања, истакна Муцунски.

Тој меѓудругото најави дека од месец септември ќе започне со работа и нова градинка, а во летниот период се очекува да започнат градежните работи на уште две детски градинки.

Во месец септември очекуваме да отпочне со работа нова градинка. После летниот период да отпочнеме со градежни работи на најмалку две нови градинки. Што значи дека приоритетот ни е пред се образовната инфраструктура, уличната инфраструктура, инфраструктурата поврзана со рекреацијата. Наскоро почнуваме со работа и на три нови детски игралишта, Стар Аеродром, Реонски центар, Ново Лисиче. Така да работиме сериозно, посветено, многу инвестиции во општина Аеродром кои што некои се тековни, некои наскоро почнуваме со работи кога ќе бидат создадени услови согласно соодветните процедури, посочи Муцунски.

Муцунски на крај ги повика скопјани на вечерашниот натпревар на МЗТ – Скопје од полуфиналето во АБА 2 лигата.

На крај, би сакал да кажам дека се радувавме на победата на МЗТ – Скопје во првиот наптпревар од АБА 2 турнирот, вечерва во 21 часот е полуфинале. Така да не само аеродромци, туку сите скопјани ги очекуваме на натпреварот, да навиваме за МЗТ – Скопје, бидејќи очекуваме да го добие своето заслужено место и повторно да се врати во АБА 1 лигата, рече Муцунски.

The post Муцунски: 100.000 евра инвестиција во училиштето „Ѓорѓија Пулевски“, во септември Аеродром ќе добие нова градинка, а ќе се изградат и уште две appeared first on Република.

Аеродромот „Никола Тесла“ во Белград рано утринава беше затворен, како што неофицијално дознава ТВ Н1.рс, поради дојавата за наводна бомба, јави допсиникот на МИА од Белград.

Вработените и патниците биле пуштени во аеродромската зграда малку по 5 часот утринава.

Објавена е информација за доцнење на полетувањата на речиси сите утрински летови, по што авиосообраќајот постепено се нормализираше, пишува ТВ Н1.рс.

Искусниот пилот Стеван Игњатовиќ вчера изјави дека дојавите за бомби и следењето на авионите не ЕР Србија на летовите за Москва се притисок врз Србија и авиокомпанијата, која е единствена што сообраќа до главниот град на Русија.

Ќе има се повеќе информации за бомби, следење на цивилни авиони и притисок за домашни летови, со оглед на тоа дека доаѓа сезоната каде што граѓаните ќе сакаат да патуваат во Грција, Шпанија…аеродромите ќе бидат полни. Само ние летаме за Москва, не знам дали тука има економски влијанија, но факт е дека сите наши патници треба да се чувствуваат безбедно и да не се вознемируваат ако во близина видат борбен авион. Ситуацијата едноставно ќе трае се додека трае конфликтот меѓу Русија и Украина, кажа Игњатовиќ.

The post Аеродромот во Белград утрово беше затворен поради дојава за бомба appeared first on Република.

Автомобил од марката „опел“ удрил во малолетник во скопски Аеродром. Според последните информации потврдени од полицијата, пешакот е повреден и пренесен во болница. Засега нема информации за здравствената состојба на повреденото дете.

Незгодата се случила околу 13 часот на улицата „Симеон Кавракиров“ во близина на новоизградената деловно-станбено зграда Порта Аеродром.

Полицијата врши увид на лице место за да се утврдат причините за несреќата.

The post „Опел“ удри во малолетник во Аеродром, детето е пренесено во болница appeared first on Република.