Бројот на починати за време на овогодинешниот аџилак во Мека се зголеми на 1.301, изјави министерот за здравство на Саудиска Арабија, Фахад Ал Џалаџел, а објави Еј-Пи њус.

Министерот, чии зборови ги пренесе државната телевизија, рече дека причината за смртта е „патување на долги растојанија под директна сончева светлина“ без соодветна заштита, а меѓу загинатите има многу стари лица и луѓе кои боледуваат од хронични заболувања.

Околу 83% од смртните случаи се лица на кои не им бил одобрен аџилак, рече саудискиот министер.

Саудиските власти презедоа мерки против нелегалните аџии, протерувајќи десетици илјади луѓе. Но, многумина, главно Египќани, успеаја да стигнат до светите места во и околу Мека, a некои од нив и пеш. За разлика од овластените аџии, тие немаа хотели за престој во кои можеа да се вратат за да избегаат од жешкото.

Во соопштение од саботата, египетската влада рече дека 16 туристички агенции не обезбедиле соодветни услуги за аџиите. Се вели дека овие агенции незаконски го олесниле патувањето на аџиите во Саудиска Арабија користејќи визи кои не се важечки за патување во Мека.

Владата соопшти и дека надлежните лица од компаниите се упатени до јавниот обвинител за истрага.

Секоја година, десетици илјади верници се обидуваат да учествуваат на аџилакот без официјална дозвола, која се плаќа и се доделува според квоти, а која овозможува пристап до климатизирани простори.

Аџилакот е еден од петте столбови на исламот, а секој муслиман кој е здрав и финансиски способен, е должен барем еднаш во животот да ја изврши оваа верска должност, според начелата на исламот.

The post 1.300 аџии починаа на аџилак во Мека appeared first on Република.

Египетскиот премиер Мостафа Мадбули нареди да се укинат лиценците на 16 туристички агенции кои организираа нелегални патувања на аџилак, откако стотици Египќани починаа за време на годишното поклонение во Саудиска Арабија, објави „Ал Ахрам“.

Управителите на фирмите ќе бидат изведени пред суд, се наведува и во соопштението на кабинетот. Одлуката е донесена за време на состанокот на работната група формирана за случајот од претседателот Абдел Фатах ал Сиси.

Владата соопшти дека починале 31 лице од вкупно 50.752 регистрирани египетски аџии, пишува онлајн изданието „Ентерпрајс Њуз“. Светските агенции цитираа неименуван арапски дипломат дека бројот на жртвите надмина шестотини, од кои повеќето нерегистрирани аџии.

Досега, владината работна група „идентификуваше 16 туристички агенции кои го организираа патувањето на нерегистрираните аџии надвор од официјалните правила на аџилакот и не им обезбедија никакви услуги“, рече портпаролот на кабинетот Мохамед Ел Хомсани во телефонското интервју за телевизијата „Сада ал-Балад“.

Тој додаде дека премиерот наредил веднаш да им се одземат лиценците на компаниите и да се изречат казни во корист на семејствата на починатите.

The post Директори на 16 туристички агенции во Египет кои организираа нелегални патувања на аџилак ќе бидат изведени пред суд appeared first on Република.

Бројот на починати за време на аџилакот во Саудиска Арабија надмина 900, јавија светските агенции, повикувајќи се на податоци од повеќе земји.

Семејствата и пријателите пребаруваа болници и бараа информации на Интернет, плашејќи се од најлошото откако температурата завчера во Мека, најсветиот град во исламот, достигна 51,8 степени Целзиусови.

Околу 1,8 милиони луѓе од целиот свет, многу стари и изнемоштени, учествуваа на повеќедневниот настан, главно на отворено.

Според информациите на саудиските власти, на годинешниот аџилак учествуваат аџии од Саудиска Арабија и уште 22 земји.

Аџилакот е должност што треба да се извршува еднаш во животот за сите муслимани кои се физички и финансиски способни да патуваат и кои веруваат во патот по кој пророкот Мухамед тргнал пред 1.400 години.

Стампедо, пожари во шатори, жештина и други фактори предизвикаа голем број смртни случаи за време на овој важен верски настан во последните 30 години

The post Детали за трагедијата во Мекa: Aџиите паѓале на температура од 51 степен appeared first on Република.

Над 500 луѓе починаа поради болести предизвикани од високите горештини за време на аџилакот на муслиманските верници во Мека. Како што пренесува Sky News, температурата во Саудиска Арабија во последните денови достигнала и до 52 Целзиусови степени.

Трагедијата го наруши празникот Курбан Бајрам, еден од најголемите муслимански празници. Мека секоја година прима милиони посетители за Хаџ, годишниот исламски аџилак во Каба, кој е познат и како Куќа на Алах.

Оваа година церемониите се одржуваа на пеколни температури. Во Големата џамија се измерени рекордни 51,8 степени според саудискиот метеоролошки центар.

Дипломатите соопштија дека бројот на загинати во мртовечницата Ал Муаисем достигна 550, од ​​кои повеќето се од Египет.

„Повеќето од загинатите се Египќани“, изјави арапски дипломат за АФП.

Верниците се обиделе да се разладат со полевање со вода. Според медиумите, загинале 323 државјани на Египет, 60 државјани на Јордан, 35 државјани на Тунис, 11 државјани на Иран и еден државјанин на Сенегал. Националноста на другиот починат не е соопштена.

За време на аџилакот, повеќе од 390.000 аџии побарале лекарска помош поради преголемата топлина. Очевидци наведуваат дека покрај патот виделе многу неподвижни тела на верници, не знаат дали починале.

„Ќе ги засилиме напорите да се грижиме за сите на кои им е потребна помош“, соопшти саудиската Црвена полумесечина, додавајќи: „Планот е да се фокусираме на верниците кои го завршиле аџилакот и пред да стигнат до болницата. Подготвивме 45 целосно опремени медицински центри со 700 професионални работници и над 500 волонтери“.

И покрај големиот број на смртни случаи, саудискиот министер за здравство Фахд Абдул Рахман Ал Џалајаел изјави дека здравствените служби одлично ги извршиле сите задачи за време на овогодинешниот Хаџ.

„Благодарение на Алах, неговото височество принцот и премиерот со задоволство објавуваат успешно спроведување на плановите поврзани со здравствените услуги за време на оваа сезона на Хаџ“, рече тој.

Одењето на аџилак барем еднаш во животот е една од обврските на секој муслиман кој е способен (финансиски и физички) да го стори тоа.

„Аџилакот е тешка задача. Мора да се вложат големи напори ритуалот да се изврши и во услови на голема топлина и гужва“, вели еден од верниците.

Властите ги предупредија верниците да избегнуваат да бидат на отворено помеѓу 11 и 15 часот. Се проценува дека оваа година Мека ја посетиле околу 1,8 милиони муслимани од целиот свет. Минатата година за време на аџилакот загинаа најмалку 240 луѓе, а повеќе од 10.000 верници побараа помош поради големите горештини.

The post Вознемирувачко: 500 починати аџилак во Мека од високите температури appeared first on Република.

Саудиските власти објавија дека повеќе од 1,5 милиони верници пристигнале во земјата за да присуствуваат на годишниот аџилак во Мека, што почнува в петок.

Официјални лица велат дека очекуваат годинашниот број на лица на аџилак да биде поголем од оној во 2023 година, кога се проценува дека имало 1,8 милиони луѓе.

Еден од најголемите верски собири во светот, аџилакот во Мека е еден од петте столбови на исламот. Од сите муслимани се бара да го сторат тоа барем еднаш во својот живот, доколку се физички и финансиски способни.

The post Повеќе од милион и половина аџии веќе пристигнаа на годишниот аџилак во Мека appeared first on Република.

Годинава на аџилак и во посета на светите муслимански места од земјава ќе заминат над 2.000 верници, што претставува рекорден број и подготовките поминаа во најдобар ред, изјави поглаварот на Исламската верска заедница, реисот хаџи Хафиз Шаќир Ефенди Фетаи на информативната средба со верниците во Гостивар.

Од нашата земја оваа година на аџилак ќе заминат 2030 верници, кои ќе им се придружат на околу четири милиони верници од целиот свет. Оваа година бројот на аџии од Македонија е поголем од која било друга земја на Балканот, рече Фетаи.

Тој на верниците кои се собраа на традиционалниот информативен собир им посака добро здравје и да се придржуваат до препораките на верските лидери и лекарскиот тим.

Рекорден број на верници, годинава ќе заминат од Гостиварско и сите подготовки поврзани со визи, авионски билети, вакцини се завршени и како што рече гостиварскиот муфтија Сабахудин Зендели, верниците може да заминат за Саудиска Арабија и да го исполнат петтиот услов на исламот.

Собирот беше можност верниците да се запознаат со нивните водачи и да слушнат совети и предавања поврзани со престојот во светите места.

Муфтијата Зендели напомена дека од гостиварско на аџилак годинава ќе одат 451 аџии кои ќе бидат придружувани верски лица и медицински тим со тројца лекари. Најстариот верник кој ќе замина Хаџот 2023 има 80 години, а најмладиот 26.

Покрај советите и благословот, верниците денес ги добија и пакетите во кои се наоѓа традиционалната наметка ирхам.

Првата и втората група ќе тргне на 16 јуни, односно 17 јуни со по 180 верници, а последната со 85 ќе отпатува на 18 јуни.

ИВЗ го организираше патот, сместувањето и храна за време на 28 дневниот престој.

The post Завршија подготовките за аџилак, над 2.000 верници од земјава ќе заминат во Мека appeared first on Република.

Од Република Македонија на аџилак годинава ќе заминат 2.030 верници, што е повеќе од двојно повисока бројка од минатата година, кога во светите места беа 919 верници, изјави за МИА, Ирсел Јакупи, генерален секретар на Исламската верска заедница.

Бројката е пополнета согласно квотата што ја одреди Министерството за хаџ на Саудиска Арабија и годинава ќе има 2.030 верници, од земјава, кои ќе патуваат кон светите места иако беа пријавени повеќе од три илјади. Верниците ќе патуваат од 16 до 21 јуни со авионски чартер летови. Тие се од различни возрасти, меѓу нив и деца, додаде Јакупи.

Според него цената за аранжман за Хаџ 1444/2023 е 6.550 евра.

Што се однесува за дебарското муфтиство, кое ги опфаќа општините Дебар, Центар Жупа и општина Маврово Ростуше, годинава во светите места Мека и Медина, каде се реализира петтиот столб на исламот-аџилакот ќе заминат 30 верници, наспроти минатата година кога на аџилак беа 12 верници, рече за МИА, Орхан Зенго секретар на дебарското муфтиство.

Големиот празник Курбан Бајрам, годинава се паѓа на 28 јуни и се слави четири дена.

The post На аџилак годинава ќе одат 2.030 верници од Македонија, меѓу нив има и деца appeared first on Република.

Милион муслимански верници се собраа во светиот град Мека во Саудиска Арабија, со цел да учествуваат во аџилакот. Ваквата бројка аџии доаѓа окако пандемијата од корона вирусот изминатите две години значајно го ограничи пристапот до едно од најголемите муслимански светилишта.

Министерството за аџилак на Саудиска Арабија издаде дозволи за еден милион аџии од земјата и од странство да извршат аџилак, што почнува денеска. Станува збор за бројка помала од 2,5 милиони муслимани кои за таа намена допатуваа во 2019 година.

Од Министерството соопштија дека годинава аџилакот е за лица помлади од 65 години, целосно вакцинирани. Муслиманските верници кои доаѓаат од странство мора да ги почитуваат сите здравствени мерки на претпазливост и да имаат негативен резултат од ПЦР тест.

Лицата се избрани меѓу милиони пријавени низ систем на лотарија на интернет.

Во летото во 2020 година, аџилак можеа да извршат само илјада верници.

Аџилакот во Мека е еден од петте столбови на исламот. Секој муслиман е должен барем еднаш во животот да отиде на аџилак.

Аџилакот се состои од патување во Мека, пристигнување и чествување на аџилакот, што вклучува девет основни обреди.

The post Милион муслимански верници пристигнаа на аџилак во Мека appeared first on Република.

Македонскиот репрезентативец Џани Алиоски, кој веќе неколку месеци игра за „Ал Ахли“ од Саудиска Арабија објави фотографии од аџилакот во Мека.

Според традицијата, облечен е во бела наметка и бос.

The post Џани Алиоски стана аџија appeared first on Република.