Компанијата „Опен АИ“ неодамна сподели лекции од мал преглед на „Војс енџин“ (Voice Engine), модел за креирање сопствени гласови.

Со примерок од 15 секунди од човечки глас, тој може да внесува обичен текст и да генерира говор со природен звук во тонот и гласот на оригиналниот звук.

Иако има голем потенцијал за едукација и превод, оваа моќна нова карактеристика има потенцијал да ги доведе во заблуда слушателите доколку се користи несоодветно.

https://vimeo.com/932990207/6a984e8dd1?share=copy

The post Новиот „Војс енџин“ на „Опен АИ“ го клонира вашиот глас за само 15 секунди appeared first on Република.

Новите корисници на социјалната мрежа „Х“, поранешен Твитер, наводно ќе треба да платат скромна такса доколку сакаат да ја објават својата содржина.

Познатата социјална мрежа веќе експериментираше со наплата на годишна претплата од 1 долар за корисниците на Филипините и Нов Зеланд кои сакаат да објавуваат содржина и да комуницираат со други корисници на „X“, се со цел да се намали бројот на лажни корисници, т.н. ботови.

За жал, мал надомест за можноста за објавување содржина во случај на нови корисници е единствениот начин за борба против постојаниот напад на ботови. Тековната вештачка интелигенција (и фармите за бот) лесно ги поминуваат проверките од типот „дали си бот““, изјави Илон Маск.

Според новите правила, новите корисници на социјалната мрежа мора да плаќаат „мал годишен надомест“ за да можат да објавуваат содржини, да лајкуваат и да одговараат на други објави. Регистрирањето профил е сè уште бесплатно, како и следењето на другите профили и прегледувањето на содржината на платформата.

Новата политика доаѓа бидејќи „X“ се соочува со критики за неговата неспособност да го спречи напливот од спам профили кои споделуваат линкови, порнографски содржини и фалсификати, пишува „Quartz“.

На почетокот на овој месец, „X“ лансираше бот и трол „чистење“ на системот, иако не е познато колку тоа беше успешно.

The post Илон Маск воведува претплата за новите корисници на социјалната мрежа „X“ appeared first on Република.

„TikTok“ планира да објави нова апликација за споделување фотографии за да биде конкурент на „Instagram“.

Во известувањето испратено до корисниците, „TikTok“ вели дека се подготвува да објави нова апликација за споделување фотографии наречена „TikTok Notes“.

„TikTok Notes“ ќе ги споделува постоечките и идните објави на „TikTok“ со фотографии, а на корисниците ќе им биде понудена опција да се одјават од услугата.

„TechCrunch“ забележа нов „URL“ – „photo.tiktok.com“, кој накратко се појави на интернет за да ја отвори апликацијата „TikTok Notes“. Според она што беше видливо, корисниците ќе имаат можност и да креираат натписи за фотографиите.

„TikTok“ вели дека истражува начини да ја поттикне заедницата на тиктокери да создава и да ја споделува нивната креативност користејќи фотографии и текст во простор посветен на тие формати.

Не е објавено кога е планирано да биде објавена апликацијата „TikTok Notes“.

The post Конкуренција за Инстаграм: ТикТок најавува новина за корисниците ширум светот appeared first on Република.

Финскиот производител „ХМД“ во понудите има повеќе видови мобилни телефони од повеќе брендови, но сепак, уште се држи и до надградувањето на постарите телефони „Нокија“ со копчиња.

За оваа година ќе бидат пуштени три нови модели - секој претставува современа верзија на класиката. Тоа се моделите „6310”, 5310” и „230” (за 2024 година). „Нокија 6310“ има неколку нови функции и е сличен на моделот „6310“ од 2021 година, но „ХМД“ обезбеди батерија со поголем капацитет - од 1.450 мегаампер-часови и УСБ-Ц излез. Останатите спецификации остануваат исти - „ВГА“ камера со блиц, 2,8-инчен „ЛЦД“ екран, место за две СИМ картички и „Микро-СД“ картичка.

„Нокија 5310“ го задржа дизајнот на својот двојник од 2020 година, но маллку подолг и поширок, исто - со батерија од 1.450 мАх. Уредот користи процесор „Унисок 6531Ф“ и има поголем екран, УСБ-Ц приклучок на дното. Но, внатре сѐ останува исто - 8 и 16 МБ меморија, слот за „Микро-СД“, два звучници и ФМ радио.

https://republika.mk/vesti/makedonija/ali-ahmeti-ima-nokia-3310-ne-pishuva-nitu-sms/

И „Нокија 230“ задржа сличен дизајн, но доаѓа со нова батерија. Го има стариот 2,8-инчен „ТФТ“ екран со 65.000 бои, истата камера од 2МП со „ЛЕД“ блиц на предната и задната страна, 3,5-милиметарски приклучок за слушалки и 8 - 16 МБ меморија.

Цените сѐ уште не се објавени. Треба да се напомене и дека овие уреди се ограничени на 2-Г мрежи, па нема да работат на 3-Г и поновите мрежи.

The post Телефоните на Нокиа со копчиња се враќаат во мода appeared first on Република.

Корисниците во регионот и во светот повторно пријавуваат проблеми со популарните апликации „Инстаграм“ и „Ватсап“.

На „Ватсап“ е невозможно да се испраќаат пораки, додека на „Инстаграм“ е невозможно да се „освежи“ страницата и апликацијата не вчитува нови објави.

The post Повторно паднаа „Инстаграм“ и „Ватсап“ appeared first on Република.

Австрискиот институт за технологија (АИТ) во Виена работи на развој на својата најнова иновација - батерии што може да се рециклираат.

Во борбата за поодржлива иднина, АИТ, инаку познат по своите слични иновации, сега се занимава со обмислување батерии од рециклирани материјали. На овој амбициозен проект работат 35 истражувачи. Целта е јасна - да се создадат батерии без употреба на проблематични суровини како литиум, никел и кобалт.

Сегашните батерии може да бидат само 40 отсто рециклирани. И тие ќе се користат во прозводството, заедно со новите суровини, како што се отпадот од рудниците или силициумот од сончевите панели.

Главната цел е еколошки одржливо производство. Маркус Јан, раководител на одделот за истражување за батериите при АИТ, ја истакнува важноста од намалување на употребата на вода, електрична енергија и гас во производниот процес за батерии. Покрај тоа, се истражуваат различни видови батерии што би можеле да најдат примена кај возила, електрични скутери и други направи и области.

Засега, конкретните резултати од истражувањето и развојот сѐ уште се нејасни, но едно е сигурно - АИТ и неговите партнери го отвораат патот кон „зелени батерии“, сметаат познавачите. Ова е само почеток на она што се нарекува одржлива иднина, каде технологијата служи како двигател на промените за поеколошка утрешнина.

The post Научници во Австрија работат на нови батерии коишто ќе може да се рециклираат appeared first on Република.

Кинескиот производител на паметни телефони „Шјаоми“ (Xiaomi) го пушти во продажба своето прво електричен автомобил - „Спид ултра 7“ (Speed ​​​​Ultra 7, СУ-7). Извршниот директор на компанијата, Леј Јун изјави дека цената на возилото ќе биде околу 28.000 евра, пренесува „Би-би-си“.

Технолошкиот гигант верува дека оперативниот систем „СУ-7“ што го имаат нивните телефони, лаптопи и други уреди, ќе ги привлече веќе постојните клиенти. Автомобилот, најавен лани, се споредува со моделите на спортски автомобили „Тајкан“ и „Панамера“ на „Порше“. Производството ќе се одвива во Пекинг, Кина, во државната фабрика што може да испорача до 200.000 возила годишно. „Шјаоми“ најави и влог од 10 милијарди долари за развој на возила за следните 10 години.

На кинескиот пазар на електромобили, инаку, се натпреваруваат и „Тесла“ и „БИД“, па со влезот на „Шјаоми“ како трет избор, се предвидува и нова борба за цените.

Крајното достигнување би било да се покаже дека има потрошувачки пазар и за „Шјаоми“ како бренд на паметни електрични возила, изјави стручњакот од „Аутомобилити“ (Automobility), Бил Русо.

Тој верува дека влезот на пазарот за автомобили ја одразува довербата на „Шјаоми“ во важноста на брендот во и вон матичната Кина.

https://youtu.be/bkXgfozLBcM?si=jjBESW5VBqUam00m

The post Во продажба првиот електричен автомобил на „Шаоми“ appeared first on Република.

Шведската компанија „Волво карс“ им стави крај на дизел-автомобилите, откако последниот теренец „Икс-це-90“ излезе од производната лента во фабриката „Торсланд“ во Шведска вчеравечер како последен дизел-модел од овој автопроизводител, пренесува „Блумберг“.

Сосем сме уверени дека имаме многу добри понуди за купувачите, дури и без дизел-возилата, изјави Ерик Северинсон, извршен директор на „Волво“ задолжен за нови автомобили и оперативна стратегија.

Ова го означува крајот на дизел-ерата за брендот „Волво“, кој во иднина планира да произведува само електрични возила.

The post „Волво“ го произведе последниот дизел-автомобил appeared first on Република.

Инженерите на американската компанија „Радиа“ ги открија плановите за создавање на најголемиот воздухоплов во светот. Димензиите на авионот ја надминуваат големината на фудбалско игралиште, а за полетување ќе му треба писта долга 2 километри.

Леталото ќе има должина од 108,5 метри, висина од 24 метри и распон на крилата од речиси 80 метри. Со потенцијална носивост од 80 тони, ќе може да носи дванаесет пати поголема тежина од Боинг 747.

„Радиа“ со години го чуваше во тајност проектот за авионот „ВиндРанер“. Компанијата тврди дека може да го изгради авионот за четири години.

Како една од примените на авионот „ВиндРанер“ е тоа што би можел да направи револуција во обновливата енергија со транспортирање на огромни лопатки од турбини на ветер од една до друга точка.

The post Во САД претставени плановите за најголемиот авион во светот appeared first on Република.

Eмисијата САТ објави цртеж на новата „Панда“ врз основа на инсајдерски информации за тоа како ќе изгледа идниот автомобил од Крагуевац.

Но, новото издание на „Пандата“ деновиве повторно се најде во центарот на вниманието на јавноста со прикажување на уште една дизајнерска студија. Се нарекува „мега панда“ и е забележливо поголем од постоечкиот модел.

Линиите се инспирирани од овалната форма на тест патеката Lingoto сместена на покривот на поранешната фабрика во Торино, што може да се види во елементи како што се таблата со инструменти и мултимедијалниот екран. Модуларната платформа ќе овозможи и други форми на каросерија, пишува RTS.

Без разлика на дизајнерските напори, се очекува „пандата“ да биде еден од поевтините автомобили во Европа.

The post Ќе се прави во Србија: Вака ќе изгледа новата електрична „Панда“ appeared first on Република.

Претставничкиот дом на САД со големо мнозинство денеска го одобри нацрт-законот што ќе го принуди ТикТок да се откаже од својот кинески сопственик или да добие забрана во САД.

Пратениците гласаа - 352 „за“ предложениот закон и 65 „против“, во редок момент на двопартиско единство во политички поделениот Вашингтон.
Засега според американски медиуми, не се знае каква ќе биде „судбината“ на законот во Сенатот каде треба да се одобри за да стапи на сила.

Нацрт-законот ќе го забрани TикТок од продавниците за апликации во САД, освен ако платформата за социјални медиуми, што ја користат околу 170 милиони Американци, не биде издвоена од кинеската матична компанија BiteDance.

The post САД чекор поблиску до забрана на „Тик ток“ appeared first on Република.

Повеќе од 60 години по смртта на атрактивната актерка Мерлин Монро создадена е нејзината дигитална верзија со помош на вештачка интелигенција. Технолошката компанија за вештачка интелигенција „Соул машинс“ на технолошката конференција на фестивалот „Саут бај Саутвест“ во Остин, Тексас го претстави проектот „Диџитал Мерлин“.

Како што велат ова е интерактивно искуство во кое таа ќе „споделува анегдоти, па дури и испраќа персонализирани честитки, создавајќи незаборавно искуство за обожавателите на Мерлин“.

Прикажана на компјутерскиот екран во црн џемпер и нејзината позната фризура, дигиталната двојничка на познатата актерка ќе разговара со заинтересираните искажувајќи ги своите мислења и емоции „во гласот и стилот на Мерлин“.

За време на неодамнешниот тест, дигиталната Мерлин Монрло зборуваше за нејзината омилена улога, ликот Шугар во комедијата „Некои го сакаат тоа жешко“ од 1959 година, запирајќи и замислено гледајќи надолу пред да одговори.

Таа одговори дека смета дека секси, но ранливиот лик е „предизвикувачка, но наградувана улога“, и ги препорача нејзините други комедии како „Мажите претпочитаат русокоси“.

„Секој разговор со Мерлин е посебно чувство“, вели Грег Крос, ко-основач и директор на компанијата.

https://www.youtube.com/watch?v=GJ9X26AZNAI

The post Вештачката интелегенција ја оживеа Мерлин Монро: Зборува и изгледа како славната актерка appeared first on Република.

Серверите на Фејсбук и Инстаграм паднаа во вторникот поради голем прекин на платформите на матичната компанија Мета, штом предизвика хаос ширум светот. Луѓето кои се обидуваа да се логираат на сајтовите и апликациите на двете социјални мрежи добија пораки за грешка и не можеа да ги освежат своите почетни страници како и обично.

Веб-страницата „Даундетектор“ (Downdetector) посочи на стотици илјади пријавени прекини на Фејсбук и Инстаграм.

Речиси 4 милијарди луѓе користат барем една од платформите на ИТ гигантот секој месец (Фејсбук, Инстаграм, Месинџер, Вацап).

По таквиот масовен крах на социјалните мрежи, голем број луѓе почнаа да шпекулираат колку пари изгубил Марк Цукерберг поради згаснувањето на популарните социјални мрежи од час и половина.

Ден Ајвс, директор на „Ведбуш секјутирис“ (Wedbush Securities), за Дејли мејл“ вели дека Цукерберг изгубил приближно 100 милиони долари приход. И цената на акциите на Мета паднаа за 1,5 отсто.

Компанијата најголемиот дел од приходите ги остварува преку реклами кои им се прикажуваат на корисниците, а со „техничките проблеми“ кои ги урнаа платформите, падна и заработката. Малку е веројатно дека Мета ќе открие колку прекинот се одразил на нејзините финансии, изјави Ајвс за „Дејли Меил“.

The post Се проценува над 100 милиони долари: Колку пари загуби Цукерберг по неодамнешниот колапс на Фејсбук? appeared first on Република.

Компанијата „Сајтрокс“ (Cytrox AD) со седиште во Македонија, заедно со уште четири други фирми и две физички лица е ставена под санкции од страна на Одделот за контрола на странски средства при Министерството за финансии на Соединетите Држави, поради улога во развојот на шпионскиот софтвер „Предатор“.

Покрај „Сајтрокс“, под санкции се ставени и грчката компанија „Интелекса С. А“, компаниите „Интелекса Лимитед“ и „Талестрис Лимитед“ од Ирска и унгарската компанија „Сајтрокс Холдинг“, пренесува Радио Слободна Европа.

Сите компании, според Министерството за финансии на САД, биле поврзани со конзорциумот „Интелекса“ во поглед на развојот, работењето и дистрибуцијата на комерцијална технологија за шпионски софтвер што се користи за таргетирање Американци, вклучително владини службеници, експерти за политики и новинари.

„Распространетоста и злоупотребата на комерцијален шпионски софтвер претставуваат зголемени безбедносни ризици за САД. Странските актери злоупотребиле таков шпионски софтвер за да овозможат кршење на човековите права и да ги таргетираат дисидентите на глобално ниво за репресија и одмазда“, изјави портпаролот на Стејт департментот Метју Милер.

„Сајтрокс“ АД беше додадена на списокот на ентитети на Одделот за трговија на 18 јули 2023 година, за трговија со сајберексплоатации, што се користат за да се добие пристап до информациски системи, загрозувајќи ја приватноста и безбедноста на поединци и организации ширум светот.

The post Македонската компанија „Сајтрокс“ санкционирана од САД поради безбедносен ризик appeared first on Република.

Оштетени подморски кабли во Црвеното море се причината поради колапсот на социјалните мрежи Фејсбук и Инстаграм, пренесуваат светските медиуми.

Причината како што велат тие се оштетените кабли кои ги нарушуваат телекомуникациските мрежи и интернет сообраќајот помеѓу Азија, Европа и Блискиот Исток.

Каблите кои припаѓале на четири главни телекомуникациски мрежи биле „оштетени“ што предизвикало значително прекинување на комуникациските мрежи на Блискиот Исток.

Во меѓувреме Фејсбук се врати ширум светот како и кај нас, додека проблемите со Инстаграм се уште се решаваат.

Според светските медиуми проблемот нема да биде решен уште најмалку еден месец поради документацијата која е потребна, но исто така и дозволите за работа во Црвеното Море.

The post Врие во канцелариите на Фејсбук, проблемот нема да биде решен еден месец! appeared first on Република.

Фејсбук објави интегрален текст за случајот денес, кој моментално ви го пренесуваме во целост:

Денес Фејсбук беше во прекин или недостапен за многумина од вас околу 2,5 часа. Ова е најлошиот прекин што го имавме во повеќе од четири години и сакавме прво да се извиниме за тоа. Исто така, сакавме да обезбедиме многу повеќе технички детали за тоа што се случи и да споделиме една голема научена лекција.

Клучниот недостаток што предизвика овој прекин да биде толку тежок беше несреќното справување со состојба на грешка. Автоматизираниот систем за проверка на вредностите на конфигурацијата на крајот предизвика многу поголема штета отколку што поправи.

Целта на автоматизираниот систем е да провери дали има вредности за конфигурација кои се невалидни во кешот и да ги замени со ажурирани вредности од постојаната продавница. Ова работи добро за минлив проблем со кешот, но не работи кога постојаната продавница е неважечка.

Денес направивме промена на постојаната копија на конфигурациската вредност која се толкува како неважечка. Ова значеше дека секој клиент ја видел неважечката вредност и се обидел да ја поправи. Бидејќи поправката вклучува барање до кластер на бази на податоци, тој кластер брзо беше обземен од стотици илјади прашања во секунда.

Работите да бидат уште полоши, секој пат кога клиентот добивал грешка при обидот да побара една од базите на податоци, ја толкувал како неважечка вредност и го бришел соодветниот кеш клуч. Ова значеше дека дури и откако ќе се реши првичниот проблем, протокот на прашања продолжи. Сè додека базите на податоци не успеаја да опслужат некои од барањата, тие самите си предизвикуваа уште повеќе барања. Влеговме во циклус за повратни информации што не дозволуваше да се обноват базите на податоци.

Начинот на запирање на циклусот на повратни информации беше доста болен – моравме да го запреме целиот сообраќај кон овој кластер на бази на податоци, што значеше исклучување на страницата. Откако базите на податоци беа обновени и основната причина беше поправена, полека дозволивме повеќе луѓе да се вратат на страницата.

Ова ја врати страницата и работи денес, а засега го исклучивме системот што се обидува да ги поправи вредностите на конфигурацијата. Истражуваме нови дизајни за овој конфигурациски систем следејќи ги шемите на дизајн на другите системи на Facebook кои поелегантно се занимаваат со јамките за повратни информации и минливите скокови.

Повторно се извинуваме за прекинот на страницата и сакаме да знаете дека ги сфаќаме перформансите и доверливоста на Facebook многу сериозно.

The post Фејсбук: Ова е најлошиот прекин што го имавме во повеќе од четири години appeared first on Република.

Фејсбук успеа да ги врати своите услуги по повеќе од еден час прекин, што ги погоди сите главни платформи во системот Мета, вклучувајќи ги Instagram, WhatsApp и Threads.

Прекинот, кој започна попладнево, предизвика значителен прекин на корисниците ширум светот, оставајќи многумина без пристап до платформите за комуникација и споделување содржина.

Мета, компанијата зад овие платформи, брзо објави дека е свесна за проблемите што ги доживеале корисниците и дека работат напорно за да ги решат. Сепак, се уште не се познати деталите за причината за проблемот, што остава многу прашања неодговорени.

Иако Facebook успешно ја врати функционалноста на својата платформа, Instagram и Threads сè уште се соочуваат со технички тешкотии. Корисниците на овие услуги и понатаму се соочуваат со проблеми при пристапот и користењето на услугите, што укажува дека Мета сè уште бара решение.

Овој инцидент покренува важни прашања за доверливоста и стабилноста на онлајн платформите кои станаа клучен дел од секојдневниот живот на милиони луѓе ширум светот. Зависноста од социјалните мрежи и алатките за дигитална комуникација никогаш не била поголема, а прекините може да имаат далекусежни последици, не само за корисниците, туку и за многуте бизниси кои се потпираат на овие платформи за да ги промовираат и продаваат своите производи и услуги.

The post Фејсбук повторно достапен, има проблеми со Инстаграм appeared first on Република.

Паднаа друштвените мрежи. Сите корисници на фејсбук, месинџер, инстаграм повеќе половина час се исфрлени од систем. Тие не можат да влезат во своите профили. Не се работи за локален проблем. Корисници ширум светот се жалат дека се одјавени од нивните профили и не можат да се вратат.

Според официјалните податоци на downdetector.com, во моментов Мета и сите нејзини производи како што Фејсбук, Инстаграм и Ватсап, како и дел од сервисите на Гугл, се комплетно паднати.

Според првичните информации, се работи за поголем глобален проблем на којшто во моментов се работи. Според неофицијални извори и објави на Твитер, станува збор за хибриден напад предизвикан од географското подрачје на Азија.

The post Паднаа фејсбук и инстаграм appeared first on Република.

Калифорниските власти и дадоа дозвола на компанијата „Вајмо“ да ги прошири услугите на својата флота „робот-такси“ без возачи во Лос Анџелес и градовите на полуостровот јужно од Сан Франциско.

Вајмо, во сопственост на Гугл, Alphabet Inc., исто така, управува со услугата во Феникс од 2020 година, а вчера доби дозвола од Комисијата за јавни комунални услуги во Калифорнија да ги прошири операциите на самоуправувачки такси надвор од Сан Франциско.

Автомобилите на компанијата станаа доста вообичаени на улиците на Сан Франциско, иако не се универзално популарни, а познато е дека ненадејно застануваат, што го отежнува сообраќајот.

Калифорниските власти ја одзедоа лиценцата за услугата „роботакси“ на конкурентскиот Џенерал Моторс, откако ги прогласија за „опасни“ автомобилите без возачи што ги превезуваа патниците низ Сан Франциско. „Роботакси“ на фирмата „Круз“ со која управува Г.М. прегазил пешак во кој удрило друго возило управувано од маж. „Роботаксито“ застанало, а потоа се блокирало, па морало да биде подигнато за да се ослободи повредениот кој лежел под задното тркало.

Официјални лица во округот Сан Матео и Лос Анџелес се спротивставија на проширувањето и сакаат повеќе локални информации за тоа како може да функционира роботаксијата.

The post Во Калифорнија се множат роботски такси без возач appeared first on Република.

Првиот пациент со чип на компанијата „Неуралинк“ вграден во мозокот веќе може да контролира компјутерски глушец со своите мисли, соопшти првиот човек на компанијата, Илон Маск.

Напредокот е добар и се чини дека пациентот целосно се опорави... Пациентот може да го движи глувчето околу екранот само со размислување“, објасни американскиот претприемач.

Сега, според Илон Маск, невротехнолошката компанија го тестира процесот на кликнување на копче на глувчето.

https://republika.mk/vesti/svet/kompanijata-za-mozochni-chipovi-na-ilon-mask-bara-luge-so-paraliza-za-da-go-testira-svojot-eksperimentalen-ured/

The post Првиот пациент со мозочен чип од компанијата на Илон Маск веќе може да контролира компјутерско глувче со своите мисли appeared first on Република.