На претставничката на Израел на овогодинешниот избор за песна на Евровизија, Еден Голан, и беше кажано да не ја напушта хотелската соба, освен за настапите и официјалните настани на Евровизија, поради пропалестинските протести во шведскиот град Малме, градот каде што се одржува натпреварот.

Од полицијата ѝ рекле да остане надвор од очите на јавноста освен за време на настапот, објави Еуроњуз.

Таа пристигна во Малме овој викенд, со силно обезбедување, носејќи значка во знак на солидарност со заложниците кои сè уште ги држи Хамас.

Шведската полиција е во состојба на готовност и побарала засилување од Данска и Норвешка за најголемиот европски поп-музички натпревар.

Повиците за бојкот на настанот пристигнуваат подолго време, а повеќе од 1.000 шведски уметници бараат да се забрани учеството на Голан, како и 1.400 фински уметнички работници.

https://www.youtube.com/watch?v=lJYn09tuPw4

The post Евровизија: Израелската претставничка не смее да ја напушти собата, ја чува силно обезбедување appeared first on Република.

Од Авалон велат: „20 години подоцна, кругот повторно се затвора. Едно од нашите највредни албумски изданија е секако, албумот ,,Трета мајка”.

Оваа година, ,,Трета мајка” го објавивме на винил, а следниот чекор беше очекуван: многумина веќе ни пишаа и интересот за оваа најава постои уште пред нејзиното официјализирање денес.

Со голема доза на задоволство ви најавуваме дека Влатко Стефановски и Мирослав Тадиќ ќе го свират ,,Трета Мајка” и, се разбира, ,,Крушево” во живо во Скопје, на 1ви јуни во Македонска филхармонија, со почеток од 20:30 часот“.

Тоа ќе биде впрочем и нивен прв настап во Македонска филхармонија, додека во Скопје одамна немаат свирено заедно.

The post Влатко Стефановски и Мирослав Тадиќ на заеднички концерт во Филхармонија appeared first on Република.

Скриен гитарски бисер, врвен виртуоз на гитарата, миленик на публиката! Неговите настапи се секогаш пропратени со овации и се исклучително импресивни за гледање и слушање во живо.

На 9 мај, во МКЦ, го гледаме и слушаме во живо на Скопски градски фестивал.

Мухамед Ибрахими го нарекоа скриен гитарски бисер, а за секој негов концерт секогаш се бара место повеќе. Таков е Мухамед Ибрахими, скромен но маестрален на сцена. Тој својата гитара (мандолина, саз итн.) ја третира на многу неконвенционален начин, доста интуитивен и инспиративен. Неговите композиции се автентична мешавина на повеќе музички стилови, како блуз, рок или амбиентален, но длабоко вкоренети во ориенталната (суфи) традиција и балканскиот фолклор. Овие храбри и елегантни комбинации честопати даваат неочекувани резултати среде уникатен и прекрасен звучен пејзаж. Исклучително импресивно за гледање/слушање во живо.

The post Мухамед Ибрахими, виртуозот на гитара на 9 мај на Скопски градски фестивал appeared first on Република.

Македонскиот издавач „Аксиома“ го објави албумот „Floating Steps“ на нашиот експериментален виолинист-музичар Глигор Кондовски.

Ова ќе биде веќе четврти албум на „Аксиома“, која е асоцијација за културна соработка и истражување, а од неодамна влезе во издавачки води и потајно навива македонската авангардна или „терсене“ музика да стане идеја-водилка на сите уметности.

Овој електроакустичен албум, достапен на Бендкемп, има осум теми кои Глигор Кондовски ги изведува преку волина, нотатон (ксилофон) и електроника.

Дизајнот на корицата на изданието е на Ѓорче Ставрески, додека извршен продуцент е Вангел Ноневски. Тој го пишуваше и критичкиот текст пропратен со албумот, кој го објавуваме во целост:

„За овој албум Глигор Кондовски – македонскиот експериментален виолинист, композитор и мултимедијален уметник – вели дека е посветен на мигрантите. Се работи за композиции кои претставуваат мали приказни (вињети) за луѓето кои се присилени да ги напуштат своите домови, во потрага по подобар живот. Бидејќи воедно се работи за замислена театарска музика, секоја композиција има своја микроприказна, во обид на соединување на композициите со одреден наратив кој би произлегол од нивната поврзаност со слики, кадри, кратки филмови. Имајќи го тоа предвид, тешко може да се оттргнеме од иницијалниот впечаток дека оваа музика треба да ја слушаме надвор од нејзината замислена/претпоставена намена. Можеби така е подобро. Можеби благото насочување на вниманието на слушателот во конкретна насока ќе го натера креативниот ангажман на слушањето да прифати едно ограничување на интерпретацијата, која, пак, на тој начин ќе може слободно да маневрира во зададените рамки и да го наградува слушателот со сцени иницирани од музика.

Современата импровизирана музика (за оние кои сакаат да ги избегнат неретко помпезните и претенциозни конотации на зборот „џез“) секогаш сака да си поигрува со ортодоксната намена на музичките инструменти; со нивната удобна вкотвеност во рамки на еден однапред зададен терк, жанр, стил, форма, намена… Првото име кое најчесто паѓа на памет во контекст на виолината и нејзината „отуѓена“ намена е Лирој Џенкинс од неконвенционалното фри џез трио Revolutionary Ensemble, најпрочуено во периодот на 1970-тите години. А Мет Манери, Фред Лонберг-Холм и Ерик Фридлендер се некои од имињата на современата сцена кои најчесто се поврзуваат со експерименталната употреба на гудачките инструменти. Убавината на слободниот музички израз е препознавањето на празнината во инструментот која во него отсекогаш постоела и која секогаш ќе продолжи да постои. Ниту еден инструмент не е имун на негово пренаменување за аудитивни екскурзии кои биле непоимливи во периодот кога тој првично бил конструиран и навикнат да се користи во рамки на една музичка традиција. Можете да ги искинете жиците свирејќи Европска класична музика, но потенцијата во виолината (или во кој било друг инструмент) да се пронајдат можности за трансцеденција на нејзината „предодредена“ намена секогаш се промолкнува. Тоа е она што Виктор Шкловски го нарекува застранување или одвикнување од вообичаеноста. Во овој контекст, да се застрани или да се покори задушеноста од навиката во доменот на виолината подразбира да се отвори креативноста во еден нов дијапазон на можности кои дотогаш биле непрепознатливи заради нејзината удобна вдоменост во обичајноста. Да се пронајде нова намена, нов модалитет на креативноста додека се свири „терсене“ – ова, според Шкловски, е само една од убавините на застранувањето.

Иако Кондовски несомнено може да се споредува со Џенкинс, Манери и останатите експериментални џез гудачи, бидејќи досега има издавано албуми кои глатко се вклопуваат во фри импров идиомот (на пример, неговите три трио албуми со Дробицки и Омерагиќ и особено неодамна издадениот албум на македонската фри џез супергрупа – Macedonian Free Society), сепак, на овој албум Кондовски тргнува во една чудна, „Шкловсковска“ електроакустична џез авантура. Ова е албум кој го наметнува впечатокот дека музичарот почувствувал потреба да ја пополни ограниченоста на својот инструмент со електронски звуци кои се така конструирани (soundscapes, found sound), што помислувате дека отсекогаш требало да бидат споени како меѓусебно надополнувачки.

На овој албум честопати ќе чуете амбиентални заднини во темите, семплувани или синтетизирани звуци кои потсетуваат на игли и шајки кои паѓаат врз некаква груба метална површина. Таков е случајот во „Криви бранови“, каде, по извесно време, гудалото неконтролирано се препушта на гравитацијата и паѓа врз жиците на виолината, гребејќи ги и обидувајќи се да воспостави некаков слободен дијалог со електронската заднина. „Мелодија на толпата“ започнува со тажна мелодија која постапно преоѓа во репетитивен дрон. Во заднина се слуша некаква врева, гужва, туркање… веројатно мигранти на граница. Потоа повторно се враќа главниот мотив. Тоа е воведната композиција-скеч која треба да го навести она што претстои. „Таа ноќ“ е „најфилмското“ парче музика на овој албум. Слушајќи ја композицијата се добива впечаток дека зад затворени врати „се крчка“ некоја интрига. Филмската приказна е препознатлива и во темата „Патека низ шумата“ која има најоптимистичен звук и чувство. Ретки се музичарите кои можат со звук/музика/интегрирани семплови да доловат впечаток на активност. Насловната „Пловечки чекори“ започнува со семплувани звуци на чекори кои ниту пловат, ниту лебдат, како што сугерира насловот. Тензичните звуци (бодежи на тонови) на виолината го доловуваат впечатокот на пловечки чекори отпосле. „Самозадоволност“ е неокласична композиција со крцкаво поставена електронска заднина, која на крајот се преобразува во звучен ѕид со продорен длабок тон. „Остатоци“, како што сугерира наслов, е фрагментирано парче музика; фри импров превод на некоја авангардна електронска музика од преминот на XX во XXI век. Она што останува од тој замислен превод е остаток, без можност за негова интеграција. Конечно, во последната композиција „Сите си заминаа“ повторно слушаме игли и шајки кои како лајтмотив се враќаат да го озвучат тажното финале на патот на мигрантите.

Ова е албум за љубители на слободна, експериментална, авангардна и, што е најбитно, импровизирана музика, отсвирена во една виртуелна инструментариумска лабораторија која прилега на времето во која е создадена, но и на времето-просторот кој допрва би можеле да го посведочиме. Синтагмата „би можеле“ веројатно најсоодветно ја погаѓа суштината на албумот Пловечки чекори: сѐ е на дофат на можното кога оставаме аудитивната фантазија да биде главната водилка во креативниот процес. Уживајте во звукот!“, стои во текстот придружен со албумот.

The post Глигор Кондовски има нов албум „Floating Steps“ appeared first on Република.

Хрватскиот бенд „CODE 369“ ќе настапи на сцената на Филхармонија на 7-ми мај како дел од манифестацијата Скопски градски фестивал .

Миленици на регионалните медиуми, на концертот ќе го промовираат нивниот последен албум издаден од хрватската Croatia Records.

Нивната музичка мисла е на границата меѓу алтернативниот рок и комерцијалната рок и поп музика, задржувајќи ја свежината, слободата и авангардните идеи од првата категорија и прифатливоста на втората.

The post „CODE 369“ во Филхармонија како дел од програмата на Скопски градски фестивал appeared first on Република.

Младинскиот културен центар – Битола (официјален младински клуб на УНЕСКО) за одбележување на Меѓународниот ден на џезот организираше мастерклас со познатиот македонски џез музичар, гитаристот Тони Китановски. Темата на мастеркласот беше „Џез – музика на човековиот род“.

Овој мастерклас и концерт по десетти пат ќе ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ја става на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.

извор: култура 24.мк

The post „Џез – музика на човековиот род“-мастерклас со Тони Китановски за Светскиот ден на џезот appeared first on Република.

Во организација на Младински културен центар – Битола (МКЦ-Битола) денеска ќе биде отворена изложбата на уметничка фотографија „Импровизации“ на Глигор Кондовски.

Изложбата ќе биде поставена во кафе барот Порта Џез во Битола, а е посветена на мултимедијалниот македонски уметник, продуцент и автор Мирко Попов (1972 – 2024).

Фотографиите се сценски фотографии во вид на комбинирано спојување меѓу визуелна и аудитивна (музичка) импровизација специфична за џез музиката. Фотографиите се направени од фестивалите: ПМГ Рекордингс и Крај Вардарот Џез.

Проектот на МКЦ-Битола, Урбана Агенда – поддршка на независната културна сцена е финансиран од Швајцарската Амбасада во Скопје.

The post Изложба на уметничка фотографија во Битола посветена на Мирко Попов appeared first on Република.

По повод меѓународниот ден на танцот, вчера на Плоштад „Македонија“ се одржа Флеш моб, во организација на танцовото студио „Брејк А лег“, кое години наназад го одбележува овој ден. Повеќе од 500 млади танчери играа на песната „Can’t Touch This“ од MC Hammer и заедно го креираа импресивниот Флеш моб во срцето на градот.

На Флеш мобот учествуваа танцовите клубови „Аква“, „Ит Да Бит“ и „Брејк А Лег“.

Скопје се подготвува за домаќин на претстојното Светско првенство во хип хоп 2024.  Шампионатот ќе се одржи во Спортскиот Центар „Борис Трајковски“, во организација на клубот „Брејк А Лег“, од 8 до 17 октомври.

Скопје ќе биде домаќин на скоро 6000 танчери од повеќе од 30 земји од светот, од пет континенти. Овој настан е одлична можност за промовирање на македонската култура, уметност и традиција, но и потврда дека во Македонија има квалитетни танчери со неверојатни вештини и страст кон танцот.

Танцовото студио „Брејк А Лег “, во своето портфолијо има организирано голем број на вакви светски настани, па благодарение на долгогодишното богато искуство, подготви низа активности и настани кои се во знак на светското првенство што следува, меѓу кои и спектакуларниот концепрт на двете музички, мега ѕвезди, Пајак и Voyage, кој ќе се случи на 11.10.2024 во С.Ц Борис Трајковски.

https://youtu.be/OEg8j9WspbI?si=2HAfVbO0noWalIgx

The post 500 млади танчери играа на скопскиот Плоштад по повод Светскиот ден на танцот appeared first on Република.

Министерката за култура, Бисера Костадиновска-Стојчевска го честита Светскиот ден на џезот, со почит и благодарност кон основоположниците на овој жанр, на сегашната генерација џезери и на сите љубители на џез-музиката.

„Џезот е составен дел од нашата музичка традиција, а нашите музичари се гордост по која сме препознаени и кои со својот креативен израз ја афирмираат нашата земја на регионалната и светската сцена“, истакнува Костадиновска-Стојчевска.

Таа додава дека наша заедничка цел е да ги зачуваме талентираните џез-музичари дома, да им овозможиме траен и одржлив ангажман, да им создадеме услови за нивна промоција и за негување на џез-културата низ целата држава.

„Затоа, чест ми е што со наша искрена поддршка, џез-музичарите, со своето активно дејствување и уметничка страст, се изборија за основање на Национален џез-оркестар“, вели министерката за култура, потенцирајќи дека бројната публика на нивните концерти, но и на традиционалната прослава по повод Светскиот ден на џезот, потврдува дека македонската култура е интегрален дел од интернационалното џез-семејство, кое ја слави моќта на слободниот израз, различностите, отвореноста и мултикултурализмот.

The post Џезот е дел од македонската музичка традиција, џезерите се наша гордост appeared first on Република.

Канадската поп-пејачка Селин Дион се најде на насловната страница на француското издание на „Вог“. Во интервјуто за списанието, таа проговори за своето невролошко заболување наречено Синдром на вкочанета личност. Болеста ѝ беше дијагностицирана есента 2022 година.

Не сум ја победила болеста, таа сѐ уште е во мене и секогаш ќе биде. Се надевам дека ќе се случи чудо, дека ќе најдеме начин да ја излечиме преку научно истражување, но токму сега, морам да научам да живеам со неа. Значи, ова сум јас сега - со синдромот на вкочанета личност, изјави Дион.

Таа потоа раскажува како изгледа нејзиниот живот по дијагнозата.

Во неделата, пет дена одам на атлетска, физичка и гласовна терапија. Работам на прстите на рацете, на нозете, колената, листовите, пеам... Гласот... Морам да научам да живеам со тоа сега и да престанам да се преиспитувам себеси. На почетокот се прашував: „Зошто јас? Како се случи ова? Што направив? Дали е моја вина?“, се потсеќа пејачката.

Таа вели дека сега има два избора - да тренира или целосно да се повлече.

Животот не дава никакви одговори. Само треба да го живеете. Ја имам оваа болест од непозната причина. Како што ја гледам, имам два избора. Или ќе тренирам како спортист и ќе работам напорно, или „се исклучувам“ и останувам дома... Значи, ги слушам моите песни, стоејќи пред огледалото и ги пеам со цело тело и душа, со медицинскиот тим, повторно, нагласи Селин.

Таа има голема поддршка од семејството и децата.

Пред сè, љубовта на моето семејство и моите деца, љубовта на обожавателите и поддршката на мојот тим - сè тоа ме крепи. Луѓето кои страдаат од СПС (кретенка за болеста, з.п.), можеби немаат доволно среќа или имаат средства да имаат добри лекари и добри третмани. Тоа е дар, знам дека ништо нема да ме спречи, појасни таа.

На прашањето дали ќе се врати на сцената, Селин сè уште нема конкретен одговор.

Моето тело ќе ми каже. Од друга страна, не сакам само да чекам. Многу е тешко да се живее од ден за ден. Но, има едно нешто што никогаш нема да запре, а тоа е волјата. Тоа е страста. Тоа е сонот. Тоа е одлучноста!, заклучи поп-ѕвездата.

The post Селин Дион на насловната страница на францускиот „Вог“ appeared first on Република.

На 30ти април, во паркот "Ибни Пајко," со почеток од 13 часот, ќе се одржи осмото по ред издание на нашиот целодневен џез хепенинг со кој се приклучуваме кон глобалната прослава на Меѓународниот ден на џезот.
Годинава на сцената ќе ги видиме следните артисти:
Сашко Николовски Септет (МК)
Фани Поса Квартет (ХУ/СРБ/ДЕ)
Гоце Стевковски - Богданци Реунион квартет (МК)
Лана Јањанин Квартет (ХР)
Џијан Емин и Магичниот оркестар (МК)
Карлос Сардуј Грув Месинџерс (КУБА).
На настапите им претходи работилницата Џез за деца која се одржува секоја година, наменета за деца од 3 години па нагоре, на која најмладите ќе имаат можност да се запознаат музичките инструменти кои се користат во нашиот оркестар, како и да учествуваат во заедничка композиција.
Оваа меѓународна манифестација, поддржана од Генералниот директор на УНЕСКО, Одри Азулеј, и легендарниот џез-пијанист и композитор Херби Хенкок, кој е амбасадор на УНЕСКО за меѓукултурен дијалог и претседател на Институтот за џез Херби Хенкок, секоја година поврзува заедници, училишта, уметници, историчари, академици и џез ентузијасти ширум светот да слават и да научат нешто повеќе за џезот и неговите корени, за неговата иднина и влијание, истакнувајќи ја потребата од меѓукултурен дијалог и меѓусебно разбирање, и зајакнување на меѓународната соработка и комуникација.
Секоја година, на 30 април, џезот како меѓународна уметничка форма е препознаен како алатка за промовирање на мир и дијалог меѓу културите; почитување на различноста, човековите права и достоинство; алатка за искоренување на дискриминацијата; негување родова еднаквост и промовирање на слободата на изразување.

Ден пред 1ви мај, ве покануваме да заборавите на секојдневните рутини и обврски и да ни се придружите на настанот по кој е препознатлива пролетта во Скопје - глобалната прослава на џезот и неговите придобивки.

Бидете дел од ова случување, заедно да уживаме во радоста на џез музиката бидејќи на овој ден, сѐ е џез!, велат организаторите.

The post На овој ден, сѐ е џез: Целодневен џез хепенинг во паркот „Ибни Пајко“ appeared first on Република.

Во рамките на Скопскиот градски фестивал 2024, на 7 мај, во Камерната сала на Филхармонија, настапува дуото Роџерс и Харисон (Roggers&Harrison) со нивниот последен проект „Вагабундо“, префинет и возбудлив спој од смут џез, њу ејџ и етно елементи.

Џими Роџерс е австриски државјанин роден во Македонија, пеач, текстописец и гитарист со меѓународна кариера, која ја именува како „Патување по патеките на музичарите“ и која ја започнува со само 16 години како уличен музичар низ Германија, Франција и Швајцарија.
Иако дипломиран студент на Факултетот за физичка култура на УКИМ во Скопје, тој се фокусира на музичката кариера, инспириран од музиката на James Taylor, Cat Stevens, Arlo Guthrie, Paul Simon, Bob Dylan, а подоцна и од Bruce Springsteen, Mark Knopfler, Joni Mitchell и други, експериментирајќи со многу различни стилови и постепено градејќи го својот оригинален пристап.

Првиот позначаен успех доаѓа во 1991 година кога кантри музиката станува негов доминантен стил. Во 1994 година со својот бенд го издава првиот албум „Fancy Cowboys“, станува популарен и тој, како успешен музичар, настапува на големите кантри фестивали во Австрија, Германија и Швајцарија.
Вториот негов албум „When the Sun begins to Shine“ е снимен во 1997 во Texas, USA, чиј продуценти е Wink Taylor (George Strait) и Frank Wilson и е презентиран на многу светски радио станици.

По враќањето во Австрија, заедно со неговиот пријател Tex Robinson, го издаваат албумот „Colors of Life“, промовиран од „Allmusica” Hamburg label.

The post Џими Роџерс доаѓа на 7 мај на Скопски градски фестивал во Филхармонија appeared first on Република.

Младинскиот културен центар – Битола, инаку официјален младински клуб на УНЕСКО, во вторник на 30 април 2024 година со почеток во 22 часот, во кафе бар Порта Џез во Битола ќе го одбележи Меѓународниот ден на џезот со концерт во живо на СИН ПУСТИЊЕ (Синот на пустината).

СИН ПУСТИЊЕ е поетско-музичка авантура на двајца уметници од Сараево (БиХ), поетот и прозаист Ахмед Буриќ, на кој му се придружува пејачот, инструменталист и истражувач на Севдах Дамир Имамовиќ. Во проектот се познатиот гитарист Тони Китановски и Иван Михајловиќ на бас.

Овој концерт по десетти пат ќе ја стави Битола на глобалната мапа на градови кои го одбележуваат Меѓународниот ден на џезот и ги слават вредностите кои тој ги промовира. Битола ќе биде на иста линија со светските метрополи кои имаат почит кон уметноста како начин на живот и извор на енергија не само за уметниците туку и за обичните граѓани.

Настанот се организира во партнерство со Порта Џез и со финансиска поддршка на Министерството за култура и Општина Битола. Влезот е бесплатен.

The post МКЦ- Битола го одбележува Меѓународниот ден на џезот со концет во кафе бар Порта Џез appeared first on Република.

The post Целодневен џез хепенинг по повод Светскиот ден на џезот appeared first on Република.

Нашата позната пејачка Андријана Јаневска на својот Фесјбук профил сподели прекрасна изведба на песната „Заветна” за време на одбележувањето на патрониот празник на ООУ „Ацо Шопов”.

Вчера настапив на патрониот празник на ООУ "Ацо Шопов" заедно со трите солистки и хорот на училиштето.
Се одбележаа 40 години од основањето на училиштето во кое и јас го завршив основното образование.
П.С. Гледајте до крај!…, напиша Јаневска.

The post Прекрасна изведба на песната „Заветна“ (ВИДЕО) appeared first on Република.

Последната фестивалска вечер од „Крај Вардарот Џез“, во Едукативниот културен центар „Лабораториум“ ќе се одржи вечерва со почеток во 21 часот со концерти на „Macedonian Free Society“ и „Поетроника“.

„Macedonian Free Society“ е составен од Филип Букршлиев, Дени Омерагиќ и Нинослав Спировски, Владан Дробицки, Васко Бојаџиски, Гоце Наумов, Глигор Кондовски и Благојче Томевски. Месецов за ПМГ Џез, како 46 издание, излезе и нивниот прв албум.

„Поетроника“ е поетско-музички перформанс во симбиоза со авторска електронска музика, изведена во живо во од актерот Оливер Митковски и Андреја Ристески – Салпе, автор и продуцент, еден од водечките современи македонски електронски артисти.

Крај Вардарот Џез Фестивал 2024 е поддржан од Министерство за култура на Република Македонија и се реализира во соработка со Македонска филхармонија и едукативниот културен центар „Лабораториум“.

The post Концерти на „Macedonian Free Society“ и „Поетроника“ на последната фестивалска вечер од „Крај Вардарот Џез“ appeared first on Република.

Вечерва со почеток од 20 часот во Арена „Борис Трајковски“ во Скопје ќе се одржи „Black symphony – Metallica symphonic tribute show“.

Како што информираат од Авалон продукција, со повеќе од 30 музичари и симфоничари на сцена ќе бидат изведени најголемите песни на Metallica, како „The Unforgiven“, „Nothing Else Matters“, „Enter Sandman“ и „Master of Puppets“.

Black Symphony е проект кој додава необичен и возбудлив мистичен пресврт на музиката со фузија на двете контрастни атмосфери, моќните „рифови“ и мелодијата од богатиот оркестар.

The post Metallica symphonic tribute show вечерва во Скопје appeared first on Република.

Вечерва, со почеток во 20:00 часот во бифето на Факултетот за драмски уметности, манифестацијата Студентската уметничка пролет ќе биде комплетирана со уметничка фузија преку моќта на музиката и пишаниот збор.

Поезијата ќе биде претставена од младите студенти на Филолошки факултет „Блаже Конески“ кои ќе ги вткаат емоциите во зборови. А, мелодиите на џезот од талентираните млади музичари од Факултет за музичка уметност ќе не пренесат во поинаков сетилен свет.

Публиката ќе биде сведок на една уникатна колаборација, синергија на уметнички форми кои беспрекорно се испреплетуваат.

The post Поетско-музичка вечер на ФДУ по повод Светскиот ден на џезот appeared first on Република.

На 30. април, во паркот „Ибни Пајко," со почеток од 13 часот, ќе се одржи осмото по ред издание на целодневен џез хепенинг со кој Националниот џез оркестар се приклучува кон глобалната прослава на Меѓународниот ден на џезот.

Годинава на сцената ќе ги видиме следните артисти:
Сашко Николовски Септет (МК)
Фани Поса Квартет (ХУ/СРБ/ДЕ)
Гоце Стевковски - Богданци Реунион квартет (МК)
Лана Јањанин Квартет (ХР)
Џијан Емин и Магичниот оркестар (МК)
Карлос Сардуј Грув Месинџерс (КУБА).

На настапите им претходи работилницата Џез за деца која се одржува секоја година, наменета за деца од 3 години па нагоре, на која најмладите ќе имаат можност да се запознаат музичките инструменти кои се користат во нашиот оркестар, како и да учествуваат во заедничка композиција.

Оваа меѓународна манифестација, поддржана од Генералниот директор на УНЕСКО, Одри Азулеј, и легендарниот џез-пијанист и композитор Херби Хенкок, кој е амбасадор на УНЕСКО за меѓукултурен дијалог и претседател на Институтот за џез Херби Хенкок, секоја година поврзува заедници, училишта, уметници, историчари, академици и џез ентузијасти ширум светот да слават и да научат нешто повеќе за џезот и неговите корени, за неговата иднина и влијание, истакнувајќи ја потребата од меѓукултурен дијалог и меѓусебно разбирање, и зајакнување на меѓународната соработка и комуникација.

Секоја година, на 30 април, џезот како меѓународна уметничка форма е препознаен како алатка за промовирање на мир и дијалог меѓу културите; почитување на различноста, човековите права и достоинство; алатка за искоренување на дискриминацијата; негување родова еднаквост и промовирање на слободата на изразување.

The post Целодневен хепенинг во паркот „Ибни Пајко“ за Меѓународниот ден на џезот appeared first on Република.

Утревечер, 27 април е третата и последна фестивалска вечер од „Крај Вардарот Џез“.

Во Едукативниот културен центар Лабораториум со почеток во 21 часот со концертен настап ќе се претстават „Macedonian Free Society“. Потребата за нов-креативен, (о)слободен, инспиративен, а во исто време предизвикувачи израз, како соработка помеѓу извонредни автори и инструменталисти, кои ја исцртуваат новата историја на македонската  џез и современа музика е токму поводот за креирање на еден ваков мега состав. Иновацијата во креирањето на музичко дело и изведба на поединечни музички преокупации и изразни форми на секој од членовите вткаени во предизвикувачка и квалитетна целина е резултатот на овој современ ансамбл. Неговите членови поединечно, или како дел од нивните матични состави нижат признанија и награди во домашен и меѓународен контекст, и тоа: Филип Букршлиев, Дени Омерагиќ и Нинослав Спировски, Владан Дробицки, Васко Бојаџиски, Гоце Наумов, Глигор Кондовски и Благојче Томевски. Месецов за ПМГ Џез, како 46 издание, излезе и првиот албум на „Macedonian Free Society“.

Веднаш потоа во 22 часот на истата локација, концерт на „Поетроника“. Еден од највозбудливите музички проекти во земјава, кој поставува нова парадигма во начинот на изведба на современа македонска поезија во форма на поетско-музички перформанс и во симбиоза со авторска електронска музика, изведена во живо. Заслужни за тоа се двајца врвни современи уметници, Оливер Митковски, еден до најголемите домашни актери, кој во изведбата го носи читачкиот (поетски, интерпретативен) дел и Андреја Ристески – Салпе, талентиран автор и продуцент, еден од водечките современи македонски електронски артисти, задолжен за музиката. Неочекувана, но благодарна комбинација, која дава силно модерен и динамичен поглед врз македонскиот поетски пишан збор. Музиката на Андреја Салпе е квалитетна современа електронска продукција, со традиционални и џез одеци, која волшебно пронижена со искусниот вокал на Митковски фрла ново светло на познати и не толку познати стихови од нашето минато и сегашност од автори како: Ацо Караманов, Гого Ивановски, Игор Исаковски, па се до Горан Петрески, Владимир Лукаш, Оливера Ќорвезироска и Ѓоко Здравески. Квалитетот на изведбата во „Поетроника“ ги елевира песните на ново, неочекувано, неописливо атрактивно ниво и ги прави податни за ново толкување, приближувајќи ги до нова, млада публика.

Крај Вардарот Џез Фестивал 2024 е поддржан од Министерство за култура на Република Македонија и се реализира во соработка со Македонска филхармонија и едукативниот културен центар Лабораториум. Онлајн продажба на билети е достапна преку bileti.mk. https://bileti.mk/e/krajvardarotjazzfest24 (за 27 април)

The post Концерти на „Macedonian Free Society“ и „Поетроника“ на последната фестивалска вечер од „Крај Вардарот Џез“ appeared first on Република.