Играчот од средниот ред на Шпанија и Манчестер Сити, Родри, ја доби „Златната топка“ за 2024 година. Се доделува на најдобриот фудбалер за периодот 01.08.2023 - 31.07.2024 година во кој е вклучено и Европското првенство. Најблиску до Родриго Ернандез беше триото на Реал Мадрид, Винисиус Жуниор, Џуд Белингам и Даниел Карвахал.

Во кампањата 2023/24, Родри стана европски шампион со Шпанија и ја освои титулата во Англија со Манчестер Сити.

Ова издание на наградите стана едно од најдискутираните откако првично се очекуваше Винисиус Жуниор да ја подигне наградата, но потоа работите се променија.

„Златната топка“ за 2024 година ја доделуваат заеднички УЕФА, „Франс Фудбал“ и „Л'Екип“. Победникот кај мажите беше решен по гласањето на новинарите од првите 100 земји на ранг-листата на ФИФА. Секоја земја има по еден претставник. Од листата од 30 номинирани, жирито ги рангира првите 10 по опаѓачки редослед. На десетте избрани играчи им се доделуваат 15, 12, 10, 8, 7, 5, 4, 3, 2 и 1 поен соодветно. „Златната топка“ се доделува на играчот со најмногу поени.

The post Родри е новиот носител на „Златната топка“ appeared first on Република.

Фудбалерката на Барселона и на шпанската репрезентаија, 26-годишната Аитана Бонмати, втора година по ред ја добива „Златната топка“ во женска конкуренција.

Наградата е сосема заслужена бидејќи беше најдобра фудбалерка на Барса во сезоната во која Каталонките на доминантен начин ја освоија Лигата на шампионите и сите три трофеи во Шпанија - првенство, Куп и Суперкуп.

Таа го освои и трофејот од Лигата на нациите со репрезентацијата на нејзината земја.

The post Аитана Бонмати ја освои „Златната топка“ кај дамите appeared first on Република.

Голамнот на Астон Вила и на аргентинската репрезентација, Емилијано Мартинез втора година по ред е прогласен за најдобар голман на светот!

Аргентинецот останува сопственик на трофејот „Јашин“, откако го доби трофејот на церемонијата на доделувањето на „Златната топка“.

Минатата сезона, голамнот триумфираше со Копа Америка, каде исто така стана број 1 меѓу играчите на неговата позиција.

Благодарам на другите голмани со кои се натпреваруваме. Продолжуваме да се развиваме и секогаш се трудиме да се докажуваме. Посебна благодарност до Лаутаро што го постигна тој гол во финалето на Копа Америка, изјави Мартинез.

За првпат во историјата на трофејот „Јашин“ истиот играч го доби во две последователни сезони.

The post Аргентинецот Емилијано Мартинез втора година по ред е најдобар голман во светот appeared first on Република.

Тимот на Реал Мадрид беше прогласен за „Клуб на годината“. Наградата за „Кралскиот клуб“ е донесена за време на церемонијата за доделување на „Златната топка“ за 2024 година.

„Кралевите“ сосема заслужено го добија признанието бидејќи освоија Лигата на шампионите и Ла лига.

Тимот од главниот град на Шпанија го откажа пристигнувањето на церемонијата. Според медиумите, причината за ова е сознанието дека Винисијус Жуниор нема да ја добие „Златната топка“.

The post Реал Мадрид е клуб на годината appeared first on Република.

Капитенот на Англија, Хари Кејн, ја освои наградата „Герд Милер“ за најдобар стрелец во минатата сезона.

За време на церемонијата на „Златната топка“, фудбалерот на Баерн Минхен доби награда која, во принцип, треба да ја подели со Килијан Мбапе.

Двајцата завршија со по 52 гола, но францускиот напаѓач на Реал Мадрид не се појави во салата во Париз. Ова е првпат во историјата оваа награда да има двајца добитници.

Ја земам наградата, но и двајцата ја заслуживме, прокоментира Кејн.

Покрај тоа, англискиот интернационалец е на десеттото место за „Златната топка“.

The post Хари Кејн прогласен за најдобар стрелец, Мбапе не се појави appeared first on Република.

Ниту еден клуб или играч не знае во понеделник попладне кој ја освоил „Златната топка“, изјавил еден од организаторите на најпрестижниот индивидуален трофеј во фудбалот, цитиран од светските агенции.

Тоа доаѓа откако Реал Мадрид објави дека ќе ја бојкотира вечерашната церемонија, верувајќи дека нивната ѕвезда на тимот Винисиус нема да ја добие наградата.

Сите клубови и играчи се третираат на ист начин, додал изворот, потсетувајќи на строгите правила за доверливост кои беа воведени оваа година.

The post Организаторите на „Златната топка“: Никој не го знае името на добитникот на наградата appeared first on Република.

Францускиот суд одлучи дека аукцијата на трофејот што му беше доделен на легендарниот фудбалер Диего Марадона за најдобар играч на Светското првенство во 1986 година може да се одржи според планираното, и покрај противењето на неговите наследници, изјави денеска нивниот адвокат.

Наследниците на Марадона се обидоа да ја спречат аукцијата на Златната топка, која легендарниот Аргентинец ја освои во 1986 година на Светското првенство во Мексико, со поведување итен судски спор.
Адвокатот Гил Мор изјави дека судската пресуда „не е поволна за наследниците на Диего Марадона“. Тој додаде дека неговите клиенти биле изненадени од пресудата на судот во Нантер.
Трофејот треба да се најде на аукција следниот четврток во Париз, објави претходно аукциската куќа Агит.
Овој трофеј беше изгубен со децении, но неодамна излезе на површина. Наследниците на Марадона велат дека трофејот е украден и тврдат дека сегашниот сопственик нема право да го продаде.
Аргументот на аукциската куќа е дека тој што го купил трофејот пред многу години не знаел дека е украден.

Марадона го доби тој трофеј на церемонија во кабарето Лидо на Шанзелизе во 1986 година. Трофејот подоцна исчезна и за него кружеа разни гласини.

Според една од верзиите, Марадона го загубил на покер или го продал за да си ги плати долговите. Се шпекулираше и дека Марадона го чувал во банка во Неапол, која била ограбена од локални гангстери во 1989 година, кога тој играше за локалниот Наполи.

Диего Марадона, кој почина во 2020 година на 60-годишна возраст, ја освои Златната топка во 1986 година, за најдобар играч на Светското првенство во кое ја предводеше Аргентина до титулата

The post Златната топка на Марадона што му ја украла италијанската мафија оди на аукција appeared first on Република.

Златната топка која му беше доделена на аргентинската фудбалска легенда Диего Армандо Марадона за најдобар играч на Светското првенство во 1986 година, ќе се најде на аукција во Франција во јуни, објави денеска аукциската куќа Агутес.

Ова е првата Златна топка што ќе се продава на аукција, а нејзината вредност допрва треба да се утврди. Аукциската куќа очекува да достигне милионски износ на денот на продажбата на 6 јуни.

Марадона, кој почина во 2020 година, ја освои наградата откако ја предводеше Аргентина до триумф на Светското првенство во Мексико, постигнувајќи пет голови на турнирот, на кој играше на сите натпревари без да биде заменет.

Турнирот веројатно најдобро се памети по двата гола на Марадона против Англија во четвртфиналето. Првиот гол подоцна стана познат како „божја рака“, а вториот беше избран за гол на векот.
Дресот кој Диего Марадона го носеше тој ден, како и топката со која се одигра натпреварот, веќе беа продадени на аукција.

The post Златната топка на Марадона од 1986 ќе се продава на аукција во Франција appeared first on Република.

Поранешниот германски фудбалер Лотар Матеус верува дека Ерлинг Халанд требало да ја добие Златната топка, а не Лионел Меси.

Вчера Аргентинецот по осми пат ја освои наградата. Доделувањето на наградата се одржа во Париз во театарот „Шателе“.

Цела минатата година Халанд играше подобро од Меси. Лионел победи неправедно. Но, тоа покажува дека Светското првенство е важно повеќе од било што друго. Мислам дека Халанд е најдобриот играч во последните 12 месеци, освои важни трофеи со Манчестер сити и собори голгетерски рекорди. За мене никој не го победува Халанд. Ова гласање е фарса, иако јас сум навивач на Меси, изјави Матеус.

Ерлинг Халанд го зазеде второто место во гласањето. Норвежанецот го освои трофејот Герд Милер како најдобар стрелец во сезоната 2022/23.

The post Јас сум навивач на Меси, но ова е фарса, вели легендата Лотар Матеус за добитникот на „Златна топка“ appeared first on Република.

Џордан Озуна, девојката на Карим Бензема, на своите стории на Инстаграм сподели фотографија на која позира со напаѓачот на Реал Мадрид со што му честита на добивањето на „Златната топка“

Горда е многу мал збор за да опишам што чувствувам - напиша Џордан во пораката.

Џордан Озуна е 32-годишна американска моделка со речиси половина милион следбеници на Инстаграм. Таа и Бензема се во врска од минатото лето.

The post Испрати нежна порака за „Златната топка“: Ова е Џордан, девојката на Бензема appeared first on Република.

Напаѓачот на европскиот првак Реал Мадрид, Карим Бензема ја освои вечерва наградата „Златна топка“ која традиционално се доделува во изборот на списанието Франс фудбал, додека признанието најдобра фудбалерка втора година по ред и припадна на Алесиа Путелјас од Барселона.

На свеченоста во парискиот театар „Шатале“, Бензема беше награден за исклучителната сезона во која го предводеше мадридски Реал до титулата во Шпанија и освојувањето на трофејот во Лигата на шампиони.

Втора година по ред признанието „Герд Милер“ за најдобар голгетер го освои Полјакот Роберт Левандовски, кој сезонава се пресели од Баерн Минхен во Барселона.

Наградата „Лав Јашин“ за најдобар светски голман му припадна на Тибо Куртоа од Реал.

За најдобар млад фудбалер во светот во сезоната 2021/22 е прогласен Гави од Барселона.

The post „Златната топка“ за Бензема и Путелјас appeared first on Република.

Напаѓачот на Реал Мадрид, Карим Бензема, одговори на прашањето за неговите шанси да ја освои Златната топка.

 Да видиме што ќе се случи. Треба да го почекаме гласањето. Златната топка е мојот сон уште од детството. Сега не сум толку далеку од неговата реализација. Ќе видиме - ја пренесува изјавата на Бензема порталот „GFFN“.

Бензема беше прогласен за најдобар играч на сезоната според УЕФА.

Триесет и четиригодишниот француски напаѓач минатата сезона постигна 44 гола и 15 асистенции на 46 натпревари за Реал Мадрид во сите натпреварувања. Ги освои Лигата на шампионите и шпанското првенство.

Церемонијата на доделување на Златната топка ќе се одржи на 17 октомври во Париз.

The post Бензема: Златната топка е мојот сон уште од детството appeared first on Република.