Првиот човек на Ракометната федерација на Македонија, Живко Мукаетов на денешното собрание најави заминување од функцијата. Тој ќе го напушти претседателското место во Ракометата федерација во 2025 година, пренесува „Скопје.инфо.мк“.

Повлекувањето Мукаетов го најави со потврдата дека нема да се кандидира за нов мандат на изборното собрание кое ќе се одржи помеѓу 15 февруари и 1 март во 2025 година.

На чело на РФМ, Мукаетов дојде во 2013 година, па така по повеќе од десет години Македонија ќе добие нов прв човек на ракометот.

The post Мукаетов се повлекува од прв човек на РФМ во 2025 година appeared first on Република.

Премиерот Христијан Мицкоски заедно со министерот за спорт, Борко Ристовски денеска се сретна со претседателот на Светската ракометна федерација, Хасан Мустафа, претседателот на Ракометната федерација на Македонија, Живко Мукаетов и генералниот секретар на Ракометната федерација, Филип Милошевски.

Разговори за унапредување на македонскиот спорт, инвестиции и визии за иднина, рече Мицкоски по средбата, која ја оцени за срдечна.

The post „Разговори за унапредување на македонскиот спорт“: Мицкоски и Ристовски на средба со Мустага, Мукаетов и Милошевски appeared first on Република.

Црвениот крст на Град Скопје го одликувааше Генералниот директор и Претседател на УО на „Алкалоид“ со Оскар на хуманоста во категоријата Премиум партнер, како континуиран поддржувач на хуманата мисија која ја спроведува оваа организација во земјава веќе 8 децении.

„Со особено задоволство, во рамките на манифестацијата ’Оскар на хуманоста’, му ја доделуваме наградата ’Премиум партнер’ на г. Живко Мукаетов. Неговата лична ангажираност значи поттик на индивидуално ниво, која потоа мотивира, и колективно развивање на општествената одговорност во ’Алкалоид’ АД Скопје. Како личност препознаена во заедницата во која несебично дава помош и поддршка преку повеќе програми и активности на Црвениот крст, г. Мукаетов се истакнува како позитивен пример и во својата лична, но и во професионалната агенда, па Црвениот крст го поставува на високо место не само како поддржувач на нашите активности, туку и како партнер и пријател на хуманоста“, истакнуваат од  Црвен крст на Град Скопје.

Манифестацијата „Оскар на хуманоста“ се одржа во склоп на повеќето активности посветени на одбележувањето на Светскиот ден на Црвениот крст и Црвената полумесечина и на Неделата на Црвениот крст (8-15 мај).

Покрај премиум Оскарот за хуманост, беа доделени и награди во неколку селектирани категории: корпоративен сектор, образовни институции, единици на локалната самоуправа и медиуми.

„За нас како компанија и за мене како поединец Црвениот крст е синоним за хуманост, солидарност, човечност и поддршка. Место од каде се подава рака на секого кому му е потребна помош, отворена врата за најранливите општествени слоеви и стартна позиција на секој поединец или компанија кои сакаат да бидат општествено одговорни“, истакна Мукаетов.

Изминативе години „Алкалоид“ има спроведено повеќе активности во соработка со Црвен крст на РСМ и со Црвен крст на Град Скопје, како во делот на социјално-хуманитарната дејност така и на полето на крводарителството. Во рамките на компанијата повеќе од 50 години активно функционира Друштвото на крводарители, а само во последните година и половина „Алкалоид“ организираше три крводарителски акции, во чии рамки беа собрани повеќе од 400 единици крв. Покрај тоа, во 2013 година „Алкалоид“ помогна за реновирање и за ребрендирање на Дневниот центар за дарување крв и континуирано дава придонес во неговото тековно функционирање. Во рамките на компанијата неодамна беа спроведени и неколку масовни акции за донирање облека и храна на собирни пунктови на трите локалитети на „Алкалоид“.

На глобално ниво, Оскарот на хуманоста на Црвен крст ги акцентира заложбите за зачувување на хуманоста, како и тенденцијата да се поттикне хуманоста кај секој поединец во заедницата во која живее и дејствува. Низ симболиката на солидарните заложби му се оддава почит на основоположникот на идејата за формирање на Црвениот крст, Анри Динан, но и се упатува благодарност до 16-те милиони волонтери во 191 земја во рамките на Движењето на Црвениот крст и на Црвената полумесечина низ светот, кои го посветуваат своето драгоцено време за доброволна служба, секогаш подготвени за вклучување во локална хуманитарна акција за глобално добро.

Комерцијален текст

The post Живко Мукаетов прогласен за Премиум партнер на манифестацијата „Оскар на хуманоста“ на Црвен крст appeared first on Република.

Шеснаесетта година по ред Фондацијата „Трајче Мукаетов“ доделува 40 стипендии за студенти на Фармацевтскиот и на Медицинскиот факултет при Универзитетот „Св. Кирил и Методиј“ од Скопје. Изборот на стипендистите за учебната 2023/2024 година, кој е во согласност со објавениот јавен конкурс, е одобрен од Управниот одбор на Фондацијата, по предлог-прелиминарната листа од комисиите за распределба на стипендии, составени од претставници на Фондацијата, на двата факултета, како и од претставници од редовите на студентите.

За новата академска година се доделуваат 40 нови стипендии, од кои 20 за студенти на Фармацевтскиот и 20 за студенти на Медицинскиот факултет при Универзитетот „Св. Кирил и Методиј“ oд Скопје. И оваа година Фондацијата ќе додели и еднократна парична награда од 1.200 евра во денарска противвредност за првенците на генерација на двата факултета. Добитници на оваа награда се Теодора Мазнева од Фармацевтскиот факултет (со просек 9,81) и Леонид Рене Томас Караџинов од Медицинскиот факултет (со просек 9,98), стипендист на Фондацијата „Трајче Мукаетов“.

„Во вакви специфични времиња исполнети со огромни предизвици, како за компаниите така и за поединците, а особено за младите, чест е да се биде дел од една континуирана позитивна приказна на едукација, посветеност на науката и врвни резултати во сферата на здравството и фармацијата. Особено ни е драго што компанијата во изминатите 16 години е дел од успешната академска приказна на 659 стипендирани студенти на државниот универзитет во Скопје, кои се додадена вредност на македонското здравство и фармација. Едукацијата во овие две сфери е од исклучителна важност, а процесите во нашата компанија бараат стручно профилирани кадри и особено ми е драго што досега 101 oд стипендираните студенти одлучиле својот професионален пат да го започнат во некој од нашите оддели, во кои своето знаење и капацитетите можат да ги демонстрираат со целосен потенцијал. Благодарение на високата селективност при ангажирањето стручни кадри и континуираните вложувања во сферата на едукацијата, денес ‘Алкалоид’ конкурентно и достоинствено се носи на глобалниот фармацевтски пазар“, изјави г. Живко Мукаетов, Претседател на Фондацијата „Трајче Мукаетов“ и Генерален директор на компанијата „Алкалоид“ АД Скопје.

Во шеснаесетте години постоење, Фондацијата „Трајче Мукаетов“ стипендирала вкупно 659 студенти по фармација и по медицина при Универзитетот „Св. Кирил и Методиј“ од Скопје и инвестирала близу 130 милиони денари по основ на стипендии и на еднократни парични награди за првенците на генерација.

Oд ноември 2022 година износот на стипендијата изнесува 7.000 денари во текот на 12 месеци и се засметува линеарно на постојните и новите стипендисти, сѐ до нивното формално завршување на студиите.

Комерцијален текст

The post Фондацијата „Трајче Мукаетов“ додели 40 нови стипендии за учебната 2023/2024 appeared first on Република.

Денеска официјално ќе отпочне со работа Конзулатот на Кралството Норвешка во Скопје.

На свеченоста, во просториите на „Алкалоид АД“ Скопје во Автокоманда, ќе присуствуваат амбасадорот на Норвешка во Белград, Јорн Еуген Ѓелштад, државниот секретар при Министерството за надворешни работи на Норвешка, Еивин Вад Петерсон, советникот во Кабинетот на министерот за надворешни работи на Норвешка, Гро Дахле, заменик директорот во секторот за ЈИЕ при МНР на Норвешка, Јохан Лоов, како и првиот секретар на Амбасадата на Норвешка во Белград, Стефан Алмехаген Сандстад.

За конзул на Кралството Норвешка во Скопје е назначен Живко Мукаетов, кој исто така функцијата Генерален конзул на Кралството Данска ја извршува веќе 16 години.

The post Норвешка отвора конзулат во Македонијa appeared first on Република.

По повод петгодишнината од формирањето, Коморскиот инвестициски форум на Западен Балкан (WB6CIF), кооснован од Европската Унија, на почетокот на 2023 година објави повик за учество во регионалниот натпревар отворен за компании од шесте земји членки. Рангирањето на апликациите, поделени во 6 категории, беше направено од комисија составена од по еден претставник од шесте стопански комори на Западен Балкан и претставник од канцеларијата на Коморскиот инвестициски форум.

Првата награда во категоријата „Водечки инвеститор (шампион) во земјите од Западен Балкан“ му беше доделена на „Алкалоид“ АД Скопје, презентирана на пригодна церемонија организирана за оддавање признанија за достигнувањата на најдобрите и најуспешните компании во регионот.

Имајќи го предвид значењето на континуираното инвестирање и унапредување во сите сегменти од работењето, високо позиционирано како една од клучните стратешки определби во деловната политика на „Алкалоид“, оваа награда претставува уште една значајна потврда за достигнувањата на компанијата, велат оттаму.

Во својата долга историја, „Алкалоид“ минал низ бројни предизвици, но една фактичка константа во текот на деветдеценискиот развој биле инвестициите, кои во изминативе три децении се насочени кон градење и проширување на производствените капацитети, капацитетите за истражување и развој, инсталирање на модерна опрема, лаборатории, технологии, модерен софтвер и добро обучен кадар. Само во изминативе 5 години, инвестиравме 104,1 милиони евра во земјите во регионот, интегрирајќи ги нашите операции за целите на подобро водење на дејноста од нашата база во Македонија. На овој курс сме решени да останеме и во иднина, работејќи на глобализација на брендот „Алкалоид“, достоинствено и посветено, со практикување на високи етички стандарди, кредибилитет и професионален пристап во севкупните операции, изјави Генералниот директор/ Претседател на УО на компанијата, Живко Мукаетов.

Коморскиот инвестициски форум е заедничка иницијатива на стопанските комори на земјите од Западен Балкан, кооснован од Европската Унија, која ги претставува интересите на повеќе од 350.000 компании во насока на спроведување на заеднички активности кои се од интерес за бизнис-заедницата од регионот.

The post За инвестираните 104,1 милиони евра во изминативе 5 години, Коморскиот инвестициски форум на Западен Балкан го прогласи „Алкалоид“ за водечки инвеститор во регионот appeared first on Република.

Првиот човек на „Алкалоид“ Живко Мукаетов е рангиран на 38-то место во регионот според богатството. На листата од 100 најбогати лица во регионот што ја состави српскиот весник „Недељник“, Мукаетов со проценети над 650 милиони евра капитал се најде на 38-то место. Бизнисменот од Кавадарци Илија Гечев, е единствениот милијардер во Македонија и тој е рангиран на 18-тото место според богатството. На таа листа милијардери во регионот има само во Србија и во Хрватска, како и еден во Македонија (Гечев).

Инаку, „Недељник“' на својата интернет страница денеска ја објави листата на најбогати лица од регионот рангирани од 31 - 40 место.

Листата од 100 најбогати е составена во соработка со медиуми од регионот, како и со две њујоршки консултантски куќи. Рангирањето не е создадено според пари кои ги имаат богатите, туку според вредноста на нивниот капитал и проценетата вредносте при евентуална продажба.

The post Живко Мукаетов e 38. најбогат човек во регионот appeared first on Република.

Претседателот на Ракометната федерација на Македонија, Живко Мукаетов, уште еднаш искажа поддршка за македонските репрезентативки кои утре ќе го одиграат првиот натпревар на Европското првенство.

Заеднички домаќини на ЕХФ Еуро 2022 се Скопје, Подгорица (Црна Гора), Целје и Љубљана (Словенија).

– Прв пат сме во позиција после 14 години да го донесеме Европското првенство во салата „Борис Трајковски“, во Скопје, во нашата преубава Македонија. Тоа е голема чест и затоа треба да се покажеме во вистинско светло. Благодарност до целиот тим од РФМ кој макотрпно работи на организацијата. Очекуваме македонската јавност да покаже колку го сака ракометот, а нашите девојки да ја добијат поддршката која многу ќе им значи. За кого – За Македонија! – истакна Мукаетов.

Преку видеообраќање од таборот на репрезентацијата се заблагодарија на Ракометната федерација на Македонија за можноста да играат на едно Европско првенство и тоа на домашен терен.

– Да почувствуваме што значи да се биде помеѓу најдобрите репрезентации во Европа, да имаме надеж дека репрезентацијата ќе се врати на патот на кој беше пред десетина години. Со големо нетрпение го чекаме почетокот на првенството и се надеваме дека ќе ги исполниме очекувањата на нашите навивачи, истакна селекторот, Љубомир Савевски

Во пресрет на утрешниот дуел со Франција (почеток 18 часот), капитенот Сара Ристовска упати апел до македонската јавност да даде поддршка на ракометарките во обидот да остварат што подобри резултати.

– Еуфорија помеѓу нас веќе се чувствува. Има позитивна енергија во репрезентацијата. Дојдете и навивајте за Македонија, порача Рисовска.

The post За кого? За Македонија!: Во Скопје се игра Европско првенство во ракомет appeared first on Република.

Раководството на Ракометната федерација на Македонија, оствари средба со сениорките и со стручниот штаб, во пресрет на почетокот на Европското првенство во ракомет за жени, кое ќе се одржува во Скопје, Љубљана, Целје и Подгорица, од 4 – 20 ноември годинава.

Сѐ што треба да направите, е да верувате во себе, да верувате во тимот, да бидете посветени и да се борите до крај. Без калкулации и без потклекнување и предавање пред фаворитите, а со борба за секоја топка! – истакна претседателот на РФМ Живко Мукаетов во своето обраќање пред сениорките и стручниот штаб, потенцирајќи дека федерацијата стои цврсто зад нив и со безусловна поддршка, а со само едно барање – игра со срце на терен.

Ракометарките изразија благодарност за вложените напори на македонската куќа на ракометот – за можноста да играат Европско првенство на домашен терен, а со тоа и да го вратат сјајот на женскиот ракомет во земјава.

Скопје по 14 години повторно ќе биде домаќин на европската ракометна елита. Арената „Борис Трајковски“ е со комплетно обновена спортска инфраструктура, по терк на високите ЕХФ стандарди.

Натпреварите од групата Ц, македонската селекција ќе ги одигра против репрезентациите на Франција (5 ноември), Холандија (7 ноември) и Романија (9 ноември)

The post Mукаетов со порака до ракометарките пред ЕП: Сѐ што треба да направите, е да верувате во себе, во тимот, да бидете посветени и да се борите до крај appeared first on Република.

Претседателот на Ракометната федерација на Македонија (РФМ), Живко Мукаетов, на прес-конференција го најави Европското првенство (ЕП) кое оваа година ќе се игра во Македонија, Црна Гора и Словенија. Претседателот на мак-ракометот испрати апел до сите за поддршка на девојките и воедно кажа дека овој настан е голем за државата.

„За нас е голем предизвик и чест што можеме да бидеме организатори, ова е најголемиот настан кој се случува во Македонија. Ние сме во група со Франција, Холандија и Романија, во вториот круг доаѓаат репрезентациите со висок квалитет. Апелирам до сите љубители на ракометот да дојдат им дадеме поддршка на ракометарките, на стручниот штаб. Ја повикувам македонската јавност да дојде во поголем број да ги бодриме нашите репрезентативки, воедно во живо да ги видиме најдобрите европски ракометни репрезентации. Да уживаме во европски ракомет. Благодарност до Владата која се зафати да ги досреди сите работи во СЦ “Борис Трајковски“ кои треба да се корегираат. Треба да покажеме дека сме подготвени да организираме врвен настап на европско ниво“, изјави Мукаетов.

На стартот на првенството нашиот национален тим игра во групата Ц со Франција. Потоа следи дуел против Холандија, а крајот на првата групна фаза е закажан за Романија. Натпреварите се играат од 5 до 9 ноември.

The post Мукаетов: Ни следи огромен ракометен настан во Македонија appeared first on Република.

Македониј, Црна Гора и Словенија е организатор на Европското женско ракометно првенство кое ќе се одржи од 4 до 20 ноември оваа година во трите држави.

Се поблиску сме до овој голем настан, па претседателите на сите три федерации Живко Мукаетов, Петар Каписода и Фрањо Бобинац на Конгресот на ЕХФ во Луксембург ја презентираа организацијата на ЕП.

-Три култури, три јазици, една заедничка страст кон ракометот-тоа беше слоганот со кој балканската тројка се претстави на овој собир на претседателите кој викендов с еодржува во Луксембург.

Инаку шампионатот е на програмата од 4 до 20 ноември и тоа во четири града Скопје, Љубљана, Целје и Подгорица.

The post Мукаетов, Бобинац и Каписода ја презентираа организацијата за женското ракометно ЕП appeared first on Република.

Генералниот директор и Претседател на УО на „Алкалоид“, Живко Мукаетов, е учесник и панелист на Втората годишна меѓународна конференција „Скопски економски и финансиски форум – СЕФФ“, која се одржува во Скопје од 30 до 31 мај годинава во организација на македонското Министерство за финансии и на Американската стопанска комора „AmCham“.

Поединечно, сите сме мали, неконкурентни и помалку интересни пазари. Но гледајќи го регионот на Западен Балкан како целина, веќе зборуваме за пазар од речиси 20 милиони жители. Нам ни требаат здружувања и разни форми на соработка. Тука можеби „поврзаност“ би бил вистинскиот збор. Како компанија која е еден од столбовите на македонската економија, силно се залагаме за изнаоѓање разни синергии во регионот, дури изнајдовме и форми за соработка со нашите конкуренти во Хрватска, Србија и во Босна и Херцеговина, истакна Мукаетов.

Правејќи паралела меѓу успешноста на компаниите и националните економии, особено во високо поларизирани и политизирани општества, Мукаетов потенцираше дека бизнисите се оние кои треба да најдат начини како поефикасно да ја промовираат регионалната економска интеграција, за да се обезбеди повисоко ниво на конкурентност, а со тоа и подобар животен стандард, повеќе странски инвестиции и посветла иднина за идните генерации.

Целта на „Алкалоид“ е да се диференцира преку знаење и развој на производи со додадена вредност. Во денешното време на брзи промени, кога вештачката интелигенција и новите технологии се масовно достапни, моќта на креативноста и иновацијата на човечкиот потенцијал добиваат сѐ поголемо значење. За жал, одливот на мозоци е голем проблем со кој се соочува целиот регион. Како компанија, ние во „Алкалоид“ се трудиме да ги задржиме нашите луѓе „дома“, постојано инвестирајќи во нивната професионална едукација, пристап до нови технологии и научни достигнувања, програми за менторство, дуално образование, разни бенефиции како за вработените така и за нивните семејства, сѐ со цел да овозможиме поквалитетен личен и професионален развој на вработените, вели тој.

Мукаетов го посочи примерот на „Алкалоид“ како една од најатрактивните компании работодавци во земјава, но и патот до таа перцепција, кој почнува од вработените во компанијата и од нејзината организациска култура.

Децении наназад „Алкалоид“ покажал резилиентност и брза адаптација кон промените. Тоа е компанија градена од генерации речиси девет децении наназад. Да работиш за „Алкалоид“ е како да играш за „Реал Мадрид“. Станува збор за наследство со богата традиција, долга историја и со врвен квалитет, па потклекнувањето пред предизвиците во никој случај не смее да биде опција, поентираше Мукаетов заокружувајќи го своето обраќање.

Скопскиот економски и финансиски форум“ (СЕФФ) е иницијатива на Министерството за финансии, чија цел, како што истакна ресорниот министер Фатмир Бесими, е да овозможи дебата за јавните политики на релевантни регионални теми. Главен говорник и специјален гостин на настанот е истакнатиот американски професор и добитник на Нобеловата награда за економија, Пол Кругман. Фокусот на настанот, кој во Скопје успеа да ги собере најпрестижните имиња од светот на економијата, бизнисот и на финансиите, е поставен на макроекономските предизвици во турбулентни времиња, на отпорноста, конкурентноста и на регионалната соработка, на енергијата, зелената транзиција и на инфраструктурата, но и на двигателите на растот по кризата.

The post Моќна и обединета бизнис-заедница значи силна економија, порача Мукаетов на СЕФФ appeared first on Република.

Живко Мукаетов останува претседател на Ракометната Федерација на Македонија (РФМ) најмалку до крајот на својот мандат, уште три години. Ова Мукаетов го соопшти на крајот од денешниот состанок на Управниот Одбор, изразувајќи подготвеност да ја води федерацијата за уште подобри резултати во ракометниот спорт во периодот што следи.

Тој на почетокот на годината најави повлекување од најуспешната спортска федерација. Но, во меѓувреме го смени мислењето.

Пред неколку месеци најавив мое евентуално повлекување од позицијата прв човек на РФМ. Девет години се да кажеме еден период кој не е така мал,од 2013 па се до сега, многу активности, многу денови, моменти и се останато заедно со сите вас посветени на ракометниот спорт во Македонија. Сакам да се заблагодарам до сите за поддршката што ја добивав, знам дека сите ние во УО го дававме максимумот за да го развиваме овој спорт, го почна Мукаетов своето излагање пред УО.

Искрено сметав дека е време за повлекување од функцијата, но по сите овие последни настани, особено во овие два месеци, по сета онаа енергија што повторно ја имаме во ракометот. Од друга страна, обврските кои ни следат и кои се навистина многу големи, организација на ЕП за кое сме се намачиле да го добиеме… после разсговорите со ракометни работници во кои имам доверба и чие мислење го ценам… сметам дека не е вистински момент за повлекување од функцијата. Мандатот ми почна од почетокот од минатата година, верувам дека годинава ќе се носиме со сите предизвици заедно, дека јас ќе останам на функцијата заедно со сите вас и да го постигнеме сето она што ни е поставено како цел.

Јас и понатаму стојам на ставот дека има во овој УО луѓе кои можат да ја водат федерацијата, знаеме дека надвор има многу мераклии да ја водат федерацијата, но ова не е нималку лесно. Политиката мора да се држи надвор од спортот и од ракометот и наш прикоритет мора да биде да продолжиме по успешниот пат по кој се движиме. Затоа, јас денеска потврдувам дека продолжуваме заедно, ќе работиме заеднички да го движиме ракометниот спорт кон идни ракометни успеси“, рече Мукаетов.

The post Иако најави повлекување, Живко Мукаетов останува на чело на РФМ appeared first on Република.

Задоволството од победата над Чешка и новиот пласман на ракометниот Мундијал, по мечот во Скопје не го криеше и првиот човек на македонскиот ракомет, Живко Мукаетов.

„Пресреќен сум, овие момци покажаа дека имаат и квалитет и карактер. Ова е најава дека имаме убава иднина и во машкиот и во женскиот ракомет. Напред Македонија! Тука сме заедно да градиме уште поубава приказна, уште повеќе да инвестираме во макеоднски играчи, во развојот на македонскиот ракомет и спорт. Македонските спортисти покажуваат што значи да се има достоинство и да се бориш за сопствената држава“, изјави претседателот на РФМ.

The post Мукаетов: Напред Македонија! Македонските спортисти покажуваат што значи да се бориш за сопствената држава appeared first on Република.

Живко Мукаетов си заминува од функцијата претседател на Ракометната федерација на Македонија (РФМ) и на негово место доаѓа Александар Стефанов, генералниот спонзор на скопскиот клуб Бутел, пишува порталот „24 Ракомет“.

Мукаетов, кој е предводник на новоформираниот машки клуб РК Алкалоид, својата одлука за можно повлекување ја најави во интервју за спортскиот портал Екипа.мк пред неколку дена.

Како што пишува „24 Ракомет“ се споменуваат повеќе кандидати кои се сметаат за најсериозен наследник на Мукаетов. Но, како „прв пик“ е членот на УО на РФМ, Стефанов. Тој е еден од најмладите членови на УО, поранешен ракометар кој неколку години го предводи клубот од Бутел.

The post Мукаетов си заминува од РФМ, ќе го замени Александар Стефанов? appeared first on Република.