Благодарение на брзата, трезвена и професионална реакција на диспечерот на далечинскиот управувач на станицата Белград Центар, денеска во 9:15 часот избегнат е судир на два патнички воза на железничката станица Земун, јави дописникот на МИА од Белград.

Како што соопштија од „Железничката инфраструктура на Србија“, диспечерот во новиот центар за далечинско управување во железничката станица Белград Центар, од кој се следи железничкиот сообраќај на пругата Белград Центар – Нови Сад, реагирал одговорно и навремено, откако на мониторите за следење на сообраќајот веднаш ја регистрирал положбата на возовите.

Тој наредил во Центарот за далечинско управување да се исклучи напонот во контактната мрежа на тој дел од пругата, што веднаш било направено и со тоа возовите застанале. Патничкиот воз што сообраќал од Бар до Белград Центар влегувал во деветтиот колосек на железничката станица Земун.

Во исто време, според првите информации од местото на настанот, регионалниот воз што сообраќал од Нови Сад кон Белград Центар тргнал од осмиот колосек и без дозвола го поминал излезниот сигнал кој забранувал натамошно возење.

Двата воза се навреме запрени, избегнат е судир, нема повредени и нема материјална штета. На лице место има железничка комисија за истрага на вонредни настани, која треба да ги истражи сите детали за настанот. Железничкиот сообраќај на станицата Земун во моментов е во прекин.

The post Секунди ги делеле од смрт: Благодарение на диспечер, избегнат судир на возови во Земун appeared first on Република.

Телото на Зоран З. (73) и Влатке Ж. (71) се пронајдени во нивниот семеен дом на улицата Цар Душан во Земун, а според првичните информации се сомнева дека се работи за убиство и самоубиство. Според соседите, немало навестување за трагедија, ниту слушнале, ниту виделе нешто што би ги вознемирило.

„Видов денеска дека прво дојде полициско возило, а потоа дојде уште едно патролно возило и брза помош. Дури по приказната, сфатив дека нешто лошо се случило. Не слушнав пукање, тепачка, врескање. „Ако се случило во затворена куќа, најчесто гледам телевизија, па можеби затоа и не слушнав ништо“, вели соседот.

Според неофицијални информации на Нова.рс од терен, убиената Влатка долго време била болна.

Целиот случај е откриен откако братот на Зоран Ж. ја алармирал полицијата. Изјавил дека два дена не може да стапи во контакт со семејството. Отишол до куќата, а таму наишол на заклучена врата. Ова му било уште посомнително и веднаш повикал полиција, која набрзо дошла на местото и ги пронашла телата на сопружниците.

Се сомнева дека Зоран си ја убил сопругата, а потоа се самоубил.

The post Во куќа во Земун пронајдени тела: Видов кога дојде полиција, не слушнав пукање appeared first on Република.

Лидија М.(47), мајката на новороденчето чие тело беше пронајдено ќеса во стар замрзнувач во куќа во Земун, Белград, е задржана во полиција откако во конфузна изјава за полицијата изјавила дека родила мртво бебе кое го ставила во замрзнувач, дознава „Блиц“.

Според информациите на српскиот весник, обдукцијата сè уште не утврдила прецизно дали бебето е родено живо и ставено во замрзнувач или е родено мртво. Во наредните денови ќе се направат одредени анализи за прецизно да се утврди.

Доколку се утврди дека бебето е родено живо, мајката ќе одговара за кривичното дело убиство на дете при породување, вели изворот на „Блиц“.

Доколку се утврди дека детето е родено мртво, Лидија ќе одговара за дело за кое следува полесна казна.

Лидија денеска ќе биде сослушана во Вишото јавно обвинителство во Белград.

Телото на новороденчето било спакувано крпа во најлонска ќеса и било на дното на замрзнувачот, а го пронашол Зоран М., кој тврдел дека штотуку се вселил во куќата со своите четири деца и дека само сакал да го исчисти стариот замрзнувач, за да го поправи.

https://republika.mk/vesti/balkan/mislev-deka-zhena-mi-zamrznala-leb-se-skameniv-koga-vidov-telo-na-bebe-veli-zoran-od-zemun/

Соседите за „Блиц“ тогаш изјавија дека ова семејство имало четири деца на возраст од 3 до 27 години.

Заедно се од средно, таа е многу помлада од него. Но, пак, не е важно, гледате каков човек е тој. Имаа се, дури секое лето одеа на море со децата. Работи од утро до вечер и ги издржува децата, додава соседот.

Сосетката рече дека „не очекувала ништо друго од таква жена“.

Којзнае дали овие четворите деца се негови. Сега е глупаво да се каже тоа, но тоа е вистина. Ги прифати и ги гледа како свои, но јас ви велам, таа доаѓа, потоа ја нема неколку месеци и се враќа со стомак, рекла сосетката.

The post Лидија ја откри мистеријата: Родив мртво бебе, па го ставив во замрзнувачот appeared first on Република.

Шокантните детали открива Зоран М. (62) од Земун, кој за српските медиуми открива како во неговиот замрзнувач пронашол мртво новороденче. Истрагата е во тек и се утрврдува чие е бебето, колку време телото било во замрзнувачот, каква поврзаност има неговата сопруга...

Замрзнувачот се расипа, па повикав мајстор. Ми рече дека морам најпрво да го одмрзнам, па почнав да го чистам. Ги извадив сите работи од него, а меѓу нив беше и таа вреќа, раскажува тој.

Околу 15 часот тргнал да провери како се одвива одмрзнувањето и тогаш затекнал стравична глетка.

Видов торба во која имаше крпа. Прво помислив дека е леб, жена ми обично знаеше да замрзни леб или погача, но кога ја отворив торбата, видов бебе. Се вознемирив од глетката, се скаменив, веднаш го повикав синот, а потоа и полицијата, раскажува шокираниот маж кој истакна дека не знае како завршило тело на бебе во неговиот замрзнувач, ниту што всушност се случувало.

Зоран М. вели дека сопругата го напуштила во мај во 2022 година и оти само тие двајца имале пристап до фрижидерот. Тој истакнува дека не знаел оти такво нешто се наоѓало во замрзнувачот и дека сè уште е вознемирен.

Не знам што да мислам за сето ова, не знам што ќе правам ако е мое дете, вели тој.

Српската полиција е во потрага по неговата сопруга за да провери дали таа има некакви информации за случајот. Тие имаат четири деца, од кои најмалото е пет години. Зоран вели дека неговата сопруга не била трудна, но и дека навистина не знае каде е таа откако ги оставила.

Телото на бебето, кое било завиткано во крпа и ставено на дното во замрзнувачот, е предадено на обдукција, по налог на Вишото јавно обвинителство во Белград, за да се утврди возраста и причините за смртта.

Според неофицијалните информации, на телото на бебето не биле видливи траги на насилство и не можело да се процени колку долго било во замрзнувач.

The post „Мислев дека жена ми замрзнала леб, се скаменив кога видов тело на бебе“, вели Зоран од Земун appeared first on Република.

Маж од Земун синоќа пријавил дека пронашол мртво бебе во кеса додека го чистел замрзнувачот. Сопственикот на куќата каде е пронајдено, Зоран М.(62) вели дека му се расипал замрзнувачот и затоа го повикал мајстор, кој му рекол да го одмрзне.

„Вчера почнав да го чистам замрзнувачот, исфрлив се од него. Меѓу кесите на дното беше и она со телото на бебето“, вели Зоран, кој кога ја отворил кесата видел бебе.

Зоран вели дека околу 15:00 часот гледал како напредува одмрзнувањето и потоа следела страшна сцена.

„Видов кеса со крпа во неа. Прво помислив дека е леб. Кога ја отворив, видов бебе. Во шок сум. Веднаш ги повикав син ми и полиција”, вели тој и додава дека не знаел за телото на бебето во замрзнувачот.

Мажот нагласува дека не знае од каде е телото на бебето во замрзнувачот и што се случило. Тој изјавил дека сопругата го оставила минатата година, а пристап до замрзнувачот имале само тој и таа.

„Не знаев дека има такво нешто во замрзнувачот, сè уште сум потресен. Не знам што да мислам за сето ова… Не знам што ќе правам ако е моето дете, “, изјави 62-годишникот за српските медиуми.

Медиумите пишуваат дека во тек е потрагата по сопругата на Зоран за да се провери дали има информации за случајот со починатото дете во замрзнувачот. Телото на детето е пренесено на обдукција,а се прави истрага и кои се родителите на жртвата.

The post Маж од Земун пронашол мртво бебе во замрзнувач appeared first on Република.

На Телеграм кружи вознемирувачко видео од тепање и малтретирање на две млади момчиња на сред улица во Земун, Србија. На снимката се гледаат раскрвавени момчиња со искинати кошули, кои непознат напаѓач ги тепа и ги снима. Еден од нив е толку претепан, што не може ни да застане на нозе.

Овде во Земун дојдовте да се к*рчите, вика непознатиот маж и го удира возачот, додека една девојка го моли да престане.

Напаѓачот најверојатно се вика Марко, бидејќи во еден момент на видеото се слуша како девојка го извикува тоа име, молејќи го да престане да ги удира младите момчиња.

Насилникот држи банкнота од 50 евра во рака и бара да му дадат уште пари.

Дај уште пари! Дај одма! Што даде?! 50 евра, разочарано вика напаѓачот додека возачот објаснува дека нема повеќе пари.

Колку што може да се заклучи од видеото, нападот врз момчињата се случил по сообраќајната несреќа.

Целото видео тука

The post „Во Земун најдовте да се к*рчите?“: Вознемирувачко видео од тепање кружи по социјалните мрежи appeared first on Република.

Младо момче е во тешка состојба по вчерашните пукотници во Земун. Како што пренесува српски „Телеграф“, во престрелката околу 22 часот тешко повреден е 25-годишниот Урош Кецмановиќ.

После пукотниците, тој бил ставен во автомобилот, од страна на неговите пријатели, еден од нив водач на навивачката група на Партизан, и го напуштиле местото.

Кога полицијата ги запрела, со Брза помош ранетиот бил пренесен во болница, каде лекарите се борат за неговиот живот.

Српскио портал пренесува дека има прострелна рана на ногата и во гениталиите, а засега сите одбиваат соработка со полицијата.

The post Момче застрелано во пенисот во инцидент во Земун appeared first on Република.