Објавени се имињата на петнасетемина загинати во несреќата во Нови Сад каде што падна настрешница на железничката станица.

С.Ф. (2018) Фириќ Сара од Ковиље

Ф.В. (2014) Фириќ Валентина од Ковиље

Ѓ.Ф. (1971) Ѓорѓе Фириќ од Ковиље

М.А. (2008) Адамовиќ Милица од Каќ

Н.К. (2007) Комар Немања од Степановиќево

А.Р. (2004) Ангела Руман од Стара Пазова

М.М. (2003) Милош Милосављевиќ Киви од Кничанин

Х.С. (1997) Хрка Стефан од Белград

А.Ќ.С. (1989) Арбутина Ќириќ Сања од Каќ

С.В. (1979) Васко Саздовски, државјанин на Република Македонија, од Свети Николе.

Г.Р. (1966) Раца Горанка од Нови Сад

Р.В. (1955) Вукашин Раковиќ од Буковац

К.М. (1948) Милева Арановиќ од Каќ

Ш.Ѓ. (1947) Швоња Ѓуро од Степановиќево.

The post Објавени имињата на загинатите во несреќата во Нови Сад appeared first on Република.

Бројот на загинати во поплавите што ја зафатија источна и јужна Шпанија се искачи над 200 луѓе.

Спасувачките служби соопштија дека во поплавите загинале најмалку 205 луѓе, од кои 202 се во источната автономна област Валенсија.

Сè уште е непознато колку луѓе се водат како исчезнати.

Спасувачите продолжуваат со потрагата по преживеани и тела во погодените области три дена по поројните дождови кои предизвикаа поплави.

The post Над 200 загинати досега во поплавите во Шпанија appeared first on Република.

Основното јавно обвинителство Скопје информира дека интензивно презема дејствија за утврдување на причините за вчерашната тешка сообраќајна несреќа на автопатот Скопје-Велес.

Во текот на ноќта издадени се повеќе наредби за вештачење на траги пронајдени на местото и за обдукција на починатите. Комбето е подигнато од местото на несреќата и ќе се врши и вештачење со цел да се испитаат сите околности кои довеле до настанот, се вели во соопштението.

Во сообраќајката што се случи вчера попладне на автопатот Скопје - Велес, три лица загинаа, а пет беа повредени.

Станува збор за работници од Велес, кои се враќале од работното место во Скопје и патувале со организиран превоз од фирмата во која работеле.

Несреќата, како што соопшти МВР, е пријавена во 17:45 часот, а до неа дошло откако на автопатот Скопје - Велес, пред тунелот, се превртело комбе.

Во СВР Скопје било пријавено дека синоќа во 17.35 часот на автопатот Скопје – Велес, пред тунелот кај Катланово, патничко возило „форд транзит“ со скопски регистарски ознаки, управувано од О.Д.(32) од Велес, излетало од патот и се превртело. Од здобиените повреди на местото на несреќата починале сопатниците А.Н.(37), Ј.А.(47) и Д.Ц.(66), сите од Велес, а смрт констатирал лекар од итна медицинска помош. Додека, со тешки телесни повреди се здобил возачот О.Д. и сопатниците З.С.(59), В.З.(67), Н.Н.(33) и Б.П.(41), сите од Велес, констатирани во Градската општа болница „Св.Наум Охридски“ во Скопје и Комплексот клиники „Мајка Тереза“ во Скопје, соопшти МВР.

Поради сообраќајката вчера попладне беа блокирани двете сообраќајни ленти на автопатот Скопје - Велес. Сообраќајот беше во прекин од 17:45 часот и се пренасочуваше преку Петровец - Велес (по стариот пат), Миладиновци - Св.Николе - Велес - Штип.

The post Загинаа работници од Велес кои се враќале од работа, ќе се вештачи комбето appeared first on Република.

Бројот на загинати во поплавите и свлечиштата во Босна и Херцеговина официјално се искачи на 18 лица, откако во текот на денешниот ден беа пронајдени телата на уште две жртви.

Спасувачките служби се уште трагаат по уште осум исчезнати лица во северниот дел на Херцеговина, кој најмногу настрада од поплавите и одроните на камења.

The post Бројот на загинати во поплавите и свлечиштата во БиХ се искачи на 18, се трага по исчезнатите appeared first on Република.

Дежурен јавен обвинител од Основното јавно обвинителство Прилеп извршил увид на лице место на тешката сообраќајна несреќа на патот Прилеп-Битола во која утрово три лица го загубија животот, а едно е повредено.

Според првичните сознанија, како што соопштија од Јавното обвинителство, до несреќата дошло при судар на патничко возило „тојота“ со прилепски регистарски ознаки и товорно возило „волво“ со скопски ознаки. Причините за несреќата се утврдуваат.

Јавниот обвинител издал наредба за обдукција на телото на починатите, сите патници во автомобилот, како и за испитување на примероци од крв и урина од возачот на камионот. Наредено е и сообраќајно-техничко вештачење за утврдување на причините, се појаснува во соопштението.

https://republika.mk/vesti/crna-hronika/zaginaa-vrvni-doktori-od-prilep-kamionot-navodno-vozel-vo-sprotiven-pravets/

Три лица од Прилеп загинаа, а едно лице е повредено во тешката сообраќајна несреќа што утрово се случила околу 7:50 часот во судир на патничко возило и камион на магистралниот пат Прилеп-Битола, на излезот од градот, кај селото Лагово.

Тројцата загинати се од патничкото возило „тојота“ со прилепски регистерски таблички, а повредениот е од камионот. Во судирот патничкото возило се запалило, соопштија од СВР Битола.

https://republika.mk/vesti/crna-hronika/se-prostuvaat-od-niv-zagubata-e-pregolema-ova-se-doktorite-koi-zaginaa-pred-prilep/

Сообраќајната несреќа се случила помеѓу патничко возило „тојота“ со прилепски регистарски ознаки управувано од Н.В.(42) од Прилеп и сопатници А.Р и Ф.Ј., сите од Прилеп и товарно возило „волво“ со скопски регистарски ознаки, управувано од Г.Р.(51) од Битола. Во несреќата патничкото возило се запалило и на местото починале тројцата патници. Смртта ја констатирал лекар од Итната медицинска помош Прилеп, информираат од СВР Битола.

Магистралниот пат се уште е затворен за сообраќај, а увид на местото на несреќата прават полицијата и јавен обвинител.

Како медицинска екипа констатиравме смрт на три лица, сите од патничкото возило „тојота“. Повредениот од камионот итно е пренесен во Општатата болница во Прилеп со телесни повреди, изјави Боше Милошески, началник на Итната медицинска помош од Прилеп, кој беше на увид на местото на сообраќајката.

Повеќе од час и половина екипите на прилепската противпожарна единица интервенирале за да го изгаснат пожарот.

Во 7:45 часот изутрината добивме пријава за камион, кој гори на патот Прилеп - Битола, кај селото Лагово. Кога дојдовме на местото видовме дека не гори само камион, туку и патничко моторно возило, односно се случила сообраќајна несреќа. За да го изгаснеме пожарот интервениравме со пет возила и 12 пожарникари. Го обезбедуваме просторот, има бензин, нафта истечено. Станува збор за хибридно возило во сообраќајката со литиумски батерии, изјави Виктор Стојчески, заменик- момандир на ТППЕ- Прилеп.

Магистралниот пат Прилеп - Битола од 8 часот изутрината е затворен за сообраќај. Сообраќајот се одвива по алтернативни патишта.

The post Ќе се вештачи местото на несреќата, крв и урина земени од возачот на камионот appeared first on Република.

Двајца врвни лекари од приватната болница „Плодност“ Битола, загинаа утрово во сообраќајката кај индустриската зона во Прилеп на пат за Битола. Загинаа примариус доктор Александар Ристески, радилог и гинкологот д-р Никола Василески. Животот го загуби и Фанче Јованоска рендген техничар во болницата, сите од Прилеп, дознава „Апла.мк“.

https://republika.mk/vesti/crna-hronika/tri-a-ne-dve-litsa-zaginale-na-litse-mesto-so-teshkiot-sudir-na-patot-prilep-bitola/

Според информациите од СВР Биотла утрово во 07.51 часот било пријавено дека на патот Прилеп - Битола кај клучката Лагово се случила сообраќајна несреќа помеѓу патничко возило „тојота“ со прилепски регистарски ознаки управувано од Н.В.(42) од Прилеп и сопатници А.Р и Ф.Ј., сите од Прилеп и товарно возило „волво" со скопски регистарски ознаки управувано од Г.Р.(51) од Битола.

Во несреќата патничкото возило се запалило и на лице место починале тројцата патници во истото.

Смртта ја констатирал лекар од Итна медицинска помош Прилеп.

Како што соопштуваат дел од медиумите, до судирот дошло бидејќи камионот се движел во обратен правец, кон Прилеп, но тоа ќе се утврдува после увидот кој на лице место го вршат јавен обвинител и полициски службеници од ОВР Прилеп.

На социјалните мрежи е споделено и видео од епилогот на несреќата:

The post Загинаа врвни доктори од Прилеп, камионот наводно возел во спротивен правец appeared first on Република.

Три, а не две лица, како што претходно беше јавено, од Прилеп загинаа, а едно е повредено во тешката сообраќајна несреќа што се случила утрово пред 8 часот на патот Прилеп – Битола на излезот од градот, во близина на селото Лагово.

Сообраќајката настанала во директен судир меѓу патничко возило „тојота“ со прилепски регистарски таблички кое се движело кон Битола и камион кој се движел во обратен правец, кон Прилеп.

Екипите на Противпожарната единица се уште се обидуваат да го изгаснат огнот зашто во директниот судир возилата се запалиле.

Според првичните информации од началникот на Итната медицинска помош од Прилеп, Боше Милошески, повикот до екипата го примила околу 7:45 часот и на лице место е констатирана смрт на тројца прилепчани, а додека со повреди се здобил возачот на камионот.

Екипите на полицијата и основното јавно обвинителство вршат се уште увид на лице место, а магистралниот пат Прилеп – Битола е во целосен прекин.

The post Три, а не две лица, загинале на лице место со тешкиот судир на патот Прилеп-Битола appeared first on Република.

Две лица од Прилеп загинаа, а едно е повредено во тешката сообраќајна несреќа што се случила утрово пред 8 часот на патот Прилеп – Битола на излезот од градот, во близина на селото Лагово.

Сообраќајката настанала во директен судир меѓу патничко возило „тојота“ со прилепски регистарски таблички кое се движело кон Битола и камион кој се движел во обратен правец, кон Прилеп.

Екипите на Противпожарната единица се уште се обидуваат да го изгаснат огнот зашто во директниот судир возилата се запалиле.

Според првичните информации од началникот на Итната медицинска помош од Прилеп, Боше Милошески, повикот до екипата го примила околу 7:45 часот и на лице место е констатирана смрт на прилепчаните Никола и Наташа Василевски, а додека со повреди се здобил возачот на камионот.

Екипите на полицијата и основното јавно обвинителство вршат се уште увид на лице место, а магистралниот пат Прилеп – Битола е во целосен прекин.

The post Двајца загинати во тежок судир утрово на патот Прилеп-Битола appeared first on Република.

Бројот на жртвите на ураганот Хелена во шест американски држави се искачи на над 130, а милиони луѓе останаа без струја или пристап до интернет.

Спасувачките тимови во западните делови на Северна Каролина се обидуваат да стигнат до луѓето чија судбина се уште е непозната, три дена откако ураганот Хелена го опустоши југоисточниот дел на Соединетите Американски Држави.

Бројот на загинати продолжува да расте бидејќи работниците за итна помош стигнаа до областите кои се изолирани поради урнатите патишта и големите поплави.

Советникот за домашна безбедност на Белата куќа, Лиз Шервуд Рандал, изјави дека до понеделник попладне, дури 600 лица кои се водат за исчезнати не се пронајдени, со проценки дека некои можеби се веќе мртви. Во тешко погодениот планински округ Бумкум во Северна Каролина, каде што се наоѓа градот Ешвил, загинаа 40 лица, изјави вчера локалниот шериф.

Залихите на вода и храна беа доставени со хеликоптери и авиони до жителите на областите кои останаа изолирани поради поплавите и прекините на електричната енергија.

Гувернерот на Северна Каролина, Рој Купер, предвиде дека бројот на загинати ќе се зголеми бидејќи спасувачите се приближуваат до областите отсечени од урнатите патишта, оштетената инфраструктура и големите поплави. Повеќе од два милиони домови и деловни објекти во Флорида, Џорџија, Северна и Јужна Каролина беа без струја вчера, според веб-страницата PowerOutage.us.

Официјалните лица предупредуваат дека обновата и закрепнувањето од големите материјални штети по ураганот ќе биде тешко и ќе трае долго.

Американскиот претседател Џозеф Бајден вчера разговараше со гувернерите на Џорџија и Северна Каролина и вети дека ќе ја продолжи федералната помош за жртвите од ураганот „колку што е потребно“.

Потпретседателката на САД, Камала Харис, ги откажа планираните активности во кампањата во Лас Вегас, Невада и се врати во Вашингтон порано од планираното за да учествува на брифинзи во седиштето на Федералната агенција за вонредни состојби (ФЕМА). Нејзиниот изборен штаб објави дека Харис ќе го посети регионот погоден од ураганот „што е можно поскоро без да ги попречува операциите за спасување во итни случаи“.

Републиканскиот претседателски кандидат Доналд Трамп ја критикуваше Харис дека не е повеќе вклучена во одговорот на ураганот и најави дека ќе го посети погодениот регион.

Тој ја посети Валдоста во Џорџија, наводно за да дознае за невремето и да помогне во дистрибуцијата на хуманитарна помош.

Трамп, исто така, рече дека разговарал со милијардерот Илон Маск за да обезбеди бесплатен сателитски интернет Старлинк (Starlink) за жителите на погодените области кои останале без интернет.

Маск претходно и официјално го поддржа Трамп како кандидат на претседателските избори. Ураганот Хелена го зафати брегот на Флорида во четвртокот навечер, носејќи неколкудневни врнежи од дожд и уништувајќи домови кои со децении се справуваат со невремето.

The post Бројот на загинати од ураганот Хелена во САД се искачи на над 130, милиони без струја appeared first on Република.

Две лица го загубија животот во големиот пожар во северниот дел на грчкиот полуостров Пелопонез во близина на градот Ксилокастро, а противпожарните сили цела ноќ се бореа со огнените јазици, додека утрово ситуацијата е подобрена, јави дописничката на МИА од Атина.

Доцна синоќа им се загубила трагата на двајца мажи на возраст од 35 и 40 години, кои, според грчките медиуми, тргнале да помогнат во пожарот, а рано утрово биле пронајдени две јагленосани тела и веројатно се работи за исчезнатите, меѓутоа ќе следи и процес на идентификување.

Пожарот избувна вчера во близина на Ксилокастро, а поради силниот ветер брзо се прошири и зазеде големи размери.

Од бројот 112 за итни случаи беа испратени низа пораки до жителите за евакуација на најмалку пет села што се во близина на пожарот.

Интервенираат над 300 пожарникари со 15 пешадиски тима, 110 возила, како и пет авиони и четири хеликоптери, а помагаат и волонтери и цистерни од општините.

Префектот на Пелопонез Димитрис Птохос за „Катимерини“ рече дека станува збор за пожар кој брзо излезе од контрола поради многу силниот ветер, додека пак денеска интензитетот на ветерот е намален и гаснењето продолжува.

Изгоре голема површина шума, но во моментов не можеме да ја процениме во хектари. Исто така изгореа и некои викендички, дополнително ќе се пребројуваат, истакна префектот.

The post Двајца загинати во пожарот во северниот дел на грчкиот остров Пелопонез appeared first on Република.

Едвај ме извлекоа од колата. Бев под камионот повеќе од еден час. Камо среќа да не ме извлечеа.

Вака низ солзи зборува Мирјана Лазовиќ, сопругата на Данијел Лазовиќ, кој вчера со трите деца и сосетката загинаа во тешката сообраќајна несреќа кај Ушче, во Србија.

Бев совозач, сите се изненадени како останав жива. Ах мајко, има ли Господ?! Сигурно нема кога ги зема Данијел и децата. Каков ќе ми биде сега животот без нив, сега не ми треба ништо. О, Данијел, не се договоривме вака… се договоривме да се подготвиме за славата… Ах, што ќе ми биде сега животот без нив, заплакала мајката која за една секунда ги загуби трите деца и сопругот.

 

View this post on Instagram

 

A post shared by 192.RS (@192_rs)

Таа за српски „Информер“ раскажала како дошло до страшната трагедија.

Тој војник во возилото доаѓаше право кон нас, како да сакаше да не убие. Сопругот се обиде да го избегне, но не можеше. Се шеташе на сред улица. Не знам дали заспал или бил пијан, ми ги уби трите деца. Ми го уби целото семејство! Ако има правда, никогаш не треба да излезе од затвор, го проколнува Мирјана, возачот на военото оклопно возило.

Таа на своја одговорност денеска ја напуштила болницата, а вистинско чудо е како ја преживеала страшна несреќа кога оклопно возило на Армијата го престигнало конвојот и удрило во нивниот „форд“.

Страшна сообраќајна несреќа се случи кај Ушќе кога автомобил се судри со системот ПАСАРС на војската на Србија. Единствена преживеана од автомобилот е Мирјана Лазовиќ (32).

Загинаа другите членови од нејзиното семејство, нејзиниот сопруг Данијел и трите деца, како и нејзината сосетка Дијана К.(27).

Возачот на оклопното возило имал повеќе од 0,2 промили алкохол во крвта, што е спротивно на правилата на Вооружените сили на Србија, кои наложуваат нулта толеранција на алкохол за припадниците на војската.

Поради постоење основи на сомнение дека сторил тешко кривично дело против безбедноста на јавниот превоз, на М.В. му е одреден притвор.

The post „Возеше кон нас како да сакаше да нè убие“, вели Мирјана која во еден миг ги загуби трите деца и сопругот во страшната несреќа кај Ушче appeared first on Република.

Во руското гранатирање денеска загинаа тројца Украинци кои работеле за Меѓународниот комитет на Црвениот крст (МКЦК), а други двајца се ранети во едно село во регионот на Доњецк, објавија британските медиуми, повикувајќи се на украинските власти.

Уште едно руско воено злосторство. Денеска окупаторот нападна возила на хуманитарна мисија на Меѓународниот комитет на Црвениот крст во регионот на Доњецк, напиша претседателот Володимир Зеленски во објава на „Х“.

Селото Вирољувка е гранатирано, напиша шефот на локалната администрација Вадим Филашкин во публикација на „Телеграм“ во која известува за жртвите.

Украинското државно обвинителство на „Телеграм“ напиша дека вработените во МКЦК им доставувале брикети на локалните жители за да имаат греење пред зимата. Тие истоварувале помош кога почнал нападот, објаснуваат од обвинителството.

Двајца вработени се хоспитализирани, а еден од нив е во тешка состојба, соопшти обвинителството.

Регионот Доњецк, кој е делумно окупиран од руски трупи, редовно е под руско гранатирање и воздушни напади. Москва негира дека таргетирала цивили или цивилна инфраструктура, иако во нејзините напади во Украина досега загинаа илјадници луѓе, наведуваат британските медиуми.

The post Тројца работници на Црвениот крст загинаа во руско гранатирање во источна Украина appeared first on Република.

Основното јавно обвинителство Скопје до Основниот кривичен суд Скопје поднело Предлог за определување мерка краткотраен притвор за две лица за кои се во тек проверки на сомненијата дека сториле кривично дело тешки дела против безбедноста на луѓето и имотот во сообраќајот од член 300 став 2 во врска со член 298 став 1 од Кривичниот законик.

Се преземаат дејствија со кои се испитува одговорноста на двете лица за сообраќајната несреќа која се случи вчера на автопатот Скопје - Куманово, на околу два километри пред наплатната станица Миладиновци, во која автомобил „Мерцедес“ удри во товарно возило, сопственост на правно лице ангажирано на проект за изведување работи на патот, кое било запрено на сообраќајна лента од автопатот. Во несреќата животот го загубија возачот на автомобилот „Мерцедес“ и неговиот малолетен син, се наведува во соопштение од Јавното обвинителство.

https://republika.mk/vesti/crna-hronika/zaginaa-tatko-i-sin-od-kumanovsko-vo-teshka-soobrakajna-nesreka/

Основното јавно обвинителство Скопје издало наредба за сообраќајно техничко вештачење, наредба за анализа и утврдување на присуство на алкохол, опојни дроги, психотропни супстанци и други прекурсори, во крвта и урината на возачот на товарното возило, наредба за обдукција на телата на починатите, барање за вонреден технички преглед на патничиот автомобил, како и барање за вонреден надзор од страна на Државниот инспекторат за транспорт и инспектори од областа сообраќај и патишта на местото на настанот, односно на дел од автопатот Скопје – Куманово, каде што се вршат градежни работи на патот.

Дополнително се преземаат мерки со цел да се извршат проверки дали на местото на настанот каде што се изведувале работи на пат биле преземени сите мерки за соодветна сигнализација пред и околу местото каде што се изведуваат работите.

Имајќи предвид дека Јавниот обвинител во овој момент се уште нема донесено Наредба за спроведување истражна постапка, а бидејќи станува збор за кривично правен настан во кој е потребно да се преземат повеќе истражни дејствија со цел испитување на евентуална кривична одговорност, јавниот обвинител побара на двете задржани лица да им биде определен краткотраен притвор од 48 часа со цел да се обезбеди нивното присуство и натамошното водење на постапката, стои во соопштението од Јавното обвинителство.

The post Притвор за две лица за тешката сообраќајка на автопатот Скопје – Куманово во која загинаа татко и малолетен син appeared first on Република.

Две лица се убиени и едно е тешко повредено во пукање во гимназија во Сански Мост според првичните информации на босански медиуми.

Како што потврдуваат од МВР на БиХ, вработен во локалната гимназија пукал во директорот, секретарката и професор во тоа училиште.

Сански Мост се наоѓа на 360 км северно од Сараево.

The post Пукање во гимназија во БиХ, најмалку двајца загинати appeared first on Република.

Двајца германски државјани и еден Австриец загинаа во несреќи во Австрија. Тие загинаа во две одделни несреќи со параглајдерство.

Девојката (10) полетала од Вестендорф (Кицбил) со австриски параглајдерист во тандем лет. Но, набргу по полетувањето наишле на турбуленции, јавуваат германските медиуми. Девојката и 60-годишникот паднале на земја. Тие загинале на местото на несреќата, јавија австриските медиуми.

Истиот ден несреќа доживеала и 55-годишна Германка. Жената летала сама со параглајјдер во Силијанберг во Источен Тирол. Таа одеднаш паднала од висина од 100 метри, и починала на лице место.

The post Трагедија во Австрија: Во две несреќи со параглајдер загинале три лица, меѓу нив и 10-годишно девојче appeared first on Република.

На повеќе локации во Скопје денеска ќе бидат одбележани 23 години од загинувањето на осуммтемина припадници на резервниот состав на Армијата, кај месноста Љуботенски Бачила.

Делегација од Министерството за одбрана и Генералштабот на Армијата предводени од началникот на Генералштабот, генерал-потполковник Васко Ѓурчиновски ќе положат венци со цвеќе на спомен обележје на паднатиот бранител Томислав Настевски во Општина Ѓорче Петров, а потоа и на спомениците на паднатите бранители во Волково, Љубанци и во касарната „Илинден“.

Делегација на Собранието на Република Македонија, во состав: Каролина Насковска и Благој Бочварски, ќе положи цвеќе во во селото Љубанци.

Почит на загинатите бранители ќе им биде оддадена и од Општина Ѓорче Петров, пред споменикот во нивна чест поставен кај кружниот тек во Волково.

На 10 август 2001 година воено товарно возило на патот кај месноста Љуботенски Бачила нагази на мина при што животите ги загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, припадници на резервниот состав на Армијата.

The post Дваесет и три години од загинувањето на бранителите кај Љуботенски Бачила appeared first on Република.

Со почит пред спомен обележјето и пораката „Никогаш да не се повтори“, во прилепската касарна „Мирче Ацев“ вечерва почнаа чествувањата на 23-годишнината од загинувањето на 10 припадници на резервниот состав на АРМ. На 8 август 2001 година армискиот конвој на патот Скопје-Тетово, кај месноста Карпалак беше пресретнат во заседа кога загинаа десетте прилепчани: Нане Наумоски, Бранко Секулоски, Марко Деспотоски, Ердован Шабаноски, Љубе Грујоски, Дарко Вељаноски, Веби Рушитоски, Горан Миноски и Пеце Секулоски.

Пред спомен обележјето се поклонија претставници на Армијата, на семејствата на загинатите, од здруженијата на учесниците во воениот конфликт, од прилепската локална самоуправа, од подрачната единица на Министерството за одбрана во Прилеп и граѓани.

Обраќајќи им се на присутните, потполковник Славчо Кузманоски, командант на касарната, рече дека денешниот и утрешниот ден треба да бидат денови на сеќавања и оддавање достојна почит на бранителите.

-Поминаа 23 години без нашите соборци и другари: Нане, Сашо, Веби, Бранко, Горан, Ердован, Дарко, Љубе, Пецо и Марко. Денес, ние, нивните најблиски, колеги, роднини, пријатели, сограѓани се поклонуваме пред паметникот кој е подигнат во нивна чест, одбележувајќи 23 години од нивното загинување, со ветување дека никогаш нема да бидат заборавени. Денес се сеќаваме и евоцираме спомени, а дел од непосредните учесници во тогашните случувања, преку нивните сведочења ја пишуваат историјата која не треба да биде заборавена. Дел и од нивните преживеани другари, учесници во настаните денес се, за жал, починати, рече потполковник Кузманоски.

Тагата и болката остануваат, особено кај најблиските, но, додаде, останува и длабоко втемелената гордост што беа дел од единицата на Касарната.

-Останува обврската, наша и на идните поколенија и генерации, споменот на 10-те загинати прилепски и македонски херои да го чуваме, да се сеќаваме на 2001 година и никогаш да не дозволиме да се повтори, рече командантот на прилепската касарна, потполковник Славчо Кузманоски.

Вечерва во манастирот „Света Петка “ во прилепското село Лениште ќе се одржи богослужба во спомен на загинатите.

Утре на денот на годишнината централното чествување е пред спомен-обележјето во центарот на Прилеп од 13 часот. Изутрината делегации ќе ја посетат месноста Карпалак на патот Скопје-Тетово, а ќе бидат посетени и вечните почивалишта на загинатите на прилепските градски гробишта и во населените места.

The post „Никогаш да не се повтори“: 23 години од загинувањето на 10 припадници на резервниот состав на АРМ кај Карпалак appeared first on Република.

Министерството за здравство во Појасот Газа денеска соопшти дека во претходните 48 часа загинале 71 лице.

За време на војната со израелските сили, според соопштението на Министерството, загинале вкупно 38.919 Палестинци.

Се додава дека од почетокот на војната на 7 октомври, во Појасот Газа се ранети 89.622 лица.

The post Во Појасот Газа загинаа уште 71 Палестинец, вкупно 38.919 од почетокот на војната appeared first on Република.

По Словенија, Хрватска и Србија, утрово многу бурно невреме пристигна и во Црна Гора. Силниот дожд пропратен со урагански ветрови уриваше дрвја, носеше ќерамиди, мебел на плажа и предизвика колапс во сообраќајот.

Како што објави порталот Бар инфо, од невремето што утрото го зафати Бар, загинал работник на кран на градилиштето „Челебиќ“ во Чање. Исто така, едно лице загина од удар на гром во Луштица, информираат за агенцијата МИНА од Оперативно-комуникацискиот центар (ОКЦ) на Полициската управа.

 

View this post on Instagram

 

A post shared by Подгорички времеплов (@podgoricki_vremeplov)

„Се чини дека едно лице е смртно погодено од гром на теренот за голф Лустика Беј“, соопшти ОКЦ.

Во пристаништето Бар паднаа големи кранови, а од компанијата потврдија дека материјалната штета е огромна.

Според податоците на метеоролошката станица Бар, ударите на ветерот во моментот на невремето достигнале брзина од 200 километри на час.

Поради обилните врнежи во Подгорица и на брегот, водата се излеа на улиците, но навлезе и во некои подруми и станбени згради, додека речиси целиот центар на Будва е под вода.

The post Невреме денеска во Црна Гора, има загинати appeared first on Република.

Најмалку 11 лица загинаа, а повеќе од 60 се водат како исчезнати поради два бродоломи во јужниот дел на Италија.

Германската хуманитарна организација RESQSHIP извести дека спасила 51 лице од потонатиот дрвен брод и пронашла 10 тела заробени во долниот дел од палубата во близина на островот Лампедуза во понеделникот, 17 јуни.

Во одделен инцидент истиот ден, повеќе од 60 лица се водат како исчезнати, од кои 26 се стравува дека се деца, соопшти Лекари без граници (MSF).

Бродовите превезувале мигранти кои тргнале од Либија и Турција, соопштија агенциите на ОН.

Преживеаните биле предадени на италијанската крајбрежна стража и одлетани на брегот во понеделник наутро, додека телата на починатите биле одвлечени на островот, според RESQSHIP.

Бродот замина од Либија, превезувајќи мигранти од Сирија, Египет, Пакистан и Бангладеш, објавија заеднички агенцијата за бегалци на ОН УНХЦР, Меѓународната организација за миграција (ИОМ) и агенцијата за деца на ОН УНИЦЕФ.

Вториот бродолом се случи на околу 200 километри од брегот на Калабрија во јужна Италија, пренесоа агенциите.

Еден од 12-те преживеани починал по слегувањето, соопшти италијанската крајбрежна стража, пренесува Би-би-си.

Се претпоставува дека се мртви цели семејства од Авганистан. Тие ја напуштија Турција пред осум дена и добиваа вода три до четири дена. Ни рекоа дека немаат елеци за спасување и дека некои бродови не им помогнале“, рече Шакила Мохамади од Лекари без граници.

Средоземното Море е најсмртоносниот познат миграциски пат во светот.

Повеќе од 23.500 мигранти загинале или исчезнале во тие води од 2014 година, според податоците на ОН.

The post Во два бродоломи во Италија загинаа 11 лица, а повеќе од 60 се исчезнати appeared first on Република.