Институтот за јавно здравје го потврди вториот случај на мајмунски сипаници во Црна Гора, пренесува Вијести.

Од Институтот соопштија дека овој случај не е епидемиолошки поврзан со првиот случај.

Спроведени се сите неопходни антиепидемиски мерки за пациентот и контактите, со цел спречување и сузбивање на ширењето на споменатата заразна болест. Исто така, информирани се сите надлежни институции согласно националните и меѓународните протоколи.

Евидентираниот случај е црногорски државјанин и е во добра општа состојба.

The post Во Црна Гора е регистриран втор случај на мајмунски сипаници appeared first on Република.

Вториот сомнителен случај на мајмануски сипаници во Македонија е сместен на скопската Инфективна клиника, дознава Алфа од свои извори во болницата. Пациентот со симптоми е мигрант кој што учествувал во сообраќајната незгода која што се случи вчера попладне, на автопатот Гевгелија – Демир Капија. Сомнителниот случај заедно со уште 48 други мигранти патувал кон границата со соседна Србија, со што најверајтно и тие биле изложени на заразната болест.

За првиот сомнителен пациент на мајмунски сипаници, за кој објави Алфа во вторникот вечерта, се уште се чекаат резултати. Во текот на вчерашниот ден требаше епидемиолошки тим да спроведе епидемиолошка анкета и да ги земе потребните материјали, да се испратат во Институтот за јавно здравје во Скопје, каде има услови да бидат направени тестирањата и анализите за присуство на мајмунски сипаници.

Алфа се уште чека потврда од Министерството за здравство за вториот сомнителен случај, мигрантот, на мајмунски сипаници, и дали во текот на вчерашниот ден пристигнале материјалите за тестирање на првиот, 43-годишниот кичевчанец.

The post Втор сомнителен случај на мајмунски сипаници сместен на скопската Инфективна клиника appeared first on Република.