Во украинската престолнина Киев и во регионот на Киев денеска е издадено предупредување за воздушен напад, откако воздухопловните сили на таа земја соопштија дека од Црното Море се лансирани неколку руски ракети „Калибр“ во правец на Киев.

Предупредувањето за воздушен напад e издадено на денот кога делегацијата на африканските земји предводена од јужноафриканскиот претседател Кирил Рамафоса пристигнала во Киев како дел од мировната мисија.

Рамафоса, заедно со лидерите на Сенегал, Замбија, Коморските Острови и Египет, денеска треба да се сретне со украинскиот претседател Володимир Зеленски, а утре треба да отпатува за Санкт Петербург, Русија, на разговори со рускиот претседател Владимир Путин

The post Во Киев издадено предупредување за воздушен напад appeared first on Република.

Четворица војници загинале, а еден е ранет во израелски воздушен напади врз централниот и крајбрежниот дел на Сирија, соопштија воени извори во Дамаск.

Државните сириски медиуми, повикувајќи се на неименуван воен функционер, објавија дека израелски авиони го прелетале Средоземното Море и истрелале проектили кон воени позиции.

Сириската опсерваторија за човекови права со седиште во Лондон, опозициска група која ја следи војната, соопшти дека силни експлозии се слушнале во крајбрежната провинција Латакија и во областите Хама и Хомс во централна Сирија.

The post Израелски авиони ја нападнале Сирија, четворица загинати appeared first on Република.

Украинската престолнина Киев и многу други градови се под ракетни напади, објави во понеделникот заменикот шеф на кабинетот на украинскиот претседател Кирил Тимошенко, повикувајќи ги граѓаните да останат во засолништата, а сведоците јавуваат и за експлозии во рускиот пограничен град Белгород наспроти украинскиот доминантно руски град Харков.

„Украина е под ракетен напад, имаме информации за многу погодени градови во нашата земја“, објави Тимошенко на Telegram.

This morning russian federation - the terrorist state - launched 75 missiles on Ukraine. 41 of them have been shot down.
General Valerii Zaluzhnyi, Commander-in-Chief of the Ukrainian Armed Forces@CinC_AFU

— Defense of Ukraine (@DefenceU) October 10, 2022

Вкупно 75 проектили биле лансирани во денешните напади во повеќе украински градови, меѓу кои и во главниот град Киев, во кој, според последниот биланс, загинаа најмалку осум лица, а 24 се повредени.

Информацијата ја соопшти началникот на Генералштабот на украинската армија Валериј Залужни кој на твитер-профилот на Министерството за одбрана објави дека денеска врз Украина биле истрелани 75 проектили, а оти 41 од нив биле соборени од противвоздушната одбрана на Украина.

Според итните служби во Киев има мртви и повредени. Експлозии во понеделникот утрото имало и во Лвов, Тернопил и Житомир на западот на Украина, како и во Дњепар во централниот дел од земјата.

Густ чад се издигнува од центарот на Киев откако украинската престолнина била потресена од неколку силни детонации. Украинскиот претседател Владимир Зеленски изјави дека има мртви и ранети во експлозиите кои во понеделникот утрото ги потресле украинските градови и ја обвини Русија дека се обидува неговата земја „да ја избрише од лицето на земјата“.

„Се обидуваат да нѐ уништат и избришат од лицето на земјата… да ги уништат нашите луѓе кои спијат дома во градот Запорожје. Да ги убијат нашите луѓе кои одат на работ во Дњепар и Киев. Сирените за воздушна тревога се слушаат ширум Украина. Проектилите гаѓаат. За жал, има мртви и ранети“, изјави Зеленски на апликацијата за размена на пораки Telegram.

So, russkies, you really think you can compensate for your impotence on the battlefield with missile strikes on peaceful cities? You just don’t get it do you - your terrorist strikes only make us stronger. We are coming after you.

— Defense of Ukraine (@DefenceU) October 10, 2022

Киевскиот градоначалник Виталиј Кличко ги повика жителите на Киев е да побараат засолниште од руските ракетни напади.

Претходно во понеделникот утрото се слушнале неколку силни експлозии кои создале облаци од чад над центарот на Киев, но целта на нападот веднаш не беше јасен. Киев неколкупати беше гаѓан со руски проектили од почетокот на војната на 24 февруари.

Меѓутоа, денешното ракетирање, според првичните процени, се најголемите и прво по многу месеци. На една од најфреквентните крстосници во Киев има голем кратер, според очевидци. Автомобили се разнесени, згради оштетени. Два автомобила во близина на кратерот целосно се уништени, поцрнети и издупчени од шрапнели. Прозорци се разнесени на зградите на главниот киевски универзитет „Тарас Шевченко“.

„Главниот град е под напад на руските терористи! Проектили погодија објекти во центарот на градот“, објави градоначалникот Кличко на социјалните мрежи.

Освен во Киев, Днепар и Запорожје, градоначалникот на Харков, Игор Терехов, на Телеграм објави дека проектили погодиле локација на енергетска инфраструктура предизвикувајќи прекини во снабдувањето со електрична енергија и вода во некои области на градот.

Без електрична енергија останаа и делови од градот Лавов во западна Украина по денешните напади врз клучна инфраструктурна постројка, соопшти градоначалникот Андреј Садови.

„Поради недостиг на струја, привремено е прекината работата на градските термоцентрали. Затоа, не е обезбедена топла вода во моментов“,

напиша Садови на Твитер.

Руските напади врз украинските градови и провинции ги потврди претседателот Володимир Зеленски, кој на Телеграм објави дека нападите се се насочени кон енергетската инфраструктура низ целата земја.

„Енергетските капацитети во Киев, Лавов, Днепар, Виница, Запорожје, Харков и други региони се погодени. Тие сакаат паника и хаос, сакаат да го уништат нашиот енергетски систем. Тие се безнадежни“,

вели тој во објава на Телеграм.

The post Воздушна тревога во цела Украина: Најмалку 75 проектили истрелани во денешните напади во Киев, напади има во Херсон, Лавов, Запорожје appeared first on Република.

Претседателот на Украина, Володимир Зеленски изјави дека синоќа сирените за воздушен напад биле вклучени речиси низ цела Украина и повторно ги повика сојузниците да обезбедат модерни противракетни системи.

Тој наведе дека извесен период немало воздушна тревога во Киев некои региони.

Некои луѓе дури се чувствуваа вознемирени поради таквата необична тишина, барајќи објаснување дали Русите се подготвуваа за нешто. Не треба да барате логика во акциите на терористите. Руската армија не застанува, има една задача, да одзема животи, да ги плаши луѓето, па и неколку дена без сирени изгледаат како хорор. Вечерва Киев и речиси цела Украина слушнаа сирени, посочи Зеленски.

The post Зеленски: Сирените за воздушен напад се огласија во речиси цела Украина appeared first on Република.

Израел извршил воздушен напад врз предградијата на сириската престолнина Дамаск.

Израел врши воздушен напад врз голем број објекти во близина на Дамаск - се вели во соопштението на државната сириска агенција САНА.

Според новинската агенција, првично нема повеќе детали.

The post Израел извршил воздушни напади врз предградија на Дамаск appeared first on Република.

Украинскиот град Житомир денеска беше цел на уште еден воздушен напад, информира градоначалникот Серхи Сухомлин во две видео пораки објавени вечерва на Фејсбук.

Вчера Сухомлин рече дека станбена зграда и голема текстилна фабрика во Житомир биле уништени од руските воени напади, а во саботата беше срамнет дел од украинска фабрика за тенкови надвор од Житомир, потврдено со геолокацирано видео од последиците, јавува Си-Ен-Ен.

Во денешната објава градоначалникот рече:

Штотуку беше извршен воздушен напад. Погодена е термоцентралата Житомир и цивилна зграда.

Градоначалникот рече дека во погодената цивилна зграда имало една постара жена, која се криела во подрумот. Таа излегла жива со полесни повреди.

Градоначалникот, исто така, рече дека сите прозорци биле искршени во две болници, вклучително и детска болница, но дека нема жртви и дека сите биле во засолниште од бомби. Сухомлин додаде дека ќе напише писмо со благодарност до лекарите за „одличната работа“.

Засега нема жртви поврзани со нападот на термоцентралата, но централата „најверојатно“ ќе мора да биде затворена, според градоначалникот. Централата напојува голем дел од градот, рече тој, обезбедувајќи топлина на 30 отсто од Житомир. Сухомлин рече дека официјалните лица ќе дадат се од себе за повторно да ја стават во функција термоелектраната.

Сухомлин соопшти дека градот ги исклучува уличните светла откако украинската армија ги советувала официјалните лица да го сторат тоа бидејќи руските воздухопловни сили „ја смениле стратегијата“ со авиони кои летаат „многу ниско“.

Се држиме. Имаме ноќ пред нас и разбираме дека може да биде многу жешка. Русите сфаќаат дека губат на сите фронтови. Тие повеќе не го бараат она што го бараа. Треба да опстанеме и да продолжиме да се држиме, рече градоначалникот.

The post Градоначалникот на Житомир тврди дека во воздушен напад погодена е цивилна зграда и термоелектрана appeared first on Република.

Во руски воздушен напад погодена е детска болница во Мариупол, соопшти денеска советот на градот, наведувајќи дека сè уште не е познато дали има жртви во нападот.

Градските власти тврдат дека неколку бомби се фрлени врз болницата и дека штетата е голема.
Украинскиот претседател Володомир Зеленски, на Твитер објави видео од оштетената детска болница.

Мариупол. Директен удар на руските сили врз породилиште. Луѓе, деца се под урнатините. Ѕверство. Колку долго уште светот ќе биде соучесник игнорирајќи го овој терор? Затворете го небото веднаш! Запрете ги убивањата. Имате моќ, но се чини дека ја губите човечноста, објави на Твитер Зеленски.

Москва, демантира дека цивилни објекти се цел на руските воени операции во Украина.

The post Во воздушен напад погодена детска болница во Мариупол appeared first on Република.