Поранешниот возач на британската принцеза Дијана, Стив Дејвис, изминативе денови повторно се најде во фокусот на јавноста откако реши да го прекине молкот по трагичниот настан во Париз во кој миленичката на јавноста го загуби животот. Поранешниот војник Дејвис беше покрај Дијана осум години, обезбедувајќи ја нејзината безбедност и приватност, меѓутоа, неговиот деловен однос со принцезата ненадејно завршил кога тој ја изгубил својата позиција.

За овој ненаден прекин на соработката, тој молчеше со години, но сега го прекинува молкот, тврдејќи дека се можело да биде поинаку доколку ја возел таа кобна ноќ во 1997 година. Отказот на Дејвис беше шок, со оглед на неговата долгогодишна беспрекорна услуга на принцезата, пренесува шпанска Марка.

Дури подоцна, додека ја гледал серијата „Круната“ почнал да ја разбира целосната големина на она што се случува зад сцената. Неговото ненадејно отстранување како технолошки вишок не беше само прашање на протокол, туку, вели тој, насочен потег под влијание на погрешни наводи. Имено, новинарот Мартин Башир ширел лаги за него за да ја добие довербата на принцезата Дијана пред интервјуто во емисијата „Панорама“.

Мојата работа беше мојот живот. Секогаш бев тука за неа, секогаш заштитен. Да бев јас таму, таа сè уште ќе беше тука. Да тргнеше животот по друг пат, да ја возев таа вечер во Париз, таа сепак ќе беше тука. Јас би се грижел за неа – изјавил Стив за британскиот медиум „Ледбајбл“.

The post Ако ја возев таа вечер во Париз, ќе беше жива, вели шоферот на принцезата Дајана appeared first on Република.

Вчера во 18.40 часот во Полициската станица Неготино било пријавено дека на автопатот Демир Капија - Гевгелија, после првиот тунел кај Демир Капија, товарно возило „ман“ со приколка со скопски регистарски ознаки, управувано од З.К.(54) од с.Инџиково, скопско, удрило во заштитна ограда.

На местото на настанот починал возачот, а лекар од Итна медицинска помош констатирал смрт.

Извршен бил увид од Јавен обвинител и увидна екипа од ОВР Неготино. По наредба на јавен обвинител телото на починатиот било дадено на обдукција.

The post Загина возач кој удри во заштитната ограда после првиот тунел кај Демир Капија appeared first on Република.

На 29.10.2024 во 14.30 часот во СВР Скопје, С.С.(59) од Скопје пријавил дека околу 13.15 часот на подрачјето на Гази Баба во автобус бр.65 кој стоел на автобуска постојка, неговиот малолетен син бил физички нападнат од возачот на автобусот.

Се преземаат мерки за расчистување на случајот, велат од МВР.

The post Возач на „65-ка“ претепал малолетник од Скопје appeared first on Република.

Вчеравечер во периодот од 21.30 до 22.00 часот во СВР Скопје било пријавено дека на ул.„Шар планина“ во Скопје, патничко возило „даеву“ со скопски регистарски ознаки, управувано од К.П.(72) од Скопје, излетало од коловозот.

Како што соопшти денеска МВР, од здобиените повреди, на местото на несреќата починал К.П., а лекар од Итна медицинска помош констатирал смрт.

Извршен бил увид од увидна екипа на СВР Скопје, а по наредба на Јавен обвинител телото на починатиот е даден за обдукција.

The post Возач загина на лице место откако со возило излета од патот во Геге appeared first on Република.

Продолжува сага со градскиот превоз во Скопје и состојбата на оние малку автобуси од ЈСП кои возат низ градот.

Во ново видео на социјалните мрежи, лути патници се расправаат со возач, кој им објаснува дека автобусот не е во ред и не може да го вози.

Во коментари корисниците на лутите патници им предлагаат оваа лутина да ја насочат каде што треба - пред канцеларијата на Данела Арсовска:

The post Автобус на ЈСП не може да тргне, патниците нагрнаа на возачот appeared first on Република.

The post Возачи внимавајте: Возењето по горештините делува исто како да сте пијани appeared first on Република.

Ноќва во 02.10 часот во ОВР Гостивар било пријавено дека на улица „Лазар Лазаревски“, на Б.З.(44) од гостиварско Неготино, кој управувал патничко возило „форд“ со гостиварски регистарски ознаки, му се слошило, по што изгубил контрола и со возилото удрил во паркирано возило „нисан“ со гостиварски регистарски ознаки, паркирано од А.С.(62) од Гостивар.

Како што известува СВР Тетово, рој бил пренесен во Медицински центар во Гостивар, каде што лекар констатирал смрт.

За настанот бил известен јавен обвинител, а увид на местото извршила екипа при ОВР Гостивар.

The post Загина 44-годишен возач откако му се слошило и се удрил во паркирано возило appeared first on Република.

Вчера во 11.15 часот во СВР Скопје било пријавено дека во Транспортен центар - Скопје настанал пожар во автобус со скопски регистарски ознаки, сопственост на ЈСП Скопје, соопшти МВР.

Во пожарот возачот А.С.(58) од Скопје вдишал чад, по што бил пренесен на Клиниката за токсикологија во Комплексот клиники „Мајка Тереза“. Од екипа на Бригадата за противпожарна заштита Скопје пожарот бил изгаснат.

https://republika.mk/vesti/crna-hronika/po-pozharot-popladnevo-se-rasipa-ushte-eden-avtobus-na-jsp/

Извршен бил увид од увидна екипа од СВР Скопје.

The post Возачот на запалениот автобус заврши на Токсикологија appeared first on Република.

Солзите на возачот кој удри во жардиниера и рече дека расипаните автобуси никој не ги поправа го отвори прашањето колку е безбеден јавниот превоз во Скопје.

https://republika.mk/vesti/skopje/istiot-avtobus-vozeshe-za-vodno-zamislete-tamu-da-zakocheshe-volanot/

Само вчера, при редовна контрола, полицијата открила два автобуси кои возеле, а не биле исправни.

На вонреден технички преглед упатени се два автобуси кои вршат јавен превоз на патници од кои еден сопственост на ЈСП – Скопје и еден сопственост на приватните превозници кај кои при извршената контрола констатирана е техничка неисправност, при што истите се исклучени од сообраќај, велат од МВР за „Сител“.

Од ЈСП за телевизијата велат дека секое возило на ЈСП Скопје вклучено во јавниот превоз по враќање од линија, односно по повлекување во гаража е подложно на т.н. дневна нега, која, меѓудругото подразбира и мини технички преглед, што значи, практично, исправноста на возилата се прегледува секојдневно.

За три месеца возилата на ЈСП имале дури 49 сообраќајки. Според извештајот на јавното претпријатие, за период од јануари до крајот на март годинава, 9 од незгодите се случиле по вина на возачите, а во 19 виновен бил друг учесник во сообраќајот. Интересно е тоа што во најголем дел од случаите, стои дека не е утврдена вина. Во незгодите вкупно повредени биле 10 лица.

The post Солзите на возачот ја отворија Пандорината кутија – колку е безбеден јавниот превоз во Скопје? appeared first on Република.

Возач на автомобил вчера удрил во дете во близина на студентскиот дом Гоце Делчев во Скопје, по што избегал од местото на несреќата. Се работи за дванаесетгодишно момче кое добило полесни повреди на ногата.

Детето било пренесено во комплексот клиники Мајка Тереза Скопје за да му биде пружена лекарска помош. Полицијата извршила увид на местото и трага по возачот.

The post Со автомобил удрил 12-годишно дете во Скопје и избегал appeared first on Република.

Автобусот со македонски туристи кои учествуваше во сообраќајната несреќа во Италија на автопатот меѓу градовите Асколи Пичено и Анкона, се судрил со два камиони, јавуваат италијанските медиуми.

Како што пренесуваат, до верижниот судир дошло денеска околу 10 часот, а во несреќата учествувале два камиони и автобус, пришто загинатиот е возачот на македонскиот автобус.

По судирот, едниот од камионите се запалил во тунел, a причините се’ уште се утврдуваат. Се споменува дека едниот од камионите пренесувал алкохол.

Македонските патници се пренесени во болница, пишуваат италијанските медиуми.

https://republika.mk/vesti/crna-hronika/teshka-nesreka-na-makedonski-avtobus-vo-italija-na-litse-mesto-zagina-vozachot-patnitsite-povredeni/

За несреќата претходно информираа од македонското Министерство за надворешни работи, од каде што објавија дека загинатиот возач на автобусот е 59-годишниот Р.И. кој е македонски државјанин, додека полесно повредени се 12 патници од Македонија.

Од МНР велат дека преку Амбасадата во Рим остануваат во комуникација со надлежните италијански институции, кои работат на целосно расчистување на случајот.

#AscoliPiceno, #incendio in galleria a Cupra Marittima, sulla A14: proseguono da parte dei #vigilidelfuoco lo spegnimento degli ultimi focolai e lo smassamento del materiale bruciato [#4aprile 16:30] pic.twitter.com/ODPk69LzB6

— Vigili del Fuoco (@vigilidelfuoco) April 4, 2024

The post Автобусот со македонски туристи се судрил со два камиони во Италија: Објавени снимки од несреќата во која загина возачот, а 12 патници се полесно повредени appeared first on Република.

Укинат е притворот на Стефан Димковски, возачот осомничен за помагање при бегството на Љупчо Палевски-Палчо, пренесува „Фокус“.

Одлуката тој да излезе од истражниот затвор во Шутка ја донел судија на претходна постапка од Основниот кривичен суд – Скопје. Нему му се определени мерки за претпазливост, забрана за напуштање живеалиште, одземање патна исправа, обврска за јавување во суд и одземање, односно забрана за користење возачка дозвола.

The post Укинат е притворот на возачот на Љупчо Палевски appeared first on Република.

На 15.01.2024 во 10:55 часот во СВР Скопје, М.Б.(35) од Скопје пријавил дека во автобус на ЈСП во населбата Радишани во Скопје, по претходно недоразбирање, бил физички нападнат од возачот на автобусот.

Се преземаат мерки за расчистување на случајот.

The post Возач на ЈСП нападнал патник appeared first on Република.

Судија на претходна постапка од Основниот кривичен суд Скопје го прифати предлогот на Обвинителството, и му одреди 30-дневен притвор на возачот кој го возел до Србија до Турција, Љупчо Палевски - Палчо, првоосомничен за убиството на 14-годишната Вања Ѓорчевска и 73-годишниот велешенец Панче Жежовски, потврдија од Кривичен суд за МИА.

Притворот му е одреден поради можност од бегство.

Основното јавно обвинителство Скопје, претходно соопшти дека е донесена наредба за спроведување истражна постапка за возачот на Палчо.

Како што информираат од ОЈО Скопје, во период од 01.12.2023 година до 03.12.2023 година осомничениот му помогнал на Палевски да не биде откриен за две кривични дела – Грабнување од член 141 од Кривичниот законик, како и две убиства на свиреп начин (едно на малолетно лице и едно од користољубие) заедно казниви по член 123 став 3 од Кривичниот законик, обезбедувајќи му превоз со автомобил.

Сега осомничениот, по претходна комуникација и договор со сторителот кој се наоѓал во Република Србија, со возило Ланд Ровер со струмички регистарски ознаки, сопственост на правно лице се упатил кон Белград. Таму се сретнал со сторителот и заедно со возилото се упатиле кон границата на Србија со Бугарија – граничен премин Калотина. Границата ја поминале на 02.12.2023 година, па движејќи се низ територијата на Р.Бугарија истиот ден пристигнале на границата со Турција, граничен премин Капитан Андреево, и влегле во Турција. Таму биле заедно до 03.12.2023 година, по што сторителот останал, а сега осомничениот со возилото преку Грција се упатил кон државава каде бил приведен на граничниот премин Стар Дојран, велат од ОЈО Скопје.

Оттаму исто така информираат дека за уште едно лице кое од вчера беше задржано 24 часа во полициска станица, до ОЈО Скопје е доставено известување. Јавен обвинител оцени дека во овој момент не постојат законски основи да бидат предложени мерки на обезбедување, меѓутоа проверките за негова евентуална инволвираност во кривично-правен настан продолжуваат, известуваат од ОЈО Скопје.

The post Одреден 30-дневен притвор за возачот на Палевски appeared first on Република.

Основното јавно обвинителство Скопје известува дека донесе наредба за спроведување истражна постапка за возачот кој го возел првоосомничениот за убиството на младата Вања Ѓорчевска, Љупчо Палевски – Палчо, кој го превел од Србија до Турција.

Како што информираат од ОЈО Скопје, во период од 01.12.2023 година до 03.12.2023 година осомничениот му помогнал на Палевски да не биде откриен за две кривични дела – Грабнување од член 141 од Кривичниот законик, како и две убиства на свиреп начин (едно на малолетно лице и едно од користољубие) заедно казниви по член 123 став 3 од Кривичниот законик, обезбедувајќи му превоз со автомобил.

Сега осомничениот, по претходна комуникација и договор со сторителот кој се наоѓал во Република Србија, со возило Ланд Ровер со струмички регистарски ознаки, сопственост на правно лице се упатил кон Белград. Таму се сретнал со сторителот и заедно со возилото се упатиле кон границата на Србија со Бугарија – граничен премин Калотина. Границата ја поминале на 02.12.2023 година, па движејќи се низ територијата на Р.Бугарија истиот ден пристигнале на границата со Турција, граничен премин Капитан Андреево, и влегле во Турција. Таму биле заедно до 03.12.2023 година, по што сторителот останал, а сега осомничениот со возилото преку Грција се упатил кон државава каде бил приведен на граничниот премин Стар Дојран, велат од ОЈО Скопје.

Оттаму исто така информираат дека надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице.

За уште едно лице кое од вчера беше задржано 24 часа во полициска станица, до ОЈО Скопје е доставено известување. Јавен обвинител оцени дека во овој момент не постојат законски основи да бидат предложени мерки на обезбедување, меѓутоа проверките за негова евентуална инволвираност во кривично-правен настан продолжуваат, известуваат од ОЈО Скопје.

The post ОЈО отвори истражна постапка и побара притвор за возачот на Палевски appeared first on Република.

На 27.10.2023 во 22.45 часот во Полициско одделение Сарај Р.Б.(22) од с. Кобаница, скопско пријавил дека околу 22.00 часот на подрачје на Центар во автобус кој се движел од Транспортен центар кон с. Бојане, скопско, бил физички нападнат од возачот Џ.Х.(31), информира МВР.

Се преземаат мерки за расчистување на случајот.

The post Возач на автобус нападнал патник appeared first on Република.

Во Тетово вчера на крстосницата на улицата „29 Ноември“ и „Благоја Тоска“, патничко возило „голф“ удрило во велосипед управуван од Л.Л. (40) од Тетово. Шоферот на возилото избегал, а велосипедистот добил тешки телесни повреди.

Вчера во Прилеп С.М. (50), кој управувал електричен тротинет, тешко се повредил откако паднал на коловозот.

Извршен бил увид од увидна екипа од Полициската станица Прилеп.

The post Тешко повредени велосипедист и возач на тротинет appeared first on Република.

Во сообраќајна контрола на полицијата ноќеска на подрачјето на СВР Битола биле казнети 58 возачи. Меѓу нив е и возач во Прилеп кај кого биле измерени 4,55 промили алкохол.

Како што соопшти МВР, засилената акциска контрола за санкционирање возачи кои управуваат возило под дејство на алкохол била спроведена од 23 до 5 часот.

-При контролата се санкционирани 58 возачи, од кои 29 во Прилеп, 13 во Битола, шест во Крушево, пет во Македонски Брод, тројца во Ресен и двајца во Демир Хисар. За време на контролата биле санкционирани и 42 други видови прекршоци, информира Министерството за внатрешни работи.

МВР укажува дека акциските контроли ќе продолжат и во наредните денови и апелира до граѓаните да ги почитуваат сообраќајните правила за да се зголеми безбедноста во сообраќајот.

The post Земја пијан: Во Прилеп казнет возач со 4,55 промили алкохол appeared first on Република.

Автомобил ноќеска излетал од патот Крива Паланка-Ранковце-Куманово по што се забил во банкината. Има повеќе настрадани во оваа тешка сообраќајна несреќа во близина на Ранковце.

Во несреќата има еден загинат и тројца повредени патници од автомобилот. Полицијата врши увид, а сообраќајот се одвива отежнато.

Автомобилот се уште се наоѓа заглавен во банкината.

Од МВР соопштија дека загинатиот возач на аудито имал 21 година.

На 14.08.2023 во 01.28 часот во ОВР Крива Паланка било пријавено дека на магистралниот пат Крива Паланка-Ранковце, во село Љубинци, И.М.(21) од Крива Паланка, управувајќи патничко моторно возило „ауди” со кривопаланечки регистарски ознаки, изгубил контрола и со возилото удрил во банкина на патот. Од здобиените повреди, возачот И.М. починал на местото, а смрт констатирал лекар од Итна медицинска помош. Додека, сопатниците Ј.С.(21), Х.С.(22) и М.С.(21), сите од Крива Паланка, се здобиле со повреди констатирани во Општа болница Куманово.Увид на место на настанот извршила екипа од ОВР Крива Паланка.

The post МВР со детали за сообраќајната несреќа кај Ранковце: Загина 21-годишен возач на „ауди“ appeared first on Република.

Апелациониот суд од Скопје му ја намали затворската казна од 18 на осум години на возачот Ангелче Николов (28) од Велес, потврди Основниот суд Велес.

Николов лани на 17 декември, возејќи пијан на пешачки премин во Велес усмрти 11-годишно девојче и избега.

Првостепената пресуда беше изречена во Основен суд Велес од петочлениот Кривичен совет, со кој претседаваше судијката Габриела Гајдова.

На Николов му се судеше за две кривични дела „Тешки дела против безбедноста на луѓето“ и за „Неукажување помош на лице повредено во сообраќајна незгода“. Телесни повреди доби и мајката на девојчето. Во моментите кога го возел „мерцедесот“ тој имал забрана за управување на возило.

Останува изречената забрана за Николов за управување со моторно возило од „Б категорија“ во траење од 5 години. Сообраќајката се случи на 17 декември лани во 22:17 часот на пешачки премин близу ОУ „Васил Главинов“. По сообраќајката возачот Николов побегна од местото на настанот и 37 часа се криеше во населба Превалец.

Вештачењето покажало дека возачот критичната вечер, во моментот кога се случила несреќата возел под дејство на алкохол и со брзина двојно поголема од дозволената на тоа место. Згора на тоа, сообраќајката се случила на обележан пешачки премин. Николов призна вина за сторената сообраќајка, со смртни последици.

The post Апелација ја намали казната од 18 на 8 години на пијаниот возач кој се криеше откако усмрти дете на пешачки во Велес appeared first on Република.