Претседателката на Европската комисија, Урсула фон дер Лајен, изјави дека Европската Унија треба да ја гледа Украина како дел од сопствениот безбедносен и одбранбен систем и врз основа на тоа да преземе практични чекори за интегрирање на украинската одбранбена индустрија со европската.

Не треба само да ја забрзаме испораката на муниција во Украина. Додека гледаме кон иднината, треба да размислуваме за одбранбените способности на Украина како дел од нашите одбранбени способности. Треба да размислуваме за украинската одбранбена индустрија како дел од сопствената одбранбена индустрија“, нагласи Фон дер Лајен на седницата на Европскиот парламент во Стразбур.

Таа додаде дека затоа ЕУ ја вклучила Украина во подготовката на европската стратегија во областа на развојот на одбранбената индустрија. Како што наведе Фон дер Лајен, ова е првиот чекор што треба да доведе до интеграција на Украина во некои од европските одбранбени програми, со потребното одобрување на таквите одлуки во Европскиот парламент и Советот на ЕУ.

Ова не само што ќе ни помогне да одговориме на одбранбените потреби на Украина, туку ќе обезбеди и интероперабилност и заедничко планирање меѓу нашата воена и одбранбена индустрија. Украина е идна членка на нашата Европска унија. Затоа треба да ни стане многу поблиску и на полето на одбраната“, изјави Фон дер Лајен.

Претседателката на Европската комисија потсети дека во овој момент земјите од ЕУ имаат обезбедено обука за повеќе од 40.000 украински војници.

Европската Унија и нејзините земји-членки мобилизираа 28 милијарди евра за набавка на воена опрема за Украина“, рече таа.

Фон дер Лајен истакна дека европската одбранбена индустрија го зголемила капацитетот за производство на муниција за 40 отсто.

ЕУ ќе и испорача повеќе од 500.000 артилериски гранати на Украина следниот месец и повеќе од еден милион гранати до крајот на годината“, рече Фон дер Лајен.

The post Фон дер Лајен: Воено-индустрискиот комплекс на Украина треба да стане дел од индустријата на ЕУ appeared first on Република.

Велика Британија денеска соопшти дека воведува санкции против физички и правни лица во Иран, Турција, Дубаи, Словачка и Швајцарија, во рамки на последниот круг мерки чија цел е да ги засегнат руските одбранбени системи преку прекинување на нивниот пристап до странска воена опрема.

„Денешните санкции дополнително ќе го намалат рускиот арсенал и ќе ја затворат мрежата на синџирот на снабдување што ја поддржува одбранбената индустрија на Путин, која сега се бори“, изјави британскиот министер за надворешни работи Џејмс Клеверли.

Владата во Лондон воведе 22 нови санкции против физички лица и претпријатија надвор од Русија за кои вели дека го поддржуваат Кремљ во конфликтот во Украина, како и три руски компании кои увезуваат електроника која е клучна за руската воена опрема што се користи на бојното поле.

The post Велика Британија воведува санкции за компании и поединци поврзани со руската воена индустрија appeared first on Република.

Советник на украинскиот претседател, Алексеј Арестович, изјави дека дека Русија практично ја уништила воената индустрија на Украина.

Големата војна, воената агресија и мировниот договор се секогаш компромиси меѓу страните, затоа што двете страни трпат загуби. Ако мислите дека не трпиме, многу се лажете. Практично ни ја уништија воената индустрија. И тие во голема мера го завршуваат уништувањето на цивилната индустрија - изјави Арестовиќ во видео-обраќање пренесено од „Ројтерс“.

Арестович истакна дека според условите на предложениот мировен договор за кој се разговараше со Русија во вторникот, Украина ќе биде заштитена од идни закани благодарение на меѓународните безбедносни гаранции на кои Русија нема да може да стави вето.

Ова е идеален договор кој на фундаментален начин ги подобрува нашите позиции - вели советникот на украинскиот претседател.

Претходно портпаролот на Кремљ, Дмитриј Песков, изјави дека нема јасни временски рамки за да има средба меѓу претседателите Владимир Путин и Владимир Зеленски.

Прво треба да го финализираме договорот - изјави Песков.

The post Советникот на Зеленски: Русија ја уништи воена индустрија на Украина appeared first on Република.