Трошоците за печатење весници во Велика Британија нагло се зголемија поради недостигот на хартија и зголемените цени на енергијата, што ги натера сопствениците на печатените изданија да го намалат бројот на страници, објави „Блумберг“.

Според извештаите, трошоците за производство се зголемени за 200 отсто од почетокот на годината, додека испораките на дрва се намалени поради ограничувањата на извозот од Русија и Украина. Поради се тоа, цената на весниците достигна рекордни нивоа.

Британскиот медиумски холдинг „Reach Plc“, кој ги објавува популарните таблоиди како „Дејли мирор“ и „Дејли експрес“, го објави својот извештај за првата половина од годината, во кој се гледа дека прилагодената оперативна добивка паднала за 32 отсто во однос на истиот период лани. Главниот извршен директор на медиумскиот холдинг, Џим Мулен, признава дека настанала тешка ситуација за печатените медиуми.

Претходно британските печатачи предупредија на нагло зголемување на цената на хартијата поради енергетската криза.

The post Случувањата во Украина крајно негативно влијаат на медиумите во Велика Британија appeared first on Република.