Вчера во 18.25 часот во СВР Охрид било пријавено дека на крстосницата од булеварот „Туристичка“ и улица „Стив Наумов“ се случила сообраќајна несреќа помеѓу патничко возило „рено мастер“ со охридски регистарски ознаки, управувано од 58-годишниот Љ.Н. од село Горно Лакочереј, охридско и велосипед управуван од 67-годишната В.К. од Охрид, извести МВР.

Во несреќата со тешки телесни повреди се здобила В.К., констатирани во Специјалната болница „Св.Еразмо“ во Охрид, велат од МВР.

Извршен бил увид од увидна екипа на СВР Охрид.

The post Тешко повредена велосипедистка во Охрид appeared first on Република.

Тешко повредена е велосипедистка, во која вчера удри возило кај Старата скопска железничка.

Вчера во 12.30 часот во СВР Скопје било пријавено дека на крстосница од ул.„Македонија“ и бул.„Св.Кирил и Методиј“ патничко возило „тигуан“ со скопски регистарски ознаки, управувано од С.З.(51) од Скопје, удрило во велосипед управуван од Х.П.(33) од Свети Николе, соопшти МВР.

Во несреќата со тешки телесни повреди се здобила Х.П., констатирани во Градската општа болница „Св. Наум Охридски“.

Извршен бил увид од увидна екипа на СВР Скопје.

The post Велосипедистка прегазена пред Музеј на Град Скопје appeared first on Република.

Вчера во 16:45 часот во СВР Скопје било пријавено дека во с.Визбегово, скопско, патничко моторно возило „фиат“ со скопски регистарски ознаки, управувано од С.Х.Е.(23) од с.Визбегово, удрило во велосипед управуван од Р.Р.С.(49) од с.Визбегово.

Во несреќата со тешки телесни повреди се здобила Р.Р.С. констатирани во Градската општа болница „Св.Наум Охридски“.

Како што соопшти МВР, извршен бил увид од увидна екипа од СВР Скопје.

The post Тешко повредена велосипедистка во Визбегово appeared first on Република.

Основното јавно Прилеп донесе Наредба за спроведување истражна постапка против едно лице од селото Славеј за кривични дела - Тешки дела против безбедноста на луѓето и имотот во сообраќајот од член 300 став 2 во врска со член 297 став 1, како и - Неукажување помош на лице повредено во сообраќајна незгода од член 301 став 2 во врска со став 1 од Кривичниот законик.

Како што соопшти Јавноот обвинителство, во врска со сообраќајна несреќа која се случи на 9 јуни на улицата „Александар Македонски“ во Прилеп, против осомничениот 26-годишник досега се водеше постапка за предизвикување сообраќајна несреќа од полесен квалификаторен облик и по предлог на обвинителството му беше определена мерка куќен притвор во траење од 8 дена. Но, во текот на предистражната постапка се прибавија докази кои упатуваат на основано сомнение дека тој сторил потешко кривично дело против безбедноста на јавниот сообраќај, па надлежниот јавен обвинител отвори истрага и достави предлог да му биде определена мерка притвор.

Согласно доказите, на критичниот ден, тој управувал патничко моторно возило Фолксваген голф со прилепски регистарски ознаки, иако не ја поседувал потребната здравствена и психофизичка способност за управување со моторно возило – без очно помагало поради намалена видна функција за 50% (бинокуларно гледање). Спротивно на одредбите од Законот за безбедност на сообраќајот на патиштата, се движел со брзина од 74,2 км/ч на место каде максимално дозволена брзина на движење изнесува 50 км/ч. Возилото не го држел што поблиску до десниот раб на коловозот, со што го загрозил јавниот сообраќај и го довел во опасност животот и телото на луѓето.

Кога пристигнал наспроти фабриката „Металец“ во Прилеп со тркалата од десната страна на возилото излегол надвор од површината од десниот раб на коловозот, односно на земјеното проширување, па со предниот десен дел од возилото удрил во задното тркало од велосипед марка „Ендуро“ управуван од оштетената – сега почината велосипедистка. Во моментот на ударот таа стоела со велосипедот на земјеното проширување покрај десниот раб од коловозот, а како последица од ударот била отфрлена на тревната површина од десната страна од коловозот. При ударот оштетената добила тешки телесни повреди кои резултирале со смртна последица, а возачот на автомобилот ја оставил без помош и веднаш го напуштил местото на несреќата.

Судијата на претходна постапка го прифати предлогот на обвинителот и со решение на осомничениот му определи мерка притвор во траење до 30 дена.

Претходно од Обвинителството објавија и дека неговиот татко се обидел да ја преземе вината врз себе и се пријавил во полиција. Повеќе тука:

https://republika.mk/vesti/crna-hronika/uapsen-mladiot-prilepchanets-koj-usmrti-velosipedistka-po-shto-tatko-mu-lazheshe-deka-toj-vozel/

The post Морал, а не носел очила, возел 74,2 км/ч – ќе се смени обвинението со потешко за прилепчанецот кој усмрти велосипедистка appeared first on Република.

Секторот за внатрешни работи Битола – Полициска станица Прилеп, до Основното јавно обвинителство Прилеп, поднесе кривична пријава против Д.П.(26) од с.Славеј, Прилепско, поради постоење основи на сомнение за сторени кривични дела „тешки дела против безбедноста на луѓето и имотот во сообраќајот“ и „неукажување помош на лице повредено во сообраќајна незгода“, по член 300 и член 301 од Кривичниот законик.

На 9.06.2023 околу 19.45 часот на ул.„Александар Македонски“ во Прилеп, пријавениот со патничко возило „фолксваген голф“ со прилепски регистарски ознаки удрил во велосипед управуван од А.Ц.(42) од Прилеп и го напуштил местото, а од здобиените повреди А.Ц. починала на местото.

Подоцна, во полициска станица неговиот татко Р.П.(54) пријавил дека го управувал возилото, но по преземени мерки било утврдено дека Д.П. го управувал возилото. Тој бил задржан во полициска станица и во службен разговор го признал делото.

The post Уапсен младиот прилепчанец кој усмрти велосипедистка, по што татко му лажеше дека тој возел appeared first on Република.

Вчеравечер околу 19.45 часот во Полициската станица Прилеп било пријавено дека на ул.„Александар Македонски“ во Прилеп, патничко возило „фолксваген“ со прилепски регистарски ознаки, управувано од Р.П.(54) од с.Славеј, прилепско, удрил во велосипед управуван од А.Ц.(42) од Прилеп.

Од здобиените повреди на местото починала А.Ц., а смрт констатирал лекар од Итна медицинска помош.

Увид извршиле екипа од Полициската станица Прилеп и јавен обвинител, по чија наредба телото на починатата било дадено на обдукција.

The post Прилепчанка загина на место откако возило удри во нејзиниот велосипед appeared first on Република.

Тешка сообраќајна несреќа, во која настрада млада велосипедистка се случи вечерва на булеварот „Митропoлит Теодосиј Гологанов“ во близина на поранешната фабрика „Алумина“, пренесува „Скопје инфо“, според чии првични информации велосипедската поминувала на велосипедска патека кога во неa удрил возач со моторно возило „БМВ“.

Повредената девојка со возило на Итната медицинска помош е пренесена на Ургентен центар, а полицијата во моментов врши увид на местото на настанот, по што ќе се знаат повеќе детали.

Очевидци на терен за порталот сведочат за страшна сообраќајна незгода и додаваат дека од силниот удар патиките на девојката биле на десетина метри од велосипедот, кој во лоша состојба сведочи за силината на ударот.

The post Тешка несреќа предмалку кај „Алумина“, БМВ удри во велосипедистка appeared first on Република.