Во вечерашното гостување на телевизија 21, началникот на Генералштабот на АРМ, Васко Ѓурчиновски рече дека дефинитивно има потреба од враќање на воениот рок во Македонија.

-Категорично ќе кажам да, има потреба. Знам дека на одредена популација можеби ова нема да им е популарна мерка. Има потреба од причина што 3 или 4 месеци служење на задолжителен воен рок, пример, за машката популација, доколку се воведе, не мора да стартува веднаш. Може првите година, две да бидат преодни, па да се започне од 2025 година на пример.
Зошто да не и женскиот пол, доброволно, да може да служи три месеци воен рок, рече Ѓурчиновски.

The post Ѓурчиновски категорично: Да, има потреба од враќање на воениот рок appeared first on Република.

Пред неколку дена началникот на Генералштабот на АРМ, Васко Ѓурчиновски доживеа несреќа откако неговото возило во движење се запали во Косово.

Тој вечерва во дебатниот магазин „Click Plus“ на ТВ21 објасни како дошло до пожарот.

Во непосредна близина на Приштина, во движење се запали возилото, но за среќа со брза интервенција на обезбедувањето и придружбата брзо беше локализиран пожарот, вели Ѓурчиновски.

Началникот додава дека за среќа нема повредени лица, а и материјалната штета е мала.

The post Генералот Ѓурчиновски објаснува како се запалило неговото возило во Косово appeared first on Република.

Началникот на Генералштабот на Армијата, генерал-потполковник Васко Ѓурчиновски, кој учествуваше на 25-тата конференција на началници на Генералштабови на армиите од земјите членки на САД-Јадранската повелба, при враќањето во текот на вчерашниот ден низ Косово имаше помала сообраќајна незгода со појава на оган на автомобилот со кој се превезувал, информираше началникот на Канцеларијата за односи со јавност и портпарол на Генералштабот, полковник Тони Јаневски.

„Во тек на движењето по автопатот помеѓу Коморане и Приштина во доцните попладневни часови, на автомобилот ненадејно избива оган кај моторниот дел при што благодарејќи на брзата интервенција на возачот и обезбедувањето, пожарот е изгаснат за многу кратко време. Генералот Ѓурчиновски заедно со членовите на делегацијата и обезбедувањето го продолжиле патувањето со останатите возила и се вратени дома. Возилото кое веднаш по првиот знак на палење безбедно е тргнато од сообраќај, а по гасењето е транспортирано во Република Македонија“, се вели во соопштението.

The post Се запалил автомобилот на генералот Ѓурчиновски на автопатот кај Приштина appeared first on Република.

Началникот на Генералштабот на Армијата, генерал-потполковник Васко Ѓурчиновски, кој престојува во повеќедневна работна посета на САД, во текот на вчерашниот ден, го посети Пентагон каде имаше повеќе работни средби со високи воени раководители на највисоката воена команда на САД, соопшти Генералштабот на Армијата.

Генералот Ѓурчиновски, придружуван од командантот на Националната гарда на Вермонт, генерал-мајор Грегори Најт, најпрвин оствари средба со началникот на Бирото на Националната гарда на САД, генерал Даниел Хокансон.

На средбата е разговарано за соработката која Армијата на Република Македонија ја реализира со Националната града на Вермонт во рамки на партнерската Програма за соработка, која има големо значење во достигнатото ниво на интероперабилност при нашето членство во НАТО и врз основа на која досега се реализирани многубројни заеднички активности.

Работната посета на Пентагон, генералот Ѓурчиновски ја продолжи со средба со заменик на претседавачот на Здружениот штаб на Вооружените сили на САД, Адмирал, Кристофер Грејди. Од страна на генералот Ѓурчиновски се презентирани активностите кои Армијата на Република Македонија ги спроведува во полето на одбраната по целосната интеграција на земјата во НАТО, пред се во процесот на трансфоромација, опремување и модернизација, заедничките активности со ВС на САД и поддршката која ја овозможува стратегиското партнерство со САД, значењето на од.

Генералот Ѓурчиновски ги истакнал и стекнатите бенефити и искуства на нашите армиски припадници од заедничкото учество во мировните мисии и меѓународните воени вежби со Вооружените сили на САД.

Делегацијата оствари средби и со директорот на Директоратот за воена поддршка на цивилните институции, Дир Хирш, како и со раководители од Одделот за стратегии, политика и планирање во Здружениот штаб во Пентагон.

Во разговорите е потенцирана цврстата определба за понатамошно заедничко развивање на нашите способности и интероперабилноста во НАТО, како и значењето на колективната безбедност на НАТО за југоисточна Европа и пошироко, во време на воената агресија над Украина, која е осудена од сите земји членки на НАТО и ЕУ.

Во текот на следните денови делегацијата, предводена од началникот на Генералштабот на Армијата, ќе направи обиколка на Националната команда за управување со кризи во Бурлингтон, Вермонт, Командата на ВС на САД за опремување и вооружување и компанијата Ошкош во Детроит и во Форт Левенворт - соопштија од Генералштабот.

The post Началникот на Генералшатабот на АРМ, „на рапорт“ во Пентагон appeared first on Република.