Вкупната вредност на извозот на стоки од Република Македонија, во периодот јануари – септември годинава, изнесува 5 861.1 милион евра и бележи пад од 6.1 % во однос на истиот период од претходната година. Вредноста на увeзената стока, во истиот период, изнесува 8 205.4 милиони евра, што е за 0.5 % помалку во споредба со истиот период од претходната година. Трговскиот дефицит е 2 344.3 милиони евра, соопшти Државниот завод за статистика.

Покриеноста на увозот со извоз, во периодот јануари – септември 2024 година, изнесува 71.4 %.

Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и други катализатори на носачи. Во увозот најмногу се застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и други моторни возила за превоз на лица.

Во периодот јануари – септември 2024 година, според вкупниот обем на надворешнотрговската размена, Република Македонија најмногу тргувала со Германија, Велика Британија, Грција, Кина и Србија.

The post Намалена трговската размена во Македонија: Пад има и кај извозот и кај увозот appeared first on Република.

Оризопроизводителите од кочанско реагираат дека импортираниот ориз од Индија, Пакистан и земјите од далечниот Исток, го руши квалитетот на кочанското „бело злато“. велат Македонскиот пазар е преплавен со ориз од увоз и нема заштита на домашното производство.

Имаше многу увезен ориз оваа година, кој се брендира како кочански. Бараме инспекторатот да излезе на терен и да го провери квалитетот, па ако не е кочански, да се продава по онаа марка како што е увезена, дали индиски, пакистански, не знаеме, меѓутоа како кочански да не се декларира, бидејќи се уништува нашиот, кочанскиот ориз, а се знае дека тој е бренд и е најквалитетен, изјави Тони Максимов, оризопроизводител од Облешево за „Сител“.

Минатогодишната реколта потфрли и по квалитет и по квантитет, а годинава заради задоцнетата сеидба стравуваат дека жетвата ќе биде уште посиромашна.

Оваа година очекувам да биде полоша од ланската. Оризите се уште се во фаза на зреење, а временските прилики повеќе не се наклонети за оризот. Се плашиме доколку вака продолжи и падне слана, некои ниви нема ниту да се жнеат. Тоа е резултат на касната сеидба и касното пуштање на водата од страна на Водостопанство, додаде Максимов

Единствена надеж во моментот им се ветувањата од ресорното министерство дека откупната цена ќе биде повисока, што ќе ги мотивира оризопроизводителите да продолжат да ги обработуваат полињата, зашто во спротивно, навистина како држава ќе станеме увозно зависни за оваа зрнеста култура.

The post Ориз од Индија и Пакистан се продава како кочански, обвинуваат оризопроизводителите appeared first on Република.

Недостигот на работна сила во индустријата за облека и обувки, како и во туризмот ја натера албанската Влада да преземе дополнителни мерки за да гарантира непречено функционирање на овие бизниси.

За да ги задоволи овие потреби, извршната власт е во завршна фаза на потпишување договор за увоз на квалификувани работници од странство.

Во меѓувреме, се дознава дека од овој договор се очекува во Албанија да пристигнат околу 40.000 квалификувани работници од Филипините.

Договорот се очекува да биде одобрен во јуни од албанската Влада. Од овие вработени, 15.000 од нив се очекува да бидат вработени во преработувачкиот сектор, додека останатите ќе бидат вработени во туризмот и другите сектори од економијата погодени од кризата од недостиг на домашна работна сила, изјаво генералниот директор за вработување и стручно образование во Министерството за економија, Албин Гега.

Филипините се избрани бидејќи е земја за чии државјани Албанија не служела како транзит за илегални имигранти во западните земји.

The post Албанија „ќе увезе“ 40.000 работници од Филипините appeared first on Република.

Од земја позната по здрави земјоделски производи, Македонија стана роб на увозот. Веќе долго време на пазарите е празник ако се најде македонска краставица, лук, кромид, домати...Ова го потврдуваат и податоците од Државниот завод за статистика, кој излезе со алармантни бројки.

Во 2023 година се регистрирани 514 375 хектари обработлива површина. Намалување е забележано кај овоштарниците за 2,5 отсто и лозјата за 4,6 проценти, а зголемување на производството е евидентирано кај оризот за 5,4 отсто и кај пиперот за 4,1 процент, соопшти Државниот завод за статистика.

Значително намалување на производството кај овошјето е забележано кај јаболката за 51,2 отсто, крушите за 41,2, сливите за 46,1 и праските за 50 проценти. Кај останатите култури поголемо намалување е забележано кај сончогледот за 39,5 отсто, доматите за 23, краставиците за 34.3 и крмната пченка за 31,7 отсто.

The post Што и од каде ќе јадеме? Алармантно намалено производството на домати, краставици, овошје, сончоглед… appeared first on Република.

Справувањето со недостигот на работна сила на Западниот Балкан бара рационален и храбар пристап. Треба прво да видиме што може да се направи во регионот со постоечките ресурси, а не да одиме во потрага по работна сила. Потребено ни е преструктурирање на економијата, инвестирање во технологија и индустрии кои носат поголема додадена вредност и подобро платени работни места,“ истакнал Јован Деспотовски, директор на ТИРЗ на Балканскиот форум кој се одржува во Будимпешта.

Справувањето со недостигот на работна сила на Западниот Балкан бара рационален и храбар пристап. Треба прво да видиме што може да се направи во регионот со постоечките ресурси, а не да одиме во потрага по работна сила. Потребено ни е преструктурирање на економијата, инвестирање во технологија и индустрии кои носат поголема додадена вредност и подобро платени работни места,“ истакнал Јован Деспотовски, директор на ТИРЗ на Балканскиот форум кој се одржува во Будимпешта.

Деспотовски, како што информираат денеска од ТИРЗ, на покана на Унгарскиот институт за надворешни работи, како главен говорник на панелот посветен на справувањето со недостаток на работна сила во Централна и Југоисточна Европа рекол дека за решавање на ова актуелно прашање многу е важно работите да се гледаат и анализираат преку квантитативен и структурен пристап за да се изнајдат ефективни решенија.

Разликата во продуктивноста меѓу земјите во регионот, што е потврдено и преку статистиките за продуктивност и удел во БДП по глава на жител, отвора критични прашања во врска со ефикасноста на работната сила и секторската дистрибуција. Споредбата на продуктивноста на Словенија со Македонија, Србија и Албанија открива остри контрасти. И покрај сличната големини на населението, Словенија покажува значително повисоки нивоа на продуктивност. Овде се поставува прашањето зошто ист број луѓе во Словенија произведуваат 5 пати повеќе отколку во Македонија или зошто истото производство во Србија се генерира со 3,5 пати повеќе луѓе отколку во Словенија?, посочил Деспотовски.

Според него со оптимизација на сектори и трансфер на работници може да се случи потребната промена, како на пример со трансфер на работници од земјоделие, традиционалните ниско платени производствени дејности, како и од јавната администрација во сектори потребни на пазарот на работна сила.

Во справувањето со недостигот на работна сила, странските работници се појавуваат како брзо решение за ублажување на моменталните притисоци, смета Деспотовски, но, според него од клучно значење е при ангажирање странска работна сила да се земат предвид и културната компатибилност, владеењето на јазиците и приспособливоста заедно со техничките вештини.

Концептот за слободно движење на работната сила во Македонија, Србија и Албанија во рамки на Отворен Балкан има добар потенцијал да ги раздвижи пазарите на работна сила и да поттикне економски раст. Дозволувајќи поголема синергија меѓу овие земји, можеме да ја забрзаме нивната заедничка развојна линија и да го затвориме јазот којшто го имаме во однос на понапредните економии. Со поттикнување на редефинирање на секторите, разумно прифаќање на странската работна сила и користење на регионалната соработка, можеме да го отвориме патот за одржлив економски раст и просперитет низ Западен Балкан, посочил Деспотовски.

Според информациите од ТИРЗ, на панелот учествуваат претставници на германската Бизнис асоцијација за Југоисточна Европа, виенскиот Институт за економски студии, како и професори од Економскиот факултет во Белград и унгарската Фондација за економски истражувања.

Над 100 експерти, политичари и претставници на невладини организации учествуваат на Балкански форум во Будимпешта 2024, во организација на Унгарскиот институт за надворешни работи. Меѓу нив годинава се и министерот за надворешни работи на Унгарија Петер Сијарто, Дубравка Џедовиќ, министерка за рударство и енергетика на Србија, Весела Чернева заменик директор на Европскиот Совет за надворешни односи и Игли Хасани, министер за Европа и надворешни работи на Албанија. Дводневниот форум годинава се фокусира на енергетиката, економијата и на евроинтеграцијата на Западен Балкан. Балканскиот форум се одржува осма година по ред.

The post Деспотовски: Да ги платиме нашите луѓе повеќе за да останат дома, а не да увезуваме странци за работа appeared first on Република.

Во првите 11 месеци од минатата година од земјава се извезени стоки во вкупна вредност од 471,881 милијарди денари или 7,664 милијарди евра, односно 8,278 милијарди американски долари што е пораст од 0,1 отсто во однос на истиот период од претходната година. Во истиот период во земјава се увезени стоки во вредност од 627,225 милијарди денари или 10,187 милијарди евра, односно 11,006 милијарди американски долари што е за 8,4 помалку во споредба со првите 11 месеци од 2022 година.

Според податоците на Државниот завод за статистика, трговскиот дефицит во првите 11 месеци од 2023 година, изнесува 155,344 милијарди денари или 2,523 милијарди евра, односно 2,727 милијарди американски долари, а покриеноста на увозот со извоз е 75,2 отсто.

Најголемо учество во извозот имаат катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и други катализатори на носачи. Во увозот најмногу се застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и други моторни возила за превоз на лица.

Во првите 11 месеци од минатата година земјава најмногу тргувала со Германија, Велика Британија, Грција, Кина и Србија.

The post Во првите 11 месеци од 2023 година покриеноста на увозот со извозот 75,2 отсто appeared first on Република.

Важно е македонските земјоделци да ја хранат Македонија, а не секоја година да се увезува храна за 700 милиони евра, ова денеска преку соопштение до јавноста го истакнаа од ВМРО-ДПМНЕ.

СДС и ДУИ го уништија земјоделието. 7 години како се на власт, 7 години Македонија тоне. Само во 2022 година повеќе од 700 милиони евра се одлеале македонски девизи за увоз на храна. Наместо тие пари да останеле во државата и да се плателе кон македонските земјоделци и производители, тие завршиле надвор. Со СДС и ДУИ може да биде само полошо. Ако во 2013 – 2014 имало 100.000 регистрирани земјоделци, сега има 60.000.
Зеленчук како домат и краставица кој сме го извезувале, сега наголемо се повеќе се увезува. СДС и ДУИ немаат стратегија за развој, туку стратегија на испумпување на пари од МЗШВ и агенциите под негова капа“, стои во нивното соопштение до јавноста.

The post Важно е македонските земјоделци да ја хранат Македонија, а не секоја година да се увезува храна за 700 милиони евра appeared first on Република.

Министерот за земјоделство, шумарство и водостопанство Љупчо Николовски денеска објасни дека за доматите, краставиците и пиперот не се намалуваат увозните царински давачки во октомври и ноември зашто тогаш производството е најголемо. Со тоа, рече, ќе се оневозможи маркетите и пазарите да бидат преплавени со домати, пипер и краставици од други земји.

Според Николовски, земјава секогаш ќе увезува и ќе извезува, но мора, пред се, да се штити домашното производство и да се овозможи, како приоритет, најпрво домашниот пазар да се снабди со наши, македонски производи.

Се изборивме клучните производи, за кои имаме производство во октомври и ноември, целосно да бидат изземени овие два месеца од Одлуката за намалување на царинските давачки. Тоа се доматите, краставиците и пиперот зашто, ако ги прочитате бројките, немаме поголем увоз, туку имаме три пати поголем извоз во овие два месеца. И во периодот кога е извозот, односно кога го имаме производството, царината нема да биде намалена. И оризот е целосно исклучен од Одлуката зашто беше предлог и оваа култура да биде со намалена царинска стапка. Наша надлежност е да ги поддржуваме домашните производители. Проверете ги количините, да зборуваме со факти. Зборувам за најголемото домашно производство и ќе повторам сто пати, дека пиперот, доматите и краставиците се најголемото македонско производство со кое треба да се гордееме. Тие се бренд на државата. Има три пати поголем извоз во овој период и затоа не дозволивме да се намалат царините, за да не бидат пазарите и маркетите преплавени со други производи од надвор - изјави Николовски, одговорајќи на новинарски прашања.

На прашањето, зошто увезуваме кромид од Египет и пипер од Хрватска, Николовски повтори дека нашето производство го има и тука, но и се извезува.

Да повторам. Три пати поголем извоз на македонски домати, пиперки и краставици има во последните два месеца, тоа се факти и бројки. За кој увоз зборуваме кога имаме три пати поголем извоз? Затоа е нашата борба, за клучните производи. Во ноември, декември, јануари и февруари, за жал, одредени производи немаме и тогаш, заради крајните потрошувачи, заради намалување на цените, логично е да се намалат и царините. Но, во секој период кога имаме интензивно домашно производство ние македонските производители сме ги заштитиле и апелираме - да, знаеме дека се обезбедуваат повисоки цени надвор од државата, но мора да имаме развиено национално чувство и интенцијата треба да биде да ги задоволиме домашниот пазар и домашните потреби - рече Николовски.

Ако има нови одлуки за нови ограничувања, постапки и нови политики во делот на цените за што е задолжено Министерството за економија, МЗШВ, дополни, ќе ги разгледа и ќе даде соодветни мислења како оние за последната владина одлука кога се предложи да се намалат царините на сите производи, вклучувајќи ги доматот краставиците и пиперките.

Во следните два месеца овие наши производи се барани, цената на регионалните пазари е поголема и од тоа нашите производители добиваат повеќе, не помалку. Но, навистина, сите имаме обврска и ќе ја спроведуваме кампањата во таа насока за да ја пратиме порака дека домашниот пазар и домашните потрошувачи треба да бидат задоволени од домашни производи. Значи, прво да ги задоволиме домашните потреби, па потоа да извезуваме. Знаеме дека цената на извезените производи е поголема зашто се барани овие македонски производи, но обезбедивме следните два месеца, во октомври и ноември, на барање на производителите, за овие производи чие производство ќе биде големо, воопшто да нема намалување на царината и Владата тоа го прифати - повтори Николовски.

Негова оценка е дека ако не се субвенциите, половина од производителите ќе се откажат и ќе ги напуштат нивите.

Секогаш ќе извезуваме и ќе увезуваме. Наша обврска е, сто пати ќе повторам, да ги поттикнеме македонските производители. Ако не се субвенциите половина од производителите ќе се откажат и ќе ги напуштат нивите, да не се новите програми ќе имавме сериозен пад на производството. Зошто во последната година имаме зголемување на површините и нови 2 000 договори, зошто лани имавме рекордни цени на јачменот, пченицата, тутунот, грозјето, на се што произведуваме? Нашата цел е производителите да не се откажат, туку да ги задржиме, а секако, секогаш ќе има и увоз и извоз, тоа секогаш било и така ќе остане, но на крајот, ако сакаме да ја јакнеме економијата треба да имаме зголемен девизен прилив. Се радуваме и се гордееме со најголемиот девизен прилив што го имаме од тутунот, зошто тоа не се прашува? Зошто не прашаме еднаш за тоа дека сме 13. земја по извоз на вино и грозје што е огромен девизен прилив?, потенцира министерот.

Владата на 28 септември донесе одлука за намалување на увозните давачки на свежи домати, краставици и пиперки која ќе важи од 1 декември годинава до крајот на февруари догодина.

The post За доматите, краставиците и пиперот не се намалуваат увозните давачки во октомври и ноември, зашто тогаш производството е најголемо appeared first on Република.

Во пиперката од Македонија откриени се остатоци од пестицидот форметанат. Ризикот е сериозен, јавуваат хрватските медиуми. Присуството на забранетиот токсичен пестицид вчера веднаш е пријавено во европскиот систем за брзо алармирање во трговијата со храна, пренесува сајтот Даница.

Пестицидот е откриен со анализа на примероци од пиперки на хрватскиот пазар, а тоа значи дека пратката не била вратена од граница.

Пестицидот форметанат е исклучително ефикасен инсектицид што се користи во производството на овошје и зеленчук. Многу земји сè уште го користат, но во Европската Унија е забранет поради сомневање дека може да влијае на здравјето на луѓето.

Форметанатот е акутно токсичен ако се проголта орално, умерено токсичен ако се вдишува и има ниска акутна токсичност ако се нанесува на кожата.

Бројни научни студии докажаа дека форматенатот може да биде токсичен преку инхибиција на холинестеразата. Активноста на холинестеразата е примарно одредена кај заболувања на црниот дроб, сомнително труење со пестициди и атипична форма на ензимот.

Клиничките знаци по акутна и хронична изложеност на форматанат кај стаорци беа намалена телесна тежина, а кај кучињата прекумерна саливација, отежнато дишење, отежнато дишење, повраќање, кашлање и абнормална тишина.

Пестицидот форматенат е потенцијално невротоксичен токму поради неговата способност да ја инхибира холинестеразата.

The post Во Хрватска се увезени пиперки од Македонија со забранет токсичен пестицид appeared first on Република.

Во првите пет месеци од годинава албанскиот извоз во Македонија се зголемил за речиси 1,7 милијарди лека (15, 7 милиони евра) споредено со истиот период минатата година.

Според официјалните податоци на Институтот за статистика, ИНСТАТ, за надворешно трговската размена, во периодот јануари-мај, во  Македонија се извезени стоки во вредност од околу 9,2 милијарди лека или 82,2 милиони евра.

Наспроти растот на албанскиот извоз се намалува увозот на македонски производи во Албанија.

Во овој извештаен период забележан е пад на увозот на стоки од  Македонија и тоа за 813 милиони лека(7,5 милиони евра). Според податоците, увозот резултира со бројки од 5,8 милијарди лека (53,7 милиони евра) наспроти 6,6 милијарди лека (61,1 милиони евра) колку што бил во првите пет месеци од 2022 година, наведува ИНСТАТ.

Најизвезувани производи и понатаму се свежите производи: домати, краставици, свежа риба, свежо цитрусно овошје, производи од тесто итн.

Албанија и Македонија тесно соработуваат во рамките на спроведувањето на договорот ЦЕФТА 2006 година и од 2011 година трговијата меѓу двете земји е либерализирана и работи без царински давачки.

The post Не преплавија домати, краставици, риба: Расте увозот на албански производи во Македонија appeared first on Република.

Владата на Косово одлучи да го забрани влезот на секој вид стоки од Србија во Косово, јави дописникот на МИА од Приштина.

Одлуката на Владата на Албин Курти уследи откако Србија приведе тројца припадници на косовската полиција, за кои официјална Приштина и домашните медиуми тврдат дека биле киднапирани од маскирани припадници на српски сили внатре на косовска територија, во близина на меѓудржавната граница на косовскиот север.

Претходно, министерот за внатрешни работи на Косово, Џељаљ Свечља го обвини Белград дека го прекршува „секој договор и секој принцип на меѓународните норми“ и го повика меѓународниот фактот да го зголеми притисокот врз Србија за да ги ослободи косовските полицајци и да запре со провокациите.

Полицијата на Косово објави дека тројца нејзини припадници денеска биле киднапирани од маскирани лица од Србија на еден од патиштата во северно Косово, на меѓудржавната граница, што се користел од српски криминални групи за нелгален премин и шверц од Србија.

Медиумите во Белград тврдат дека косовските полицајци се уапсени на српска територија, при што објавија и фотографии од апсењето на униформираните лица кои се наводно косовски полицајци. Приштинските медиуми, пак, напоменуваат дека денешниот инцидент се случил ден откако во Cеверна Митровица беше уапсено лицето Милун Миленковиќ – Луне, за кого се вели дека е еден од водачите на нелегалната организација, поддржувана од Белград, позната како „Цивилна заштита“ и организатор на нападите врз припадниците на КФОР и косовската полиција за време на неодамнешните протести на косовските Срби во Звечан.

The post Косово целосно забрани каков било увоз од Србија appeared first on Република.

Вкупната вредност на извозот на стоки од државава во периодот јануари – април 2023 година изнесува 3 005 376 000 долари и бележи пораст од 3,1 процент во однос на истиот период од претходната година, објави денеска Државниот завод за статистика.

Вредноста на увeзената стока, во истиот период, изнесува 3 899 163 000 долари, што е за 10,7 проценти помалку во споредба со истиот период од претходната година.

Трговскиот дефицит, во периодот јануари − април 2023 година, изнесува 893 786 000 долари.

Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, електричната енергија и плоснатоваланите производи од железо или нелегиран челик, неплатинирани или необложени.

Во увозот, пак, најмногу се застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и благородни метали во колоидна состојба; соединенија, органски или неоргански, од благородни метали, хемиски дефинирани или недефинирани; амалгами од благородни метали.

Во периодот јануари − април годинава, според вкупниот обем на надворешнотрговската размена, најмногу сме тргувале со Германија, Велика Британија, Грција, Србија и Бугарија.

The post Раст на извозот, пад на увозот во првите четири месеци од годинава appeared first on Република.

Агенцијата за храна и веринарство ги демантира и ги оценува како груби лаги вчерашните објави на социјалните мрежи за наводен нелегален увоз на 10 камиони со небезбедни домати од соседна Албанија.

Груба невистина анонимно пласирана преку социјалните мрежи е вчерашниот обид на граѓаните да им се протне лагата дека е доведено во опасност нивното здравје поради наводниот нелегален увоз на 10 камиони со небезбедни домати по потекло од соседна Албанија. Според анонимниот загрижен автор на пораката, наводно станува збор на домати кои како небезбедни поради утврдено зголемено присуство на тешки метали и пестициди се вратени од увоз од Босна и Херцеговина или од Република Црна Гора. Како одговорна институција за безбедноста на храна, уште поодговорно тврдиме дека ваков таканаречен увоз не е можен, бидејќи пратки со храна, вклучително и со домати кои како небезбедни се вратени од увоз во други земји освен да транзитираат, не смеат да се увезат во државава, соопшти од АХВ.

Посочуваат дека од почетокот на годинава од вкупно увезените 1.819.306 килограми домати по потекло од Република Албанија нема вратено ниту една пратка како небезбедна. Во неделата (14.05.2023 година) преку инспекциското место на ГП Табановце кое работи за време на викенд, од страна на инспектор за храна на Агенцијата за храна и ветеринарство, извршен е преглед и дозволен е увоз на 12 пратки со различен вид зеленчук, од кои 148.757 килограми домати. Увозот е реализиран од 11 оператори со храна евидентирани во Агенцијата за храна и ветеринарство кои за увозот ја поседуваат целокупната потребна документација.

Наводниот увоз на 10 камиони со небезбедни домати од Албанија, за кој во анонимната ФБ објава се тврди дека е реализиран деновиве, воопшто не е евидентиран од Агенцијата за храна и ветеринарство како таков, односно, досега, вклучително и викендов, не е вратена ниту една небезбедна пратка по потекло од соседна Албанија. Апелираме граѓаните да бидат спокојни и да не наседнуваат на дезинформации, особено не на објави на социјалните мрежи зад кои се затскриваат интереси на поединци, кои, од само за нив познати причини, во име на грижа за здравјето на граѓаните пласираат невистини и ги доведуваат во заблуда потрошувачите. До анонимниот објавувач упатуваме апел доколку располага со вистините докази случајот да го пријави до надлежните државни органи, истакнуваат од АХВ.

Инспекциските служби на Агенцијата за храна и ветеринарство вршат контроли на домашниот пазар со овошје и зеленчук, како и на пратките кои се увезуваат во земјава. Со контролите се опфатени магацините за чување на овошје и зеленчук, дистрибутивните центри и преработувачките капацитети за овошје и зеленчук. Дополнително, велат од АХВ, прометот со овошје и зеленчук се контролира и во рамки на контролите на мешовитите продавници кои вклучуваат и трговија со овошје и зеленчук и преработки од нив

The post АХВ тврди: На македонскиот пазар не се увезени небезбедни домати од Албанија appeared first on Република.

Домашното жито скапува додека државата увезува од странство. Станува збор за околу десет илјади тони кои иако по намалена цена, не се откупуваат.

Од Националната федерација на фармери побараа забрана за увоз на пченица, за да може да се откупи нашата.

На сметка на домашното жито, од странство се увезува и за десет денари поскапо.

Ние уште лани и во годините пред тоа побаравме откупот на пченица за стоковните резерви да почне од денот кога почнува жетвата во Македонија и да се откупи од нашите производители, а не од странство. Кај нас е по 19 денари, а јас имам информација дека е донесена пченица по 28 денари за државните стоковни резерви. И сега, Директоријатот за стоковни резерви ќе почне да дава на млинарите за една ептен ниска цена и тогаш ќе падне и цената за нашата држава. Бараме помош од Министерството за земјоделство, а тоа значи да се забрани увоз на пченица и да може да се откупи нашата пченица - вели Мемет Синани, член на Управниот одбор на Националната федерација на фармери.

Од каде и колку се увезува, нема конкретни информации. Македонија најмногу работи со Србија, но можеби се увезува пченица и од Украина коментираат земјоделците.

Министерот за земјоделство Николовски ги удостои фармерите со присуство на годишното Собрание на Националната федерација, но не и медиумите со изјава пред камера.

Мемет Синани од Федерацијата на фармери ги анализира и цените на производите кои се пласираат на пазарот. За јавноста прескапо е да се пазари по сѐ повисоките цени, а фармерите велат дека нема друг избор.

Земјоделците алармираат и дека ниту половина од авансот за субвенции не им е исплатен, иако годинава беше промовиран новиот модел на субвенционирање.

The post Домашната пченица е 19 денари, а државата увезува по цена од 28 денари за стокови резерви appeared first on Република.

Бугарија воведува привремена забрана за увоз на храна од Украина. Исклучок ќе има за стоката во транзит. Ова го соопшти техничкиот премиер Галаб Донев на почетокот на денешната владина седница. Според него, значителни количини украинска храна останале во Бугарија.

Принудени сме да ја усвоиме оваа национална мерка, бидејќи одговорните европски власти сè уште размислуваат за адекватен одговор на променетите околности, рече преодниот премиер.

Главната причина е што во последната година, спротивно на идејата за таканаречените коридори на солидарност, значителни количини храна останаа во земјата и ги нарушија главните производни и трговски синџири. Доколку овој тренд продолжи, па дури и се зголеми, што е сосема реално по воведените слични забрани од други земји, можно е да се дојде до крајно сериозни последици за бугарскиот бизнис, објасни Донев.

Галаб Донев, исто така, посочи дека Бугарија останува солидарна со Украина, но „банкротите на бугарските земјоделски производители нема ништо да придонесат за нејзината кауза“.

Не е познато колку долго ќе важи привремената забрана за увоз на храна од Украина, посочува Дојче веле. Се очекува Владата денеска да донесе одлука на оваа тема.

The post Бугарија привремено забрани увоз на украинска храна appeared first on Република.

Украинското жито ќе има дозвола само за транзит низ Полска „најмалку до јули“, изјави денеска полскиот заменик министер за земјоделство, Јануш Ковалски.

Украинско-полскиот договор за жито е првиот чекор во решавањето на земјоделската криза во Полска поради големиот прилив на евтино украинско жито во Полска, рече Ковалски.

Сите производи мора да поминат низ Полска, но не смеат да им наштетат на полските земјоделци и производители и на тој начин да предизвикаат криза со храна, рече тој.

Полските земјоделци протестираа против големиот прилив на украинско жито бидејќи го сметаат за закана за нивниот домашен пазар, објави „Киев Индипендент“.

Евтиното украинско жито го преплави пазарот на ЕУ од почетокот на рускиот напад, а со помош на ЕУ се избегнати царините и увозните квоти со цел украинскиот земјоделски сектор да се одржи функционален.

Ниските цени на житото беа примамливи за локалните купувачи и трговци, оставајќи ги настрана локалните производители. Несогласувањето меѓу двете земји беше решено за време на посетата на претседателот на Украина Володимир Зеленски на Полска на 5 април.

Разговаравме за прашања кои се однесуваат на полските и украинските фармери. Најдовме решение, рече тогаш Зеленски.

The post Полска го суспендира увозот на украинско жито најмалку до јули appeared first on Република.

Живееме во време кога имаме Владата на ДУИ поддржана од СДСМ, која секојдневно се труди да го понижи граѓанинот на Македонија и свесни сме дека разочарувањето кај нашите сограѓани е огромно, не само кај Македонците туку и кај Албанците, Турците, Власите, Србите, Ромите, Бошњаците. Ова 1 го порача лидерот на опозициската ВМРО-ДПМНЕ на бизнис-заедницата во Битола.

На прашањето како го коментира тоа дека Владата најави дека за 200 евра ќе донесе работници од други држави кога кај нас луѓе и за 30.000 денари месечно не работат, туку одат во странство и секој ден сме сведоци кога по најмалку 30 лица вадат бугарски државјанства и ја напуштаат државата, тој вели дека ваков тип егзибиционизам е недозволен.

Мислам дека е беспредметно да ја коментираме Владата бидејќи од ден на ден потврдува дека само една работа е бесконечна кај неа, а тоа е, за жал, глупоста што секојдневно ја прави. Сè што би коментирал повеќе од ова би било комплимент за оваа Влада на ДУИ поддржана од СДСМ.

Во врска со коментарот за изградба на коридорите дека една од фирмите што е вклучена во надзорот е велешка, која се занимава со производство на долна облека, Мицкоски посочи дека овој скандал има епски размери не само во обем на криминалот од 22 милиона евра туку од лошиот пристап на Владата да објасни како прави криминал на отворена сцена.

Не очекувам дека Обвинителството ќе отвори случај, но ветувам дека следната влада на ВМРО-ДПМЕ сигурно ќе се позанимава со тендерот за супервизија и надзор. Ние сме тука и стоиме на располагање да се сузбијат криминалите.

Мицкоски потенцира дека ВМРО-ДПМНЕ е спремно да оди на предвремени парламентарни избори и без техничка влада.

The post Бесконечна е глупоста на Владата, вели Мицкоски по најавите за увезување работници од странство за 200 евра плата appeared first on Република.

Вкупната вредност на извозот на стоки од Република  Македонија, во периодот јануари – ноември 2022 година, изнесува 471 373 069 илјади денари и бележи пораст од 20.8 % во однос на истиот период од претходната година. Вредноста на увезената стока, во периодот јануари – ноември 2022 година, изнесува 684 609 418 илјади денари, што е за 27.8 % повеќе во споредба со истиот период од 2021 година, соопшти Државниот завод за статистика.

Трговскиот дефицит, во периодот јануари – ноември 2022 година, изнесува 213 236 349 илјади денари, а покриеноста на увозот со извоз е 68.9 %.

Трговската размена по производи покажува дека во извозот е најголемо учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и други катализатори на носачи. Во увозот се најмногу застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, електричната енергија и благородни метали во колоидна состојба; соединенија, органски или неоргански, од благородни метали, хемиски дефинирани или недефинирани; амалгами од благородни метали.

Во периодот јануари – ноември 2022 година, според вкупниот обем на надворешнотрговската размена, Република  Македонија најмногу тргувала со Германија, Велика Британија, Грција, Србија и Бугарија.

The post Се зголемил извозот, ама повеќе нараснал увозот: Извозот зголемен за 20.8, а увозот за 27.8 отсто appeared first on Република.

Започнаа во ноември да увезуваат струја за потребите на граѓаните, не за индустријата. Велеа државата дека комплетно од домашно производство ќе ги снабди со електрична енергија.
Не успеаја и затоа од 7ми ноември до 30ти ноември за 23 дена увезоа електрична енергија во вредност од 23 милоини евра, пари платени од граѓаните. За 23 дена 23 милиони евра. Зимата се уште не е започната календарски, а направиле нов тендер во којшто повторно ќе увезуваат од први до четврти декември, проценката е дека нови 8 милиони евра ќе чини оваа набавка.
Не само што крадат туку и многу лажат, објави на Фејсбук, лидерот на ВМРО ДПМНЕ, Христијан Мицкоски.

The post Зимата се уште не е почната, а веќе има нов тендер за увоз на струја кој ќе не чини 8 милиони евра, за четири дена appeared first on Република.

Министерот за економија Крешник Бектеши денеска изјави дека до министерството се доставуваат лажни фактури за увоз на пелети, и ги повика надлежните да постапуваат.

Министерството утврдило дека се доставуваат лажни фактури за пелети во делот на увозот во нашата земја, и затоа трговците на пелети се жалат со цената која е замрзната. Цената на пелети не ја утврдува министерството за економија, туку доаѓа како предлог на Македонски шуми и цените кои ги имаме од царинската управа. Во цената која е пријавена во царинската управа е 24 денари по килограм. Ако доставиле лажни фактури, и направиле договори со производителите во странство, ја повикувам УЈП да ги контролираат и веднаш да бидат санкционирани. Ако кај нас се доставуваат 24 денари, а тие не можат да ги продаваат со 27 денари, тогаш тие фактури кои се доставуваат во царинската управа се невистинити, и тоа е кривично дело - рече Бектеши.

The post Министерството за економија утврдило дека се доставуваат лажни фактури за увоз на пелети appeared first on Република.