Синоптичарите за денеска најавуваат променливо облачно време со сончеви периоди. Ќе дува умерен, а наместа долж Повардарието, повремено засилен ветер од северен правец.

Минималната температура ќе биде во интервал од -8 до 0, а максималната од 2 до 11 степени.

Во Скопје, слично време со умерен до засилен северен ветер. Минималната температура ќе се спушти до -1, а максималната ќе достигне до 8 степени.

Во следните денови времето ќе биде стабилно со ниски утрински температури и со умерен, а долж Повардарието и во источните делови, повремено засилен ветер од северен правец.

The post Променливо облачно и ветровито со ниски утрински температури appeared first on Република.

Д-р Јоханес Вимер тврди дека е лоша навика што повеќето луѓе го земаат мобилниот телефон в рака веднаш штом ќе се разбудат.

Притоа, во ваквата постапка се подразбира не само исклучување на алармот, туку и „задолжителна проверка“ на вестите на социјалните мрежи.

Треба веднаш да се ослободиме од оваа навика. Барем една до две минути без мобилен телефон се доволни. Навистина не е многу голема работа, но е неверојатно полезно. По оваа промена ќе почнете поинаку да се будите и оваа ситница ќе ви го промени целиот ден - вели д-р Вимер.

Истражувањето на консултантската компанија „Дилојт“ посочува дека дури 43 отсто од потрошувачите ги проверуваат своите мобилни телефони во рок од пет минути по будењето, а 17 отсто веднаш кога ќе се разбудат.

Со други зборови, за 60 отсто од испитаниците, мобилниот телефон е првото нешто што им паѓа на ум наутро. Ова е еден од показателите за дигиталната зависност на општеството воопшто.

The post Не го земајте телефонот в рака веднаш по будењето, оваа ситница може да ви помогне поинаку да се будите appeared first on Република.