Хрватската водителка Влатка Покос на Инстаграм, објави остра порака до хрватскиот репрепрезентативец Дејан Ловрен, кој сакаше да пее усташки песни за време на дочекот на хрватските фудбалери на плоштадот Бан Јелачиќ во Загреб.

Покос му порача на Ловрен дека ја посрамутува целата репрезентација со таквите негови примитивни испади.

Не, Дејане, ние Хрватите од Хрватска кои немаме комплекси на „голема Хрватска“, не мразиме „се хрватско“. Ја сакаме татковината со сето срце и одбиваме да пееме усташофилски песни.

 

Силно Ви препорачувам да се вратите во основно училиште и да научите основни факти за усташите и нивните злосторства. Посетете го Јасеновац и оддадете почит на сите невини жртви кои биле заклани и убиени од вашите „патриоти“. Усташите, чијшто злосторнички „поздрав“ толку радо го користите, се најлошите ѓубриња, злосторници и предавници во историјата на Хрватска.

 

Ние, Хрватите од Хрватска, сме цивилизирани луѓе и доста ни е од наметнувањето на усташлукот како врвен израз на патриотизмот. Засрамете се од вашите примитивизам и глупост, кои редовно ги демонстрирате во јавноста. Ви благодариме за спортските успеси, но тоа не ви дава за право да ширите усташлук и фашизам! Ако тоа не ви одговара, секогаш можете да се вратите во својата татковина БиХ, порача Влатка Покос.

https://republika.mk/sport/fudbal/shto-peeja-hrvatskite-igrachi-kje-ja-zapalam-kraina-do-knin-kje-zapalam-dva-tri-srpski-shtabovi-da-ne-doagjam-za-dzabe/

The post Хрватската водителка со порака до Ловрен: Посети го Јасеновац и оддади им почит на невините кои беа заклани од вашите „патриоти“ appeared first on Република.

Ноќта меѓу 2 и 3 мај непознати сторители го осквернавиле храмот на Свети Спиридон Чудотворец во Петриње, Хрватска, исцртувајќи усташки симболи на дури три места.

На вратата, прозорецот и ѕидот на недовршената православна црква, непознати сторители ноќта меѓу 2 и 3 мај напишале усташки симболи во форма на буквата „У“. Петринскиот парох Саша Умичевиќ ја информира јавноста за овој говор на омраза и ја повика полицијата да спроведе истрага.

Овој случај, кој има нескриена и директна порака до припадниците на српската национална заедница, е пријавен во надлежната полициска управа во Петриња, по што припадниците на оваа организациона единица извршиле истрага и направиле пријава за овој немил настан. Се надеваме дека сторителите на овој антицивилизациски чин ќе бидат пронајдени и кривично гонет, со цел јасно да се каже дека ваквите и слични дела инспирирани од омраза не се огледало на мултиетничкото општество во кое живееме и никогаш не треба да станат правило на однесување - вели свештеникот Умичевиќ.

Изградбата на православниот храм во Петриња почнала во 2018 година, а првата литургија во овој храм се служела на крајот на 2021 година. Првиот храм на Свети Спиридон бил изграден во 1785 година во самиот центар на градот, но усташите го срушиле во 1941 година.

The post Усташки графити исцртани на православната црква во Петриња appeared first on Република.

На иницијативниот одбор за обнова на православната црква Свети Архангел Михаил во местото Отишиќ во Далмација, му бил хакиран профилот на социјалната мрежа „Инстаграм“, каде што било поставено усташкото знаме и натписот „За дом спремни“.

Овој профил е направен исклучиво за обнова на Храмот, чиј иницијатор е дописничката на Срна од Дрвар, Јелена Дешиќ.

Сите податоци од профилот се украдени, а случајот е пријавен во полицијата во Дрвар.

Ова не е првпат Дешиќ да биде цел на напади од непознати лица на национална и верска основа.

The post Усташка провокација: На Инстаграм профил на православна црква напишано „За дом спремни“ appeared first on Република.

Поранешниот оперативец на УДБА Божидар Спасиќ раскажа една анегдота од неговата служба поврзана со пречекот на Нова година. Случката била во Германија, каде хрватските усташи славеле.

За да им ја расипе прославата, бил задолжен Спасиќ, кој отпатувал во Карлсруе во ресторанот каде биле собрани.

Слушнавме дека се собрани  едно кафуле „Ихоф“ во Карлсруе, 50 усташи решиле да организираат новогодишна ноќ. Тие го порачаа своето омилено вино од Херцеговина во стаклени балони. Нашиот човек требаше да го носи тоа вино. Имавме толку способен Институт за безбедност кој произведуваше се и сешто. Ставивме нешто во тоа вино, да не убиваме луѓе, но да им биде непријатно. Влеговме во 23 часот и нивната прослава заврши. Точно знаеја и рекоа „проклета УДБА стои зад ова“ - раскажа Спасиќ.

The post УДБА им го пресретнала виното на усташите за Новата година – еве што се случило appeared first on Република.