Прворангираниот тенисер на АТП листата, Јаник Синер, првпат се пласираше во финалето на УС Опен, а за титулата во Њујорк ќе се бори против 12. играч во светот, Американецот Тејлор Фриц.

Италијанецот Синер во драматично полуфинале триумфираше со 7-5, 7-6 (3), 6-2 против Британецот Џек Дрејпер. Синер во текот на дуелот падна на зглобот на левата рака и мораше да интервенира лекар, но сепак го совлада британскиот аутсајдер, кој неколку пати повраќаше на теренот.

Синер во финалето ќе се соочи со 26-годишниот Фриц, кој по три часа и 18 минути беше подобар од сонародникот Френсис Тиафо со 4-6, 7-5, 4-6, 6-4, 6.-1, и за прв пат патеката во кариерата стигна до финалето на еден од турнирите од големата четворка.

В недела, Фриц ќе има шанса да стане првиот американски тенисер по Енди Родик пред 21 година, кој го освоил УС Опен.

The post Синер и Фриц ќе играат за титулата на УС Опен appeared first on Република.

Најдобриот тенисер на светот Новак Ѓоковиќ рано утрово го победи Раду Албот од Молдавија во првото коло на УС Опен со резултат 3:0, по сетови 6:2, 6:2 и 6:4.

Во меч што траеше 2 часа и 8 минути, 37-годишниот Србин имаше 8 асови, 10 двојни грешки и 6 освоени брејк топки од 16 шанси.

Ѓоковиќ во второто коло ќе игра со сонародникот Ласло Ѓере.

Вкупниот награден фонд на Грен слемот во Њујорк изнесува 75 милиони долари.

The post Ѓоковиќ се пласира во второто коло на УС Опен appeared first on Република.

Шпанскиот тенисер Рафаел Надал одлучи да го прескокне УС Опен 2024.

- Решив да не учествувам на УС Опен оваа година, иако имам неверојатни спомени од овој Грен слем. Ќе ги пропуштам овие жестоки и специјални вечерни натпревари на терените на „Артур Еш“. Мислам дека нема да можам да го покажам најдоброто од себе, информира Надал преку социјалните мрежи.

Триесет и осумгодишниот Шпанец истакна дека неговиот следен турнир ќе биде Лејвер купот во Берлин.

УС Опен ќе се игра од 26 август до 8 септември во Њујорк. Надал четири пати го освои трофејот - во 2010, 2013, 2017 и 2019 година. Вкупно има 22 победи на Грен слем турнирите.

На Олимпијадата во Париз, Надал и Карлос Алкараз стигнаа до четвртфиналето на турнирот во двојки, каде шпанското дуо загуби од Американците Остин Крајичек и Ражив Рам (2:6, 4:6).

The post Крајот се ближи: Надал нема да игра на УС опен appeared first on Република.

На својот Инстаграм, Ванеса Брајант сподели видео од обраќањето на Новак по финалето на УС Опен, кое го гледаше од дома на телевизија, со зборови на благодарност до тенисерот.

„Честитки Новак, тоа е мамба менталитетот. Вистинските ги препознаваат вистинските!“, напиша Ванеса која била трогната од потегот на Новак Ѓоковиќ.

https://twitter.com/usopen/status/1701018797476635029?ref_src=twsrc%5Etfw%7Ctwcamp%5Etweetembed%7Ctwterm%5E1701018797476635029%7Ctwgr%5Ed07742d78f2ee5108ee1963d9dd2397e8c335aef%7Ctwcon%5Es1_&ref_url=https%3A%2F%2Fas.com%2Ftenis%2Fus_open%2Fdjokovic-alcanza-el-24-titulo-de-grand-slam-n%2F

The post Сопругата на Коби за Ноле: Tоа е мамба менталитетот appeared first on Република.

Русинот Данил Медведев, ќе биде противник на српскиот тенисер Новак Ѓоковиќ во финалето на УС Опен. Медведев, рано утрово во полуфиналето со совлада светскиот рекет број 1, Карлос Алкараз од Шпанија.

Медведев, кој стартуваше на грен-слем турнирот во Њујорк како трет носител, триумфираше над бранителот на трофејот со 3-1 во сетови (7-6, 6-1, 3-6, 6-3).

Претходно во првото полуфинале, Ѓоковиќ со максимални 3-0 (6-3, 6-2, 7-6) го совлада домашниот тенисер Бен Шелтон и в недела против Медведев ќе се обиде да ја освои својата рекордна 24. грен-слем титула во кариерата.

За Ѓоковиќ тоа ќе биде десетто финале на УС Опен каде има негативна статистика и во претходните девет финални настапи само три пати ја освојуваше титулата, а шест пати беше поразен.

The post Српско-руско финале во Њујорк: Медведев го совлада Алкараз за финале против Ѓоковиќ на УС Опен appeared first on Република.

Најдобриот српски тенисер Новак Ѓоковиќ ќе може да игра на турнири на територијата на САД, бидејќи американскиот Сенат гласаше за укинување на националната декларација за вонредна состојба предизвикана од пандемијата на корона вирусот, објави денес „Си-ен-ен“.

Американските медиуми јавуваат дека американскиот претседател Џо Бајден ќе ја потпише оваа одлука, бидејќи првиот човек на САД најави дека нема да стави вето.

Сенатот со 68 гласа „за“ и 23 „против“ донесе одлука за прекин на вонредната состојба. Според сегашните правила, странските државјани кои не се вакцинирани против корона вирусот не можат да патуваат во САД. Оваа одлука го спречи Ѓоковиќ претходниот период да отпатува за САД и да игра на турнирите во оваа земја.

Србинот годинава ги пропушти турнирите во Индијан Велс и Мајами, а по најновата одлука на американските власти, тој ќе може да настапи на летната американска турнеја и на УС Опен, кој е закажан од 28 август до септември.

The post Ѓоковиќ ќе може да игра на УС Опен appeared first on Република.

Српскиот тенисер Новак Ѓоковиќ проговори за тоа дека не доби дозвола да учествува на турнирите во Индијан Велс и Мајами.

На 22-кратниот победник на Грен слем му беше забранет влезот во САД поради немање сертификат за вакцинација против коронавирус.

- Посакувам да можам да играм во Индијан Велс и Мајами. Ги сакам овие турнири. Имав многу успех таму. Но, во исто време, ова е свесна одлука што ја донесов и знаев дека секогаш постои можност да не одам. И оваа ситуација, се надевам, ќе се промени до крајот на оваа година за следниот УС Опен. Ова е најважниот турнир за мене на американско тло, го цитира Ѓоковиќ „Си-ен-ен“.

Триесет и петгодишниот тенисер истакна дека во оваа фаза од кариерата му се најважни грен слемовите и ќе почека да види дали ќе може да замине во Њујорк.

- Навистина сакам да играм таму, сакам да бидам таму. Имав среќа три пати да го освојам УС Опен, да одиграм многу финалиња. И покрај тоа што загубив пред две години, добив многу љубов и благодарност од луѓето и сакам да се вратам и повторно да се сретнам со тие навивачи. Така што тоа е она на што се радувам и се надевам дека ќе се случи, изјави Ѓоковиќ.

The post Ѓоковиќ жали за Индијан Велс и Мајами, се надева на УС опен appeared first on Република.

Најдобриот светски тенисер Новак Ѓоковиќ беше принуден да се повлече од претстојниот Мастерс во Индијан Велс, бидејќи поради строгите мерки кои се уште се на сила, му беше забранет влез во САД.

Соединетите Американски Држави сè уште не дозволуваат влез во земјата на странци кои не биле вакцинирани против корона. Новак поднесе барање за ослободување, но тоа беше одбиено, па мораше да се повлече од Индијан Велс.

Таквата одлука предизвика голема бура „преку барата“. Американската туристичка организација U.S. Травел се огласи со остро соопштение во кое ги критикува властите за ваквата одлука.

„Тенискиот шампион Новак Ѓоковиќ се повлече од претстојниот турнир во САД. Тој е еден од милионите луѓе кои не можат да ги посетат САД поради застарените политики кои продолжуваат да му штетат на нашиот економски раст. Застарената политика на Америка за вакцини е неизнудена грешка што чини 80 милијарди долари за Америка“,

The post Забраната за Ноле ја чини Америка 80 милиони долари appeared first on Република.

Полската тенисерка Ига Свјонтек е победник на последниот грен-слем турнир сезонава, УС Опен откако во финалето во Њујорк беше поуспешна од Тинижанката, Онс Жабер со 6-2, 7-5.

Дуелот меѓу првата и петтата носителка траеше нешто помалку од два часа, а моментно најдобрата светска тенисерка, дојде до својата трета грен-слем титула во кариерата по успесите на Ролан Гарос (2020, 2022).

Жабер, пак, од своја страна го играше своето второ последователно грен-слем финале, но како и неодамна на Вимблдон, туниската тенисерка повторно загуби.

The post Полјачка Свјонтек триумфираше на УС Опен appeared first on Република.

Откако Рафаел Надал и Медведев испаднаа а на Новак Ѓоковиќ не му се дозволи да учествува,никој не знае кој ќе биде новиот рекет број 1.

Кандидати се Надал, Карлос Алкараз и Каспер Руд и тоа ќе зависи од резултатите до финалето на турниорот.

Надал ќе стане прв ако ниту Руд ниту Алкараз не се пласираат во финалето а пак Алкараз ќе биде само ако ја освои титулата или изгуби во финалето од било кој, а тоа да не е Руд. Последното и трето сценарио вели дека Руд ќе дојде на челната позиција само во случај ако ја освои титулата или изгуби во финалето, но тоа да не е Алкараз.

The post По елиминацијата на Надал никој, па ниту АТП не знае кој ќе биде рекет број 1 по УС Опен appeared first on Република.

Шпанскиот тенисер Рафаел Надал избори пласман во третото коло на УС Опен, откако повторно победи во четири сета на последниот годинашен грен-слем турнир во Њујорк.

Во премиерното коло Надал, кој е втор носител, го совлада Австралиецот Хијаката откако го загуби првиот сет, а по истото сценарио во второто коло беше поуспешен од Фабио Фоњини од Италија со 3-1 во сетови (2-6, 6-4, 6-2, 6-1).

Состојбата на теренот можеше да биде уште покомплицирана за шпанскиот тенисер, бидејќи во вториот сет Надал беше во негатива од 2-4, но од тој момент целосно презеде контрола врз натпреварот.

Ова беше едно од најлошите отворања во мојата кариера - изјави Надал, кој во дуелот против Фоњини.

За време на средбата, Надал имаше и мала повреда откако рекетот му испадна од раката и се одби од тлото по што му го раскрвави носот.

Имав такво искуство, но со палка за голф. Никогаш ова не ми се случило со тениски рекет - изјави Надал.

The post Надал победи во четири сетови, но притоа си го раскрвари носот appeared first on Република.

Шпанскиот тенисер Рафаел Надал ја коментираше одлуката на американските власти да му забранат влез во САД на српскиот тенисер Новак Ѓоковиќ, затоа што не е вакциниран против корона вирусот.

Таквата одлука ќе го оневозможи српскиот тенисер да настапи на претстојниот грен-слем турнир ЈуЕс Опен во Њујорк.

Жал ми е поради тоа што Новак Ѓоковиќ нема да настапи, тоа донекаде сите и го знаевме. Штета е што тука нема да биде еден од најдобрите играчи во историјата, но спортот е поголем од кој било од нас - изјави Надал во Њујорк.

Надал ги потсети новинарите дека и самиот тој во минатото пропуштал големи турнири поради повреди.

Минатата година не бев тука. Ниту пред две години. Но, тенисот продолжува. Тенисот ќе продолжи да се игра и по мене, Новак и Роже Федерер. Новак е еден од најважните играчи во последните 20 години во историјата на нашиот спорт и лично ми е жал што не можеше да допатува тука - истакна шпанскиот тенисер.

The post Надал: Жал ми е што Новак не доби дозвола да игра на УС Опен, но тенисот е поголем од сите нас appeared first on Република.

Новак Ѓоковиќ дефинитивно ќе го пропушти претстојното издание на УС Опен, откако американските власти не ги направија неопходните промени во здравствените протоколи за да им се дозволи на невакцинирани лица да допатуваат во САД.

Токму тоа беше последната шанса за Новак да добие зелено светло и да пристигне во Њујорк, но организаторите на УС Опен ги објавија официјалните протоколи за турнирот. Според нив, вакцинирани ќе мора да бидат не само сите тенисери, туку и сите фанови на трибините.

Во САД и во сојузната држава Њујорк се уште важи законот дека ниту едно странско лице кое не е вакцинирано не смее да влезе на американска територија.

УС Опен ќе стартува на 29 август, а бранител на трофејот ќе биде Русинот Данил Медведев.

Следниот настап на Новак ќе биде учеството на Дејвис-куп натпреварувањето во Валенсија, од 15 до 17 септември.

The post Дефинитивна одлука: Ѓоковиќ нема да игра на УС опен appeared first on Република.