Претседателката Гордана Сиљановска Давкова, во рамки на учеството на Самитот за климатски промени (КОП29) во Баку, оствари средба со Кити ван дер Хејден, заменик извршна директорка на УНИЦЕФ.

Kако што сооопштуваат од нејзиниот кабинет, на средбата било изразено задоволство од континуираната плодна соработка во повеќе клучни области коишто се однесуваат на благосостојбата на децата и младите во македонското општество, со посебен фокус на рамноправноста, инклузивноста, унапредувањето и заштитата на нивните права.

Во контекст на климатските промени и нивниот ефект врз животот на децата, претседателката Сиљановска Давкова и заменик извршната директорка на УНИЦЕФ, ван дер Хејден, ја потенцирале важноста на политиките насочени кон промоција на одржлив развој и зелени иницијативи за заштита на животната средина.

Во таа насока била нагласена потребата нашата држава да го вклучи прашањето на децата во својот трет Национален поднесок за климатска акција, со цел создавање системски механизми за нивната заштита од климатски промени.

Претседателката Сиљановска Давкова ја реафирмирала подготвеноста на македонските институции за натамошна соработка со УНИЦЕФ, во насока на создавање услови секое дете да има еднакви шанси и можности за искористување на својот потенцијал, пристап до квалитетно образование, здравствена грижа и заштита.

The post Претседателката Сиљановска Давкова на средба со заменик извршната директорка на УНИЦЕФ appeared first on Република.

Над 120.000 деца во земјава, или 32,8 отсто од сите деца, живеат под националниот праг на сиромаштија, објави Државниот завод за статистика.

Стапката на сиромаштија кај децата е за 50 отсто повисока отколку кај возрасната популација (22 отсто) и се зголеми од 28 отсто во 2015 година на 32,8 отсто во 2021 година, покажувајќи со тоа дека децата се изоставени од економскиот развој на земјата.

Состојбата предизвикува голема загриженост имајќи предвид дека децата се поранливи на ефектите од сиромаштијата. Сиромаштијата во детството ги засега сите аспекти од животот и може да има доживотни последици врз физичкиот, когнитивниот и социјалниот развој на децата, и има висока цена врз човечкиот капитал и просперитетот, се вели во извештајот на УНИЦЕФ за Македонија по повод Меѓународниот ден посветен на искоренување на сиромаштијата.

Недоволното инвестирање во социјалната заштита придонесе да има постојано недоволна опфатеност на децата во земјата. Јавните расходи за социјална заштита заостануваат зад другите сектори и се далеку под просекот на Европската Унија. Денес помалку од 23 отсто од домаќинствата со деца во Македонија добиваат парична помош наменета за деца или домаќинства со деца, додека просекот во ЕУ изнесува 88,4 отсто.

Една од клучните можности за справување со детската сиромаштија е проширување на опфатот и подобрување на висината на паричната помош за децата што живеат во сиромаштија. Ова може да вклучи проширување на образовниот додаток за да ги опфати и децата во предучилишно образование кое е клучно за градење вештини што им се потребни на децата за да успеат подоцна во животот; подобро информирање и поддршка за да им се овозможи на семејствата пристап до паричната помош која им следува; и усогласување на паричната помош насочена кон децата со реалните трошоци на живот.

Земјата исто така би можела да размисли и за воведување универзална парична помош за деца, која на глобално ниво покажа дека државите може да си ја дозволат дури и во време на кризи, и е ефикасна политика за намалување како на вкупната сиромаштија, така и на детската сиромаштија. Универзалниот пристап – парична помош за секое дете – драстично ги намалува административните трошоци, ризикот да се исклучат некои деца на кои им е потребна помош и ризиците од стигма и дискриминација. Притоа универзалната парична помош за деца придонесува да се изгради и одржи социјалната кохезија, намалувајќи ја нееднаквоста.

Покрај подобрување на паричната помош за семејствата со деца, справувањето со детската сиромаштија, исто така, налага повеќесекторски одговор со цел децата да имаат пристап до основните социјални услуги, како што се образование, здравство, исхрана и заштита, без стигма и дискриминација.

Социјалната заштита е моќен придвижувач на правата на децата и на националниот развој. Владата во својата програма за работа се обврза да ја намали сиромаштијата и да ја зголеми помошта за најранливите групи, вклучително и децата и лицата со попреченост. Со проширување на социјалната заштита на децата, Владата, исто така, ќе придонесе за остварување на својот приоритет за забрзување и одржување на економскиот раст, повисок животен стандард и квалитетен живот за граѓаните. УНИЦЕФ продолжува да ги поддржува напорите на Министерството за социјална политика, демографија и млади, со што ќе обезбеди секое дете да има шанса за здрава и продуктивна иднина.

The post Над 120.000 деца во земјава живеат под националниот праг на сиромаштија, државата да воведе парична помош за секое дете, апелира УНИЦЕФ appeared first on Република.

Македонија минува низ образована криза. Тоа го покажуваат слабите резултати на последното ПИСА тестирање - 75 отсто од 15-годишните ученици во земјата имаат ниски резултати по читање, а 66 отсто покажуваат ниски резултати по математика и природни науки.

Лесли Милер, претставничка на УНИЦЕФ во Македонија вчера говореше на настанот „Образование водено од реалните потреби на учениците – паметно инвестирање во наставниот кадар и инфраструктура“ во организација на Здружение за истражување и анализи ЗМАИ.

Според Милер, резултатите од истражувањата покажуваат дека се работи за недоволно време минато во учење.

Учениците во основно образование во Македонија на возраст од 14 години имаат речиси 900 часа помалку настава од просекот на учениците во земјите на ОЕЦД. Ова првенствено се должи на фактот што училишната мрежа не одговара на демографските промени во земјата и како резултат на тоа 90 отсто од учениците учат во 30 отсто од училишните згради, и училиштата се принудени да работат во смени.

Исто така, врз успехот на учениците негативно се одразува и недоволното време минато во предучилишно образование. Резултатите од ПИСА за земјата покажуваат дека учениците кои не посетувале предучилишно образование или кои оделе во градинка помалку од една година, обично имаат пониски резултати по читање, математика и природни науки. Ова не изненадува ако се земе предвид дека само околу 43 отсто од децата на возраст од 3 до 6 години посетуваат градинка, а опфатот на децата Албанци и Роми е уште понизок, вели претставничката на УНИЦЕФ Лесли Милер.

Овие бројки не се само статистика; овие бројки се итен повик за акција, повик да се оствари правото на децата на квалитетно и инклузивно образование, а образовниот систем да обезбеди развој на човечкиот капитал и економска конкурентност, смета Милер.

Втор фактор е бројот на наставници и како тие се распределени: Бројот на наставници и понатаму расте и во просек наставниците работат со помал број ученици. Во изминатите две децении просечниот број ученици се намали од 18 на помалку од 10 ученици по наставник, што е значително под просекот на ОЕЦД. Во две третини од општините, просечниот сооднос ученик-наставник е под 10. Во исто време, распределбата на работната сила е нерамномерна. Некои училишта имаат паралелки со над 30 ученици, додека други имаат помалку од 10. Речиси половина од учениците во руралните средини учат во екстремно мали или комбинирани паралелки од различни одделенија – и едното и другото има негативно влијание врз нивното учење и социјализација.

Трет фактор се расположивите ресурси за квалитетно учење: Инвестициите во образованието несразмерно се трошат на плати, при што останува малку за покривање на трошоците наменети за квалитетно и инклузивно образование. Во моментов, близу 90% од расходите за основно образование одат на трошоци за плати, додава Милер.

Накратко, образовната криза е резултат на децениското несоодветно решавање на клучните структурни предизвици, недостигот од континуитет во реформските процеси кај различните влади и недоволната насоченост на образованието кон реалните и индивидуалните потреби на сите ученици, сметаат од УНИЦЕФ.

Од УНИЦЕФ велат дека постои потреба од преиспитување во три критични области:

Училишна инфраструктура: За да може секое дете да посвети доволен број часови на учење во една смена, треба да се продолжи училишниот ден што може да бара проширување на некои училишни објекти и консолидирање на други. Целта треба да биде на секој ученик да му се овозможи пристап до исто ниво на можности за учење кои доаѓаат со воннаставните активности, пристап до нови технологии и опрема и интеракција со поширока група врсници.

Човечки ресурси: При планирањето на наставниот кадар, треба да се земат предвид новите улоги на наставниците и да се обзебеди поддршка за професионалниот развој и кариерното напредување на наставниците, преку наставниците ментори и стручните служби. Исто така треба да се земе предвид и моделот на споделени ресурси меѓу општините за да се обезбеди ефикасно искористување на работната сила.

Финансирање на образованието: Со сегашната формула за финансирање не се поттикнува ефикасно трошење, не се земаат предвид училишните резултати и не се предвидуваат наменски средства за професионален развој на наставниците или за воннаставни активности. Потребна ни е формула со која се пресметува трошокот по ученик, обезбедува правична распределба и се гарантираат средства за превоз на учениците што живеат подалеку од училиштата.

Реформирањето на образовниот систем е сложен процес и бара силно лидерство и политичка посветеност на сите владини нивоа. Потребен е и ангажман и дејствување од страна на Собранието, пошироката Влада вон Министерството за образование, вклучувајќи ги Министерството за финансии, општините, раководството на училиштата, наставниците и родителите, смета претставничката на УНИЦЕФ во Македонија, Милер.

https://republika.mk/vesti/makedonija/makedonskite-uchenitsi-uchat-okolu-900-chasovi-pomalku-od-prosekot/

https://republika.mk/vesti/makedonija/janevska-vishokot-nastavnitsi-koi-ke-se-pojavat-mozhe-da-bidat-angazhirani-vo-bro-dits-dpi-i-da-pomognat-so-svoeto-iskustvo-i-znaene/

The post УНИЦЕФ: Учениците во Македонија кои оделе во градинка помалку од една година, обично имаат пониски резултати по читање, математика и природни науки appeared first on Република.

Новиот документ за политики на УНИЦЕФ содржи најнови податоци и препораки за подобрување на квалитетот на воздухот и намалување на смртните случаи и здравствените проблеми кај децата поради аерозагадувањето

Во пресрет на Меѓународниот ден на чистиот воздух, УНИЦЕФ во Европа и Централна Азија објави нов документ за политики во кој истакна дека во 2021 година, над 5.480 доенчиња во 23 земји и територии низ Европа и Централна Азија починале од причини поврзани со аерозагадувањето. Во Македонија, смртните случаи на новороденчиња кои се поврзани со загадениот воздух сочинуваат 11,6 отсто или 1 од 9 смртни случаи на деца на возраст до една година.

Извештајот наречен „Почетоци без здив: политики за заштита на децата од загадениот воздух во Европа и Централна Азија“  забележува дека во поголемите градови низ Европа и Централна Азија, загадувањето на воздухот редовно ги надминува безбедните нивоа според СЗО, и станува главен еколошки ризик по здравјето на децата од регионот.

Во Македонија, ризиците од загадениот воздух се особено високи. Во февруари 2024 година, Скопје повторно се најде меѓу првите 10 најзагадени градови во светот, а просечните нивоа на ПМ10 или ПМ2,5 честички ги надминуваат дозволените граници повеќе од 100 дена во годината. Според новите податоци, освен што претставува сериозна причина за смрт кај новороденчињата, загадувањето на воздухот ни одзема повеќе здрави години од животот во споредба со кој било друг поединечен еколошки фактор, како што се високите температури, нечистата вода и лошите санитарни услови.

„Овие податоци се особено загрижувачки, бидејќи раната и честа изложеност на загаден воздух влијае врз развојот на мозокот, белите дробови и органите на бебињата, што има последици врз здравјето и учењето  во текот на целиот живот“, вели Лесли Милер, претставничка на УНИЦЕФ. „Децата уште сега го искусуваат климатскиот хаос со кој ќе се соочуваат цел живот. Болестите и смртните случаи предизвикани од загаден воздух може да се спречат, но ни требаат климатски политики во кои ќе се води сметка и за децата. Тука спаѓаат политиките со кои се намалуваат загадувачките супстанции и се подобрува квалитетот на воздухот таму каде што децата учат, живеат и си играат.“

Во документот за политики се посочува дека бебињата и малите деца се најизложени на ризик од смрт и лошо здравје поради загадениот воздух. Раната и честа изложеност на загаден воздух – почнувајќи уште од матката – води кон смалување и реструктурирање на белите дробови и го зголемува ризикот од пневмонија, инфекции на горниот респираторен тракт, инфекции на увото, астма и алергии. Дишењето загаден воздух може да предизвика воспаление на мозокот, да го попречи растот и да влијае врз когнитивниот развој, како и на училишниот успех.

УНИЦЕФ апелира до владите и институциите во земјите од регионот – вклучувајќи ја и Македонија – да посветат повеќе внимание и ресурси на борбата со аерозагадувањето, да ги поддржат енергетската ефикасност, пристапот до чиста енергија и подобрувањето на квалитетот на воздухот, и да ги заштитат бремените жени и децата од загаден воздух.

Според овие препораки, загадениот воздух и неговите ефекти врз здравјето на децата треба да станат дел од Националните утврдени придонеси (НУП), Националните планови за адаптација (НПА), националните и локалните планови за квалитет на воздухот, и националните здравствени планови; треба да се воспостават зони без загадување околу училиштата, градинките и здравствените установи; треба да се постават и да се одржуваат системи за предупредување во врска со квалитетот на воздухот во близина на станбени згради, игралишта, здравствени установи, градинки и училишта, а јавноста треба редовно да се информира за квалитетот на воздухот.

Понатаму, треба да се размисли како да се подобри прочистувањето на воздухот во домот и на работното место за бремените жени. Конечно, товарот од инфекции со бактериска пневмонија кај доенчињата треба да се намали преку проширување на опфатот со пневмококна конјугирана вакцина (ПЦВ) – кој во Македонија изнесува 56 проценти, што е многу помал опфат од просечните 86 проценти во европскиот регион на СЗО.

The post УНИЦЕФ: Секој деветти смртен случај кај новороденчињата во Македонија е поврзан со загаден воздух appeared first on Република.

Како дел од глобалното партнерство, Нелт и УНИЦЕФ во Македонија официјално започнуваат нова соработка, со цел на учениците во стручните училишта да им обезбедат можности за практично учење со фокус врз јакнење на зелените вештини. Со иницијативата ќе се подобри вработливоста на учениците од стручното образование и обука и тие подобро ќе се подготват за пазарот на трудот.

Локалната иницијатива е дел од пошироко стратешко партнерство преку кое децата ќе се стекнат со основните вештини на XXI век. Во рамките на оваа иницијатива, Групацијата Нелт ќе издвои 1,3 милиони американски долари во текот на три години за да се зајакнат образовните системи во Србија, Македонија и Босна и Херцеговина. Во 2026 година, иницијативата ќе се прошири и на Ангола, во региони каде што работи Групацијата Нелт. Во Македонија, партнерството ќе им помогне на учениците да стекнат зелени вештини и вредно практично искуство, со што ќе се зголеми нивната вработливост и способност да одговорат на новите барања на пазарот на трудот, додека во Србија и Босна и Херцеговина, фокусот ќе биде ставен врз подобрување на дигиталните вештини кај учениците. Македонија ќе добие 330.000 американски долари за период од три години.

Обезбедуваме образование за животна средина и климатска акција преку кое учениците ќе ги засилат своите капацитети за учење, дејствување и идно водство, изјави Изет Меџити, прв заменик претседател на Владата и министер за животна средина и просторно планирање.

Кога влегуваат на пазарот на трудот, младите се соочуваат со повеќе предизвици од возрасните поради недостаток на работно искуство и несовпаѓање на вештините што ги поседуваат со оние што ги бараат работодавачите. Бараните вештини се менуваат бидејќи светот се движи кон одржлива економија со низок јаглероден отпечаток, па затоа е клучно учениците да стекнат стручни и широко применливи зелени вештини со кои ќе ги задоволат новите барања на пазарот на трудот и ќе придонесат за одржлива иднина.

Живееме во свет изложен на досега невидени еколошки предизвици и разбирлива е потребата од прилагодување на образованието кон градење зелени вештини кај младите. Затоа многу ме радува потпишувањето на договорот за соработка меѓу УНИЦЕФ и компанијата Нелт, за поддршка на развојот на зелени вештини кај учениците од средно стручно образование. Оваа иницијатива ќе им овозможи на учениците да стекнат драгоцено искуство и знаење, што ќе ги направи поконкурентни на пазарот на труд, а истовремено ќе придонесе за поодржлива иднина за сите нас, рече министерката за образование и наука Весна Јаневска.

Во Македонија, со оваа иницијатива се планира да се обезбедат можности за практична настава и практикантство во јавни и приватни претпријатија ширум земјата за над 500 ученици од стручното образование, кои се подготвуваат за кариера во природните науки, еколошката одржливост и ублажувањето на климатските промени.

Освен тоа, се очекува дека оваа иницијатива ќе им помогне на 8.100 ученици од стручните училишта да стекнат зелени вештини поврзани со еколошката одржливост, зачувувањето на природата и климатската акција, овозможувајќи им практично да го применат знаењето на идното работно место во разни области, од управување со отпад и производство на зелена енергија па сè до одржливи производствени процеси, енергетска ефикасност и циркуларна економија во градежништвото.

Ова партнерство ќе создаде можности за нови вештини кај средношколците заинтересирани за климатските промени и еколошката одржливост. Со зајакнување на рамката за практична настава, не само што ќе им помогнеме на учениците од стручното образование да изградат широко применливи зелени вештини, туку и ќе придонесеме кон развојот на работна сила која ќе биде оспособена да се справи со итните еколошки предизвици“, рече претставничката на УНИЦЕФ Лесли Милер.

Соработката меѓу Групацијата Нелт и УНИЦЕФ претставува одговор на горливиот глобален проблем со невработеноста кај младите и итната потреба за ефективна интеграција на технологијата, одржливоста и климатската отпорност во образовните системи. Со помош на експертизата на двете организации, ова партнерство се стреми да создаде посветла иднина за идните генерации.

Во Нелт групацијата сме посветени на интегрирање на принципите за одржливост на еколошките, социјални и управувачки фактори во сите аспекти на нашиот бизнис. Преку дигитализација, инвестиции во обновливи извори на енергија и континуирана едукација на вработените, активно придонесуваме за одржливост. Во партнерство со УНИЦЕФ во Македонија, им нудиме на младите можност да стекнат и дигитални и зелени вештини, кои се од суштинско значење за нивната конкурентност на пазарот на труд и за одржлива иднина. Свесни за предизвиците што ги носат климатските промени, ние сме посветени на намалување на нашето негативно влијание врз животната средина. Со инвестиција од 330.000 американски долари во текот на три години, ќе ги зајакнеме младите преку практично образование во училиштата, помагајќи им соодветно да се подготват за еколошките предизвици и климатските промени кои се наша реалност, рече Сашко Блажевски, извршен директор на Нелт за Македонија.

Претпријатијата се значајна алка во создавањето отпорни заедници. Со инвестирање во образованието и развојот на вештините кај децата и младите, компаниите не само што придонесуваат за општата благосостојба, туку и си обезбедуваат долгорочен успех во сè поконкурентната и подинамична глобална економија.

The post Нелт и УНИЦЕФ ќе го унапредуваат стручното образование преку практична настава за зелени вештини appeared first on Република.

„Сега кога децата се враќаат во училишните клупи, ајде да се погрижиме секое од нив да се чувствува вклучено, поддржано, разбрано и подготвено за учење и покрај тековните предизвици на нашите училишта да станат поинклузивни, побезбедни и поотпорни на климатските промени. Образованието е темелот за создавање безбедно, инклузивно, просперитетно и одржливо општество. Во него треба постојано да се вложува за секое дете да го развие својот целосен потенцијал и да ги стекне потребните вештини за успех во животот, вели Лесли Милер, претставничка на УНИЦЕФ во Македонија.

Да се создаде средина каде што се негува различноста и се вреднуваат сите ученици е од суштинско значење за реализација на целосниот потенцијал на секој ученик. Ваквиот пристап не само што поттикнува поправедно и поемпатично општество, туку и гарантира дека секој ученик ќе расте и ќе напредува. Учениците кои учат во училишта кои се инклузивни, безбедни и отпорни на климатските промени постигнуваат значително подобри резултати од учењето, вели Милер.

Според неа, Македонија има добра законска основа за инклузивно образование. Сепак, при неодамнешните консултации на УНИЦЕФ со клучните чинители беше истакната потребата од дополнителна поддршка, при што приоритет треба да се даде на подобрување на вештините на наставниците и искористување на капацитетите на Ресурсните центри, како и на обезбедување наставни материјали и асистивна технологија. Исто така, на децата и семејствата им треба подобар пристап до дополнителни услуги кои ќе го поддржат учењето и ќе им овозможат стекнување животни вештини.

Да се создаде безбедна и пријатна средина – без насилство, средина која го чува и негува менталното здравје – е од суштинска важност. Многу деца и адолесценти страдаат во тишина, поради стигмата или недостатокот на иницијативи со кои се промовира менталното здравје и се спречува насилството. Цената на оваа тишина е изгубениот човечки капитал, како и нарушената хармонија и просперитет на семејствата, заедниците и нациите. Училиштето треба да биде сигурна и безбедна средина во која децата и адолесцентите учат и напредуваат.

Училиштата мора да се осврнат и на предизвиците што ги носат климатските промени. Екстремната топлина може значително да влијае врз развојот на децата, што води кон лошо здравје и исхрана, како и кон послаб образовен успех. УНИЦЕФ го поздравува протоколот за работа на училиштата при топлотни бранови што го изработи Министерството за образование и наука. Со овој протокол, училиштата се насочуваат да направат неопходни прилагодувања со цел учениците да се заштитат од ефектите на екстремни горештини и да продолжат да учат во здрава и сигурна средина. Покрај овие итни мерки, мора да направиме и долгорочни инвестиции за поголема климатска отпорност на училиштата, при што училишните згради, дворовите и игралиштата ќе имаат доволно зеленило, сенка и посвежи места за да може да функционираат во услови на сè повисоки температури. Ајде заедно да се погрижиме секое дете во секое училиште да го достигне својот највисок потенцијал, како на академски така и на личен план, се вели во изјавата на Милер, претставничка на УНИЦЕФ во Македонија.

The post УНИЦЕФ им посакува успешна учебна година на сите ученици, наставници и вработени во училиштата appeared first on Република.

И покрај тоа што децата-жртви на трговија со луѓе често остануваат неоткриени и непријавени ширум светот, достапните податоци од Националната комисија за борба против трговија со луѓе и илегална миграција, што опфаќаат две децении (2001-2021), покажуваат дека децата сочинуваат 70 отсто од жртвите во Македонија, се наведува во соопштението од од Канцеларијата на УНИЦЕФ во Скопје, по повод Светскиот ден на борба против трговија со луѓе, кој оваа година е посветен на децата жртви на трговија со луѓе.

Оваа бројка значително го надминува глобалниот просек, според кој речиси една третина од сите идентификувани жртви на трговија со луѓе се деца. Просечната возраст на децатажртви во земјата е 15 години, при што девојчињата страдаат несразмерно повеќе и се подложени на двојна експлоатација: и сексуална и трудова. Ваквата алармантна распространетост која особено ги погодува младите девојки, го нагласува загрижувачкиот тренд што се влошува во дигиталната ера, се посочува во соопштението и се додава дека УНИЦЕФ повикува на поголеми инвестиции во превенција, заштита, прогон на сторителите и склучување партнерства за да се стави крај на трговијата со деца.

Трговијата со деца на Западен Балкан и понатаму е во пораст и покрај бројните законодавни и практични мерки преземени во претходните години, потенцирано е во Белград на регионалната конференцiиa.

Трговците со луѓе во светот, се вели, го искористија технолошкиот напредок за да оперираат во поголема тајност и да ја зголемат својата профитабилност. Националната подгрупа за борба против трговија со деца известува дека трговците со луѓе сè повеќе ги намамуваат децата со помош на технологијата, преку меѓународно организирани криминални групи и онлајн предатори.

Иако националните партнери постојано вложуваат напори за заштита на децата од трговија со луѓе, состојбата налага поголема заложба и повеќе инвестиции за подобрување на превенцијата, заштитата, прогонот на сторителите и склучувањето партнерства, порачуваат од Канцеларијата на УНИЦЕФ во Скопје.

Се препорачува да се зголемат инвестициите во службите за детска заштита и во зајакнување на системот за детска заштита за подобро справување со основните причини за трговија со деца. Сиромаштијата, дисфункционалните семејства и дискриминацијата, се вели во соопштението, ги ставаат децата во поголем ризик да станат жртви на трговија со луѓе. Ситуацијата дополнително се усложнува со слабото спроведување на законите за работни односи и за детска заштита. Поддршката и услугите за превенција, сметаат, мора да опфатат пристап до социјална заштита, здравство и образование за децата и нивните семејства.

Судот во Ндола, Замбија денеска го отфрли обвинението против хрватските државјани за трговија со деца и тие мора да ја напуштат земјата во рок од 48 часа, потврди хрватското Министерство за н

Да се зајакнат капацитетите за откривање и заштита на децата-жртви на трговија со луѓе, меѓу кои спаѓаат и децата „во ризик“ од трговија. Отсуството на долгорочна помош и рехабилитација, како и преголемата зависност од сместување на децата во неадекватни шелтер-центри го зголемува ризикот од натамошна трауматизација и ревиктимизација. Итно се потребни подобри механизми за идентификација и одржливи решенија за ранливите деца, како и дополнителни инвестиции со кои ќе се гарантира дека системот за детска заштита нуди соодветно старателство и други алтернативни форми на згрижување, се наведува во соопштението.

Се препорачува и да се зголемат капацитетите за децата да добијат пристап до правда, а сторителите кривично да се гонат. Потребни се, се посочува во соопштението, инвестиции за спроведување на постоечките закони, каде што спаѓаат и постапките за истрага, складирање и зачувување на електронските докази. Ова налага континуирани инвестиции во градење капацитети на обвинителите, обвинителските одделенија, судството, специјалните полициски единици и другите релевантни стручни лица и практичари кои треба да се справат со новите предизвици што технологијата ги носи во експлоатацијата и злоупотребата на деца.

Во соопштението од Канцеларијата на УНИЦЕФ во Скопје се додава дека треба да се поттикнат мултисекторски партнерства во борбата за искоренување на трговијата со деца. Соработката со граѓанскиот сектор, со децата кои преживеале злоупотреба и со групите предводени од поранешни жртви на трговија со луѓе преживеани, е клучна за градење превентивни стратегии и системи за реагирање по мерка на децата и врз основа на информации за доживеаната траума.

Потребна е прекугранична соработка и соработка со технолошки компании за да се осигура дека напорите се исто така насочени кон справување со новите ризици. За подигање на свеста околу опасностите од трговијата со луѓе, од суштинско значење е да се работи со заедниците и децата и адолесцентите во ризик, како на пример, да се споделат практични информации за тоа како да се пријават инциденти и да се побара помош. Трговијата со деца може да се спречи, а на децата што преживеале злоупотреба мора да им се понуди заштита и пристап до правда. Децата жртви на трговија со луѓе доживуваат незамисливи ситуации и често се изложени на тешка експлоатација и злоупотреба. Неоткриени и незаштитени, тие се невидливи, лишени од грижа и поддршка, обесправени и пречесто заробени во мачен циклус на злоупотреба и експлоатација што продолжува дури и кога ќе станат возрасни, наведуваат во соопштението од Канцеларијата на УНИЦЕФ во Скопје .

УНИЦЕФ, се додава, ќе продолжи да ги поддржува властите во нивните напори да ги забрзаат мултисекторските активности за зајакнување на законодавно-политичките рамки, одговорот на кривичното правосудство, поддршката на жртвите и едукативните програми. Преку обучување на стручните лица на теми од областа на детската заштита и правосудниот систем, УНИЦЕФ има за цел да обезбеди грижа за децата кои биле жртви на трговија со луѓе што ќе се раководи од нивната доживеана траума и дополнително ќе го подобри управувањето со податоците за случаите на трговија со деца.

Само преку заеднички и засилени напори земјата може да ги заштити сите деца и да не изостави ниедно дете во борбата против трговијата со луѓе. На овогодинешниот Светски ден на борба против трговијата со луѓе, глобалната заедница се обединува зад пораката „Ниедно дете да не се изостави во борбата против трговијата со луѓе“ и УНИЦЕФ повикува на поголеми инвестиции во заложбите за спречување на експлоатација и злоупотреба на децата и за почитување на нивните права на заштита, се вели меѓу другото во соопштението.

The post УНИЦЕФ: Децата сочинуваат 70 отсто од сите идентификувани жртви на трговија со луѓе во Македонија appeared first on Република.

Како последица на сè повисоките температури во Европа и Централна Азија околу 377 деца починале во 2021 година – се вели во новата анализа на податоци „Победете ја горештината: детското здравје сред топлотните бранови во Европа и Централна Азија“ од 23 земји од регионот објавена денеска од УНИЦЕФ.

Анализата открива дека половина од овие деца починале во првата година од животот од болести предизвикани од топлина. Повеќето деца починале во летните месеци.

Околу половина од децата низ Европа и Централна Азија – или 92 милиони деца – веќе се изложени на чести топлотни бранови во регион каде што температурите растат со најбрзо темпо во светот. Сè повисоките температури може да предизвикаат сериозни здравствени компликации кај децата, особено кај најмалите, дури и за кратко време. Без соодветна нега, ваквите компликации може да бидат опасни по живот, рече Регина Де Доминисис, регионална директорка на УНИЦЕФ за Европа и Централна Азија.

Изложеноста на топлина има акутни ефекти врз децата, дури и пред да се родат, па може да доведе до предвремено породување, мала тежина при раѓање, мртвороденче и вродени аномалии. Топлотниот удар претставува директна причина за смртност кај доенчињата, може да го засегне нивниот раст и да предизвика низа педијатриски заболувања. Исто така, во извештајот се забележува дека екстремните горештини предизвикале загуба на над 32.000 години здрав живот кај децата и тинејџерите во регионот.

Бидејќи температурите и натаму растат, УНИЦЕФ ги повикува владите низ Европа и Централна Азија да интегрираат стратегии за намалување на ефектот од топлотните бранови преку Националните утврдени придонеси, да инвестираат во здравствени акциски планови за справување со екстремни температури и во примарната здравствена заштита за обезбедување посоодветна поддршка при болести предизвикани од топлина кај децата, да инвестираат во системи за рано предупредување, каде што спаѓаат и системи за предупредување при топлотни бранови, да ги адаптираат образовните установи за да се намалат температурите во просторот каде што децата учат и да ги подготват наставниците како да постапуваат кога има топлотен бран, да ги приспособат урбанистичкото планирање и инфраструктурата, како и да обезбедат опременост на зградите, посебно на оние во кои се сместени најранливите заедници, за да се минимизира изложеноста на топлина, да се обезбеди снабдување со чиста вода, особено во земјите каде што квалитетот и достапноста на водата се влошуваат.

Иако топлината не е главен фактор што придонесува за смртност на доенчињата во Македонија, изложеноста на чести топлотни бранови и понатаму загрижува, налагајќи националните климатско-еколошки политики континуирано да ги земаат предвид децата и младите.

Покрај повиците за владина акција од регионалното соопштение за печатот, во Македонија треба да се размисли за адаптирање на предучилишните и образовните установи, и оспособување на наставниците и родителите да одговорат на топлотниот стрес. Адаптацијата на училиштата често се превидува затоа што топлотните бранови најчесто се појавуваат за време на летниот распуст. Но, бидејќи климатските промени водат до почести топлотни бранови и периоди на високи температури и на крајот од пролетта и на почетокот од есента, образовните установи треба да се подготват за топлотните шокови, за да се избегне затворање на училиштата или продолжување на летниот распуст како резултат од екстремните температури.

Освен тоа, постои потреба да се инвестира во ажуриран здравствен акциски план за справување со високите температури и во примарната здравствена заштита за да се обезбеди адекватна поддршка на превенцијата, раниот одговор, дијагнозата и третманот на болестите кај децата предизвикани од топлина. Планот треба да даде приоритет на најранливите деца, меѓу кои спаѓаат децата што живеат во сиромаштија, во супстандардни услови на домување, децата со попреченост и децата што живеат и работат на улица.

The post Околу 337 деца починале во Европа и Централна Азија во 2021 година од горештини appeared first on Република.

Министерството за образование и наука и УНИЦЕФ ќе ја продолжат досегашната плодна соработка насочена кон обезбедување квалитетно образование на секое дете, соопшти МОН по средбата на министерката Весна Јаневска и претставничката на УНИЦЕФ, Лесли Милер.

Како што соопштија од МОН, министерката Јаневска „ја потврди личната и посветеноста на новата Влада кон градење држава во која младите луѓе ќе сакаат да останат да живеат и да работат“ и дека „темелен аспект во оваа насока е обезбедувањето опипливо подобрување на воспитно-образовниот систем“.

Двете соговорнички споделија видувања за стратешките предизвици пред кои во моментов е исправено македонското образование и кои се активностите и мерките што се предлагаат за нивно надминување. Министерката Јаневска ја нагласи потребата за континуитет на досега преземените реформи во образованието, како и за промени на решенијата за кои има јавно незадоволство. Таа укажа дека сите ревизии ќе се направат преку широки јавни расправи и со вклученост на сите релевантни чинители, информира МОН.

Министерката посочила дека е неопходно да се посвети посебно внимание младите да стекнат напредни информатичко-комуникациски знаења и вештини, во услови на брзи промени на светот во кој живееме, водени од иновациите и технолошкиот развој. Како што се наведува во соопштението на МОН, таа додала дека „искрено сметаат на поддршката на УНИЦЕФ во реализирањето на заложбите“.

The post Министерката Јаневска на средба со претставничката на УНИЦЕФ, Лесли Милер appeared first on Република.

Фондот за деца при Обединетите нации (УНИЦЕФ) предупредува дека сè поголем број деца мигранти се обидуваат да го поминат опасниот Панамски Теснец помеѓу Средна и Јужна Америка кој е составен од планини и мочуришта, а и нема распоредено полиција.

УНИЦЕФ вчера во Панама Сити го претстави извештајот, според кој во првите четири месеци од годината над 30.000 малолетни лица тргнале на патување долго околу сто километри северно низ просторот што ја дели Панама од Колумбија. Тоа е за 40 проценти повеќе во споредба со истиот период од 2023 година. Околу 200 деца биле без придружба.

Според УНИЦЕФ, миграцијата на децата низ Панамскиот Теснец годинава повторно ќе биде рекордна, петта година по ред.

Панамскиот Теснец не е место за деца. Многу деца загинаа на тоа напорно, опасно патување. Оние кои преживеале пристигнуваат болни, гладни, дехидрирани и често повредени. Некои деца дури и се родиле во џунглата, изјави заменик-извршниот директор на УНИЦЕФ, Тед Чајбан.

Мигрантите низ најопасната рута во светот патуваат од три до 15 дена. Мигрантите не се само изложени на опасностите од дивата природа, туку често се жртви на насилство од криминални групи и сексуални напади.

Над половина милион луѓе ја поминаа таа рута минатата година, меѓу кои и 113.000 деца.

The post Сè поголем број деца мигранти се обидуваат да го преминат смртоносниот Панамски Теснец appeared first on Република.

УНИЦЕФ предупреди дека постои ризик од „катастрофална загуба на животи“ во Судан поради продлабочениот проблем со гладот ​​предизвикан од граѓанската војна, објавија британските медиуми.

Суданските паравоени сили за брза поддршка (РСФ) се борат против суданската редовна армија веќе речиси една година. Жртвите се бројат во илјадници, а милиони беа раселени и во Судан и во странство.

Бруталната војна во Судан ја турка земјата кон гладување и ако нема доволно политичка волја и внимание и ако не се посветат потребните ресурси, ќе видиме катастрофална загуба на животи, изјави Џил Лолер, шеф на теренските операции и итна помош на УНИЦЕФ во Судан на прес-конференција во Женева.

Таа е вклучена во мисијата на ОН во главниот град Картум од почетокот на борбите. Нејзиниот тим од 12 луѓе пронашол неухранети деца сместени во болници без светла, бидејќи генераторите не работеле.

-Гладот ​​е насекаде. Тоа е главната грижа за која луѓето зборуваат, додаде Лолер.

УНИЦЕФ претходно предупреди дека оваа година во Судан, до 3,7 милиони деца се изложени на ризик од тешка неухранетост, а на 730 илјади од нив им е потребен третман за спасување.

The post УНИЦЕФ предупреди на ризик од „катастрофална загуба на човечки животи“ поради продлабочувањето на проблемот со гладот appeared first on Република.

Претставничката на УНИЦЕФ, Патриција ДиЏовани на Меѓународниот ден на жената, повикува на поголема акција за да се стави крај на детските бракови.

Како што се наведува во нејзината пишана изјава, додека здружени го креваме гласот за родова еднаквост и добросостојба на жените, не можеме да заборавиме на една сериозна последица од вкоренетата родова нееднаквост, на детските бракови.

Иако оваа штетна пракса значително се намали во последната деценија, детските бракови и понатаму претставуваат проблем за девојчињата во Македонија. Осум отсто од сите жени на возраст од 20 до 24 години во земјата се омажиле или почнале да живеат во заедница пред 18-годишна возраст. Уште позагрижувачки е што, 45 отсто од жените Ромки на возраст од 20 до 24 години во земјата, биле мажени или живееле во врска пред 18-годишна возраст и 15 отсто жени од истата група, биле мажени или живееле во врска пред 15-годишна возраст, нагласува ДиЏовани.

Таа подвлекува дека детските бракови ги лишуваат девојчињата од детство и имаат штетни последици по нивното здравје и економски изгледи. Штетно влијаат врз развојот, пристапот до училиште и нивниот севкупен квалитет на живот. Кај девојчињата кои се мажат пред 18-годишна возраст, веројатноста да станат жртви на семејно насилство е поголема, а веројатноста да останат на училиште - помала. Честопати тоа е тесно поврзано со раѓањето деца на рана возраст, со зголемен ризик од компликации за време на бременоста и породувањето.

Македонија ја усвои Конвенцијата на ОН за правата на детето, како и двата факултативни протоколи и Конвенцијата за елиминација на сите форми на насилство врз жените каде експлицитно се забранети детските бракови. Исто така, со Истанбулската конвенција за насилство врз жените и семејно насилство од државите се бара да ги криминализираат присилните и детските бракови, истакнува ДиЏовани.

Иако законскиот праг за стапување во брак во Македонија е 18-годишна возраст, додава таа, постојат исклучоци децата да стапат во брак со наполнети 16 години, но, со одобрение од судот.

Тоа доведува до правни празнини поврзани со детските бракови. Правото на „слободна и целосна“ согласност за брак е признаено во Универзалната декларација за човекови права, но прифатено е дека таквата согласност не може да биде „слободна и целосна“ кога страните се недоволно зрели за да донесат информирана одлука за нивниот животен партнер, посочува претставничката на УНИЦЕФ.

Во завршните согледувања од 2022 година, како што пишува во соопштението, Комитетот за правата на детето на ОН препорачува дека е неопходно Македонија да „спроведе целни мерки за искоренување на детските бракови и за подигање на свеста за негативните ефекти од таквите штетни традиционални практики за децата, особено кај ромското население”.

Ваквата ситуација повикува на поголеми напори со цел: да се зајакнат законите за да се отстранат можните правни празнини и да се обезбеди целосна усогласеност со меѓународните стандарди, да се продолжи со намалување на сиромаштијата имајќи предвид дека детските бракови опстојуваат поради сиромаштијата. Некои родители го поттикнуваат мажењето на своите ќерки со надеж дека бракот ќе донесе и финансиска и општествена полза и истовремено ќе се намали финансискиот товар врз семејството. Да се потсетиме, 30 отсто од децата во Македонија живеат под прагот на сиромаштијата и оваа стапка е двојно поголема во споредба со стапката на сиромаштија кај возрасните лица, наведува ДиЏовани.

Конечно, додава таа, потребно е да се оспорат и патријархалните ставови, односно, давањето приоритет на традиционалните родови улоги и честа на семејството за сметка на самостојноста и правата на девојчето.

Одлуката за детски брак, обично ја носат машките членови на семејството и тие очекуваат дека девојчињата ќе ја прифатат оваа норма. Неопходни се поголеми напори за заедниците да се вклучат во унапредување на добросостојбата и исполнувањето на потенцијалот на секое девојче, продолжување на образованието и способноста на девојчето да одлучи со потполна согласност за својата иднина, нагласува ДиЏовани.

Инвестирањето во зајакнувањето на девојчињата и жените, нивното знаење, вештини и учество, како и вклученоста со момчињата и мажите, како што вели, се покажа како најдобра пракса за искоренување на детските бракови на глобално ниво.

На овој Меѓународен ден на жената да застанеме сите зад девојчињата и да продолжиме да работиме за да се стави крај на оваа штетна пракса, децидна е ДиЏовани.

The post Одлуката за детски бракови во Македонија ја носат машките членови на семејството и очекуваат девојчињата да ја прифатат appeared first on Република.

Повеќе од 90 отсто од децата на возраст под пет години во Појасот Газа секојдневно се прехрануваат со два или помалку видови намирници, што се смета за услови на тешка сиромаштија, се вели во извештајот на Глобалниот кластер за исхрана на партнерската организација за обезбедување помош од фондовите на агенцијата на ОН.деца (УНИЦЕФ), објавија денеска американските медиуми.

Сличен процент од децата заболеле од заразни болести, при што 70 отсто од децата страдале од дијареа во последните две недели.

Според извештајот, повеќе од 80 отсто од домаќинствата во Газа немаат здрава вода за пиење, а просечното домаќинство има на располагање само еден литар вода по лице дневно.

Во градот Рафах во јужниот дел на Појасот Газа, каде што пристигнува најмногу хуманитарна помош, стапката на акутна исхранетост е пет отсто, во споредба со 15 отсто во северниот дел на палестинската енклава, која е изолирана од израелската армија и во голема мера отсечена од хуманитарни помош со месеци.

Во извештајот на Глобалниот кластер за исхрана се вели дека пред војната, стапката на неисхранетост низ Газа била помала од еден процент.

„На Појасот Газа му се заканува експлозија од смртност на децата, која може да се спречи, но ако тоа се случи, тоа ќе го влоши и така неподносливото ниво на смртност на деца во оваа палестинска енклава“, предупреди официјалниот претставник на УНИЦЕФ, Тед Чајбан.

Во извештајот на Обединетите нации од декември 2023 година се наведува дека целото население на Газа од околу 2,3 милиони Палестинци е во криза со храна, при што дури четвртина од населението се соочува со глад.

The post УНИЦЕФ: Околу 90 отсто од децата во Газа се прехрануваат во услови на тешка сиромаштија appeared first on Република.

Повеќе од 90 отсто од децата на возраст под пет години во Појасот Газа секојдневно се прехрануваат со два или помалку видови намирници, што се смета за услови на тешка сиромаштија, се вели во извештајот на Глобалниот кластер за исхрана на партнерската организација за обезбедување помош од фондовите на агенцијата на ОН.деца (УНИЦЕФ), објавија денеска американските медиуми.

Сличен процент од децата заболеле од заразни болести, при што 70 отсто од децата страдале од дијареа во последните две недели.

Според извештајот, повеќе од 80 отсто од домаќинствата во Газа немаат здрава вода за пиење, а просечното домаќинство има на располагање само еден литар вода по лице дневно.

Во градот Рафах во јужниот дел на Појасот Газа, каде што пристигнува најмногу хуманитарна помош, стапката на акутна исхранетост е пет отсто, во споредба со 15 отсто во северниот дел на палестинската енклава, која е изолирана од израелската армија и во голема мера отсечена од хуманитарни помош со месеци.

Во извештајот на Глобалниот кластер за исхрана се вели дека пред војната, стапката на неисхранетост низ Газа била помала од еден процент.

„На Појасот Газа му се заканува експлозија од смртност на децата, која може да се спречи, но ако тоа се случи, тоа ќе го влоши и така неподносливото ниво на смртност на деца во оваа палестинска енклава“, предупреди официјалниот претставник на УНИЦЕФ, Тед Чајбан.

Во извештајот на Обединетите нации од декември 2023 година се наведува дека целото население на Газа од околу 2,3 милиони Палестинци е во криза со храна, при што дури четвртина од населението се соочува со глад.

The post УНИЦЕФ: Повеќе од 90 отсто од децата во Газа се прехрануваат во услови на тешка сиромаштија appeared first on Република.

Вакцинирањето на децата е колективна одговорност. Ги повикуваме родителите и старателите – обезбедете им на своите деца онаква заштита, каква што вашите родители обезбедиле за вас во минатото. Имате моќ да го заштитите своето дете, другите деца и заедницата од болести, што може да се спречат со вакцини, што се докажано безбедни и високо ефикасни, апелираат од УНИЦЕФ во денешното соопштение.

Вакцинирањето, додаваат оттаму, е една од најефективните мерки на заштита на децата и заедниците од сериозни болести. Докажано е, велат од УНИЦЕФ, дека вакцините се безбедни и глобално секоја година, тие спасуваат два до три милиони детски животи од сериозни болести.

Од УНИЦЕФ изразуваат загриженост од растечкиот број случаи на голема кашлица во земјата и од вестите за случаи со мали сипаници во регионот и се придружува кон повикот на здравствените експерти, до родителите и старателите, да ги вакцинираат децата што пропуштиле вакцинација, се наведува во нивното соопштение.

Благодарение на високите стапки на вакцинација во минатото, родителите денес ја имаат таа среќа да растат без да доживеат некој член од семејството, или пријател, да им почине или да има доживотни последици од болести, како што се мали сипаници или детска парализа. Сегашната епидемија од голема кашлица потсетува на важноста од одржување опфат со редовна вакцинација на децата над 90-95 отсто за да се постигне колективен имунитет“, пишува во денешното соопштение на УНИЦЕФ.

Од УНИЦЕФ додаваат оти само со постигнување колективен имунитет можеме да ги заштитиме оние што не можат да се вакцинираат, како што се малите бебиња или лицата со слаб имунитет.

За да ги заштитиме децата и заедниците, важно е сите деца кои од која било причина, ја пропуштиле вакцината според националниот календар на имунизација, да ја примат вакцината“, се додава во соопштението од УНИЦЕФ.

https://republika.mk/zivot/zdravje/komisijata-za-zarazni-bolesti-predlaga-da-se-proglasi-epidemija-na-golema-kashlitsa-vo-skopje/

Од Центарот за јавно здравје денеска информираа дека само на територија на Скопје до овој момент се евидентирани 20 случаи на голема кашлица, но нивниот број се менува од час во час.

Од вакциналниот пункт „Букурешт“ во Скопје претходно денеска информираа дека по зголемениот број случаи на голема кашлица зголемен е и интересот за вакцинација.

Оттаму наведуваат дека пациентите пред сѐ деца поголеми од три години, кои ги пропуштиле дозите од редовната вакцинација, според календарот за имунизација.

https://republika.mk/zivot/zdravje/interesiraneto-za-vaktsinirane-se-zgolemi-otkako-se-najavi-deka-nema-da-se-primaat-detsa-vo-gradinki-koi-ne-se-imunizirani/

The post УНИЦЕФ изразува загриженост од растот на случаи со голема кашлица: Вакцинирањето на децата е колективна одговорност appeared first on Република.

Една третина од децата и младите луѓе во Македонија доживеале булгинг преку интерннет. Од вкупно 400 испитаници 18 отсто сметаат дека основна причина зошто опстојува онлајн-насилството е недостиг од информации и знаење, а 41 отсто веруваат дека инсититуциите не го сфаќаат сериозно проблемот. Ова се резултатите од анкетата на U-Report за безбедноста на интернет, спроведена во 2023 година. На Меѓународниот ден за побезбеден интернет што се одбележува како глобална иницијатива за промовирање побезбеден и подобар интернет за сите корисници, особено за децата и младите, УНИЦЕФ ги повикаа сите чинители да ги зголемат напорите за заштита на децата од растечките ризици на интернет.

Растењето онлајн нуди неограничени можности децата да учат, критички да размислуваат, да градат вештини и да се изразуваат преку интернет. Според последните податоци (ДЗС, 2023) практично сите (100 отсто) млади на возраст од 15 до 24 години во нашата земја користат интернет и речиси сите (97 отсто) го користат секојдневно по неколкупати, се вели во извештајот на УНИЦЕФ.

Долгото време што децата го поминуваат на виртуелните платформи може исто така да ги направи поранливи на сајбер-малтретирање и други форми на насилство од врсници, говор на омраза и изложеност на штетни содржини – во кои спаѓаат и пораки со кои се поттикнува самоповредување, па дури и самоубиство.

Најалармантна е зголемената закана од сексуална злоупотреба и експлоатација, вклучувајќи грабнување и трговија со деца. Според податоците од истражувачкиот проект Disrupting Harm се проценува дека милиони деца биле жртви на онлајн сексуална експлоатација и злоупотреба во тринаесетте земји учеснички во истражувањето од 2020 година.

На децата им треба поддршка за да станат одговорни дигитални граѓани; родителите треба да бидат оспособени за разговор околу чувствителни прашања со своите деца, а властите имаат моќ да обезбедат системи за заштита на правата на децата на интернет, сметаат од УНИЦЕФ.

Во својот најнов извештај (2022) Комитетот за правата на детето ги поздравува мерките што ги презеде земјата за справување со насилството врз децата, вклучително и законодавните реформи, усвојувањето на Националниот план за акција и ратификација на дополнителни меѓународни конвенции. Но тој исто така ја повикува земјата да преземе насочени активности како одговор на сексуалната злоупотреба и експлоатацијата на децата преку интернет.

Исто така, Комитетот укажува на потребата од распределба на доволно човечки, технички и финансиски ресурси за спроведување на Националната стратегија за превенција и заштита на децата од насилство (2020–2025) и воспоставување систем за задолжително известување, истрага во која ќе се вклучат повеќе институции и која ќе биде сензитивна кон децата во сите случаи на насилство врз деца – вклучително и во дигиталната средина.

Заштитата на децата од онлајн-насилство налага холистички пристап, синергија меѓу јавниот и приватниот сектор, како и вклучување и учество на младите. Неопходна е соработка меѓу секторите здравство, образование и заштита за да се реализира образовна програма за децата и родителите, вклучително и пристап до телефонска линија за помош, а службите во сите сектори треба да бидат информирани за доживената траума на децата со цел стручните лица да бараат предупредувачки знаци на насилство и соодветно да реагираат. Претпријатијата имаат одговорност да ги почитуваат и да ги поддржуваат правата на децата преку своите производи и услуги, и да се погрижат правото на децата на заштита од насилство да биде втемелено во нивната деловна практика, пишува во извештајот на УНИЦЕФ.

The post УНИЦЕФ: Една третина од децата и младите во Македонија доживеале булинг преку интернет appeared first on Република.

На овогодинешниот меѓународен ден за побезбеден интернет што се одбележува како глобална иницијатива за промовирање побезбеден и подобар интернет за сите корисници, особено за децата и младите, УНИЦЕФ ги повикува сите чинители да ги зголемат напорите за заштита на децата од растечките ризици на интернет.

Повеќе од 400 деца и млади од Македонија учествуваа во анкетата на У-Репорт за безбедноста на интернет, спроведена во 2023 година. Една третина (31 отсто) од испитаниците изјавиле дека доживеале булинг преку интернет. Осумнаесет отсто сметаат дека основна причина зошто опстојува онлајн-насилството е недостиг од информации и знаење, додека дури 41 отсто веруваат дека инсититуциите не го сфаќаат сериозно проблемот.

Растењето онлајн нуди неограничени можности децата да учат, критички да размислуваат, да градат вештини и да се изразуваат преку интернет. Според последните податоци (ДЗС, 2023) практично сите (100 отсто) млади на возраст од 15 до 24 години во нашата земја користат интернет и речиси сите (97 отсто) го користат секојдневно по неколкупати.

Сепак, долгото време што децата го поминуваат на виртуелните платформи може исто така да ги  направи поранливи на сајбер-малтретирање и други форми на насилство од врсници, говор на омраза и изложеност на штетни содржини – во кои спаѓаат и пораки со кои се поттикнува самоповредување, па дури и самоубиство.

Најалармантна е зголемената закана од сексуална злоупотреба и експлоатација, вклучувајќи грабнување и трговија со деца.  Според податоците од истражувачкиот проект Disrupting Harm  се проценува дека милиони деца биле жртви на онлајн сексуална експлоатација и злоупотреба во тринаесетте земји учеснички во истражувањето од 2020 година.

На децата им треба поддршка за да станат одговорни дигитални граѓани; родителите треба да бидат оспособени за разговор околу чувствителни прашања со своите деца, а властите имаат моќ да обезбедат системи за заштита на правата на децата на интернет.

Во својот најнов извештај (2022) Комитетот за правата на детето ги поздравува мерките што ги презеде земјата за справување со насилството врз децата, вклучително и законодавните реформи, усвојувањето на Националниот план за акција и ратификација на дополнителни меѓународни конвенции. Но тој исто така ја повикува земјата да преземе насочени активности како одговор на сексуалната злоупотреба и експлоатацијата на децата преку интернет.

Исто така, Комитетот укажува на потребата од распределба на доволно човечки, технички и финансиски ресурси за спроведување на Националната стратегија за превенција и заштита на децата од насилство (2020–2025) и воспоставување систем за задолжително известување, истрага во која ќе се вклучат повеќе институции и која ќе биде сензитивна кон децата во сите случаи на насилство врз деца – вклучително и во дигиталната средина.

Во извештајот (2023) за напредокот на земјата кон пристапувањето во ЕУ, и Европската комисија се укажува на потребата од натамошни напори за подигање на свеста за насилството врз децата кај јавноста и кај професионалците. Информирањето и ангажирањето на децата околу ризиците на начин што одговара на нивниот развоен капацитет претставува критична одбрана и камен-темелник во упатствата на Комитетот за правата на децата во врска со дигиталната средина.

Заштитата на децата од онлајн-насилство налага холистички пристап, синергија меѓу јавниот и приватниот сектор, како и вклучување и учество на младите. Неопходна е соработка меѓу секторите здравство, образование и заштита за да се реализира образовна програма за децата и родителите, вклучително и пристап до телефонска линија за помош, а службите во сите сектори треба да бидат информирани за доживената траума на децата со цел стручните лица да бараат предупредувачки знаци на насилство и соодветно да реагираат. Претпријатијата имаат одговорност да ги почитуваат и да ги поддржуваат правата на децата преку своите производи и услуги, и да се погрижат правото на децата на заштита од насилство да биде втемелено во нивната деловна практика.

На овој Ден за побезбеден интернет, УНИЦЕФ ги охрабрува децата и младите на возраст од 14 до 24 години да продолжат да го креваат гласот и да учествуваат во новата анкета на U-Report (2024) на Денот за побезбеден интернет за да ги споделат своите мислења и искуства онлајн, како и да дознаат повеќе за своите права во дигиталната средина и да се здобијат со практични знаења за тоа како да бида безбедни онлајн.

The post УНИЦЕФ бара повеќе напори за заштита на децата на интернет appeared first on Република.

Три четвртини од сите деца на возраст од 15 години во Македонија не успеваат да постигнат основно ниво на писменост во областа на читање, а двајца од тројца ученици постигнуваат слаби резултати по предметите математика и природни науки. Сѐ повеќе деца влегуваат во судир со правосудниот систем, апелира претставничката на УНИЦЕФ Патриција ДиЏовани.

Четири закони клучни за децата во Македонија се закочени во Владата и Собранието, а децата повеќе не можат да чекаат донесување на закони. Станува збор за следниве законски иницијативи: 1) предлог законот за правда за децата кој беше утврден од Владата и треба веднаш да се донесе од Собранието; 2) измените на законот за основно образование кои се во собраниска постапка повеќе од седум месеци и досега се поминати само на првото читање; 3) предлог законот за средно образование и 4) предлог законот за стручно образование и обука треба да бидат утврдени од страна на Владата.

Одолговлекувањето само ќе ги влоши актуелните состојби во повеќе сектори. Сите политички партии треба да се обединат за доброто на децата и да покажат посветеност кон подобра иднина за земјата така што ќе придонесат за брзо донесување на овие закони. Не можеме да си го дозволиме луксузот децата уште да чекаат, вели ДиЏовани.

Пред триесет години, кога државата ја ратификуваше Конвенцијата за правата на детето на Обединетите нации вети заштита и почитување на правата на децата. Со самиот чин на ратификација, државата ја прифати и обврската да ги исполни сите обврски коишто произлегуваат од Конвенцијата, вклучувајќи ја и обврската да ги усогласи домашните закони и практики со Конвенцијата.

Во текот на овие 30 години, правата на децата се немаат променето, но детството е тоа што се промени. Денес децата живеат во свет каде нивните права се доведени под ризик и ставени настрана заради други приоритети. Децата не можат да чекаат. Има закони важни за децата кои чекаат во владина или собраниска постапка да го добијат приоритетот што го заслужуваат.

Донесувањето закони е важен чекор, но законите се толку добри колку што е добро нивното спроведување во пракса, па затоа Владата и Собранието мора да одвојат доволно финансиски ресурси што ќе им овозможат на надлежните да ги реализираат обврските коишто произлегуваат од гореспомнатите закони.

Утврдувањето на предлог законот за правда за децата од страна на Владата е за поздравување, но УНИЦЕФ го повикува Собранието веднаш и без одлагање да го донесе овој закон откако ќе влезе во собраниска постапка. Пред да добие зелено светло од Владата, овој закон беше подготвуван повеќе од четири години. Со него се воведува нова мерка која обезбедува најдобриот интерес на детето да биде земен предвид при секое носење одлуки што се однесуваат на децата во судир со законот, како и децата-жртви и сведоци во судски постапки. Се воведуваат и нови мерки за поддршка на децата во судир со законот со кои им се овозможува да ја поправат штетата што ја предизвикале, им се помага да ги разберат последиците од тоа што го сториле и им се обезбедуваат можности за реинтеграција во заедницата. Предлог законот е усогласен со директивите на ЕУ за процесно-правна заштита на децата кои се осомничени или обвинети во кривична постапка, како и со минималните стандарди за правата, поддршката и заштитата на децата-жртви на криминал.

„Исто така, го повикуваме Собранието да го забрза усвојувањето на измените на Законот за основното образование. УНИЦЕФ искажува загриженост што и по седум месеци од доставувањето на овие измени до Собранието, истите сѐ уште се наоѓаат во собраниска постапка. Иако и сегашниот закон дава добра основа за подобрување на квалитетот на образованието и за инклузивно образование, овие измени се од суштинска важност за обезбедување долгорочно решение за децата во казнено-поправни и воспитно-поправните установи кои и натаму остануваат лишени од нивното право на образование. Оваа негативна состојба постојано ја истакнуваат УНИЦЕФ, Народниот правобранител, Комисијата за спречување и заштита од дискриминација и Европската Унија во нивните извештаи, се вели во апелот на претставничката на УНИЦЕФ во Македонија.

„Владата треба да преземе итни активности за одобрување и последователно доставување до Собранието на предлог законот за средно образование и предлог законот за стручно образование и обука. Овие два закона се од суштинска важност за обезбедување премин од основно во средно образование на децата од ранливите групи, како што се децата со попреченост, децата во воспитно-поправните установи, децата-мигранти и децата-бегалци. Меѓу другото, овие закони овозможуваат справување со дискриминацијата и ја истакнуваат важноста на менталното здравје и на факторите на животната средина во средното образование. Исто така, воведувањето на регионалните центри за стручно образование во законот за стручно образование и обука претставува дополнителен чекор во усогласување на вештините што децата ќе ги стекнат на училиште со потребите на пазарот на трудот.

The post Три четвртини од децата на 15-годишна возраст во Македонија немаат основно ниво на писменост и влегуваат во судир со системот, УНИЦЕФ апелира да се изгласаат четири закони appeared first on Република.

Државата треба да биде сериозно загрижена од најновите резултати од Програмата на ОЕЦД за меѓународно оценување на учениците (ПИСА) коишто покажуваат уназадување во резултатите од учењето на учениците по читање, математика и природни науки, вели претставничката на УНИЦЕФ Патриција ДиЏовани.

Таа ги повикува сите лидери на политички партии да се заложат структурните реформи во образованието да станат национален меѓупартиски приоритет.

Резултатите кои беа вчера објавени покажуваат дека три четвртини (74%) од 15-годишните ученици во Македонија имаат слаби резултати по читање; додека двајца од тројца ученици покажуваат ниски резултати по математика (64%) и природни науки (65%).

https://republika.mk/vesti/makedonija/srednoshkoltsite-od-makedonija-se-na-61-mesto-po-matematika-a-na-71-po-jazichna-pismenost-od-81-rangirana-drzhava-pokazha-pisa-testot/

Земјата со години се соочува со криза во учењето. Се очекуваше дека пандемијата ќе ја влоши кризата во учењето и дека децата во речиси секоја земја ќе постигнат пониски резултати во учењето. Новите резултати од ПИСА сега даваат цврсти докази за тоа во колкава мера се намалиле резултатите во учењето на учениците во нашата земја.

Сите во земјата треба да бидеме сериозно загрижени за овие резултати. Кризата во учењето е резултат на децениското несоодветно решавање на клучните структурни предизвици, недостатокот од континуитет во реформските процеси од страна на различни влади и на неуспехот да се насочи образованието кон реалните и индивидуалните потреби на учениците, вели претставничката на УНИЦЕФ во Македонија.

ДиЏовани додава дека справувањето со кризата во учењето е одговорност на сите. Собранието, Владата вклучително и Министерството за образование и наука, но и Министерството за финансии, општините, училишното раководство, наставниците и родителите треба да дејствуваат веднаш.

При разгледувањето на буџетот, Собранието треба да побара од Министерството за финансии да го зголеми финансирањето на образованието за да се подобри квалитетот и да се доближат јавните расходи на земјата за образование до просекот на ЕУ што е 4,9%.

Општините мора да работат на консолидирање на училишната мрежа. Поради далекусежните демографски промени, карактеризирани со намален наталитет, миграција и зголемена урбанизација, некои училишта се пренатрупани, додека други се недоволно искористени, што понекогаш резултира во некои училишта да има повеќе наставници отколку ученици.

Од клучно значење е училиштата да работат во една смена за да се овозможат дополнителни часови за настава и воннаставни активности. Постојната практика да се прават повеќе, помали паралелки како прилагодување на зголемениот број наставници, треба да се замени со нивно ангажирање во дополнителни активности, вели ДиЏовани.

Наставниците мора да создаваат можности учениците да го поврзат теоретското знаење со практичните искуства. За да се постигне тоа, наставниците мора да организираат практични активности, експерименти, проекти и да го користат искуственото учење за да им овозможат на учениците практични вештини и подлабоко разбирање на предметот.

Истражувањата покажуваат дека децата чии родители се вклучени во секојдневните активности на детето дома (на пр. читање, цртање, следење на нивниот напредок во училиште) и се активни учесници во училишниот живот на детето (на пр. комуникација со наставниците за напредокот во учењето и однесувањето на детето и вклучување во училишни активности), имаат подобри резултати во образованието.

Предолго време дозволуваме децата да заостануваат во читањето, математиката и природните науки. Многумина сега се млади возрасни лица, кои се запишуваат во високото образование или почнуваат да работат, а празнините во нивното знаење ќе излезат на виделина и тоа има своја цена. Тоа ќе има сериозни последици врз сегашните и идните генерации, додават од УНИЦЕФ.

Ова е четврто учество Македонија во ПИСА, преку Министерството за образование и наука. Претходно бевме дел од студиите во 2000, 2015 и 2018 година. Во месеците април и мај 2022 година беа опфатени 6.610 ученици од 111 средни училишта, каде во зависност од големината се тестираа од 35 до 155 ученици на македонски и албански јазик.

https://republika.mk/vesti/makedonija/janevska-sds-i-dui-go-unishtija-obrazovanieto-makedonija-e-na-dnoto-na-pisa-testiraneto/

The post УНИЦЕФ: Државата треба да биде сериозно загрижена за резултатите од ПИСА тестирањето appeared first on Република.

По повод Светскиот ден на детето – 20 Ноември, Канцеларијата на УНИЦЕФ во Скопје и Собранието на Република Македонија ќе организираат настан насловен „Децата го преземаат Собранието“.

На настанот ќе се обратат претседателот на Собранието Талат Џафери и претставничката на УНИЦЕФ во земјава Патриција Ди Џовани, а потоа е предвидено децата да ја преземат собраниската седница на која ќе се говори на теми кои тие ги избрале како најважни.

Меѓу нив се прашањата за квалитетно образование, учество во донесувањето одлуки што го засегаат нивниот живот и состојбата со менталното здравје.

Целта на настанот, кој на децата и младите ќе им даде простор да ги споделат своите гледишта, е пратениците одблизу да слушнат за напредокот поврзан со нивните права. Децата и младите пред народните избраници ќе ги претстават нивните најгорливи прашања, потреби и загрижености. „Децата го преземаат Собранието“ претставува можност да се зборува и за некои од препораките од последните Заклучни согледувања на Комитетот за правата на децата, наведуваат Собранието и УНИЦЕФ.

Оваа година земјава одбележува 30 години од ратификувањето на Конвенцијата за правата на децата и 30 години од работата на УНИЦЕФ.

За датум на Светскиот ден на детето е избран 20 ноември кога е годишнината од усвојувањето на Конвенцијата за правата на децата. Се одбележува како ден за акција од децата за децата на глобално ниво.

The post УНИЦЕФ и Собранието ќе го одбележат Светскиот ден на детето appeared first on Република.