Полските судии Бартош Франковски и Томаш Мусијал се дисквалификувани од Европската фудбалска асоцијација (УЕФА) поради кршење на јавниот ред и правила на однесување, јавува „Би-би-си“.

Исклучувањето на судиите на натпреварите под капата на УЕФА ќе трае до јуни 2025 година.

На почетокот на август, судиите требаше да ја делат правдата на натпреварот од третото квалификациско коло во Лигата на шампионите меѓу Динамо Киев и Ренџерс.

Ноќта на 6 август, Франковски, Мусјал и уште еден маж беа приведени со украден сообраќаен знак. Во крвта на прекршителите е констатирана зголемена содржина на алкохол.

The post УЕФА дисквалификува двајца полски судии кои пијани украле сообраќаен знак appeared first on Република.

Судот за спортска арбитража (CAS) ја потврди одлуката на Европската фудбалска асоцијација (УЕФА) која ја казни Барселона со 500 илјади евра за финансиски прекршоци во сезоната 2022/23, соопшти прес-службата на судот.

Судот заклучи дека каталонскиот клуб прекршил две точки од правилата за финансиски фер плеј, па казната била оправдана.

Барселона беше подложена на парични санкции поради неточно известување. Комората за финансиска ревизија на УЕФА соопшти дека клубот неправилно пријавил профит од продажба на нематеријални средства во својот извештај за 2022 година, што според правилата не е квалификуван приход.

Барселона поднесе жалба да се укине казната, но истата беше одбиена.

The post Потврдена казната на Барселона од 500.000 евра appeared first on Република.

Косовската фудбалска Федерација (ФФК) најави денеска дека ќе поднесе жалба до Европската фудбалска федерација (УЕФА) поради паролите против Косово кои се слушнаа на натпреварите од Лигата на нации меѓу Чешка – Албанија и Србија – Швајцарија.

„ФФК најостро го осудува истакнувањето транспарент со картата на Косово покриен со српско знаме и натпис „Не се предаваме“, како и повиците против Косово и Албанците кои се слушнаа за време на натпреварот Србија – Швајцарија, како и натпреварот Чешка. – Албанија. Таквите повици континуирано се случуваат од навивачите на Србија и некои други земји кои се блиски до такви српски групи и немаат место во фудбалот и ниту една спортска арена бидејќи шират омраза и поделби“, се вели во соопштението на ФФК.

Од ФФК изјавија дека ваквите инциденти се во целосна спротивност со вредностите што ги застапува УЕФА, а меѓународната фудбалска заедница треба да послужи како моќна платформа за промовирање на мирот, соживотот и еднаквоста меѓу федерациите.

Србија во саботата во Лесковац ја победи Швајцарија со 2:0, а во петокот во Прага репрезентацијата на Чешка со идентичен резултат ја совлада Албанија.

The post Косово ќе поднесе жалба до УЕФА поради навредливи пароли во Лигата на нации appeared first on Република.

УЕФА ја казни Бареслона, по што фубалерите од овој клуб ќе бидат без поддршка од своите навивачи на следното гостување во Лигата на шампионите. УЕФА го казни клубот поради расистичкото однесување на навивачите на гостувањето во Монте Карло.

Барселона во Монте Карло доживеа пораз од Монако 2:1.

„Контролното, етичкото и дисциплинското тело (ЦЕДБ) одлучи и забрани на ФК Барселона да им продава билети на своите навивачи за следниот натпревар во организација на УЕФА во согласност со член 26(3) од Дисциплинската регулатива на УЕФА“, се вели во соопштението на УЕФА.

Барселона е казнета и со 10.000 евра.

На натпреварот против Монако, на трибините на навивачите на Блауграна истакнале транспарент „Flick Heil“.

Иако пораката е упатена до тренерот Ханси Флик, тоа е јасна алузија на злогласниот нацистички поздрав „Sieg Heil“.

Следниот натпревар на гостински терен, Барселона ќе го игра во Белград против Црвена звезда на 6 ноември.

The post Барса без публика во Белград против Црвена Звезда appeared first on Република.

Повеќе од половината земји – членки на УЕФА се подготвени да поддржат реизбор на актуелниот претседател Александар Чеферин на следните избори во 2027 година, објави лондонски „Индипендент“.

Според весникот, 35 национални асоцијации се подготвени да ја поддржат кандидатурата на Словенецот на претстојните избори, доколку тој одлучи да се кандидира за нов мандат.

Чеферин (56) беше избран за претседател на УЕФА во 2016 година, а подоцна двапати беше реизбран. Мандатот му истекува во 2027 година.

Во февруари, Чеферин рече дека не планира да се кандидира за реизбор во 2027 година.

Сепак, УЕФА на февруарскиот Конгрес усвои амандмани со кои на Чеферин му се дозволува да отслужи четврти мандат. Бројот на претседателски мандати е ограничен на три.

По промените направени во статутот на УЕФА, првиот мандат на Чеферин – од 2016 до 2019 година – повеќе не се смета за комплетен, со што првиот човек на европскиот фудбал има право да учествува на изборите во 2027 година.

The post Чеферин има поддршка од мнозинството членки на УЕФА за нов мандат appeared first on Република.

Раководството на УЕФА, предводено од првиот човек Александар Чеферин, генералниот секретар Теодор Теодоридис и директорот за национални асоцијации Зоран Лаковиќ одржаа состанок во францускиот град Кан со претседателите и генералните секретари на 55. членки на Европската фудбалска асоцијација.

Фудбалската федерација на Македонија (ФФМ) беше претставувана од претседателот Муамед Сејдини и генералниот секретар Наталиа Божиновска Илиевска.

Kако што соопштија од ФФМ, на заедничката работилница се дискутирало за новостите во фудбалот на националните тимови, вклучувајќи го и неодамна одржаното Европско првенство, централизацијата на правата за идните национални натпреварувања и користењето на програмата „Хет-трик“.

Во рамки на работниот дел од состаноците се одржаа две одделни работилници – на првата се разговараше за односите на УЕФА со клучните чинители, а на втората работилница се дискутираше за влијанието на политиката врз европскиот фудбал.

Главните размислувања на темата за влијанието на политиката врз европскиот фудбал недвосмислено беа насочени во насока дека со дозволувањето политиката да има влијание врз фудбалот се ризикува да се создадат поделби таму каде што не би требало да има, претворајќи го фудбалот во политичка алатка.

Нашиот спорт треба да остане неутрален и фокусиран на вредностите на фер-плеј, тимска работа и меѓусебно почитување, промовирајќи единство наместо поттикнување на политички агенди“, е заклучокот од средбата на раководството на УЕФА со европските национални асоцијации во Кан.

The post Раководството на ФФМ на состанок со водечките луѓе на УЕФА appeared first on Република.

Претседателот на Рускиот фудбалски сојуз Александар Дјуков најави дека се водат преговори за враќање на руските клубови на европските клупски турнири и воопшто на натпреварувањата под покровителство на Европската фудбалска асоцијација (УЕФА).

Како што е познато, руските тимови не се дел од европскиот фудбал од крајот на февруари 2022 година, кога започна воениот конфликт во Украина, но тоа наскоро би можело да се промени.

-Во моментов имаме состаноци на кои се разговара за различни опции за враќање на земјата во европскиот фудбал. Верувам дека порано или подоцна тоа ќе се случи бидејќи се менуваат ставовите на другите федерации, изјави Дјуков за руските медиуми.

Тој не ја исклучи руската репрезентација да добие право на учество во квалификациите за СП 2026 година.

The post УЕФА размислува да ги врати руските клубови на европските турнири appeared first on Република.

Европската фудбалска асоцијација (УЕФА) ја казни Рома со 2 милиони евра и му се закани на турски Истанбул Башакшехир со едногодишна забрана за учество на европските турнири, по најновите одлуки на финансиските истражители. Башакшехир е казнет и со 100.000 евра.

Рома „малку го надминала средниот лимит“ и е казнета, соопшти УЕФА. Италијанскиот тим оваа сезона ќе игра во Лига Европа, а ова учество може да донесе десетици милиони евра од наградниот фонд.

Панелот за следење на клупските финансии на УЕФА оцени дека Истанбул Башакшехир „малку го надминал конечниот лимит“ минатата сезона.

Турскиот клуб нема да добие дозвола за учество во квалификациските натпреварувања на УЕФА во следните три сезони доколку не ги исполни новите финансиски цели, а исто така може да пријави само 23 играчи наместо 25 во Конференциската лига оваа сезона.

Казни од 60.000 евра беа изречени на англиската Астон вила и 20.000 евра на францускиот Олимпик од Марсеј за ненавремено поднесување на сметките до системот за следење, порано познат како Финансиски фер-плеј.

Астон Вила оваа сезона ќе игра во Лигата на шампионите, најверојатно ќе заработи најмалку 40 милиони евра од наградниот фонд на УЕФА. Олимпик Марсеј, кој исто така беше казнет од УЕФА во 2022 година, не се квалификуваше за ниту еден од европските турнири оваа година, откако минатата сезона се пласираше во полуфиналето на Лига Европа.

Пари Сен Жермен, Интер и Милан беа меѓу клубовите казнети во претходните години кои ги исполнија своите финансиски цели минатата сезона, додаде управното тело на европскиот фудбал.

The post Малку го надминала средниот лимит на трошење: УЕФА ја казни Рома со 2 милиони евра appeared first on Република.

Во моментов шест играчи на ЕП имаат по три погодоци, а единствените двајца кои се во финалето, односно имаат најголеми шанси за ова признание се Дани Олмо и Хари Кејн.

Имено, кога имаше изедначување по бројот на голови на претходните шампионите, се гледаше бројот на асистенции, а потоа и бројот на одиграни минути. Овде Олмо има предност пред сите бидејќи има две асистенции, Гакпо и Микаутадзе имаат по една, додека Кејн, Мусиала и Шранц немаат ниту една.

Сега УЕФА ги промени правилата. Доколку има повеќе фудбалери на првото место по голови, сите ќе ја поделат наградата, што значи дека, ако ниту Олмо ниту Кејн не постигнат гол во финалето, титулата најдобар стрелец на турнирот ќе ја понесат шест фудбалери што ќе биде прв пат во историјата на европските првенства.

The post УЕФА потврди кој ќе ја освои „Златната копачка“ на ЕП доколку повеќе фудбалери завршат со ист број голови appeared first on Република.

Албанскиот репрезентативец Мирлинд Даку е дисквалификуван два натпревари на Евро 2024, објави сајтот на Албанската фудбалска федерација.

По натпреварот против хрватската репрезентација (2:2) во второто коло на групниот турнир на Евро 2024, Даку започна со навредливо скандирање (псовки) насочено кон Србите и Македонците.

Дваесет и шестгодишниот напаѓач нема да игра против Шпанија во третото коло и ќе го пропушти 1/8-финалето на турнирот доколку Албанија успее да се пласира од групата.

Воедно, и клубот Рубин Казан за кој настапува Даку најави казна за својот фудбалер

The post УЕФА го казни пцујачот на Македонците со два натпревари, за него ЕП е завршено appeared first on Република.

Европската фудбалска федерација (УЕФА) објави вечерва дека отвори истрага против албанскиот репрезентативец Мирилинд Даку во врска со националистичките скандирања против македонската држава по завршувањето на вчерашниот дуел на ЕВРО2024 меѓу Албанија и Хрватска.

Даку, кој е роден во Косово, по завршувањето на натпреварот од второто коло во групата Б меѓу Албанија и Хрватска се упати кон трибините на стадионот во Хамбург и преку мегафон ги навредуваше Македонците и македонската држава, а потоа ги повика во тоа да му се приклучат и навивачите на албанската репрезентација.

https://republika.mk/sport/fudbal/se-oglasi-ruskiot-klub-vo-koj-nastapuva-ptsujachot-na-makedontsite-kaznata-e-privilegija-na-uefa/

Претходно денеска, Фудбалската федерација на Македонија (ФФМ) ги „осуди постапките“ на Даку и побара „релевантните институции да го истражат овој инцидент и да преземат соодветни дисциплински мерки за зајакнување на стандардите на однесување што се очекуваат од сите спортисти“.

Паралелно со истрагата против Даку, УЕФА соопшти дека отвори истрага за расистичко и дискриминаторско однесување на навивачите кои од трибините во Хамбург го следеа вчерашниот дуел меѓу Албанија и Хрватска.

Во текот на второто полувреме од трибините на стадионот можеше да се слушне како дел од албанските и хрватските навивачи заедно скандираат „Убиј го Србинот“.

Барање за поведување истрага во текот на денот дојде и од Фудбалската федерација на Србија (ФСС), чиј генерален секретар Јован Шурбановиќ не ја исклучи можноста српската репрезентација да се повлече од ЕВРО2024 доколку инволвираните страни во инцидентот не бидат соодветно казнети.

The post За пцуењето на Македонците: УЕФА отвори истрага против албанскиот репрезентативец Даку appeared first on Република.

Европската фудбалска централа (УЕФА) ја казни Барселона поради расистичките испади на нејзините навивачи во Париз за време на четвртфиналниот натпревар од Лигата на шампионите против ПСЖ, објави УЕФА на својата веб-страница.

Покрај расизмот, Барселона е казнета и за палење ракети и оштетување на стадионот од страна на своите навивачи. Шпанскиот клуб е казнет со вкупно 32.000 евра.

Барселона ќе мора да стапи во контакт со ПСЖ во следните 30 дена за да ја санира штетата што ја предизвикаа нивните симпатизери на стадионот „Парк де Пренс“.

Во првиот меч во Париз Барселона победи со 3:2, но ПСЖ се пласираше во полуфиналето со победата од 4:1 во реваншот во Барселона.

The post УЕФА ја казни Барселона за расистичките испади на навивачите appeared first on Република.

Важноста на Академијата на ФФМ, досегашната соработка и поддршка од УЕФА, како и плановите за идниот развој на Академијата, беа теми на денешната средба на претседателот на ФФМ, Муамед Сејдини со легендарниот хрватски фудбалер, Аљоша Асановиќ, кој престојува во дводневна работна посета на Скопје во улога на УЕФА консултант во рамки на проектот на УЕФА и ФФМ за развој на млади елитни фудбалери.

„Во Академијата на ФФМ сме посветени на поттикнување на развојот на младите фудбалери на теренот, но и надвор од него. Преку тренинзи од програмата на УЕФА за млади категории и водени од едуцирани тренери, ние се фокусираме на развојот не само на фудбалските вештини на младите играчи, туку и на вредни животни лекции кои вклучуваат ментална сила и градење карактер“, истакна Сејдини.

Првиот човек на ФФМ на средбата со Асановиќ изрази задоволство од соработката со УЕФА во развојот на млади фудбалери.

„Горди сме на напредокот што го постигнавме во Академијата на ФФМ и остануваме посветени на тековниот развој и успех на младите фудбалери“, рече Сејдини.

Асановиќ, исто така, имаше работен состанок со членовите на стручните штабови на ФФМ Академијата и лицата од ФФМ задолжени за Академијата.

Состанокот е најава за неговата нова работна посета на ФФМ, веќе на почетокот на април, каде ќе се посвети поголемо внимание на стручната работа со фудбалерите од ФФМ Академијата на самиот терен.

The post Средба Сејдиу – Асановиќ, во фокусот Академијата на ФФМ appeared first on Република.

Европската фудбалска федерација (УЕФА) официјално објави дека легендарниот хрватски фудбалер Звонимир Бобан (55) ја напушта високата должност која три години ја извршуваше во раководното тело на европскиот фудбал.

„УЕФА објавува спогодбена разделба и заминување на Звонимир Бобан од организацијата. Бобан ни се приклучи во 2021 година. Како шеф на фудбалот иницираше неколку значајни проекти во техничкиот развој. УЕФА изразува чест од соработката со Звонимир Бобан и испраќа благодарност за неговиот посветен ангажман“, се наведува во соопштението.

Претходно денеска Бобан потврди дека ја напушта УЕФА, во која изминатите години беше најблискиот соработник на претседателот Александар Чеферин, а како причина го наведе несогласувањето со иницијативата за промена на Статутот на организацијата со кој би му се овозможил уште еден, трет по ред, мандат на актуелниот претседател.

Поранешниот југословенски и хрватски репрезентативец пред ангажманот во УЕФА беше заменик генерален секретар на ФИФА од мај 2016 до јуни 2019 година.

The post УЕФА ја потврди разделбата со Звонимир Бобан appeared first on Република.

Во Хамбург на свечена церемонија на УЕФА беа извлечени групите за ЕП во Германија. Во најинтересната, групата Б се најдоа екипите на Шпанија, Хрватска, Италија и Албанија.
Од Балканот Словенија и Србија се најдоа во иста група и ќе играат со еден од главните фаворити Англија.
ЕП ќе стартува на 14. Јуни и ќе трае еден месец.

Извлечете ги групите за Европското фудбалско првенство 2024 година.
Група А
1. Германија
2. Шкотска
3. Унгарија
4. Швајцарија
Група Б
1. Шпанија
2. Хрватска
3. Италија
4. Албанија
Група Ц
1. Словенија
2. Данска
3. Србија
4. Англија
Група Д
1. Холандија
2. Бараж А
3. Австрија
4. Франција
Група Е
1. Белгија
2. Словачка
3. Романија
4. Бараж Б
Група Ф
1. Турција
2. Бараж В
3. Португалија
4. Чешка

The post ЕП 2024: Србија во група со Англија, Хрватска против Шпанија и Италија appeared first on Република.

Српскиот претседател, Александар Вучиќ, за време на обиколката на новиот стадион „Краљевица“ во Заечар, придружуван од претседателот на УЕФА, Александар Чеферин, го наведе рокот до кој ќе биде завршен новиот национален стадион во Сурчин-Белград.

Одговорајќи на прашањето кога може Србија да очекува големо натпреварување на кое организатор ќе биде земјата, Вучиќ изјави дека за тоа е потребна подобра инфраструктура и завршен национален стадион.

Испративме писмодо УЕФА за финалето на Лига Европа да се игра кога ќе го изградиме Националниот стадион, кој ќе биде готов до 1 декември 2026 година. Ни треба подобра инфраструктура за натпревари и повеќе стадиони. Далеку сме од Шпанија, Англија, Германија, рече Вучиќ.

Тој додаде дека по отворањето на стадионите во Заечар и Лозница ќе се реконструираат стадионите во Ниш и Крагуевац, а белградските стадиони на Партизан и на Црвена звезда „мора да станат помодерни“, и затоа останува и тие да се реконструираат.

Претседателот на УЕФА, Александар Чеферин додаде дека Србија се уште е далеку од организација на големи натпреварувања.

Ако имате подобра инфраструктура, се е можно, засега е тешко, рече Чеферин.

Претходно, Вучиќ и Чеферин, свечено го отворија четвртиот модерен стадион изграден во последните неколку години во Србија со буџетски средства и донации од УЕФА.

Ова е Заечар, не сте во Лондон. Никој не веруваше кога го поставувавме камен – темелникот на оној дожд. Сега имаме четири прекрасни, нови стадиони, во Заечар, Лесковац, Лозница и Бачка Топола, а следуваат Ниш, Крагуевац, Нови Сад и Националниот стадион (во Белград)“, изјави Вучиќ на свеченоста.

Стадионот „Краљевица“ во Заечар е изграден според највисоките стандарди на УЕФА, со капацитет од 8.168 места, а за целиот проект се потрошени околу 28 милиони евра.

Мило ми е кога ја гледам оваа прекрасна инфраструктура и што прв ат во животот сум во овој дел од Србија. Мило ми е што и овие делови од Србија добиваат вистинска спортска инфраструктура“, изјави Чеферин.

The post Отворен нов екстра модерен стадион во Заечар, Вучиќ најави изградба на Национален стадион до 1 декември 2026 година за финале во Лига Европа appeared first on Република.

Европската фудбалска асоцијацијација (УЕФА) денес го одложи квалификацискиот натпревар за ЕП 2024 меѓу Косово и Израел.

Според веб-страницата на УЕФА, натпреварот е одложен поради одлуката на израелските власти да не дозволи на репрезентацијата да патува во странство поради актуелната воена состојба. Натпреварот со Косово требаше да се одигра на 15 октомври во Приштина.

Новиот датум на одигрување на натпреварот помеѓу овие екипи ќе биде објавен подоцна.

Претходно, УЕФА го одложи натпреварот меѓу репрезентациите на Израел и Швајцарија во квалификациите за ЕП 2024 година од 12 октомври на 15 ноември. Организацијата ги одложи и квалификациските натпревари за Европското првенство планирани за Израел за играчи до 17 години.

Ноќта на 7 октомври, Израел беше изложен на ракетен и копнен напад од Појасот Газа. Палестинското исламистичко движење Хамас најави почеток на воени дејства. Како одговор, израелските власти започнаа и воена операција и извршија мобилизација на резервниот воен состав.

The post УЕФА го одложи квалификацискиот натпревар за ЕП 2024 меѓу Израел и Косово appeared first on Република.

УЕФА реши да ги одложи сите натпревари во Израел поради воената состојба во државата, а наскоро се очекува потврда за тоа кога ќе бидат одиграни истите. УЕФА соопшти кои дуели нема да се одиграат затоа што е загрозена безбедноста во Израел по нападот на Палестинците.

Израел нема да се соочи со Швајцарија на 12 октомври во квалификациите за Европското првенство (ЕП), а исто така е одложена средбата и меѓу Израел и Естонија, како и Израел и Германија во ЕП до 21 година.

Нема да се игра ниту мини турнирот на ЕП до 17 години од 11 до 17 октомври на кој требаше да настапат Израел, Белгија, Гибралтар и Велс. УЕФА во следните денови треба да донесе одлука дали мечот меѓу Косово и Израел ќе се одигра на 15 октомври или ќе биде одложен. Од Европската куќа на фудбалот соопштија дека ги следат случувањата во Израел и навремено ќе донесат одлуки за новите датуми на натпреварите.

The post УЕФА ги одложи сите натпревари во Израел appeared first on Република.

Парична казна во износ од 33.000 евра, како и делумно редуцирање на капацитетот на стадионот во Прага на кој идниот месец ќе ја пречека македонската репрезентација и изрече УЕФА денеска на Фудбалската федерација на Украина поради расистичко однесување на украинските навивачи претходно овој месец.

Казните се изречени за расистичко навивање за време на натпреварите кои Украина ги одигра во рамки на квалификациската група Ц за пласман на ЕУРО2024 против Англија на 8 септември и против Италија на 12 овој месец.

Украина ќе ја пречека македонската репрезентација на неутрален терен на 14 октомври во Прага.

Натпреварот ќе се игра на Арената „Летна“ која е со капацитет од 18.000 седишта.

The post УЕФА ја казни Украина пред натпреварот со македонската репрезентација во евроквалификациите appeared first on Република.

Романската фудбалска репрезентација својот следен натпревар на домашен терен ќе го игра без публика, откако УЕФА ја казни поради однесувањето на нејзините навивачи за време на дуелот против Косово во квалификациите за ЕУРО2024.

Паралелно со ова, Фудбалската федерација на Романија е казнета и парично со 52.000 евра поради истакнување и скандирање политички пораки, расистичко однесување на навивачите, користење пиротехнички средства и блокирање на јавните приоди.

https://republika.mk/sport/fudbal/za-romanitsite-kosovo-e-srbija-mechot-e-prekinat-bidejki-kosovarite-se-navredija/

Натпреварот меѓу Романија и Косово беше одигран минатата недела во Букурешт, а го одбележаа бројни инцидент на трибините.

Главниот судија го прекина натпреварот во 18 минута, откако романските навивачи истакнаа голем транспарент на кој пишуваше „Косово е Србија“.

По 45-минутен прекин натпреварот продолжи, а Романија на крајот забележа победа од 2-0.

The post УЕФА ја казни Романија поради истакнатиот транспарент „Косово е Србија“ appeared first on Република.