Една од двете ученички кои ја претепаа својата врсничка пред еден месец во центарот на Скопје, денеска на социјалните мрежи објави видео каде се гледа помодреното око на тепаната ученичка, здобиено од инцидентот.

Семејството на жртвата денеска пријавила во полиција дека нивната ќерка продолжува да биде предмет на потсмев и психичко изживување.

Судењето за овој случај е закажано за втори април, но ќе биде затворено за јавноста поради тоа што се работи за малолетници.

Инаку, пред две недели, таткото на на девојчето кое го објави денешното видео на билборд пред средното училиште објави порака со содрижина ПРАВДА, откако неговата ќерка доби укор пред исклучување од гимназијата заради учество во физичката пресметка.

Во истиот период, од група професори и директорката од училиштето родителот беше пријавен за вознемирување заради донесната санкција кон неговата малолетна ќерка, тој пак негираше дека вршел какво било вознемирување врз вработените на училиштето.

The post Продолжува насилството врз ученичката во скопската гиманзија „Јосип Броз Тито“ appeared first on Република.

Тинејџерка е убиена во средно училиште во село во општината Санкт Леон-Рот на југозападот на Германија, а еден ученик е во бегство, соопшти полицијата, пренесува германската агенција dpa.

На терен има спасувачки хеликоптер и голем број полицајци кои трагаат по сторителот.

Како што пренесува Билд, според полицијата, насилникот и жртвата се познавале.

Според полицискиот оддел во Манхајм, средното училиште било евакуирано, а учениците биле однесени на безбедно.

The post Во средно училиште во Германија убиена ученичка, еден ученик во бегство appeared first on Република.

Утрово имало пукање во училиште во областа Брјанск во Русија. Ученичка од осмо одделение донела огнено оружје (во училиштето) од кое пукала неколку пати, потврдија оперативните служби.

Според првичните информации, една ученичка внела огнено оружје во училиштето и испукала неколку истрели, при што се повредени пет лица. Потоа девојката се самоубила, соопштија од регионалното МВР. Се претпоставува дека ученичката го зела оружјето на нејзиниот татко.

Лекарите потврдија дека две жртви се во средно тешка состојба.

Едно дете е примено, има повреди на рамото и коленото, состојбата е со средна сериозност. Даваме прва помош и најверојатно ќе биде пренесено во детска болница, соопштија од градската болница во Брјанск.

#BREAKING_NEWS : Student starts shooting at school in Russia’s Bryansk

It is reported that police and emergency services are working at the scene.#Russia #Bryansk #ActiveShooter #BreakingNews #BREAKING

An eighth-grader went on a shooting rampage at a school in Russia’s… pic.twitter.com/KcZpNEwb3f

— The UnderLine (@TheUnderLineIN) December 7, 2023

Од Регионалната детска болница известија дека е примено уште едно повредено дете со рана на левото рамо. „Има 14 години, има прострелна рана. Состојбата е средно тешка, хоспитализиран е“, рекол изворот.

На местото на настанот работат полицијата и итната помош. Се истражуваат околностите на инцидентот. Градската управа извести дека две лица загинале, а четворица се повредени, но објавата потоа е избришана.

The post Oсмоодделенка во масовно пукање во Русија рани пет ученици, па се самоуби appeared first on Република.

Одлуката на судот во Италија да ослободи од обвинение маж обвинет за непримерно допирање на 17-годишна девојка, стана предмет на критики во земјата, пишува денеска германската агенција dpa.

Училишниот чувар (66) ја фатил средношколката за задникот на скалите, пишува дневниот весник „Кориере дела сера“.

Судот во Рим минатата недела го ослободи мажот бидејќи малтретирањето траело „само“ помалку од десет секунди, се вели во извештајот на весникот.

Одлуката предизвика негодување во јавноста во Италија.

„#10 секунди“
Користејќи го клучниот збор „#10 секунди“, корисниците на Instagram и TikTok објавуваат видеа за да покажат колку долго може да трае „palpata breve“ (краток допир).

 

View this post on Instagram

 

A post shared by LINDA.meiden (@linda_meiden)

Стоперката на видеата мери десет секунди додека луѓето гледаат во камерата и ги допираат интимните делови од своето тело. Италијанскиот актер Паоло Камили, познат по улогата во серијата „Белиот лотос“, ги сними првите видеа, а потоа и инфлуенсерката Кјара Ферањи.

The post Италијанскиот суд го ослободи чуварот кој допираше ученичка: „Беше пократко од 10 секунди“ appeared first on Република.

Во основното училиште „Милена Павловиќ Барили“ во Белград, ученичка од повисоките одделенија во ранецот донела нож и тетратка со список на ученици од класот кои, како што тврдат некои родители, наводно планирала да ги убие.

Таткото на едно девојче на класната раководителка ѝ испратил фотографија од лист тетратка со имиња на неколку ученици со наслов „Мети“. Според него, тоа било нацртано во тетратката на ученичка од нејзиниот клас. Класната ме извести, а потоа постапив според процедурите што ги наложи Министерството за образование за вакви ситуации, изјави за „Блиц“ Оливера Корошец, директорка на белградското основно училиште „Милена Павловиќ Барили“.

Случајот е пријавен кај надлежните и се работи на расветлување на сите детали.

Полицијата работи на натамошно расветлување на случајот, дали списокот е напишан по трагичните настани, дали постоел претходно, па само насловот е додаден, дали баш таа девојка го напишала, како се дошло фотографијата и дали е фотографирана воопшто од тетратка на некој од учениците на нашето училиште. Полицијата соработува и со училишниот психолог, вели Корошец.

На прашањето дали е вистина дека девојката што наводно го составила списокот била проблематична и претходно, директорката одговори дека сè уште не е утврдено кој го составил списокот и од кои причини, па „не би издвоила никого додека полицијата не го заврши своето“.

The post Нов инцидент во Белград: Ученичка со нож и список со „мети“ дошла на час appeared first on Република.

Ученичката што правела список на соученици за убиство, е избркана од училиштето во Бјеловар, Хрватска, каде што се случил инцидентот. Како што споделуваат бројни загрижени родители со локалниот медиум, Bjelovar.live, списокот за убиства со имиња и презимиња на учениците бил објавен пред неколку дена на „Тик ток“.

Била известена полицијата која за многу кратко време ја привела ученичката, а видеото набрзо било избришано. Сепак, наводно има скриншотови направени од ученици на училиштето, кои сè уште кружат по социјалните мрежи.

Сличен список на убиства немало само во едно училиште во Бјеловар, пренесува хрватскиот портал.

По масакрот во белградското училиште во регионот, како и во Македонија, се забележани повеќе слични инциденти за деца кои што се закануваат, прават списоци, носат или сликаат оружје.

The post Избркана од училиште ученичка што подготвувала списоци за отстрел appeared first on Република.

Поранешна ученичка денеска повредила ученик (15) и наставничка која се обидела да го спречи нападот во приватното училиште „Руѓер Бошковиќ“ во Белград.

Како пренесува „Телеграф“, станува збор за ученчка која претходно била избркана од училиштето. Таа дошла со кујнски нож во раце.

Нападнатите не се сериозно повредени.

Училиштето е евакуирано, сите се надвор.

The post Нов напад во Белград: Бивша ученичка избола ученик и наставничка appeared first on Република.