Вторпат во последните два дена е нападната турската воена база во Зликан, североисточно од ирачкиот град Мосул.

Три проектили паднаа во областа на турската база, североисточно од Мосул. Турската артилерија одговори со одмазднички оган - соопштува извор од ирачките безбедносни сили за новинската агенција „Шафак“.

Според безбедносниот извор, во ракетирањето нема повредени меѓу припадниците на турската војска, кои се стационирани во базата.

Првичните претпоставки се дека гранатирањето најверојатно било дело на курдски или исламистички радикали - додава изворот.

The post Ракетен напад врз турска воена база во северен Ирак appeared first on Република.