Стимулирањето на проактивната транспарентност на јавните институциите како нишка на демократските процеси и еден од столбовите во реформата на администрацијата, беше тема на конференцијата „Што ги интересира граѓаните? - Подобрување на системот за слободен пристап до информации од јавен карактер“ организирана од страна на Центарот за управување со промени (ЦУП) во соработка со Заменичката на Претседателот на Влада Славица Грковска задолжена за политики за добро владеење и Агенцијата за заштита на правото на слободен пристап до информации од јавен карактер .

- За пошироките позитивни импликации од проактивната транспарентност на институциите говорат добрите примери од праксата на развиените држави. Кога Велика Британија решила да ги отвори податоците за интра-хоспиталните инфекции во сите болници во државата, нивните услови се подобриле без посебна интервенција од нивната Влада, туку поради големиот притисокот на јавноста. Така, транспарентноста отвара можност за општествена трансформација, рече извршната директорка на ЦУП Неда Малеска-Сачмароска.

Таа потсети дека е многу важна транспарентноста во процесот на добро управување и голема е потребата од нејзино подобрување.

- За таа цел ЦУП изготви нацрт Упатство за подобрување на транспарентноста на институциите од јавниот сектор кој е производ на анализа на најбараните информации од јавен карактер кои граѓаните ги барале од институциите во изминатите години, и ги категоризира во 37 области, со што дава увид за тоа кои информации институциите треба да ги објавуваат согласно нивната специфична надлежност, додаде Малеска Сачмароска.

Заменичката на Претседателот на Влада Славица Грковска додаде дека заедно со ЦУП изготвиле список на информации кои понатаму ќе станат обврска да бидат објавувани на веб страниците на институциите.

- Ни претстои дигитална трансформација на општеството и сакаме да бидеме чекор напред и да го зголемиме проактивниот пристап во објавување на информации преку веб страниците на институциите и на тој начин да ги отвориме максимално, додаде таа.

Според директорката на агенцијата за заштита на правото на слободен пристап до информации од јавен карактер Пламенка Бојчева, многу е важно да се почитува законската обврската на институциите.

-Институциите како иматели на информации од јавен карактер, се должни самоиницијативно и редовно да го ажурираат објавувањето на прописи, документи, одлуки и информации кои се важни за нивниот делокруг на работење на своите веб страници, рече таа.

Бојчева посочи дека според анализата на Агенцијата, граѓаните најчесто ги интересира структура на вработени и основ за нивен ангажман, постапки за јавни набавки и склучени договори, стратешки документи како и буџети и финансиски извештаи на институциите.

Вториот панел од конференцијата беше посветен на важноста и достапноста на податоците и информациите кои ги поседуваат институциите како и значењето на податоците и информациите за граѓаните, за академската заедница, за граѓанскиот сектор, како и за приватниот сектор и бизнисите.

- Големо е значењето на објавувањето на информациите од јавен интерес кои ги генерираат, поседуваат и обработуваат институциите од јавниот сектор, но исто така беше потенцирано дека од исклучително значење е и квалитетот на објавената информација и нејзината достапност во отворен формат која може потоа дополнително да се обработува и користи, рече проектната координаторка во ЦУП Бранка Минчева.

Таа додаде дека е потребен системски пристап во поттикнувањето на проактивната транспарентност, но и дополнително подигнување на свеста и унапредување на системот за пристап до информации од јавен карактер, како и дека објавувањето на јавните информации има една поширока општествена импликација, имајќи го предвид значењето на информациите во процесите на креирање на јавни политики базирани на соодветни анализи и знаење.

Во овој процес, Упатството изработено од страна на ЦУП е една од алатките за негово подобрување и зајакнување, но и придонес кон остварување на зацртаните цели во реформата на јавната администрација, особено во Областа 3. Одговорност, отчетност и транспарентност на институциите

Финалната верзија на нацрт Упатството за подобрување на транспарентноста на институциите од јавниот сектор ќе биде објавена на веб страницата на ЦУП www.cup.org.mk

Конференцијата е организирана во рамки на проектот „Поттикнување на добро управување и реформи во јавната администрација“, спроведен од ЦУП а поддржан од National Endowment for Democracy (NED).

The post Транспарентноста на институциите е предуслов во борбата против корупцијата! appeared first on Република.

ВМРО-ДПМНЕ е единствената политичка партија во Македонија која што добила позитивно мислење од Државниот завод за ревизија (ДЗС), дека токму согласно Законот за финансирање на политички партии и согласно Законот за слободен пристап до информации од јавен карактер ги исполнила своите законски обврски, но поради начинот на работење на партијата и подари скромноста, до сега не ја отворивме оваа тема со цел да се пофалиме, вели портпаролката и член на Извршниот комитет на ВМРО-ДПМНЕ, Марија Митева.

Таа во дебатното избание на емисијата „360 степени” на телевизија Алсат, во која се дискутираше за активната и финансиска транспарентност на партиите, истакна дека ВМРО-ДПМНЕ во континуитет ги објавувала сите информации и податоци кои што подлежат на законот за финансирање на политички партии.

„Морам да истакнам дека ВМРО-ДПМНЕ добила позитивно мислење од страна на ДЗР, но поради работењето кое што го имаме внатре во партијата на скромност и транспарентност и средување на податоците онака како што вистински треба, никогаш не сме сакале, ниту сме ја отвориле темата да го пофалиме ВМРО-ДПМНЕ дека е единствената политичка партија која што има добиено позитивно мислење од страна на Државниот завод за ревизија. Транспарентноста е нешто на што во едно демократско општество треба да работиме сите активно, треба да вложуваме и да го дадеме својот напор. ВМРО-ДПМНЕ како политичка партија, сите барања кои што се согласно индексот на транспарентност, кои што не се само законски обврски, туку и една методологија која што е произлезена од потребата која што ја имаат граѓаните, ги имаме прифатено и имплементирано”, рече Митева.

Таа додаде дека кога се зборува на темата транспарентност, треба да се знае дека тука политика не може да се внесува и дека само за да не се зборува за она што се случува во актуелноста, како на пример ценовните шокови, на СДСМ им е поважно да зборуваат за политички нарачаниот случај Талир, за кој што во рок од 23 часа донесена е незапаметена пресуда спротивно на сите закони.

„Кога зборуваме на тема транспарентност, треба да знаеме дека политика тука не можеме да внесуваме. Можеме да калкулираме со политички говори за тоа дали еден случај како Талир е политички нарачан, во 23 часа е донесена пресуда незапаметена по словото на законите и можеме да замислуваме колку на СДСМ им е важно да се зборува за нешто за кое што не постои фер и демократски судски процес, наместо да се зборува за тоа што се случува во актуелноста”, истакна Митева.

Во однос на Законот за пристап до информации од јавен карактер кој што е донесен во 2019 година, Митева истакна дека тој закон, иако е позитивно нешто, донесен е бес консултирање со опозицијата.

„Законот за слободен пристап до информации од јавен карактер е донесен 2019 година, каде што веќе политичките партии стануваат иматели на информации од јавен карактер. И, ова не го кажувам од причина да барам било какво оправдување, но во рамки на преговарањето и договарањето на еден ваков закон како политичка партија ВМРО-ДПМНЕ не била консултирана. За што не сметам дека е лошо, напротив сметам дека е позитивна работа, но чисто алармирам на тоа какви се состојбите, генерално, во општеството”, рече Митева.

The post Митева: ВМРО-ДПМНЕ е транспарентна партија appeared first on Република.

тчетноста и транспарентноста се одлика на СДСМ, рече портпаролката на владејачката партија, Богданка Кузеска, во емисијата „360 степени“ на ТВ Алсат, во која се дебатираше за Индексот на транспарентност на политичките партии.

Ова истражување спроведено од Фондацијата „Отворено општество Македонија“ – ФООМ, во рамките на поширок проект на Меѓународниот републикански институт од САД – ИРИ, покажа дека ниедна партија не добила одлична или многу добра оценка. Од 28 истражувани партии, најмногу – 72 од можни 120 поени, освоила Левица и заслужила оценка „добар“. Истата оценка ја има и СДСМ со 55 поени.

Во дебатата, Кузеска посочи дека можеби сè уште не направиле доволно на ова поле, но дека работат на подобрување.

При рангирањето за Индексот се земени предвид 33 индикатори – од квалитетот и достапноста на информации на веб-страниците до начинот на реагирање на барања за слободен пристап до информации од јавен карактер, со оглед на тоа што партиите се „иматели“ на такви информации од 2019 година.

„СДСМ имаше објавено финансиски извештаи согласно законот. Станува збор за некои подобрувања со кои ќе им биде полесно за преглед на граѓаните, на јавноста и на новинарите, за да не лутаат на веб-страницата и да ги бараат како под линк, туку да бидат објавени во еден ‘таб’, во него да бидат сите информации што се потребни, како што сега е тоа направено со поддршка на ИРИ“, рече Кузевска.

Инаку, на Индексот на транспарентност, по Левица со 72 и СДСМ со 55 поени, следува Демократски сојуз со 54 – исто така во зоната „добар“. Од поголемите партии, ВМРО-ДПМНЕ има скор од 28 поени, Алијанса за Албанците – 22, а кон дното се Алтернатива и ДУИ со по 11 поени. Пет од 28 рангирани политички субјекти имаат 0 поени.

The post Кузеска: Отчетноста и транспарентноста се одлика на СДСМ appeared first on Република.

„Ние функционираме во демократија со комунистички менталитет при што една партија не треба да покаже што прави внатре и како ги користи народните пари. Нашиот менталитет е таков што транспарентноста да ја гледаме само како процедура, а не како вредност“, оцени Омер Ајдини, претседател на Младинскиот форум на Алијанса за Албанците, во емисијата „360 степени“ на ТВ Алсат, во која се дебатираше за Индексот на транспарентност на политичките партии.

Ова истражување, спроведено од Фондацијата „Отворено општество Македонија“ – ФООМ, во рамките на поширок проект на Меѓународниот републикански институт од САД – ИРИ, покажа дека ниедна партија не добила одлична или многу добра оценка. Од 28 рангирани партии, најмногу – 72 од можни 120 поени, освоила Левица и заслужила оценка „добар“. СДСМ има скор од 55 поени, ВМРО-ДПМНЕ – 28 поени, Алијанса за Албанците е оценета со 22 поена, а ДУИ има едвај 11.

„Ние имаме минато во комунистички социјалистички систем, каде освен што немаше доволни информации за јавноста, туку и информацијата се сметаше за нешто ризично, а не за вредност. Тој менталитет, за жал, партиите што произлегле од комунистичкиот систем, како што е СДСМ, го пренеле во демократијата. Ние функционираме во демократија со комунистички менталитет каде една партија не треба да покаже што прави внатре и како ги користи народните пари. Ова сме го пренеле во сегашното функционирање. Ние сме објавиле само неколку извештаи односно извештаите што се бараат поради законот, но не сме ги направиле достапни за јавноста и за оние што сакале да имаат пристап. Затоа, имаме 64% од луѓето, според последната анкета на ИРИ, кои мислат дека политичките партии ги злоупотребуваат средствата од јавниот буџет“, вели Ајдини.

Тој рече дека Алијанса за Албанците, во меѓувреме, направила голема трансформација на својата интернет-страница, дека е прва партија со вакви промени и дека сега се достапни сите информации – не само оние што се бараат со закон, туку и оние што спаѓаат во сферата на активна транспарентност.

„Ние правиме промена на менталитетот и носиме нешто ново“, рече Ајдини.

The post Ајдини од АA: Ниската транспарентност на партиите е поради комунистичкиот менталитет appeared first on Република.

Кинеските власти бараат Вашингтон да се погрижи активностите на американските воени биолаборатории да бидат целосно транспарентни, изјави портпаролот на кинеското Министерство за надворешни работи Жао Лиџијан на брифинг во средата.

Уште еднаш инсистираме дека САД треба да обезбедат целосна транспарентност на активностите поврзани со воените биолошки технологии, рече тој како одговор на прашањето како кинеското Министерство за надворешни работи гледа на обидите на Вашингтон да избегне одговорност во услови на откривање на американските воени биолошки активности во Украина.

Според кинескиот дипломат, САД, исто така, треба да престанат „еднострано да се спротивставуваат на механизмот за следење што работи во согласност со Конвенцијата за биолошко и токсинско оружје“. Жао Лиџијан нагласи дека ова е начинот на кој Вашингтон „може да помогне во зајакнувањето на глобалната безбедност“.

Извор од руското Министерство за надворешни работи изјави за ТАСС во вторникот дека со „предупредување на Русија да не користи биолошко и хемиско оружје во Украина“, Соединетите држави се обидуваат да ја отстранат одговорноста за своите воени биолошки активности во земјата и да прикријат лажно знаме од големи размери.

The post Кина бара транспарентност за американските биолаборатории во Украина appeared first on Република.