Со пуштање во употреба на новата трафостаница „Штип 1“ се поттикнува локалниот развој во штипскиот регион. На официјалниот старт со работа на трафостаницата присуствуваа претседателот на Управниот одбор на ЕВН Македонија, Волфганг Маиер и градоначалникот на општина Штип, Иван Јорданов.

Задоволувањето на потребите на нашите корисници и сигурноста во снабдувањето се секогаш клучни фактори во креирањето на долгорочните цели на компанијата. Среќни сме што им овозможуваме на граѓаните на Штип уште поквалитетно снабдување со електрична енергија и ги поддржуваме нивните идеи за производство на електрична енергија од обновливи извори, изјави претседателот на Управниот одбор на ЕВН Македонија, Волфганг Маиер.

Во рамките на посетата беше разговарано за можностите за дополнителни инвестиции во дистрибутивната мрежа, а во интерес на локалниот развој.

Градоначалникот на општина Штип, Иван Јорданов изрази благодарност до компанијата и најави дека соработката меѓу општината и компанијата ќе продолжи и во иднина.

Со одлична соработка достигнавме уште една значајна цел која контуинирано ќе служи за доброто на граѓаните. Со ова значително се подобрува квалитетот на живот, но и условите за водење бизнис и за инвестирање во зелена енергија што е во согласност со нашата Стратегија за енергетска ефикасност, а со која е предвидено употребата на обновлива енергија да се зголеми за 20%  до 2026 година, изјави Јорданов.

Последната надградба на трафостаницата „Штип 1“ им овозможува на постоечките корисници на штипскиот регион сигурно и квалитетно снабдување со електрична енергија и покрај приклучувањето во дистрибутивната мрежа на идните потрошувачи и потенцијалните производители од обновлива енергија. Оваа обемна инвестиција вредна 2 милиони евра директно го поттикнува и поддржува економскиот развој на околината на Штип, земајќи ја превид забрзаната динамика и зголемената заинтересираност на граѓаните за изградба на производствени капацитети од обновливи извори на енергија.

The post Пуштена во употреба високонапонска трафостаница во Штип appeared first on Република.

Полициски службеници од СВР Велес вчера во 10.00 часот го лишија од слобода 44-годишниот велешанец С.М.(44), осомничен за обид за кражба.

Како што соопшти МВР, тој се сомничи дека на 5 ноември околу 22.40 часот со употреба на алат се обидел да изврши „тешка кражба“ од трафостаница на ЕВН на улица „8-ми Септември“ во Велес, но не успеал во тоа, бидејќи при неговиот обид да исече кабли настанала експлозија.

Лицето е приведено во полициската станица во Велес и по целосно документирање на случајот ќе следи соодветна пријава.

The post Пробал да украде кабли од трафостаница, предизвикал експлозија appeared first on Република.

Претпладнево избувна пожар во трансформаторска станица што е дел од новоизградената соларна електрана на поранешниот рудник за јаглен „Осломеј“.

Пожарот е изгаснат, а од компанијата истакнаа дека се работи за пробна работа и оти се можни вакви дефекти.

Инаку, премиерот Димитар Ковачевски, министерот за економија Крешник Бектеши и директорот на ЕСМ Васко Ковачевски денеска треба присуствуваат на настан за одбележување на завршувањето на градба на фотонапонската електрана „Осломеј 1-10MW“ со тест период на целосно монтирана опрема.

The post Гори трафостаница во новоизградената соларна електрана „Осломеј“, Ковачевски денеска требаше да ја посети appeared first on Република.