На наплатната станица Тетово, во правец кон Гостивар, полициски службеници од Мобилната единица за компезаторни мерки при Одделот за гранични работи и миграции запреле и извршиле контрола на товарно возило „мерцедес“ со тетовски регистарски ознаки, сопственост на правно лице од Тетово, а управувано од П.Д.(40) од Тетово, товарно возило „ман“ со тетовски регистарски ознаки, сопственост на правно лице од Тетово, а управувано од Џ.Љ.(56) од Тетово и товарно возило „мерцедес“ со тетовски регистарски ознаки, сопственост на С.И. од Тетово, а управувано од Ј.Е.(41) од Тетово.

Од МВР соопштија дека при контролата било утврдено дека возачот П.Д. не поседува тахографска картичка, а додека пак тахографот на возилото кое го управувал е небаждарен од 12.01.2016 година за што од Државниот инспекторат за транспорт се констатирани прекршоци по член 55 точка 1 алинеа 27 од Законот за работното време на мобилните работници во патниот сообраќај и уредите за запишување во истиот, по што се изречени глоби во висина од 1500 евра за одговорното лице и 5000 евра за правното лице.

Од извршената контрола, исто така, било утврдено дека возачот Џ.Љ. не поседува тахографска картичка за што од Државниот инспекторат за транспорт биле констатирани прекршоци по член 22 став 1 и 2, а казниво по член 60 од Законот за работното време на мобилните работници во патниот сообраќај и уредите за запишување во истиот, по што е изречена глоба во висина од 1000 евра за возачот, стои во соопштението од МВР.

При контролата било утврдено дека возачот Ј.Е. не поседува лиценца за транспорт, по што од Државниот инспекторат за транспорт биле констатирани прекршоци по член 4, а казниви по член 99А од Законот за превоз во патниот сообраќај и му е изречена глоба во висина од 500 евра.

The post Изречени казни поради неправилности при вршење јавен превоз со товарни возила appeared first on Република.

Вчера во 13.55 часот во Полициската станица Кичево било пријавено дека на регионалниот пат Кичево-Демир Хисар, товарно возило „мерцедес“ со кичевски регистарски ознаки, управувано Ј.В.(36) од Кичево, излетало од патот.

Притоа, возачот и сопатникот В.В. од Кичево се здобиле со тешки телесни повреди, додека вториот сопатник Ф.В. од Кичево, се здобил со телесни повреди, констатирани во Медицински центар Кичево.

Увид на местото извршила екипа од Полициската станица Кичево.

The post Тројца повредени откако товарно возило излета од пат appeared first on Република.

На 24.07.2023 во 19.36 часот во СВР Охрид било пријaвено дека на магистралниот пат Охрид-Ресен, во близина на Прентов мост, се случила сообраќајна несреќа помеѓу три товарни возила, „рено“ со охридски регистарски ознаки, управувано од Љ.Т.(56) од Охрид, „ман“ со приколка со скопски регистарски ознаки, управувано од П.Н.(47) од Велес и „мицубиши“ со струшки регистарски ознаки, управувано од В.С.(43) од Охрид ,информира МВР.

Во несреќата со тешки телесни повреди се здобил сопатник од возилото „мицубиши“, А.С.(41) од Охрид, констатирани во Специјалната болница „Св.Еразмо“ во Охрид.

Извршен бил увид од увидна екипа од СВР Охрид.

The post Три товарни возила се судрија на патот Охрид-Ресен, едно лице тешко повредено appeared first on Република.

На 13.07.2023 во 08.00 часот во СВР Куманово било пријавено дека на локалниот пат во с.Орашац, кумановско, товарно возило „даф“ со прилколка со кумановски регистарски, управувано од Г.К.(34) од Скопје, излетало надвор од патот.

Во несреќата возачот се здобил со тешки телесни повреди, констатирани во Општата болница Куманово.

Извршен бил увид од увидна екипа од СВР Куманово.

The post Со товарно возило излетал од патот: Скопјанец тешко повреден и пренесен во болница во Куманово appeared first on Република.