Јапонската полиција го ограничи пристапот до плажата Еншухама во градот Хамаматсу, јапонската префектура Шизуока, откако на брегот беше пронајдена сомнителна топка со дијаметар од околу 1,5 метри, за која се верува дека е направена од метал.

Топката ја открил локален жител, кој повикал полиција, јави јапонската телевизија „Даичи ТВ“.

Сообраќајот во областа бил строго забранет. Полицијата го опколила теренот и оградила периметар од 200 метри.

Фотографиите од топката/балонот биле испратени до јапонските сили за самоодбрана и крајбрежната стража, се вели во извештајот.

A 1.5 meter sphere appeared on Tuesday (21) at Enshuhama Beach in Hamamatsu, Japan. Police surrounded the area and cordoned off a perimeter of 200 meters until the type of metallic material was identified. The country's Self Defense Forces were called in (article in comments)
by u/batmaninwonderland in Damnthatsinteresting

The post Мистериозна џиновска топка се појави на плажа, полицијата го опкружи просторот appeared first on Република.

Топката што го спаси 30-годишниот Иван, кој беше 18 часа исчезнат во морето кај Халкидики, стигнала во неговите раце од островот Лемнос, од каде што патувала по водата 10 дена, објавија грчките медиуми.

“Спасот“ во Одисеја на Иван пристигна од Лемнос. Причината за спасувањето на Иван на Халкидики, кој успеал да излезе неповреден по 19 часа авантура на море, благодарение на топката која случајно била пронајдена во водата. Топката што го спаси Иван на Халкидики била изгубена од плажата Евгати во Лемнос, на 30 јуни!, открива voria.gr.

Според нивните сознанија, на оваа плажа со родителите отишле две мали деца, 6-годишниот Танос и 11-годишниот Трифон од Солун. Таму двете деца си играле со топката се додека во одреден момент таа не им паднала и ја одвлекле морските струи. Всушност, пливач кој случајно се нашол на местото на настанот во тој момент се обидел да ја фати, но безуспешно. Нивната мајка ја видела фотографијата со топката на Voria.gr и препознала дека е иста како онаа што нејзините деца ја изгубиле во Лемнос!

Загубата на децата се претвори во божји дар за 30-годишникот кој се најде 19 часа да се бори со брановите среде море. Топката која е од кожа и е со големина на онаа за ракомет, иако била полунадуена, како што пријавил 30-годишникот, успеала да му помогне да го одржи во живот, објави порталот, а пренесува Прототема.

„Имав постојани информации за текот на спасувањето и многу сум среќна поради непречено завршување на авантурата на младиот човек. Продолжуваат истрагите за пронаоѓање на трето исчезнато лице. Се надевам дека третото момче многу брзо ќе биде пронајдено живо. Младиот човек пронашол топка која му го спасила животот додека му помагал кога се уморил. Благодареност на пристаништето, ЕКАБ и Здравствениот дом Касандра, воздухопловните сили, грчката полиција, рибарските чамци на Неа Скиони, 2-те чамци кои пловат во областа, сите спасувачки тимови и волонтерите, напиша на Фејсбук градоначалничката на Касандра Анастасија Чалкиа.

The post Топката што му го спаси животот на Иван пред десетина дена ја изгубиле две деца кај Лемнос appeared first on Република.

Германскиот производител на спортска опрема „Адидас“ ја претстави денеска „Ал Рихла“ како официјална топка на Светско првенство во Катар, објави Меѓународната фудбалска федерација (ФИФА).

Ова е 14. последователна топка, која „Адидас“ специјално ја дизајнираше за Светско фудбалско првенство и според најавите достигнува најголема брзина од сите топки претходно.

Adidas has released ‘Al Rihla’, the official match ball of the 2022 World Cup in Qatar ⚽️ pic.twitter.com/44WllcTlvC

— GOAL (@goal) March 30, 2022

„Ал Рихла“ на арапски значи патување и е инспирирана од „културата, архитектурата, култните чамци и знамето на Катар“.

Јавното претставување на топката ќе биде удостоено со присуство на голем број поранешни фудбалски ѕвезди, вклучувајќи ги Кака и Икер Касиљас, на кои ќе им се приклучат и фудбалерки од Саудиска Арабија, ОАЕ, Катар и Египет, како и талентирани играчи од локалната академија во Доха.

Планирана е турнеја на „Ал Рихла“ низ десет светски градови, меѓу кои Дубаи, Токио, Мексико сити и Њујорк.

Мундијалот во Катар ќе се одржи од 21 ноември до 18 декември.

The post Наводно достигнува најголема брзина досега: Ова е официјалната топка за Мундијалот во Катар appeared first on Република.

Херојот на Македонија, Александар Трајковски, кој го постигна победничкиот гол против Италија успеа од стадионот „Ренцо Барбера“, во Палермо да ја донесе топката со која ја затресе италијанската мрежа.

Овој скапоцен сувенир, кој на себе ги има потписите на целиот национален тим, пристигна во Скопје и стана една од главните атракции за најмладите кои сакаа да се фоторафираат со топката.

[caption id="attachment_478574" align="aligncenter" width="480"] Фото: Гол.мк[/caption]

The post Топката која го сруши европскиот шампион пристигна во Македонија appeared first on Република.