Никогаш нема да се откажеме од македонскиот идентитет, од македонскиот јазик и култура, истакна заменик претседателката на македонското Собрание Весна Бендевска на вечерашната промоција на реконструираната Спомен куќа на Стив Наумов во Битола.

На народниот собир во Битола, воедно и ден на раѓањето на народниот херој Стив Наумов (27 октомври 1920 г.), Бендевска потсети дека Битола од секогаш раѓала херои и затоа Битола има право и должност да се гордее и да ги слави и никогаш да не ги заборави хероите.

На младите луѓе им објаснуваме дека на Партизанските гробишта во Битола има еден празен гроб во кој не се посмртните останки на Стив Наумов затоа што по неговото паѓање за слобода на Македонија во селото Болно, Ресенско, Стив бил погребан на место кое веднаш станало Свето место за секој слободоумен Македонец. За да го спречат тоа, бугарските фашистички окупатори го откопале местото и од тогаш до ден денес никој не знае каде почиваат останките на Стив. Но, ние знаеме, Стив е во нас, во нашето срце и ние даваме завет. Знаеме дека фашизмот не е мртов. Ваквите споменици во чест на хероите обврзуваат и заветуваат никогаш да не ги заборавиме и секогаш да имаме на ум дека на 22 годишна возраст кога се сака Македонија, за неа вреди и животот да се даде. Токму затоа никогаш нема да се откажеме од македонскиот идентитет, од македонскиот јазик и култура, бидејќи тоа е наша обврска, истакна Бендевска.

Спомен куќата на народниот херој Стив Наумв се наоѓа во непосредна близина на истоименото основно училиште во Битола кое со гордост го носи името на својот патрон, посочи градоначалникот Тони Коњановски.

Се наоѓаме во предвечерието кога Битола слави 80 години од денот на ослободувањето, а годинава Музејот слави 90 години од денот на формирањето. На денешен ден е роден Стив Наумов и токму затоа верувам дека поставката во неговата куќа ќе биде трајна. Стив со својата саможртва е опомена за сите нас дека секогаш треба да се оддава почит, да ги учиме младите како што тоа го прават учениците од училиштето кое го носи името на Стив Наумов. Со оваа Спомен - куќа воедно ја зголемуваме туристичката понуда за градот Битола кои ќе знаат за нашата богата историја и народноослободителната борба, истакна Коњановски.

Сеќавања за деновите од младоста на Стив Наумов искажа внукот Стефан, а за вредноста и значењето на инвестицијата пред битолчани говореше директорот на НУ Завод и Музеј-Битола, Зоран Николовски.

The post Реконструирана Спомен куќата на Стив Наумов, кого бугарските фашисти го откопаа за никој никогаш да не му доаѓа на гроб appeared first on Република.

Гоце Делчев е наша ѕвезда водилка, кон жестината на истрајноста, повеќе од било кога, да го вреднуваме и почитуваме нашето македонско, што го имаме јазик, култура, традиција, писмо, слобода, истакна градоначалникот Тони Коњановски, на денешното одбележување на роденденот на Делчев во Битола.

Според востановената традиција, градоначалникот Коњановски и делегации претставници на јавниот живот на градот положија цвеќе пред бистата и спомен куќата на Гоце Делчев во Битола.

-Ретки се македонските великани како Гоце Делчев. Неговите дела продолжуваат да имаат значење во современата македонска историја и култура како симбол на националниот пат кон независност и слобода. Гоце Делчев е наша ѕвезда водилка, кон жестината на истрајноста, повеќе од било кога, посочи Коњановски.

Спомен куќата на Гоце Делчев е во централното градско подрачје на Битола, објект кој сведочи за престојот на Делчев во месец ноември 1901 година кога македонскиот револуционер учествувал на разговори со битолските окрузи и како што е запишано на спомен плочата, на поддржувачите исцрпно им ја осветлил борбата за национално и социјално ослободување на македонскиот народ

The post Коњановски: Гоце Делчев е нашата ѕвезда водилка appeared first on Република.

Лицемерие, дрскост, импровизација и максимална деструктивност, почитувани граѓани, е она што најблаго може да се каже за СДС, вака денеска на прес конференција рече советникот од ВМРО ДПМНЕ, Зоран Петковски.

„За криминал и недомаќинско работење си дозволуваат да зборуваат оние што се уништија, продадоа и разграбаа, ни го уништија достоинството, дури го доведоа во прашање и најосновното – секодневното обично преживување.

Тотално неспособни да се справат со економската и енергетската криза, државата ја доведоа до услови во кои секој нејзин граѓанин, води борба од ден во ден како да преживее или како да замине од овде, да обезбеди леб и основна егзистенција.

Конечно сами признаа дека повеќе од шест години бесрамно лажат и ја пустошат и Битола и Македонија.

Како не се срамат, не еднаш, ами два пати да го промовираат проектот за автопатот, односно дрско пред очите на сите се фалат со капитални инвестиции, кои не се ништо друго туку обезбедување личен капитал за Груби и Ковачевски – намесникот премиер.

Тоа е криминал, тоа е корупција, тоа е лично богатење, за кое набрзо ќе има и одговорност.

Ова што СДС го прави на локално ниво, во ништо не се разликува од нивната распадната централна врхушка во заложништво на ДУИ. Само овде има уште повеќе аматеризам и ситно партиско профитерство.

Градоначалникот Тони Коњановски и ВМРО ДПМНЕ, секогаш ќе работат според позитивните законски прописи и ниту милиметар нема да отстапат од она што во заеднички сојуз со Вас, почитувани граѓани го зедоа како своја обврска.

Градоначалникот Коњановски, нема да дозволи, како градоначалник на сите жители на општина Битола, политичките игри и личните суети, партиската дрскост на СДС, да ги загрози интересите на граѓаните и функционирањето на локалната самоуправа, уште повеќе кога тоа се прави на штета на сите граѓани и неодговорно и незаконски!

Градоначалникот Коњановски, максимално ги прави и ќе продолжи да ги прави сите напори, во услови на страшна економска криза, во услови на ужасни состојби во државата, општина Битола да функционира и да реализира проекти од севкупен заеднички интерес. Јавните претпријатија и натаму ќе продолжат континуирано да бидат вистински сервис и со заеднички усилби да ги надминуваат предизвиците.

Господо од СДС, конечно потврдувате дека никако не можете да се ослободите од улогата на судии и обвинители, а треба во најмала рака, барем да се срамите, особено по она што ви се случи со Катица Јанева и сите криминали во овие шест години. Вашата импровизација е до толку небулозна, што сте заборавиле дека само пред околу година и пол вие бевте локална власт, ама и тогаш бевте заробени во опозиционерските и деструктивни манири и партиски шинели, под кои и денес се криете“ рече советникот Петковски.

The post Градоначалникот Коњановски нема да дозволи партиската дрскост на СДСМ да ги загрози интересите на граѓаните appeared first on Република.

Градоначалникот Тони Коњановски ќе бара вонреден инспекциски надзор за работата на Советот на Општина Битола и нема да ги потпише за објавување во Службен Гласник, синоќа донесените одлуки на битолските советници, со кои беа разрешени членовите на управните и надзорните одбори на јавните претпријатија во градот.

Коњановски денеска изјави дека вчерашната седница на Советот е потврда за кочниците и блокадите што ги прави претседателката на Советот, на штета на Општина Битола и битолчани.

Вчера имавме ситуација во која, спротивно на Законот за јавни претпријатија на дневен ред се поставија точки со кои советниците од СДСМ, Поинаку и Левица, изгласаа разрешување на управните и надзорните одбори и сосема спротивно на Законот за јавни претпријатија, неосновано, популистички најавија граѓански управни тела. Врз основа на член 71 став 1 од Законот за инспекциски надзор, а во врска со член 69 став 1 од Законот за локална самоуправа, ќе поднесам иницијатива до Државниот инспекторат за локална самоуправа за да изврши вонреден инспекциски надзор над работата на Советот на општина Битола во вршењето на неговата надлежност од член 22 точка 32 од Статутот на општина Битола, според која, Советот на општината именува членови во управните и надзорните одбори на јавните претпријатија и јавните установи што ги основа и при именувањето на нови им престанува мандатот на дотогашните членови на управните и надзорните одбори. Тоа значи, дека Советот не може само да ги разреши сите членови на управните и надзорните одбори, без истовремено да именува нови, како што тоа беше направено на вчерашната седница, бидејќи тоа не е статутарно, а воедно на таков начин се доведува во прашање работата на јавните претпријатија без органи на управување и надзор, истакна Коњановски.

Според градоначалникот и тимот на негови соработници на вчерашната седница на Советот на Општина Битола, прекршена е и одредбата од член 17 ѓ од Законот за јавните претпријатија, во која што е утврдено во точно кои случаи може да бидат разрешени членовите на управните и надзорните одбори на јавните претпријатија.

Спорните решенија за разрешување на управните и надзорните одбори на јавните претпријатија, кои што беа донесени на вчерашната седница на Советот на општина Битола, нема да бидат објавени во „Службен гласник на општина Битола“, се додека не биде спроведена и правосилно завршена постапката по иницијативата за вонреден инспекциски надзор, истакна Коњановски.

Како што е познато на вчерашната седница на Советот на Општина Битола која почна во 10, а заврши во 22 часот, на барање на членовите на СДСМ и коалицијата, а со поддршка на советниците од независната листа ПОИНАКУ и политичките партии ДОМ, ДУИ и Левица, беа изгласани одлуки за разрешување на членовите на управните и надзорните одбори на сите локални јавни препријатија кои покажале негативни резултати во работењето, освен КЈП „Нискоградба“-Битола.

The post Градоначалникот Коњановски бара вонреден инспекциски надзор за работата на Советот на Општина Битола appeared first on Република.

„Ова е Македонија за сите“, така ни е пораката, така ни е мотото, така е насловена оваа кампања која заедно ја тераме во овој дел на Македонија, во плодната Пелагонија. Благодарам на могилчани за за добредојде кое што ни го посакавте. Тука сме заедно со вас да поразговараме за актуелните теми заедно со тимот со кој што го крстариме овој дел на Пелагонија, истакна Тони Коњановски, градоначалник на општина Битола.

Коњановски додаде дека е тука за да поразговара со граѓаните на теми кои ги болат сите, теми кои ги горат и ја разнебитуваат државата.

„Да поразговараме на темите на централно, но и на локално ниво кои не мачат во секојдневниот начин на живеење. Проблемите кои вас ве мачат најмногу даги слушнеме, меѓутоа и да ви презентираме она што се случува на централно сцена на нашата напатена земја. Тука сме сите да си ја кажеме маката и да зборуваме и за руинираниот здравствен систем, да разговараме и за онаа правда која сите ја очекувавме долго и оној живот кој штого нудеа на сите, меѓутоа останува да се види дека ништо од тоа не бидува. Фактички сме оставени сами на себе. Тука сме да разговараме и за образованието кое што секој ден е се повеќе руинирано“, појасни Коњановски.

Тој посочи дека со оваа власт доаѓа и до прекројување и на историјата и спојување на некои предмети се со цел Македонецот да остане сам.

„Меѓутоа ВМРО-ДПМНЕ е тука да бидете спокојни, да бидеме храбри. Ни претстојат избори, веројатно почетокот на идната година на кои сите сложно и во еден глас треба да го кажеме нашето НЕ на оваа ненародна влада, за оваа криминална влада, за оваа влада која што не остави ништо од македонштината. И велам сите заедно да го зачуваме она парче земја уште што остана. Ќе не чека многу  работа, ќе не чека многу труд, реформите ќе претстојат пред нас“, нагласи градоначалникот на општина Битола.

Тој рече дека многу го радува што има многу млади луѓе на теренската активност.

The post Коњановски: Тука сме за да зборуваме за руинираното здравство и образование appeared first on Република.

На денешната трибина во Битола во рамки на акцијата „Ова е Македонија за сите”, ВМРО-ДПМНЕ организираше трибина на тема „Надворешна политика” каде свое воведно обраќање имаше градоначалникот на општина Битола, Тони Коњановски кој што истакна дека задоволство е да се биде домаќина на трибината во Битола како град на конзулите, дипломатијата и град на културата.

Чест и задоволство е да се биде домаќин и од овде да тргне караванот на 12 те трибини во вториот дел на акцијата „Ова е Македонија за сите“. Битола не е случајно одбрана, Битола како град на конзулите, како град на дипломатијата, град на културата. Го предводам тимот 15, посетивме 8 населени места впечатокот од сите места е уникатен, тежок живот, посетивме рурални средини, луѓето зборуваат за земјоделието, за енергетиката, за немаштијата, за тешката економска состојба со која се соочуваат но и за отфрленоста од државата. Луѓето се чувствуваат запоставени од државата тешко се живее, ако на сето тоа се надополнат и сите оние афери и криминалот разнебитувањето на државата по сите основи, буквално се е руинирано“, нагласи Коњановски.

Градоначалникот на Битола, Коњановски рече и дека кога стапил на функцијата Битола ја наследил многу запоставена во сите области на живеењето.

Битола кога ја наследив беше запоставена во сите области на живеењето. Многу ветени проекти во минатото ништо не реализирано. Но тука сме да ја отвориме општината и да работиме, имаме многу проекти за реализирање. Се работи на привлекување на нови инвестиции во индустриската зона. Имаме готови проекти на кои што се работи. Во делот на туризмот Битола е преполна со туристи секој ден настојуваме оние клучни места кои значат нешто за Битола во нив да се инвестира. За два дена ја отвораме куќата на Европа во Битола“, нагласи Коњановски.

Коњановски додаде и дека за запоставеноста од страна на власта и односот кон Битола говори и фактот што во минатото имало 15 конзуларни претставништва а сега има само 7 ефективни.

„Битола е град на конзулите, 15-тина конзуларни претставништва имаше, сега ги имаме само 7 ефективни почесни конзулати 2 генерални на Грција и на Бугарија. Сето тоа ни говори за односот на државата спрема сето она што значи однос спрема странците“, истакна Коњановски.

Градоначалникот Коњановски истакна дека неговиот тим ќе продолжи следниот викенд со посета на 15-тина мапирани населени места за да се сретнат со населението и да ги слушнат проблемите на граѓаните.

„Тимот продолжува викендот кој следи, 15-тина населени места веќе се мапирани ќе се трудиме заедно со луѓето од тимот да ги посетиме и потоа преоѓаме на територијата на Новаци и Могила, рече Коњановски.

The post Коњановски: Народот се чувствува запоставен од власта, во Битола работиме на многу нови проекти, развој на инфраструктурата и привлекување на нови инвестиции appeared first on Република.

Претседателот на ВМРО-ДПМНЕ Христијан Мицкоски денеска во Битола оствари средба со градоначалникот Тони Коњановски и тамошната бизнис-заедница. Порача дека Битола има неколку проекти кои што се од огромно би рекол и државно значање и идната влада на ВМРО-ДПМНЕ ќе има приоритет во реализација на тие проекти за општина Битола.

Задоволство е секогаш да се биде овде во Битола, да зборуваме за развојот на Битола и за иднината на битолчани да останат овде во Битола да не ја напуштаат Битола, впрочем иднината на Македонија и граѓаните на Македонија да останат тука да не ја напуштаат Македонија.
Свесни сме дека живееме во време кога за жал имаме една влада на ДУИ поддржана од СДС која што секојдневно се труди да го понижи граѓанинот, да ја понижи државата и свесни сме дека разочарувањето кај нашите сограѓани е огромно, не само кај Македонците, тука зборувам и кај Албанци, и кај Турците, и кај Власите, и кај Србите, кај Ромите, кај Бошњаците буквално денеска додека ние ја даваме оваа изјава веќе некое семејство за жал ја напушта Македонија, и тоа е жално, трагично. Денешната средба како што кажа градоначалникот ќе биде со луѓето од бизнис заедницата, со луѓето кои што создаваат, се борат за да можат да обезбедат плата, да може таа плата да биде достоинствена и да може да обезбеди пристоен живот на семејствата овдека во Битола. Со нас ќе бидат и пратениците односно пратеничките од Битола тука, ќе биде претседателот на општинскиот комитет на ВМРО-ДПМНЕ, голем дел од луѓето од администрацијата во општината ќе бидат тука. Сакаме да покажеме дека тука сме во прво лице да ги слушнеме проблемите и тука сме да можеме да ги решаваме тие проблеми. Се сеќавате јас најавив дека идната влада на ВМРО-ДПМНЕ има намера годишно да завршат околу 250 милиони евра или 15 милијарди денари капитални инвестиции за потребите на општините. Битола има неколку проекти кои што се од огромно би рекол и државно значање и идната влада на ВМРО-ДПМНЕ ќе има приоритет во реализација на тие проекти за општина Битола, меѓу кои што е техничкото односно идејното решение за спортската сала е поминато односно е избрано кој ќе биде. Но и не само тоа, има и многу други проекти во делот на инфраструктурата, но и оние би рекол проекти кои што ќе донесат основни услови за живот како што се да речеме, за деловите кои што сеуште за жал немаат своја канализација, вода питка и техничка за пиење, асфалт кој што и до ден денеска газат кал. Така што имаме навистина еден амбициозен проект кој што повеќе од 1 милијарда евра ќе бидат пари кој што директно од капитални инвестиции од буџетот ќе завршат за општините, а секако Битола е еден од клучните приоритети затоа што Битола и битолчани тоа го заслужуваат, рече тој.

The post Битола има неколку проекти што се од државно значење, порача Мицкоски appeared first on Република.

Амбасадорот на Чешка во Македонија Јарослав Лудва, ја посети Општина Битола и се сретна со градоначалникот Тони Коњановски.

За време на првата посета на Битола, чешкиот амбасадор беше информиран за имплементацијата на повеќе решенија поврзани со урбаната мобилност и примената на современи решенија за развој на паметни градови.

На средбата Коњановски – Лудва, посебен акцент во разговорот беше ставен на добрите примери и стратегии кои се применуваат во Чешка, предностите од користењето на електрични автобуси, како и позитивните искуства од функционирањето на принципот на јавно – приватно партнерство, соопштија од Општина Битола.

The post Чешкиот амбасадор во посета на Битола appeared first on Република.

Дозволете прво добредојде да посакам на потпретседателот на ВМРО-ДПМНЕ, Александар Николоски, тој денес е во работна посета на Битола, на локалната самоуправа, едноставно да разговараме, да се видиме за она што не очекува во оваа година, за проектите кои ги планира локалната самоуправа. Она што го презентирав и за што разговаравме се обемната програма која ја изготвивме и за оваа година, значи продолжуваме во исто темпо, по мене ударно темпо со кое Битола повторно ќе биде наше поле на работа, за добробит секако на граѓаните. Оној континуитет кој го имавме во изминатата година го продолжуваме уште посилно. Во текот кога ги изработувавме проектите од минатата година, паралелно се работеа проекти за оваа година, значи преку 65 проекти се веќе готови во вредност тоа го спомнав веќе од 1 милијарда денари. Но она кое конкретно го презентираме, тоа се ќе започнам во делот на инфраструктурата преку 40 улици кои планираме да се изработат и тоа најголемиот дел со комплетна инфраструктура. Значи во делот на тој економски развој, тоа е некоја вредност од некои 7.2 милиони евра, обемна активност. Освен во делот на инфраструктурата, едно од поголемите проекти се индустриска улица која е клучна можеби дестинација која ќе биде заобиколница за градот, нова - истакна денеска Тони Коњановски, градоначалник на општина Битола.

Тој најави дека се продолжува со работите на инфраструктурата и на дооформувањето на паркот, површината на паркот, готово е идејното решение и проектот се изработува за противпожарната, зградата за противпожарна заштита, со прифатилиште за бездомни животни.

Дел го решаваме проблемот, граѓаните се веќе сведоци дека пополека сигурно имаме веќе склучено со оператор, меѓутоа продолжуваат работите со подобрување на временски услови и на изготвувањето да речам, дооформувањето прво на надворешниот дел, меѓутоа и на самиот објект на самото прифатилиште, голем проект велам кој општина Битола се надевам дека во идните години, не веднаш ќе може да ги реши проблемот- рече Коњановски.

Идејното решение за спортскиот комплекс го имаме. Тоа е голем проект кој чини многу, за тоа ќе се потребни дополнителни средства, бараме начин, еве се консултираме заедно и со луѓе кои добро ги разбираат финансиите, како ќе оди тој проект.

Велам обемна една програма која нема да запреме. Сега бевме на увид на дел од активностите кои се завршени и кои ги изготвивме, дел се уште во доработка и не се дооформени, така да не чека многу работа.
И почнуваме еве деновиве само да напоменам дека овој период после новогодишниве празници ги посетуваме стопанствениците од градот, многу битен елемент имаме одлична соработка со регионалната стопанска комора. Поддршката наша ја имаат во секој момент и тие го чувствуваат во делот на тој дел, на брзината на реализирањето на нивните барања и изготвување на решенија за градба, дозволи за градба. До крајот негде на месец април ќе биде комплетно пуштен ГИС системот и комплетна електронска обработка на сите податоци кои граѓаните ги аплицираат, така да со клик ќе можат многу работи кои досега се чекаа по два – три месеци да се решаваат. Така да убеден сум и велам соработката е одлична со стопанството во градот, се запознаваме со сите субјекти кои се тука, со нивните активности, нивните маки кои ги имаат и во барањето едноставно на работна сила која недостасува веќе во градот. Така да велам тоа би било накратко се она што го планираме, обемна е целата програма која ја планираме - нагласи Коњановски.

The post Коњановски: Оваа година во Битола ќе се реализираат над 65 проекти во вредност од над милијарда денари appeared first on Република.

Историски висок степен на реализација на буџетот на Општина Битола и капиталните инвестиции беше дел од излагањето на градоначалникот на Битола, Тони Коњановски на регионална средба и трибина на општините од Пелагонискиот плански регион.

Изминатава година напорно работевме на реализација на буџетот на Општина Битола, каде имаме реализација од 72 проценти на капиталните инвестиции, како и повеќе од 80 проценти реализација на Буџетот до крајот на годината. Овие бројки се највисоки за Општина Битола во изминатава декада, а секако изминативе 5 години, кога истите се движеле од 26 до најмногу 57 проценти во изборна година, кажа градоначалникот Коњановски.

Одличната работа на Општина Битола резултира со добивање на многу признанија и награди, меѓу кои и Европската ознака за извонредност во управувањето, која се доделува како резултат на високото ниво на усогласеност на општината со 12 начела на Советот на Европа за добро демократско управување.

Коњановски најави интензивна работа и наредната 2023 година, каде до овој момент изготвени се 65 проекти кој можат да започнат да се реализираат, со вкупна вредност од околу 1,1 милијарда денари.

Како поважни проекти за наредната година може да ги издвојам изградбата на спортскиот комплекс за кое идејното решение е готово и деновиве ќе го претставиме на јавноста, а врз негова основа ќе се работи и основниот проект. Нареднава година ќе продолжиме со работата на проектот за изградба на објект за противпожарната единица, каде во тек е евалуацијата на пристигнатите решенија за проектот и во текот на идната година ќе започнеме и со неговата реализација, додаде Коњановски.

Проекти на чија реализација општината ќе работи во наредната 2023 година се и изградба на заобиколницата кај индустриската улица Бурса, реконструкција на повеќе улици и булевари, изградба на велосипедски патеки, изработка на проектната документација за зоолошката градина и многу други.

Регионалната средба на општините од Пелагонискиот регион се одржа во Битола и истата беше организирана од страна на Комисијата за локална, Комисијата за инфраструктура, урбанизам и транспорт, Комисијата за енергетика и Комисијата за финансии при ВМРО-ДПМНЕ.

The post Коњановски: Оваа година историска реализација на буџетот на Битола и 72% реализација на капитални инвестиции appeared first on Република.

Нека е честит денот, нека е честит празникот, многу значаен ден за Битола, рече денеска претседателот на ВМРО-ДПМНЕ Христијан Мицкоски по повод Денот на ослободувањето на Битола од фашистичкиот окупатор, додавајќи дека секогаш е задоволство да се присуствува на вакви настани кога се реализираат проекти и кога се испорачува она кое што е ветено.

И тоа е разликата помеѓу ВМРО-ДПМНЕ и владата предводена од СДС-ДУИ. Тоа што го ветуваме, тоа и го испорачуваме. Од утре па до недела ќе имаме 365 дена од победата на локалните избори минатата година во Скопје, ве поканувам доколку имате можност да дојдете и да слушнете од лице место што се е направено изминатата година од градоначалниците кои што беа избрани од коалицијата предводена од ВМРО-ДПМНЕ. Тоа се 42 плус коалицијата во општините каде што е ВМРО-ДПМНЕ, тоа е некаде вкупен број околу 50тина општини. Споредено со тоа што беше во минатото, навистина е неспоредливо во насока на зголемување на квалитетот на граѓаните, рече Мицкоски.

https://republika.mk/vesti/makedonija/konjanovski-od-veteni-23-sega-se-raboti-na-19-ta-ulica-vo-bitola/

Мицкоски додаде дека навистина е импозантно тоа што во Битола се реализирани повеќе од 75 проценти капитални инвестиции.

До сега тоа не се случило, повеќе од 65 проекти за до година подготвени, односно пред дозвола за градба, и навистина Битола заслужува да го врати оној сјај кој што од секогаш го имала на конзулски град.

А јас се обврзувам и лично и тоа сум го кажал и многу пати во минатото, дека владата на ВМРО-ДПМНЕ и јас како нејзин мандатар ќе посветам посебно внимание овде за Битола и ќе бидеме ветер во грб на локалната самоуправа, а не сега како што тоа го прави оваа влада да гледа на сите можни начини да ја опструира работата на локалната самоуправа и на градоначалникот.

Уште еднаш ќе ми дозволите да го честитам денот, да му честитам на градоначалникот, на тимот, на советниците, на сите луѓе кои што допринесуваат за Битола да се гради и продолжуваме со исто темпо, продолжуваме да го враќаме сјајот на Битола на конзулски град, порача тој.

The post Мицкоски: Над 65 проекти кои се почнати, 75 проценти реализирани капитални инвестиции во Битола за само една година appeared first on Република.

Градоначалникот на Битола Тони Коњановски денеска го честиташе големиот празник на градот, 4 Ноември, Денот на ослободувањето на Битола и 78 години од победата над фашизмот во Битола. Тој потсети дека Битола овие денови живее празнично, со многу манифестации, со многу приредби, со многу празнување. Утрово се сретнал и со борците од НОБ, а попладнево, како со претседателот на ВМРО-ДПМНЕ Христијан Мицкоски заедно извршија увид на активностите кои се спроведуваат и кои локалната власт ги работи во Битола.

Да кажам дека се наоѓаме на потегот на село Брусник, улица, дел од потегот кој многу значи за граѓаните на ова село, атрактивна локација, туристичка локација која очекувам годините кои следат да заживее онака како што треба. Ова е еден дел од проектот од 23 улици кој го ветивме, 19-тата улица во должина од должина од 1.400 метри, се работата сега првите 600-700 метри на потегот, направена е и примарна канализациона мрежа и мислам дека градот и граѓаните, жителите на Брусник ќе бидат задоволни со она што го правиме добиваатат конечно после толку години пат, реконструиран кој едноставно ќе не спои многу побрзо.

Продолжуваме со активностите кои ги имаме, се надевам дека времето ако послужи овие 2-3, неколку дена ќе следи и асфалтирање на останатите улици, така да проектот 23 улици ќе го завршиме. За нашите активности зборува и самиот факт што некаде преку 70% од буџетот наменет за капитални инвестиции ќе биде реализиран што никогаш досега во историјата на Битола не било направено. Се работи интензивно од самиот почеток на мандатот кој го добивме и мислам дека граѓаните можат да осетат едно предвижување на поинаква слика, едни промени кои се надевам дека на добробит на сите ќе се. Ги поканувам и сите граѓани вечер заедно да празнуваме во 19 часот во Салата на битолскиот народен театар и да ја заокружиме, така да ги доделиме признанијата, да го прогласиме елаборатот, вашиот колега новинар, Петар Ставрев и да ја завршиме вака свечено велам оваа пригода. Меѓутоа активностите од утре си продолжуваат, во тек се, еве да најавам за идната година, сите плански документации ги средуваме за влезот од Битола од Прилеп, болната точка на град Битола, овој дел овде на потегот према Охрид, гледате веќе се реализира до мостот спремна е девијацијата на мостот која моравме да ја завршиме како би се овозможил пристап додека се реконструира мостот, знаете тоа е со средства од ТАВ предвидено да се доврши.

Уште една работа, не само што ги реализираме проектите кои се во тек за идната година веќе за сега имаме 65 нови проекти кои се пред дозвола за градба, така да идната година ќе биде уште пожестока, рече Коњановски.

https://youtu.be/uEwECmUAEWs

The post Коњановски: Од ветени 23, сега се работи на 19-та улица во Битола appeared first on Република.

Градоначалникот на општина Битола, Тони Коњановски и претставници на СВР Битола, попладнево, извршија увид во месноста Кисела вода, каде се наоѓа чешмата, која во последните две децении одзеде повеќе животи, a неодамна беше кобна за двајца браќа.

https://republika.mk/vesti/crna-hronika/dvajca-bitolchani-se-ugushile-od-cheshmata-ubiec-vo-bitolska-kisela-voda/

Како што соопштуваат од Општината, во разговорот со дел од жителите од околните населени места, беше истакнато дека досегашните решенија на поставување челична ограда и табла како предупредувачки знак за опасноста која се заканува, не дале резултат, поради што неопходно е во решавањето на проблемот да се пристапи со вклучување на стручни лица од сите институции надлежни за оваа проблематика.

Иако едукативното и советодавно делување кај населението е доста важно и истото веќе се спроведува, градоначалникот Коњановски, нагласи дека општината ќе се заложи за што е можно побрза координација со државните институции и извршување на соодветна интервенција која нема да дозволи, несреќите да се повторуваат, велат од Општина Битола.

The post Ни челична ограда ни знаци не ги одвраќаат битолчани од чешмата-убиец, се бара трајно решение appeared first on Република.

Проектните партнери од проектот “Бенефит“, финансиран од ИПА програмата за прекугранична соработка со Грција, во рамките на посетата на Брисел, го посетија одделот за Енергетска ефикасност при Генералниот директорат за енергија на Европската комисија. На состанокот со претставниците на DG ENER, беа презентирани досегашните активности и достигнувања на проектот за „Подобрување на енергетската ефикасност во згради - БЕНЕФИТ“, при што беше изразен интерес за идна соработка со Генералниот директорат за енергија, како оддел на Европската комисијата кој е одговорен за енергетската политика на ЕУ во делот на обновлива енергија, енергетска ефикасност, енергетски податоци и анализа, закони, политики, финансирање и грантови и друго.

Претставниците на општина Битола, за дел од приоритетите и потребната поддршка од Европската комисија ја информираа директорката на одделот за праведна транзиција Паула Пино, а состојбата беше детално образложена пред Пјерлука Мерола и Едита Новак, задолжени за меѓународна соработка и финансирање.

На состанокот, градоначалникот на општина Битола, Тони Коњановски и претседателката на Советот, Габриела Илиевска, потенцираа дека очекуваат поддршка од Европската унија и нејзините институции во процесот на праведна транзиција и постигнување енергетска правда, посебно за следните приоритети:

- Во врска со формирањето на „Just transition“ фонд за Западен Балкан, да биде формирана контакт точка за Македонија со седиште во Битола, а проектите што би можеле да се реализираат од овој фонд да имаат партнери од Битола, при што главниот бенефит треба да остане во битолскиот регион, заради унапредување на регионот, со цел приближување до европските стандарди, земајќи ја предвид работата и близината на РЕК Битола во изминатите 40 години,

- Формирање на национален „Фонд за праведна транзиција“ и „Фонд за енергетска ефикасност и животна средина“ со седиште во Битола

- Воспоставување програма за финансирање од ЕУ за регионите Битола, Кожани поврзана со механизмот за праведна транзиција и зајакнување на регионалната соработка,

- Поддршка од ЕУ во барањето на локалната самоуправа насочено кон државата, за обесштетување на битолскиот регион, поради загадување со јаглен со 10 евра за MWh електрична енергија произведена од РЕК Битола, во периодот додека се користи јагленот како енергенс.

Претставниците на DG ENER, ги образложија своите размислувања во врска со изнесените ставови, при што беше договорена дополнителна размена на информации во насока на поддршка во реализацијата на приоритетите.

The post Битола преговара со ЕУ за поддршка за постигнување енергетска правда appeared first on Република.

Согласно програмата која ја доставивме до Советот и до граѓаните уште во предизборието меѓутоа и како наша изборна програма интензивно се работи, а тоа можат и граѓаните секојдневно да го видат на реализација на проектите. Пред се во оваа прва година од мојот мандат насочени сме кон инфраструктурните проекти, рече на прес-конференција градоначалникот на општина Битола, Тони Коњановски.

-Да кажам дека за овој дел, за капитални инвестиции и за инфраструктурата предвидени се вкупно од предвидените над 400 милиони денари, а 240 се веќе реализирани и исплатени. Значи голем дел од тие проекти се завршени, така да тој проект 23 улици кој го ветивме на граѓаните, 13 се комплетно реализирани, а во моментов се работи на 8 улици меѓу кои и оваа „Наум Наумовски – Борче“ на која денес се наоѓаме. И уште две се во постапка на отворање. Сакам да кажам дека интензивно во одделенијата на Општината се работи за изготвување на планската документација за изработка на нов проект за 30-тина улици кои ќе се за идната година. Точно се лоцирани, според нашите сознанија, според барањата на граѓаните. Така да следната година продолжуваме со исто, ако не и појако темпо. За дел од нив се прави планска документација, а дел тендерска документација веќе се отвора, така да веќе имаме точно што да работиме. Да напоменам дека исто така се работи и знаете дека тече уште јавниот повик за идејно решение за спортскиот комплекс, во изработка е планска документација за противпожарната станица која ја планираме во Битола и низа други проекти. Тука е прифатилиштето за бездомни животни кој ни е еден така актуелен проблем во градот, очекуваме во текот на денешниот ден посета од Агенцијата за храна и ветеринарство со кој ќе уедначиме некои работи. А, во делот на другите активности кои ги имаме во делот на проблемите со зголемените цени на електричната енергија направивме да кажам една врста на менаџирање така да мислам дека ќе се намалат трошоците. Тоа е добробит и бенефит за сите граѓани на Битола. Во делот на културата, образованието веќе сме во измакот на Бит Фест, за два дена го имаме и поточно утре го имаме и завршниот концерт со меморија. Во делот на образованието интензивно работиме и имаме увид во сето она што треба во основното и средното образование. Вчера успешно започна првиот ден на новата учебна година, оваа година со 873 првачиња, само 44 помалку од минатата година. Се надевам дека идната година бројот ќе биде зголемен. Работиме на енергетска ефикасност и имаме три проекти во однос на сега за сега на образованието. Тоа се работи за основното училиште „Даме Груев“, за кој за малото училиште, како што најавив вчера во тек е изработка на проект. А, со готов проект за централното училиште „Даме Груев“ веќе имаме аплицирано во една од странските амбасади, истакна Коњановски.

Тоа би било во главно сега, интензивно се работи, тука се и јавните претпријатија кои се потпора апсолутно на Советот и тие се вклучени во инфраструктурата и изработката на комплетна санација на оние улици кои ги работиме. И јавното претпријатие „Водовод“, „Нискоградба“, „Комуналец“ ја врши својата дејност. Мислам дека градот е почист од било кога, тоа граѓаните можат да го видат. Меѓутоа има простор за уште работа и јас мислам дека многу поинтензивно ќе работиме, додаде тој.

https://youtu.be/iicnqy2OiWM

The post Коњановски: Битола стана почист град, над 13 улици комплетно завршени, се работи и на енергетска ефикасност на училиштата appeared first on Република.

По објавата на „Апелот за спас на Малиот Битолски Монмартр“ на социјалните мрежи, во кој се вели дека Министерството за образование и наука ги укинува средствата наменети за оваа институција, Општина Битола и Советот на општината информираат дека застануват зад делото на Коста Хаџиантоновски, творецот на најголемата и најзначајна детска ликовна колонија кај нас и во светот, која 41 година е македонски бренд во светот.

Од тамошната локална самоуправа посочуваат дека со ребалансот на буџетот, до крајот на оваа година, ќе бидат одвоени средства за исплата на плата на едно лице (технички секретар) и трошоците за струја, со што ќе продолжи функционалноста на оваа институција.

Детското ликовно студио „Свети Кирил и Методиј”, 41. година е организатор на најстарата светска детска ликовна колонија „Мал Битолски Монмартр“.

The post Коњановски: Општина Битола ќе ги исплати трошоците за „Мал битолски Монмартр“ до крајот на оваа година appeared first on Република.

Фактот што двајцата сме градоначалници кои се обврзавме на промени, проекти, создавање на нова иднина за нашите општини, постојаната соработка и размена на искуство се од големо значење за динамиката со која сакаме промените да се почувствуваат во сите општини и во ова време во кое сме соочени со енергетска, економска криза. Да создадеме поубави општини и подобри услови за животот на нашите сограѓани, вели градоначалникот на Битола Тони Коњановски.

Главната тема на нашиот разговор се проектите поврзани со подобрувањето на инфраструктурата, но и хортикултурното уредување, создавање на нови зелени површини, тоа впрочем е и интенција на Општина Аеродром. Урбанистичко планирање на просторот, подигнување на хигиената, дигитализацијата и услугите и други теми поврзани со сите сфери кои се во надлежност на локалната самоуправа.

Градоначалникот Муцунски го информирав за текот на работните активности кои се реализираат во Општина Битола. Еден од најголемите проекти кој е во фаза на  реализација е проектот  за реконструкција, рехабилитација и изградба на 23 улици во општина Битола.  Во рамките на кои веќе работиме на 13 улици во моментов, односно во Битола се реконструираат улиците Вера Циривири Трена, Македонска Фаланга, Крушевска Република,  Цане Василев, Доблеџик, Струшка, Сутјеска, Бранислав Нушиќ и така натаму, да не ги редам со ред.

Веќе е завршивме втората фаза од улицата Солунска, минатиот викенд ја асфалтиравме улицата АСНОМ, барање на граѓаните од подолго време. А, во руралните места се врши рекоснтрукција на патот за село Дихово, како и на коловозот на главниот уличен крак за селото Логоварди.  Тоа сето, вклучувајќи ги и улиците кои ги асфалтиравме во првиот месец по нашето доаѓање, е во должина од некаде осум километри за период од само шест месеци.

Исто така работиме на поставување ново и дополнување на постоечкото улично осветлување во населбата Буковски ливади на улицата четврта, Буковски мост. Уредивме две нови детски игралишта на улиците Север југ и Смилевски Конгрес. Веќе започнавме со уредување на два нови паркови, тоа го промовиравме во периодот кој измина. Нов градски парк во Нова Битола и на барање на студентите, Студентскиот парк.

За решавање на проблемите со бездомните животни, тоа е исто едно од нашите ветувања, во соработка со невладиниот сектор, бизнис секторот и сите надлежни субјекти кои ја третираат оваа проблематика, изработивме проект за прифатилиште и одредена е локација во земјоделското училиште.

Обезбедуваме поддршка за талентирани ученици кои постигнуваат високи резултати, невладини организации кои работат на проекти од различни области, спортски здруженија, индивидуални спортисти. А, исто така повторно културно ја раздвижуваме Битола со културни содржини за сите возрасти, за што сме сведоци деновиве само што заврши Фестивалот на монодрамата во Битола.

Од капиталните проекти, пред отпочнување сме на постапка за јавна набавка за изработка на проект за изградба на нова противпожарна зграда, едно од нашите ветувања. А, како резултата на зајакнувањето на меѓународната соработка идниот месец, преку донација на Република Франција  ќе го надополниме и возниот парк во противпожарната единица со три возила.

Го решаваме и проблемот со хаварисаните возила и работиме на зголемување на хигиената на градот, а со тоа овозможуваме и уредување на јавните површини согласно нивната намена. Со завршувањето на процесот на легализација на објектите и изработка на новиот Генерален урбанистички план, во значајна мера ќе се подобри процесот на планирање и уредување  на просторот што преставува наша долгорочна инвестиција за убава Битола.

Во делот на економскиот развој, каде евидентно во изминатиот четири годишен период имаме нефункционални и оптоварени со долгови јавни претпријатија, сега веќе се менуваат работите на подобро. Јавното претпријатие Жабени почнува да функционира, а Општина Битола објави јавен оглас за отуѓување на градежно земјиште за шеснаесет парцели во индустриската зона Жабени. Ова очекувам да резултира со нови инвестиции, за што веќе имаме и најави од странски инвеститори.

 Преку ова претпријатие работиме на решавање на најголемиот проблем кој го оптоварува општинскиот буџет, цената на електричната енергија, кој е заеднички проблем на сите локални самоуправи, за кој како општини сме оставени потполно сами на себе, без поддршка на централната власт.

Само за споредба, месечната сума која во моментот ја плаќа општина Битола за електрична енергија е приближно колку потребната сума за реконструкција на две улуци во Битола. Токму затоа, секое алтернативно решение на овој проблем, за нас ќе значи можност за нови инвестиции во подобрување на патната инфраструктура. Во моментов, месечната фактура на општина Битола за учичното осветлување е 150 илјади евра.

Во насока на постојано зголемување на транспарентноста, двете општини и Битола и Аеродром, воведуваме начин на поголема достапност на граѓаните за нивните потреби, барања, иницијативи и предлози. Така што, со воведувањето М-заедница , започнуваме со првиот чекор кон дигитализација на јавните услуги.

Општина Битола обезбедува поддршка за надминување на наталожените проблеми во професионалните спортски клубови и во иднина ќе продолжи да го стимулира нивниот напредок до крајната цел, битолчани да бидат горди на спортските успеси.

Спортистите треба да ја имаат нашата поддршка како локална самоуправа и како граѓани и кога постигнуваат високи резултати и кога се соочуваат со пораз, зошто само така ќе имаат мотив повеќе да бидат се подобри.

Со градоначалникот на општина Аеродром, после увидот кој ќе го направиме на неколку локации во градот каде се во тек градежни активности, продолжуваме во спортската сала Боро Чурлевски каде ќе го проследиме кошаркарскиот натпревар помеѓу кошаркарскиот клуб Пелистер и МЗТ Скопје и се надевам подобриот нека победи, се надевам дека тоа ќе биде Пелистер

The post Коњановски: Во период од шест месеци од преземањето на Битола, асфалтиравме и реконструиравме улици во должина од осум километри appeared first on Република.

Kога централната власт и националното законодавство дозволиле во Општина Битола да се регистрира и да функционира ваков културен клуб, тогаш време е нашите источни соседи да овозможат вистински реципроцитет и да покажат почитување на правата на Македонците во Бугарија, можности за нивно културно изразување и негување на македонската култура и историја, напиша на својот фејсбук-профил првиот човек на Општина Битола, Тони Коњановски, откако денеска во Битола се отвори клубот на бугарското здружение „Ванчо Михајлов“, а на чие отворање присуствуваше и бугарската делегација во состав на премиерот Петков, потпретседателката Јотова и шефицата на бугарската дипломатија Генчовска.

„Добрососедските односи се градат само со меѓусебно почитување и признавање, но никако со индиректни провокации и оживување на едно мрачно минато на кое потсетува името на Бугарскиот културен клуб „Ванчо Михајлов“, стои во фејсбук-објавата на битолскиот градоначалник Тони Коњановски.

После посетата на денешниот настан во Битола, додава Коњановски, очекувам премиерот Кирил Петков, да биде првиот иницијатор кој во Бугарија ќе го покрене прашањето за промоција на македонската култура, еднаквост и поголеми права на македонците кои живеат таму.

„Тогаш кога ќе добиеме покана за присуство на отворање на македонски културен клуб во Бугарија, дури тогаш ќе знаеме дека сме на вистинскиот пат кој значи взаемно почитување и искрено пријателство“, додава Коњановски во својата фејсбук-објава.

The post Коњановски: Време е за реципроцитет од нашиот источен сосед и почитување на правата на Македонците во Бугарија appeared first on Република.

The post Коњановски: Кога ќе добиеме покана за отворање македонски културен клуб во Бугарија, ќе знаеме дека се за добрососедство appeared first on Република.

Општина Битола и Националната мрежа против насилство врз жените и семејно насилство потпишаа Меморандум за отворање на Регионален советодавен центар за помош и поддршка на жени и деца жртви на родово базирано и семејно насилство во Пелагонискиот регион. Општина Битола се води од начелото да биде вистинска поддршка за сите нејзини граѓани, а услугите кои ги нуди да одговараат на нивните индивидуални потреби. Отворањето на овој центар значи решавање и превенирање на еден сериозен проблем во заедницата, потврден, за жал, низ конкретни бројки и показатели.

Во текот на 2021 година според податоците на Центарот за социјална работа во Битола значително е зголемен бројот на жртви на семејно насилство и тој изнесува вкупно 148, од кои 105 се жени, 28 мажи и 15 деца. Од сите овие 148 случаи, само на два им е пружена психо-социјална поддршка во Центарот за социјална работа, евидентирани како жртви на семејно или родово базирано насилство. Оттаму доаѓа неопходноста од отворање на еден ваков Регионален советодавен центар за помош и поддршка на жени и деца жртви на родово базирано и семејно насилство во Битола, но и во Пелагонискиот регион. Во оваа прилика ќе ги споменам податоците за целиот Пелагониски регион каде според добиените податоци од центрите за социјална работа на Битола, Ресен, Прилеп, Крушево и Демир Хисар во периодот 2020 година и јануари - јули 2021 година вкупно се пријавени и евидентирани 588 жртви на семејно насилство од кои 412 се жени, 164 мажи и 12 деца, рече градоначалникот Тони Коњановски.

Претседателката на Советот, воедно и претседателка на Комисијата за еднакви можности меѓу жените и мажите Габриела Илиевска, посочи дека станува реалност, долго посакуваниот и многу потребниот Регионален советодавен центар, кој активно ќе работи на подобрување и унапредување на социјалните услуги за жените и децата жртви на родово базирано и семејно насилство.

Локалната самоуправа е клучен чинител во справувањето со родово - базираното насилство и има обврска да обезбеди заштита на жртвите од семејно насилство преку поддршка и основање на специјализирани сервиси. Недоволниот капацитет за сместување и недостигот од потребни ресурси во Битола и Пелагонискиот регион се причина за несоодветната заштитата на жртвите на семејно насилство и обесхрабрување на жртвите да побараат соодветна помош. Поддршката и заштитата на жртвите од семејно насилство е недоволна и недостасува. Затоа ние како Совет и како Комисија за еднакви можности со огромна поддршка на градоначалникот Коњановски пристапивме токму кон формирање на ваков Регионален советодавен центар за жртви на родово базирано и семејно насилство. Горда сум што Битола добива ваков центар и им овозможува помош и поддршка на жртвите, истакна Илиевска.

Елена Димушевска од Националната мрежа против насилство врз жените и семејно насилство, изрази особено задоволство од потпишувањето на Меморандумот, востопставените односи со општината за успешна соработка и успешна работа на Регионалниот советодавен центар, со цврсто верување дека сите општини од Пелагонискиот плански регион активно ќе се вклучат во поддршката. Проблемот со семејното насилство, посочи таа, е многу присутен во речиси сите општини во земјава, па оттука од огромно значење е вклучувањето на локалните самоуправи во надминувањето на овој проблем.

Со овој чекор, Општина Битола се вклучува во одбележувањето на празникот на жената 8 март.

Посакувам секој 8 Март, да го одбележуваме со нови победи, со добиени битки и вистински услови за еднакви можности меѓу жените и мажите, а во меѓувреме, за да биде така, мора да ги создаваме секој ден, буквално, испрати порака претседателката на Советот Габриела Илиевска.

Градоначалникот Коњановски, подарувајќи им цвет на присутните дами, во честитката истакна:

Сакам да упатам честитка по повод Меѓународниот ден на жената 8 Март, со ветување дека секој ден и секоја година одбележувањето на овој празник треба да биде со конкретни чекори во унапредувањето на еднаквите можности меѓу жените и мажите, секојдневно градење поволно опкружување за реализација на женските права, како денешниот со прецизна акција за решавање на непосредните проблеми со кои се соочуваат жените во заедницата. Нека е честит 8 Март.

The post Битола добива Центар за помош и поддршка на жени и деца жртви на родово базирано и семејно насилство appeared first on Република.