Ексклузивниот концерт кој го има пропатувано речиси целиот свет, конечно и во Македонија! Рок симфонијата "Simply the best" посветена на кралицата на рокенролот и музичката икона Тина Тарнер, ќе биде изведена на 1 јуни во „Арена Борис Трајковски“ со повеќе од 40 луѓе на сцената.

Тина Тарнер беше славна по своите бурни, енергични сценски изведби и по моќниот вокал, често нарекувана кралица на рокенролот и музичар кој остави неизбришлива трага во светот на музиката, забавата и културата. Неисцрпна инспирација е за многумина, а нејзината важност се чувствува во генерациите кои доаѓаат.

Присутните ќе имаат можност да уживаат слушајќи ги највлијателните и најпознатите хитови како што се „Proud Mary“, „What’s Love got to do with It“, „Simply the best“, „We don’t need another hero“ и многу други. Добро познатите балади ќе ги разнежнат сите присутни, а брзите ритми ќе ги подигнат сите на нозе.

Рок симфонијата е посветена токму на неа, а на истата ќе се изведуваат и песни од бендови како „Gun's and roses“, „Deep purple“, „AC/DC“, како и познати дуети кои ја одбележаа светската кариера на Тина.

На 1 јуни, публиката ќе има можност на еден поинаков начин да ја почувствува енергијата на легендарната Тина. Тина Тарнер беше една од најголемите рок пејачки на сите времиња и така и ќе остане запомнета.

Сите оние кои сакаат да доживеат ноќ исполнета со многу енергија и страст, можат уште веднаш да ја купат својата влезница. Влезниците се пуштени во продажба, а истите може да ги купите преку продажната мрежа на www.kupikarta.com Розе Веро 2, како и Јк травел во Бисер.

The post Рок симфонијата „Simply the best” посветена на кралицата на рокенролот и музичката икона Тина Тарнер на 1 јуни во „Арена Борис Трајковски“ appeared first on Република.

АјК Тарнер Џуниор, син на покојните музичари Ајк и Тина Тарнер, бил уапсен минатиот месец во Тексас под сомнение дека поседувал крек и се обидел да скрие докази, објави магазинот „Пипл“.

Полицијата во Алвин, Тексас, го уапсила 64-годишникот откако пронашла 1.7 грама крек-кокаин и 0.7 грама метамфетамин, дознава „Пипл“.

Ајк Тарнер Џуниор, кој исто така е музичар, е осуден на 18 дена затвор.

Инцидентот се случил пред да почине неговата мајка на 83-годишна возраст на 24 мај. Тарнер возел бел „форд фјужн“ од 2013 година кога полицијата го сопрела поради помал сообраќаен прекршок.

Како што пренесува „Пипл“, полицајците ја заплениле дрогата откако виделе дека Тарнер се обидува да ја проголта, но тие успеале да му ја одземат.

Тарнер моментално се наоѓа во затворот во округот Бразорија, одредена му е кауција од 70.000 долари.

Ајк и Тина Тарнер имаа четири деца. Тина го имаше синот Крег со саксофонистот Рејмонд Хил пред да се омажи за Ајк. Таа имаше уште тројца синови – Рони (57), кој е единственото нејзино дете од бракот со Ајк и неговите деца од првиот брак – Ајк Џуниор и Мајкл.

The post Синот на Тина Тарнер уапсен поради поседување дрога appeared first on Република.

Легендарната Тина Тарнер починала од природна смрт во својот дом во Швајцарија.

Пејачката почина на 83-годишна возраст во близина на Цирих, Швајцарија, по долго, неодредено боледување.

Исто така, познато е дека таа се борела со рак на дебелото црево и страдала од висок крвен притисок повеќе од четири децении.

-Нејзините претставници потврдија дека кралицата на рокенролот починала од природна смрт, пренесува „Дејлимејл“.

Веста доаѓа откако повторно се појавија нејзините мемоари, каде таа призна дека еднаш размислувала за самоубиство во 2016 година пред нејзиниот сопруг, Ервин Бах, да и го донира неговиот бубрег.

The post Тина Тарнер починала од природна смрт appeared first on Република.

Легендарната Тина Тарнер почина на 83-годишна возраст, објави Sky News. Таа замина по долго боледување.

Во соопштението се вели: „Тина Тарнер – Кралицата на рокенролот, почина денеска на 83-годишна возраст по долго боледување во нејзиниот дом во Куснахт во близина на Цирих, Швајцарија. Со неа светот губи музичка легенда и модел за улоги“.

Нејзиниот портпарол појасни дека „ќе има приватен погреб на кој ќе присуствуваат нејзините блиски пријатели и семејството“.

„Ве молиме почитувајте ја приватноста во овој тежок момент за нејзиното семејство“, додаде тој.

The post Почина кралицата на рокенролот Тина Тарнер appeared first on Република.

Синот на Тина Тарнер, Рони, е пронајден мртов во својот дом во Лос Анџелес. Тој имаше 62 години.

Соседите се обиделе да го реанимираат, но безуспешно.

Причината за смртта не е објавена, но се знае дека Рони претходно се борел со ракот.

Тина Тарнер се уште не се изјаснила за неговата смрт.

Да потсетиме дека најстариот син на Тина, Крег се самоуби во јули 2018. Таа го роди Крег кога имаше 18 години, откако забремени со саксофонистот Рејмонд Хил.

Крег работел како агент и се самоубил во својот дом во јули 2018. Имал 59 години.

The post Синот на Тина Тарнер пронајден мртов, пејачката втор пат губи свое дете! appeared first on Република.