Три лица се повредени вчеравечер во сообраќајната несреќа што се случи околу 20 часот и 15 минути на автопатот Тетово – Гостивар на три километри од тетовската наплатна станица за патарина.

Во сообраќајната незгода учествувале патничко возило „мерцедес“ со скопски регистерски таблици, управувано од малолетничка од тетовска Голема Речица и патничко возило „дачија“ со турски национални ознаки, управувано од М.Б.(53) од Гостивар.

– Во незгодата со тешки телесни повреди се здобил возачот М.Б. додека малолетничката возач и сопатничката во мерцедесот, исто така малолетничка од тетовски Требош, се здобиле со телесни повреди констатирани во Клиничката болница Тетово. Увид на лице место извршила екипа при СВР Тетово, информираа од СВР Тетово.

The post Малолетничка возела „мерцедес“, па направи сообраќајка на патот Тетово – Гостивар appeared first on Република.

Поради сообраќајна незгода на патниот правец Тетово - Гостивар на три километри од наплатната станица Тетово, сообраќајот се одвива по една коловозна лента.

Како што информираат од АМСМ, сообраќајот се одвива по една коловозна лента од 20:30 часот.

The post Тешка сообраќајка на патот Тетово – Гостивар, сообраќајот по една коловозна лента appeared first on Република.

Пет луѓе се повредени во сообраќајна несреќа при судир на три возила изутрината околу 10 часот на автопатот Тетово-Гостивар. Сите пет повредени се однесени во гостиварската болница за укажување лекарска помош.

На автопатот Тетово-Гостивар се случила сообраќајна несреќа во која учествувале три патнички моторни возила: „сеат леон“ со гостиварски и „фолксфаген голф“ и „фиат“ со тетовски регистарски ознаки. Во несреќата, со повреди се здобиле вкупно пет лица кои веднаш се пренесени во гостиварската Општа болница „Ферид Мурад“ за укажување на лекарска помош, информираат од СВР Тетово.

На местото на несреќата увид извршила екипа од Одделението за внатрешни работи Гостивар.

The post Петмина повредени во тешка сообраќајка на Тетово-Гостивар appeared first on Република.

Тетовската полиција информира дека поради сообраќајка имало пренасочување на возилата кои попладнево се движеа по автопатот Тетово-Гостивар. Во судир на две возила повредени се две лица.

Околу 15 часот и 45 минути во СВР Тетово пријавено е дека на автопатот Тетово-Гостивар, на потегот од клучката Камењане до наплатната станица Тетово, се случила сообраќајна несреќа во која учествувале две патнички моторни возила „опел-астра“ со гостиварски регистарски ознаки управувано од 52-годишниот гостиварец Ф.Е. и „мерцедес“ со скопски ознаки што го управувала 38-годишната М.С од Скопје. Во несреќата, две лица-сопатници од „Астрата“ се здобиле со повреди и веднаш се пренесени во тетовската Клиничка болница за укажување на лекарска помош, информира Марјан Јосифоски, портпарол на СВР-Тетово.

На местото увид извршила екипа од СВР Тетово, а поради судирот сообраќајот на овој потег бил во прекин до 16 часот и 15 минути и се пренасочуваше по други околни патишта.

The post Две лица повредени во сообраќајката на автопатот Тетово-Гостивар appeared first on Република.