За трет мобилен оператор нормално е да има тендер, не се фаворизираат компании, но добро е што други оператори веќе пројавуваат интерес да влезат на македонскиот пазар и евентуално да ја зголемат конкуренцијата, истакна  заменик претседателот на Владата и министер за транспорт Александар Николоски, во вечарашната емисија “Само интервју” на ТВ Канал 5.

Македонскиот пазар функционира како дуопол и затоа се обидуваме да ги намалиме цените на услугите. Не е нормално да плаќате пакет од 5100 денари во услови кога минималната плата е 23 илјади денари, вели министерот Николоски.

Гледам дека се многу вознемирени двата оператори и сакам јавно да ги замолам да не се обидуваат преку јавноста да нарачуваат текстови и напади и уште помалку преку нивните амбасадори да се жалат дека имаат проблеми. Немаат никакви проблеми, единствено што јас сакам е да се намалат цените. Да ги намалат цените може нема да има потреба и од трет оператор,  ќе гледаат со пониски цени да го освојат пазарот. Еве ако имате еден нормален пакет со мобилен телефон, фиксен телефон, оптички интернет и кабелска ТВ и тоа да ве чини 5100 денари во услови кога минималната плата е е 23 илјади денари, нормално е дека некој друг ќе гледа да ги намали цените и да понуди услови да го освои пазарот. И наместо да трошат пари на пр - текстови нека ги намалт цените и ќе бидат поконкурентни, истакна  министерот Николоски

Тој исто така објаси дека Македонија е дел од т.н. “Чиста мрежа” каде преку законски измени не може да се користат технологии од кинески компании.

Исто така сe пласираат тези преку блиски медиуми на двата оператори дека компанијата 4iG користи кинeска технологија. Прво Македонија и со поддршка на ВМРО-ДПМНЕ и со законски измени во 2022 година стана дел од  таканаречената чиста мрежа според која кинески компании не можат да инсталираат технологија во Македонија. И овие два оператори не кажуваат дека тие користеа кинеска технологија, едниот Хуавеј, другиот ЗТЕ и никогаш не кажаа во јавноста што направија со таа технологија од која се откажаа од пред две години, рече министерот Николоски во интервјуто.

The post Николоски: Не е нормално да плаќате телекомуникациски пакет од 5100 денари, кога платата е 23000 денари appeared first on Република.

Според најавите на надлежните институции за годинава, новина на пазарот за електронски комуникации, треба да овозможи планираното нудење услуги од петтата мобилна генерација 5Г.

Јавното отворање на понудите од тековниот тендер за доделување одобренија за користење радиофреквенции за 5Г е закажано за 5 јануари, а во рок од седум дена треба да се донесе одлуката за избор на понудувачи што ќе учествуваат во предвидената постапка на јавно наддавање.

Писма за интерес за учество на тендерот за доделување одобренија за користење радиофреквенции за 5Г, по објавата на АЕК на 1 јуни годинава доставија компаниите „Неотел“, „Битстрим мобиле“, „Македонски телеком“ и „А1 Македонија“.

Операторите што ќе добијат одобрение за национално покривање се должни со новоиздадените и постојните одобренија за користење радиофреквенции да обезбедат покриеност, во согласност со Националниот оперативен бродбенд-план.

The post Годинава ќе добиеме 5Г-услуги и нов мрежен мобилен оператор appeared first on Република.