Ниту сум била предавник, ниту ќе бидам, напиша пејачката Сузана Гавазова на својот профил на Фејсбук одговарајќи на критиките.

Ред е и јас да кажам за тоа што некој се обидува да ме „уништи” со тоа што ме нарекува предавник, парољубец, пеам бугарски песни, пеам горански песни, српски, ромски, грчки. Само да знаете Македонија е срцето на Балканот и од овде сѐ треба да знае еден пејач. Не може да ме уништите кои и да сте…не се плашам од вас, мене народот ме сака затоа што сум направила добрини, правам и ќе правам. Срамота е што се обидувате на жени, мајки и пејачки кои го дале целиот живот за македонската песна така да пишувате и така да навредувате. Зошто не се обидете на маж така? Затоа што немате храброст па затоа удирате на жена! Ниту сум ја предала Македонија, ниту сум ја украла, тој што ја предал нека му ја мисли, а и тој што ја украл рацете да му се исушат. Ви смета што пеам секакви песни, а не ви смета што браќата Срби ечат во Македонија, напиша Гавазова во својата реакција.

The post Гавазова: Ви смета што пеам секакви песни, а не ви смета што браќата Срби ечат во Македонија appeared first on Република.

Не престануваат реакциите во јавноста по ненадејната смрт на познатиот саксафонист и кларинетист Илми Мустафов, инаку син на легендарниот македонски музичар Ферус Мустафов кој почина пред само три месеци.

Естрадата со емотивни посвети се простува од него. На социјалните мрежи се огласи и неговата блиска пријателка и соработничка, познатата фолк-интерпретаторка Сузана Гавазова.

Си замина толку брзо, толку ненадејно и зад себе остави опустошени срца, болка и тага. Пред некој ден настапувавме заедно на свадба во Дебар со „Огнени момчиња“ и Илми.. Се’ беше нормално, никој не се посомнева дека такво нешто може да се случи.. Само во еден момент видов како Илми плаче, но искоментиравме со колегите дека плаче поради раната смрт на неговиот татко.. Но, ти Илми си замина прерано. Ќе ни недостигаш многу. Почивај во мир, пријателе, напиша Гавазова на „Фејсбук“.

Инаку, блиски на семејството Мустафови откриваат дека Илми пред неколку години ставил стент.

Во својата скоро тридецениска кариера, тој сними многу ора и чочеци, дел со својата група „Огнени момчиња“, дел со неговиот познат татко.

The post Само во еден момент видов како плаче: Потресно сведоштво на Гавазова за починатиот колега Мустафов appeared first on Република.