Професорот Борче Давитковски излезе со критики кон нивото на владеењето на правото во општеството, за што, како главна причина ја посочи отсуството на политика волја за надминување на состојбите.

- Сами се доведовме во таква ситуација. Немаше политичка волја да се направат вистински реформи во правосудниот систем, како во судството така и во обвинителството. Судскиот совет како рогови во вреќа, обвинителсткиот совет го нема никаде, непрепознатливи се, а тие треба да се контролор на третата власт. Пред се, она што е важно е да се разбере дека реформите се прават за подобрување на животот на граѓаните, ако тие ги почувствуваат бенефитите од нив, тогаш дури можеме да очекуваме влез во ЕУ, без тие стандардни нема влегување. И Уставот да го промениме, доколку нема политичка волја за реформи – нема успех, рече Давитковски за МИА.

Тој посочи дека во првите шест месеци новите власти треба да ги постават насоките како ќе се прават реформите во сите општествени сфери, за луѓето да имаат перцепција што ќе се случува и што да очекуваат.

- Претходната влада не ги донесе законите што беше предвидено да бидат донесени до 2023 година. Во септември ќе го добиеме најнегативниот извештај од ЕУ за реформите во јавниот сектор во последните 20 години. Она што е неопходно е целосно преиспитување на улогата на судскиот и на обвинителскиот совет, на Академијата за судии...Мора да заврши практиката лица без никакви искуство, само со политичко влијание и врски да стануваат судии, нагласи Давитковски.

The post Проф. Давитковски: Во септември ќе го добиеме најнегативниот извештај од ЕУ за реформите во јавниот сектор appeared first on Република.

Министерот за правда, Кренар Лога, се сретна со претседателката на Врховниот суд, Беса Адеми и со претседателот на Работната група за подготовка на Стратегијата за реформи на правосудниот сектор, академик Владо Камбовски.

На средбата која се одржала во Врховниот суд се разговарало за состојбите во правосудството и надминување на проблемите со кои се соочуваат одредени институции односно Судскиот совет. Како што соопштија од Министерството за правда, било заклучено дека настаните во Судскиот совет се во спротивност со заложбите за независноста и угледот на судството, градењето на јавната доверба, како и со препораките во Извештаите на Европската Унија и Стејт депратмент.

Едно од решенијата за подобрување на состојбите во Судскиот совет е итно донесување на измени на Законот за Судскиот совет во согласност со Стратегијата за реформи на правосудниот сектор. Законските измени треба да се во насока на унапредување на независноста, стручноста и функционалноста на Судскиот совет како орган за судството кој треба ја обезбеди и гарантира самостојноста и независноста на судската власт. Со измените треба да се надминат сите слабости на законското решение кои создадоа проблеми во практичната примена и оставија простор за различни интерпретации. Во рамките на работната група за подготовка на новата Стратегија и претходно беше нагласена потребата од итни законски измени и воедно беше укажано на проблемите кои се генерираат во применувањето на законот, било заклучено на средбата.

Врховниот суд преку Седницата на судии и Општата седница до Работната група за новата Стратегија, се наведува во соопштението, веќе има доставено предлози за итни законски измени, но има поднесено и Иницијатива до Уставниот суд со кои ја оспорува уставноста на одредби од Законот за Судскиот совет.

The post Министерот за правда на средба со претседателката на Врховниот суд и претседателот на Работната група за реформи на правосудниот сектор appeared first on Република.

Десетици илјади Израелци протестираат пред парламентот во Ерусалим против контроверзните планови за судски реформи кои ја поделија јавноста.

Откако владата ги откри своите реформски планови, Израел ги виде некои од најмасовните демонстрации во поновата историја на земјата во последните недели.

Доколку бидат усвоени, предложените законски измени ќе ја ограничат моќта на Врховниот суд и ќе и дадат на владата поголемо влијание врз назначувањето на судиите.

Критичарите велат дека најавените промени би можеле да ја поткопаат и израелската демократија, додека израелската влада тврди дека реформите ќе ја зајакнат.

Американскиот претседател Џозеф Бајден се чинеше дека ги критикуваше предлозите во нивната сегашна форма, што е невообичаен чекор за американски лидер да изрази мислење за уставните прашања во Израел.

„Генијалноста на американската и израелската демократија е што и двете се изградени на силни институции, на независно судство“, изјави Бајден за Њујорк Тајмс.

„Градење консензус за суштински промени е навистина важно“, додаде тој.

Израелскиот претседател Исак Херцог во неделата предупреди дека земјата е на работ на уставен и социјален колапс.

Претседателот на државата ретко се вклучува во политички прашања, бидејќи треба да биде неутрална фигура во системот.

Во изминатите недели низ Израел редовно се одржуваат протести против судските реформи, на кои учествуваа десетици илјади луѓе.

Противниците на реформите тврдат дека тие ќе го политизираат судството и дека системот ќе стане зависен од авторитарна власт.

Во соопштението на владата на Бенјамин Нетанјаху се наведува дека сегашниот систем е недемократски и дека Врховниот суд може да ги поништи законите донесени од избран парламент.

Израелскиот министер за правда Јарив Лавин, кој ги откри плановите за реформи, ги обвини противниците – вклучително и јавниот обвинител и главниот судија на Врховниот суд – дека се обидуваат да „изведат државен удар“ против Нетанјаху, откако беше поднесена судска петиција за прогласување на премиерот неспособен за канцеларија.

Меѓу планираните реформи, способноста на Врховниот суд да ги поништи законите би била значително намалена.

Просто мнозинство во Кнесетот (израелскиот парламент) исто така ќе има моќ да ги поништи одлуките на Врховниот суд.

Нетанјаху вели дека реформите ќе ја вратат рамнотежата меѓу гранките на власта и ќе го спречат судството да дејствува надвор од неговата јурисдикција.

The post Протести во Израел против судските реформи appeared first on Република.