Украина развива беспилотно летало способно да пресретнува ирански камикази беспилотни летала што ги користи Русија, дознава Дејли Телеграф.

Британскиот весник наведува дека целта на новото оружје е бркање и пресретнување на борбените беспилотни летала Шахид-136 со кои Русите ги бомбардираат украинските градови наместо конвенционалните ракети за противвоздушна одбрана.

Стинг има навидум класичен изглед на квадкоптер (дрон со четири пропелери), но со огромна купола која штрчи од централниот дел на дронот, во која се наоѓа боевата глава и камера која оператор на земја со помош на VR очила го контролира неговото движење. .

Системот за таргетирање на целта ќе биде задолжен за вештачка интелигенција која ќе му помага на операторот во борбени мисии.

https://www.youtube.com/watch?v=LxrvEUuk6aE&embeds_referring_euri=https%3A%2F%2Fwww.kurir.rs%2F&source_ve_path=MjM4NTE

The post Украина развива дрон кој ќе се наведува со помош на вештачка интелегенција appeared first on Република.

Стинг сподели на Инстаграм нова изведба на неговиот хит „Руси“ од 1985 година за поддршка на Украина. Првично издаден како сингл од неговиот дебитантски соло албум The Dream of the Blue Turtles, „Russians“ беше инспириран од Студената војна меѓу Соединетите држави и тогашниот Советски Сојуз. Песната, која ја критикува доктрината за заемно сигурно уништување, стана хит на Топ 20, достигнувајќи го 16-то место на Billboard Hot 100.

Ретко ја пеев оваа песна во годините откако беше напишана, бидејќи никогаш не мислев дека повторно ќе биде актуелна“, рече Стинг во својот спот. „Но, во светлината на крвавата и тажно погрешна одлука на еден човек да нападне мирен, незагрозен сосед, песната е, уште еднаш, молба за нашата заедничка човечност.

За храбрите Украинци кои се борат против оваа брутална тиранија, како и за многуте Руси кои протестираат против овој гнев и покрај заканата од апсење и затвор: Ние, сите ние, ги сакаме нашите деца“.

Насловот на видеото на Стинг ја вклучуваше и адресата за испорака на складиштето во Полска што дистрибуира пакети за нега во координација со Вооружените сили на Украина.

 

View this post on Instagram

 

A post shared by STING (@theofficialsting)

The post Стинг со нова верзија на хитот „Руси“: Мојата песна е молба за мир, веднаш запрете ја војната! appeared first on Република.

Британскиот пејач и текстописец Стинг го продаде целиот свој музички каталог на „Јуниверзал мјузик паблишинг груп“.

„Јуниверзал мјузик паблишинг груп“, водечкиот оддел за музичко издаваштво на УМГ, го спроведе купувањето на музичкиот каталог на Стинг - се вели во соопштението објавено на интернет-страницата на компанијата.

Компанијата ќе ги стекне правата за сите соло проекти на пејачот, вклучувајќи го и неговиот последен албум „Д Бриџ“ (The Bridge), како и целата негова музика снимена со групата „Полис“. Подробности од договорот не се објавени, но според „Њујорк тајмс“, тој вреди 250 милиони долари.

Мило ми е што УМПГ ќе управува со мојот каталог од песни. Важно ми е целата моја работа да биде ценета и почитувана, и на тој начин, не само да се поврзам со долгогодишните обожаватели на нов начин, туку и да ги презентирам песните на идните генерации - објави Стинг на неговата официјална страница.

Стинг, чие родено име е Гордон Метју Томас Самнер, е роден на 2 октомври 1951 година во Велика Британија. Во 1977 година, тој ја создаде групата „Полис“, со гитаристот Енди Самерс и тапанарот Стјуарт Коупленд. За пет години, од 1978 до 1983 година, бендот освои шест „Греми“ награди и две Британски музички награди.

По светската турнеја во март 1984 година, бендот се распадна, а три десетлетија подоцна повторно се обединија, заради турнејата околу 30-годишнината од синглот „Роксен“.

The post Стинг ги продаде правата за целата своја музика appeared first on Република.