Дербито во Првата македонска кошаркарска лига меѓу Работнички и МЗТ Скопје е прекинато на стартот на второто полувреме откако навивачките групи на двата тима фрлаа голем број петарди и чадни бомби на паркетот.

Ова беше причина прво кошаркарите од Аеродром да се повлечат во соблекувалната, а потоа истото го сторија и домашните играчи.

Во еден момент реагираа и специјалните полициски сили, кои беа во салата.

Се очекува официјалните лица да донесат одлука за празнење на трибините, по што натпреварот би се доиграл без гледачи.

Во моментот на прекинот во 12. минута од средбата, МЗТ СКопје водеше со 30-13.

The post Навивачите на Работнички и МЗТ ја претворија салата „Кале“ во воена зона, интервенираа специјалци appeared first on Република.

Демократската унија за интеграција (ДУИ) вечерва ќе го промовира претседателскиот кандидат, Бујар Османи. Конвенцијата се одржува во Спортско-рекреативниот центар (СРЦ) „Кале", под мотото „Дојде време за првиот претседател Албанец“.

Присутни се претседателот на Демократската унија за интеграција Али Ахмети и други високи партиски членови и функционери.

Според Државната изборна комисија (ДИК), Османи ги собра потребните 10 000 потписи од граѓаните заклучно со 26 февруари годинава. За него до 20 часот тој ден се потпишале 10 528 граѓани. Податоците на ДИК од 7 март до 20 часот покажуваат дека Османи има собрано 11.085 потписи.

Информацијата дека Османи ќе биде претседателски кандидат на ДУИ на претстојните избори ја соопшти партискиот лидер Али Ахмети од седиштето во Мала Речица.

Министерот за надворешни работи и претседателски кандидат на ДУИ, Османи, најави дека меѓу темите на неговата кампања ќе бидат уставните измени за впишување на Бугарите и изборот на претседател на државата во Собранието. Тој очекува влез во вториот круг. Својата програма, како што рече, ја работел со домашни и меѓународни експерти, како претседателски кандидат ќе има своја веб страница и ќе им се обраќа на сите граѓани без оглед на етничката припадност.

The post Конвенција на ДУИ во СРЦ „Кале“, партијата ќе го промовира претседателскиот кандидат Бујар Османи appeared first on Република.

Тешка сообраќајна несреќа се случи денеска близу спортскиот рекреативен центар „Кале“, пренесува „Сител“. Според фотографиите од местото на несреќата, автомобил е целосно смачкан, а улична светилка е откорната од земја.

Полицијата врши увид на лице место, по што ќе се знаат повеќе детали.

The post Смачкан автомобил кај СРЦ „Кале“, откорната ламба appeared first on Република.

Полицијата вчера во 20 часот во Спортско рекреативниот центар „Кале“ уапсила малолетник од Скопје, поради тоа што за време на одржување на кошаркарски натпревар агресивно се однесувал кон полициските службеници, а потоа физички нападнал еден од нив додека извршувал службени дејствија.

Исто така, за време на кошаркарскиот натпревар биле приведени и С.С.(37), М.Д.(34), Л.Л.(21), Л.Г.(19) и А.К.(21), сите од Скопје, поради непочитување на Законот за спречување на насилството и недостојното однесување на спортските натпревари.

По целосно документирање на случајот против сите ќе следува соодветен поднесок.

The post Малолетник нападнал полицајци во СРЦ „Кале“, уапсени уште петмина скопјани на кошаркарски натпревар appeared first on Република.