Познатиот белградски сплав „Картел“ потона синоќа во Нов Белград, пришто стотици млади луѓе беа евакуирани од Сава.

Како што јавуваат српските медиуми на драмата претходела тепачка, кога дел од гостите биле исфрлени од страна на обезбедувањето, а мостот што го поврзува сплавот со шеталиштето почнал да попушта.

Утрото по несреќата, на местото на настанот можеле да се забележат предмети на гостите – чизми, клучеви, џемпери, па дури и чанти.

Во текот на истрагата ќе бидат познати сите околности на несреќата.

The post Расфрлени ташни и чевли, луѓето бегале кој како стигне: Вака утринава изгледа сплавот кој потона синоќа appeared first on Република.

Познатиот сплав Картел во Нов Белград потона во време кога на него имало голем број млади луѓе кои дошле да го гледаат концертот на сараевскиот рапер Цунами, пишува Блиц.

Како што може да се види на видеата објавени на Инстаграм профилот „moj_beo_grad_“, кога сплавот потонал, гостите се обиделе да се спасат скокајќи во Сава и пливајќи кон брегот.

 

View this post on Instagram

 

A post shared by MOJ BEOGRAD (@moj_beo_grad_)

Објавени се бројни драматични видеа од местото на несреќата. На едната се гледа како спасувачите со чамци ги превезуваат гостите до брегот.

Како што дознава Блиц, на полицијата и биле потребни седум минути за да стигне до сплавот „Картел“ по дојавата, а на терен биле сите расположливи спасувачки единици на МВР на Србија, како и екипи за итни случаи.
Службите евакуирале 30-тина лица.

 

View this post on Instagram

 

A post shared by MOJ BEOGRAD (@moj_beo_grad_)

Една од девојките за „Блиц“ изјавила дека настанало вистинско стампедо кога сплавот „Картел“ почнал да тоне.

Некои почнаа да скокаат во водата и да пливаат до брегот, додека други останаа закотвени во страв да не се удават. Веднаш дојдоа и родителите на гостите кои беа заглавени на сплавот. Луѓето беа нервозни. Видов дека брзата помош му помогна на едно момче. Сите беа во паника. Повикаа помош, изјавилa за „Блиц“ девојката која била сведок на потонувањето на сплавот „Картел“.

Еден од гостите изјавил дека на потонувањето на сплавот „Картел“ му претходел конфликт меѓу гостите и обезбедувањето.

 

View this post on Instagram

 

A post shared by MOJ BEOGRAD (@moj_beo_grad_)

Поголема група луѓе почна да се симнува од сплавот и да се спротивставува на обезбедувањето. Потоа започна тепачката. Мостот почна да пука, сплавот да тоне и сите што истрчаа паднаа во водата – изјави очевидец.

На едно од видеата објавени синоќа на интернет се гледа атмосферата од настапот на раперот Цунами на „Картел“ пред потонувањето. Се гледа дека сплавот бил полн со многу расположени тинејџери кои немале поим дека наскоро ќе се борат за гол живот.

The post Излегувале и паѓале право во вода: Потона сплав во Белград преполн со луѓе appeared first on Република.

Сплавот „Боем“ на кејот на Дунав во Смедерево, Србија, ноќва потонал преполовувајќи се, јавува РТС. На видеото од социјалните мрежи се гледа дека во моментот кога водата влегла во сплавот имало гости, но тие успеале да се евакуираат.

 

View this post on Instagram

 

A post shared by 192.RS (@192_rs)

Противпожарната единица набрзо излегла на терен. Како што потврдија за РТС, нема повредени.

Засега не е позната причината за потонувањето на сплавот.

За време дочекот на 2023 година, неколку минути по полноќ поради преполн капацитет потона белградскиот сплав „Фристајлер“. Неколку месеци подоцна, во јули, загина момче од тимот за расчистување на остатоците, откако фрижидер падна врз него.

https://republika.mk/vesti/balkan/uapseni-sopstvenikot-direktorot-i-upravitelot-na-fristajler-na-splavot-so-kapatsitet-od-220-luge-imalo-600/

The post Потона уште еден сплав полн гости во Србија appeared first on Република.

Една белграѓанка го фатила сопругот во неверство и тоа благодарение на видеата од безбедносните камери на сплавот кој заедно го поседуваат.

За нештата да бидат уште полоши, повредената сопруга која се породила пред само 4 месеци, ги објавила видеата на официјалниот профил на споменатиот сплав, како и името на девојката со која го фатила дека има афера.

„Дојдете на нашиот сплав! Имаме работничка за сѐ, ако ме разбирате! А сопственикот доби дете пред 4 месеци. Знаете ли дека јас мислев дека тој е навистина добар човек. Навистина, мислев, а не сум мала... Мислев дека најмалку што му должам е сите да знаат каков е. Слушам дека сериозните луѓе не сакаат ниту да работат со оние што ги издаваат своите најблиски“, напишала таа на видеата на Инстаграм.

Откако ситуацијата се смирила, сопругата повторно објавила стори на кое објаснува дека „не знае зошто го објавила тоа на официјалниот профил“.

„Не можам ни да се сетам што точно сакав да постигнам, можеби да ги понижам овде на бизнис профилот, а толку ескалираше што во моментов имам моќ ова да го објавам и во живо на плоштад, но сега гледам дека не сакам да се валкам во таа кал.

Тука сум ако ви требаат информации или простор за некоја прослава, или некој план за одмазда, затоа што изгледа дека ниту тоа не ми оди лошо“

The post Белграѓанка го фати сопругот во неверство на сплав што заедно го поседуваат appeared first on Република.

Белградскиот сплав „Фристајлер“, кој потона за време на новогодишната ноќ, го однесе животот на младо момче од тимот за расчистување на објектот. Како што пренесуваат српските медиуми, трагедијата се случила вчера, кога тој влегол во објектот за да расчистува, но фрижидер паднал врз него и веднаш го потонал.

Луѓето кои биле во близина на потонатиот сплав во моментот на несреќата тврдат дека сè се случило брзо.

Фрижидерот падна врз него, не можеа да го спасат. Полицијата се појави пред два часа и само рекоа дека некој се удавил, тоа е се што знаеме, велат очевидци за „Блиц“.

Несреќата се случила вчера околу 13 часот.

The post Уште една трагедија на потонатиот сплав, загина момче од тимот за расчистување appeared first on Република.

Сопственикот на белградскиот сплав „Фристајлер“, кој почна да тоне на новогодишната ноќ неколку минути по полноќ, еден час пред инцидентот бил известен дека во објектот влегува вода, а при евакуацијата дошло до тепачка во која учествувало обезбедувањето на објектот што тонел.

Ова утрово го објави репортерката на ТВ „Прва“ пред сплавот. Сепак, таа не го прецизира изворот на оваа информација. Инаку, како што информира таа, сплавот „Фристајлер“ не само што се движел наназад и уште повеќе се навалил туку и го откорнал бетонскиот столб на кој бил прикачен, а ѓубрето веќе трет ден по ред се растегнува покрај брегот, додаде таа.

Сопственикот, директорот и управителот на сплавот „Фристајлер“ синоќа беа уапсени како виновници за овој инцидент, кој само од чиста среќа не заврши фатално. Ним им е одреден притвор до 48 часа по што утре заедно со кривична пријава ќе бидат изведени во Третото основно јавно обвинителство во Белград и ќе бидат сослушани.

Репортерите на ТВ „Прва“ ја пренесоа и информацијата дека сопственикот бил известен еден час пред инцидентот оти водата почнала да навлегува во сплавот, како и дека обезбедувањето „тепало неколку луѓе, кои сакале да си ги земат своите работи“.

„Имаше информација дека сопственикот бил известен оти водата почнала да навлегува во сплавот, но рекол дека нема потреба од грижи и дека сплавот не може да потоне иако на него има речиси два-трипати повеќе луѓе отколку што е пропишано“, изјави репортерката Милица Савиќ, известувајќи пред самиот сплав.

The post Нови детали: Сопственикот на „Фристајлер“ еден час пред несреќата знаел дека сплавот почнал да се полни со вода appeared first on Република.

Познатиот белградски сплав „Фристајлер“ до половина потона за време на новогодишната ноќ, а глетката што ја затекнавме утрово е „морничава“, пишува „Пинк“.

Имено, познатиот сплав за малку ќе потонел целосно.

Да потсетиме, во неделата само десет минути по полноќ настана вистинско стампедо од луѓе кои почнаа да бегаат од сплавот во кој почна да навлегува водата.

https://republika.mk/vesti/balkan/vodata-beshe-do-kolena-pochnav-da-placham-i-da-vreskam-devojka-svedochi-za-haosot-na-belgradskiot-splav-koga-pochnal-da-tone/

За среќа, во инцидентот нема повредени, а наредниот ден предметите биле изнесени пред „Фристајлер“ за луѓето да ги подигнат.

Илија Шкориќ, началник на полициската управа за безбедност на реките во Белград, кој во страшната ноќ беше на теренот, утринава за ТВ Пинк изјави дека со брзата и ефикасна акција на полицијата спречени се повредени луѓе и поголема материјална штета.

Припадници на Единицата за безбедност на реките интервенирале со два пловни објекти. За среќа, немаше потреба да се извлекуваат луѓе од реката, изјави Шкориќ.

Шкориќ рече дека е рано да се зборува за причините за несреќата, а сите причини се истражуваат.

Во медиумите се појавија информации дека причината е преголемиот број гости, што се истражува, како и други причини кои можат да предизвикаат ваква несреќа, објасни Шкориќ и рече дека јавноста ќе биде информирана за причината кога ќе биде спроведена истрагата.

The post Погледнете како изгледа сплавот во Белград кој потона на новогодишната ноќ appeared first on Република.

Познатиот белградски сплав „Фристајлер“ околу полноќ почнал да тоне, но за среќа никој не е повреден! Очевидци и луѓе кои биле на сплавот велат дека настанала паника и дека сите почнале да трчаат надвор кога водата почнала да се крева.

Една девојка снимила видео веднаш по симнувањето од потонатиот сплав и го објавила на социјалната мрежа Тикток.

Здраво на сите, ја чекавме Новата година на „Фристајлер“ и сплавот почна да тоне луѓе! Значи, водата ни беше до колена. Почна да тоне баша кај нас во сепарето. Јас почнав да плачам и да врескам. Добро е што сите преживеавме. Можеше да се удавиме во таа вода, вели девојката пред сплавот и додала дека „по се што се случило, ситуацијата и е смешна, но дека всушност ништо не е смешно и сите едвај излегле живи“.

https://republika.mk/vesti/balkan/popularniot-splav-vo-belgrad-pochnal-da-tone-poradi-premnogu-gosti-za-novogodishnata-proslava/

Таа потоа, во второ видео детално објаснува дека прво во еден момент се расчистила гужвата пред нејзиното сепаре.

Мислев дека некој се степал, но тогаш, наеднаш сфативме дека водата е до нашите колена. Девојките беа во штикли, во фустани, што го отежнува излегувањето. Одеднаш сите се упатија кон излезот, ги оставија јакните внатре, беше пекол, таа раскажува како новогодишната ноќ се претворила во вистинска катастрофа.

Оваа девојка вели и дека била шокирана од коментарите на луѓето кои на веста за потонувањето на сплавот пишувале „Да даде Бог сите да се удавите“.

Не ја разбирате сериозноста на ситуацијата и не можам да верувам дека сте толку злобни, бидејќи некој навистина можеше да настрада. Замислете вашето дете или некој што го познавате да е таму и, не дај Боже, да се повреди? Размислете пред да пишувате глупости, го завршува своето видео на Тикток.

[caption id="attachment_592502" align="aligncenter" width="640"] Фото: Стефан Стојановиќ/Мондо[/caption]

[caption id="attachment_592503" align="aligncenter" width="640"] Фото: Стефан Стојановиќ/Мондо[/caption]

[caption id="attachment_592504" align="aligncenter" width="640"] Фото: Стефан Стојановиќ/Мондо[/caption]

The post Водата беше до колена, почнав да плачам и да врескам: Девојка сведочи за хаосот на белградскиот сплав кога почнал да тоне appeared first on Република.

Познатиот сплав на Дунав ви Белград „Фристајлер“, почнал да тоне околу еден часот по полноќ, откако бил преоптоварен со луѓе на новогодишната прослава.

Како што велат за Курир.рс очевидци кои ја дочекаа Новата година на овој сплав, сплавот бил толку преполн што тешко се дишело.

Беше преполно, едвај можеше да се дише. Нема сомнеж дека сплавот беше преоптоварен. Не ми е прв пат овде, но никогаш не сум видел толку многу луѓе - вели соговорникот на Курир.

Полицијата и пожарникарите брзо пристигнале на местото на настанот и го евакуирале објектот. На местото на настанот биле испратени и две екипи на Брза помош, но според првичните информации нема повредени.

Понатамошната истрага ќе утврди што ја предизвикало оваа несреќа.

На следниот ЛИНК може да се види колку луѓе имало на сплавот пред да почне да тоне.

The post Популарниот сплав во Белград почнал да тоне поради премногу гости за новогодишната прослава appeared first on Република.