Исламисти нападнаа хотел и познатата плажа Лидо во сомалиската престолнина Могадишу, убивајќи најмалку четиринаесет лица и повредувајќи над триесет, пренесе ДПА, повикувајќи се на портпарол на полицијата.

Бројот на жртвите може да се зголеми, бидејќи борбите помеѓу локалните сили и напаѓачите продолжуваат, додава агенцијата.

Потресни сцени беа споделени на социјалните мрежи, забележува ДПА. На видеата се гледаат луѓе како бегаат по плажата, обземени од ужас, додека одекнуваат истрели.

Спасувачките екипи не можат да стигнат до сите повредени поради продолжувањето на пукањето. Освен огнено оружје, се слушаат и експлозии.

Плажата Лидо е популарна дестинација за жителите на Могадишу за време на викендите. На пукањето му претходел самоубиствен напад на исламист, пренесе ДПА, повикувајќи се на податоци од полицијата.

Исламистичката терористичка група „Ал Шабаб“ ја презеде одговорноста за нападот преку изјава на своето радио, додава агенцијата.

The post Терористи почнаа да пукаат на популарна плажа, најмалку 14 загинати appeared first on Република.

Во експлозија на автомобил-бомба во близина на воената база во главниот град на Сомалија, Могадишу, загинаа шест лица, меѓу кои четворица војници, соопшти денеска полицијата.

Портпаролот на полицијата Садик Додише изјави дека во експлозијата во воениот објект се ранети уште девет лица, од кои петмина војници.

Исламската екстремистичка организација Ал Шабаб ја презеде одговорноста за нападот.

Сомалиската федерална влада со години се бори против припадниците на Ал Шабаб, а безбедносните сили ги засилија нападите врз групата во последните месеци во обид да ја разбијат нејзината пропагандна мрежа.

Сомалискиот министер за информации Дауд Авејс изјави за новинарите дека властите затвориле четири радио станици поврзани со групата и убиле речиси 3.800 нејзини борци за време на неодамнешната воена офанзива.

(МИА)

The post Шест лица загинаа во експлозија на автомобил-бомба во близина на воена база во Могадишу appeared first on Република.

Во експлозија на камион-бомба што се случила во градот Беледвејне, во Сомалија, загинале најмалку 15 лица, а повредени се 40 луѓе, соопшти локалната полиција.

Не е објавено кој го извршил нападот, но се претпоставува дека станува збор за исламистичката група Ал Шабаб, која често изведува бомбашки напади во Сомалија.

Властите на сојузната држава Хиршабел го потврдуваат бројот на загинати во нападот и додаваат дека состојбата на 20-ина ранети е критична.

Слабо населениот Хиршабел е центарот на најновата воена офанзива на сомалиската влада против упориштето на екстремистите од источноафриканскиот огранок на Ал Каеда - Ал Шабаб.

Оваа група, која често извршува слични напади и контролира делови од Сомалија, засега не ја презеде одговорноста за нападот.

The post Терористички масакр во Сомалија: Петнаесетина загинати и 40 повредени во експлозија на камион-бомба appeared first on Република.

Во минофрлачки напад е погоден камп на меѓународните сили во главниот град на Сомалија, Могадишу, во кој се сместени и припадници на војската на Србија, вклучени во мировната операција. Како што соопшти српското министерство за одбрана, сите шест припадници на Војската на Србија не се повредени и се добро.

Според соопштението, два проектила паднале внатре во кампот, а три во непосредна близина.

Во гранатирањето нема повредени, а сите шест припадници на Војската на Србија се добро и продолжуваат професионално и одговорно да ги извршуваат задачите. Во кампот се преземени дополнителни мерки за заштита за да се гарантира безбедноста на сите припадници на меѓународните сили - соопшти Министерството.

Началникот на Оперативната управа на Генералштабот на Војската на Србија, генерал-потполковник Желимир Глисовиќ, разговарал со високиот национален претставник во мисијата, полковник Драган Крстиќ, кој го информирал дека сите припадници на Војската на Србија се безбедни, мотивирани и посветени. на зададените задачи.

Војската на Србија, во мисијата на ЕУ за обука на безбедносните сили на Сомалија има ангажирано штабен офицер како шеф на медицинската служба, како и петчлен медицински тим задолжен за примарната здравствена заштита на персоналот на мисијата.

Генералштабот на војската на Србија постојано ја следи состојбата во сите мировни операции во кои се ангажирани припадници на Војската на Србија и е во постојан контакт со нашите контингенти - соопштија од министерството.

The post Гранатиран камп во Сомалија во кој има српски војници appeared first on Република.