Вооружените сили на Украина ги нападнале позициите на руската армија кај Соледар со хемиска муниција.

Ваквата информација ја сподели пензионираниот потполковник на Народната милиција на ЛНР, Андреј Марочко, повикувајќи се на извори од линијата на фронтот.

За време на детонацијата се ослободува остар чад кој предизвикува печење на кожата, а при вдишување луѓето губат свест“, изјави Марочко.

Тој додава дека видот на супстанцијата сега го одредуваат специјалисти.

The post Украинските сили кај Соледар употребиле хемиска муниција против руската армија appeared first on Република.

Украинскиот претседател, Володимир Зеленски, вети дека ќе обезбеди „сè што е потребно“ за украинските војници, кои ги одбиваат руските напади врз Бахмут и Соледар, два града во источниот регион Доњецк што руските сили се обидуваат да ги заземат.

Нагласувам дека единиците кои ги бранат овие градови ќе бидат снабдени со муниција и сè што е потребно навремено и во цел обем, напиша украинскиот претседател на Фејсбук по средбата со Генералштабот на вооружените сили.

The post Зеленски вети дека ќе обезбеди сè што е потребно за украинските војници во Бахмут и Соледар appeared first on Република.

Велика Британија објави дека Русија најверојатно го освоила Соледар, рударски град во источна Украина. Британското Министерство за одбрана објави дека по четири дена напредување, руските војници и платениците на Вагнер можеби ја презеле контролата врз Соледар, каде што се наоѓаат рудниците за сол.

Доколку се потврди, тоа ќе биде најважниот руски успех од август, по серијата понижувачки порази во втората половина од минатата година. Руските сили со месеци се борат за блискиот Бахмут, неколку километри југозападно. Двете страни имаат огромни загуби.

Москва тврди дека заземањето на Бахмут би било важен чекор кон преземање целосна контрола врз Доњецката област, една од четирите провинции анектирани од Русија пред два месеци.

Руското Министерство за одбрана не ги спомна Соледар или Бахмут на брифингот со новинарите во понеделникот.

The post Најголем успех од август: Британците потврдија дека Русите „најверојатно го зазеле“ Соледар во источна Украина appeared first on Република.

Руските медиуми објавија видео од оперативни активности на руските јуришни авиони Су-25 како извршуваат борбени мисии на екстремно ниски височини.

На видеото се гледа пар авиони Су-25, кои прават остри кривини, при што неколку пати минуваат над градот Соледар. Во еден момент, авионите се само неколку десетици метри над земјата.

При минување над градот, авионите исфрлаат таканаречени топлински мамци, кои треба да ги заштитат од проектили од преносни противвоздушни ракетни системи.

Во основа, целта е на овие мамци е да ги привлечат противавионските проектили МАНПАДС, кои се опремени со термички сензори и со висок степен на веројатност може да „се фатат“ на лажните термални цели кои испуштаат голема количина топлина поради согорувањето на пиротехничкиот состав.

The post Летаат на само неколку десетици метри над земјата: Руски Сухои снимени во борбен лет во Соледар appeared first on Република.