Саудиска Арабија погубила 213 луѓе за помалку од десет месеци во 2024 година.

Ваквиот податок претставува најголем годишен број на егзекуции во историјата на Кралството од Перскискиот Залив.

Меѓу погубените осуденици, 85 егзекуции се за нефатални злосторства, од кои 59 за злосторства поврзани со дрога.

The post Саудиска Арабија годинава погубила најголем број осуденици во својата историја appeared first on Република.

Во првата егзекуција во Јужна Каролина по 13 години, Фреди Овенс (46), кој беше погубен, беше осуден за убиство на службеник во продавница во Гринвил во 1997 година за време на вооружен грабеж.

Додека траеше судската постапка против него, Овенс убил уште еден затвореник во окружниот затвор.

Неговото признание за нападот беше прочитано пред две различни пороти и судија, кои сите го осудија на смрт.

The post Во Јужна Каролина извршена првата смртна казна по 13 години appeared first on Република.

Активисти за човекови права бараат САД да бидат отстранети од Комитетот за човекови права на ОН по мачната егзекуција на затвореникот Кенет Јуџин Смит во Алабама.

Претставници од САД, Русија, Австрија и Франција испратиле апел до генералниот секретар на светската организација, Антонио Гутереш.

Како што изјавил Иван Мелников, потпретседател на рускиот огранок на Меѓународниот комитет за одбрана на човековите права, егзекуцијата била извршена со кршење на бројни меѓународни акти.

Тие користеа недокажан метод - азотна хипоксија, појаснува Мелников.

Извршувањето на смртната казна, првпат изведена со методот на азотна хипоксија, предизвика агонија на казнетиот кој делуваше дека е свесен додека „бесно се бореше на за живот“, а почина дури 10 до 15 минути по почетокот на егзекуцијата.

Активистите за човекови права велат дека егзекуцијата потесетува на употребата на медицински експерименти за убивање луѓе со отровен гас од страна на нацистите во концентрационите логори за време на Втората светска војна.

The post Активисти за човекови права побараа САД да бидат отстранети од Комитетот за човекови права на ОН appeared first on Република.

Последната смртна казна во Црна Гора беше извршена пред 41 година, за убиство на четиригодишно девојче.

Злосторството што ја потресе цела  Југославија се случи на 15 март 1977 година во тогашен Титоград (денешна Подгорица). Избувнал пожар во зграда, а кога пожарникарите пристигнале на местото на настанот затекнале страшна глетка.

Ова монструозно злосторство го извршил Драгиша Ристиќ, работник од Трговиште кај Књажевац. Го затекнале како спие, а трагите на облеката несомнено укажувале на делото што го направил, а и самиот  го признал.

Го однел несреќното дете во подрумот на зградата, се обидел да ја силува, но детето се спротивставило и врескало, поради што го задавил, а потоа го запалил телото за да си ги покрие трагите.

Ристиќ бил застапуван од адвокатот Јанко Дучиќ од Белград, бидејќи никој од црногорските адвокати не прифати да го брани човекот кој толку злобно можеше да го одземе животот на невино дете, судот на 26 мај 1977 г. го осуду на смрт со стрелање, што беше извршено на 29 јануари 1981 година“.Казната ја одолговлекуваше три и пол години со разни правни лекови, но конечно беше спроведена.

https://www.youtube.com/watch?v=2BUGU6wqn5U&t=66s

Адвокатот Тома Фила во интервјуто за „Република“ се присети на овој случај кој го спореди со нашата Вања и со Тијана Јуриќ од Србија.Неговата мајка го молела да не го прифаќа овој случај и тој ја послушал.

Случајот беше во Црна Гора.Сторителот уби и силуваше дете од шест години.Откако ја убил ја полил со бензин и ја запалил.Тоа е последната смртна казна која е извршена во Црна Гора-изјави Фила за „Република“.

https://republika.mk/vesti/balkan/toma-fila-odbiv-da-branam-sluchaj-slichen-kakov-vana-na-ubiets-i-siluvach-na-dete/

The post Случај сличен на Вања: Последната смртна казна во Југославија е извршена за убиство на четиригодишно девојче appeared first on Република.

Смртната казна во американската Алабама за прв пат ќе биде извршена со азотна хипоксија, алтернатива на претходните егзекуции со инјекција, најави Кеј Ајви, гувернерката на таа сојузна држава.

Кенет Смит е осуденик на смрт кој е во затвор од 1988 година, јавува Си-Ен-Ен. Невладините негодуваат на ова, пред се затоа што се работи за експериментален метод кој досега не бил користен, при што доведена во прашање е хуманоста.

Имено, смртта предизвикана од азотна хипоксија ги лишува мозокот и телото од кислород, па затвореникот умира од задушување.

Поради проблеми со инјекциите, кои во неколку случаи не успеаја да ги усмртат осудениците, во 2018 година дојде до пауза во извршувањето на смртните казни. Сега во Алабама има дури 165 „нерешени“ случаи.

„Ние ќе бараме да ги спроведеме правата на господинот Смит преку судскиот процес. Како и 11-те поротници кои не веруваа дека тој треба да биде погубен, ние продолжуваме да се надеваме дека оние што го разгледуваат овој случај ќе увидат дека ова е уште еден обид за извршување, овој пат со експериментален, никогаш претходно користен метод и протокол кој никогаш не бил целосно обелоденет кон него или неговиот адвокат. , неоправдано и неправедно“, соопштиле незадоволните адвокати на Смит.

Ако ништо не се промени, Смит ќе биде погубен на 25 или 26 јануари следната година за ладнокрвното и сурово убиство на Елизабет Дорлен Сенет во 1988 година, за што бил ангажиран од нејзиниот сопруг, свештеникот Чарлс Сенет. Тој имал афера и сакал да добие пари за осигурување во случај на смрт на неговата сопруга.

Свештеникот му пришол на Били Греј Вилијамс, кој потоа ги ангажирал Смит и Џон Форест Паркер и им понудил по илјада долари. Откако бил осомничен, тој им го признал убиството на двата сина и нивните семејства, излегол од куќата и се самоубил во своето возило. Паркер беше погубен во 2010 година, а Вилијамс отслужува доживотна затворска казна. Несреќната Елизабет била избодена и тепана неколку минути, а подоцна починала на пат кон болница.

Поротата двапати го разгледувала случајот и на повторното судење во 1996 година, дури 11 од 12 поротници се спротивставија на смртната казна, но судијата сепак ја изрекол.

The post Американците ќе погубат затвореник-убиец со нов експериментален метод appeared first on Република.

Извршителот на вооружениот напад во синагога во Питсбург во 2018 година, најсмртоносниот напад врз Евреи во историјата на САД, денеска е осуден на смрт, пренесоа американските медиуми.

Дванаесет членови на поротата едногласно гласаа за смртна казна за Роберт Бауерс, пренесува Њујорк Тајмс.

Тој беше прогласен за виновен за 11 убиства на 27 октомври 2018 година во синагога во Питсбург, отежнати со квалификација за антисемитски чин.

Бауерс, тогаш 46-годишен, извикуваше „сите Евреи мора да умрат“ додека пукаше кон верниците собрани во синагогата „Дрво на животот“, соопштија обвинителите.

Масакрот во таа синагога е најсмртоносниот напад врз американски Евреи во историјата.

Синагогата се наоѓа во историското еврејско соседство во Питсбург, дом на една од најстарите и најголемите еврејски заедници во САД

The post Извршителот на вооружениот напад во синагога во Питсбург осуден на смрт appeared first on Република.

Генералниот секретар на Европската служба за надворешни работи, Стефано Санино во име на високиот претставник на ЕУ за надворешни работи, го повика денеска иранскиот амбасадор во ЕУ, Хосеин Дегани да му го повтори силното незадоволство на Брисел поради егзекуцијата на 7 јануари на Мохамад Мехди Карами и Сејед Мохамад Хосеини.

Санино го пренесе апелот на Унијата до иранските власти веднаш да престанат со практиката на изрекување и извршување на смртни казни за демонстрантите, веднаш да ги поништат неодамнешните смртни казни веќе изречени во контекст на тековните протести и да обезбедат правилен процес за сите затвореници, соопштено е од Европската служба за надворешни работи.

– ЕУ цврсто и принципиелно се противи на примената на смртната казна во секое време и под сите околности, рече Санино и нагласи дека прашањата за човековите права се во сржта на внатрешните и надворешните односи на ЕУ и дека ЕУ и нејзините земји – членки остануваат обединети во нивниот одговор на акциите на Иран.

Мохамед Мехди Карами и Сејед Мохамад Хосеини се уапсени и осудени на смрт за убиство на припадници на безбедносните сили за време на протестите во Иран, соопшти претходно иранското правосудство.

Активистите за човекови права претходно соопштија дека најмалку 10 лица во Иран биле осудени на смрт на сослушувања зад затворени врати поради нивната вмешаност во протестите.

Според активистите за човекови права, најмалку 516 демонстранти се убиени, а повеќе од 19.000 луѓе се уапсени за време на протестите во Иран кои започнаа на 16 септември, кога курдската девојка Махса Амини почина под неразјаснети околности во притвор откако беше приведена од полицијата поради непрописно носење хиџаб.

The post ЕУ го повика Иран веднаш да престане со изрекувањето и извршувањето на смртните казни appeared first on Република.

Турција ќе ја преиспита својата одлука од 2004 година за укинување на смртната казна, рече министерот за правда Бекир Боздаг во саботата, откако претседателот Реџеп Таип Ердоган го покрена прашањето за смртната казна во врска со причината за пожарите во оваа недела.

Смртната казна беше исфрлена од Уставот во првите години од владеењето на Ердоган. Но, откако имаше сомнежи дека намерен пожар уништи 4.500 хектари од егејската крајбрежна шума, Ердоган рече дека е потребна построга правда.

Властите соопштија дека уапсениот осомничен признал дека предизвикал пожар во близина на одморалиштето Мармарис.

Пожарот е изгаснат, соопштија властите во саботата.

По посетата на локацијата во петокот, Ердоган рече дека казната за палење шуми треба да биде „застрашувачка, а ако е смртна казна, тоа е смртна казна“.

Обраќајќи им се на новинарите во источниот град Агра, министерот Боздаг рече дека коментарите на претседателот се „инструкции за нас“.

„Почнавме да работиме на тоа како министерство“, рече Боздаг, додавајќи дека сегашната казна за подметнување пожар е 10 години затвор, која може да се зголеми на доживотна казна ако е дел од организиран криминал.

Првиот голем летен пожар во земјата започна во вторникот и ги разбуди сеќавањата на минатогодишните пожари, најлошите досега, кои опустошија 140.000 хектари.

Министерот за внатрешни работи Сулејман Сојлу во четвртокот изјави дека осомничениот признал дека ја запалил шумата од фрустрација поради семејни проблеми.

Локалните власти изјавија во последните денови дека на властите им недостасува потребната опрема и персонал за уште едно лето со пожари.

Министерот за шумарство Вахит Кириши во петокот рече дека 88 отсто од шумските пожари во Турција се предизвикани од луѓе.

The post Турција размислува за враќање на смртната казна, повод се последните пожари appeared first on Република.