Музејот на македонската борба за самостојност го одбележува Меѓународниот ден на музеите со слободен влез за сите посетители на 18 мај во редовното работно време од 10 до 18 часот.

Како дел од постојаната музејска поставка посетителите, меѓу другото, ќе можат да ги погледнат и ексклузивните амбиентални претстави на етно куќа и берберницата на Гемиџиите, музејските раритети со исклучителни париња оружје и покуќнина, специјалната тактилна изложба ФОКУС, уметнички портрети на истакнати македонски историски ликови и останати презентации на македонското историско и културно наследство.

Дел од програмата на музејот е и ретроспективната изложба „Хартии" на познатиот македонски уметник Сергеј Андреевски која е поставена во холот на Музејот на македонската борба.

Годинашната тема на Меѓународниот ден на музеите е „Моќта на музеите“.

Меѓународниот ден на музеите, 18 Мај, е востановен од Меѓународниот совет на музеите (ИКОМ) во 1977, со цел да се насочи вниманието на јавноста за важноста на улогата на музеите во современите општества.

The post Слободен влез во Музејот на македонската борба по повод Меѓународниот ден на музеите appeared first on Република.

Од 3 мај престануваат да важат досегашните правила за влез во Србија, поврзани со заразата со коронавирус, како за домашни, така и за странци.

Тоа значи дека за влез во земјата веќе не е задолжително поседување негативен ПЦР или антигенски тест, сертификат за прележаност или сертификат за примени вакцини. Ова важи за сите земји.

Секако, ова се заснова на моменталната епидемиолошка состојба и секоја земја може да ги врати дел од ковид-мерките, доколку кризните штабови проценат дека има потреба од тоа.

Во соседна Србија на сила останува препораката за носење маски во затворени простори, а задолжително во здравствени установи.

The post Од утре и Србија ги укинува ковид-мерките за влез во земјата appeared first on Република.

Патниците од трети земји отсега ќе можат да патуваат во Хрватска без ковид сертификати или негативен тест. Со тоа, како што потврдија од хрватското МВР од вчера повеќе не важат ограничувањата на границите што беа донесени за време на пандемијата на коронавирус.

Важноста на Одлуката за привремено ограничување на преминувањето на граничните премини на Република Хрватска, која важеше до 30 април 2022 година, не е продолжена. Затоа, влезот во Република Хрватска е дозволен под условите за влез кои важеле пред епидемијата на Ковид-19, односно под условите пропишани со Шенгенскиот граничен кодекс, Законот за странци итн., но без исполнување на епидемиолошки услови, соопштија тамошните власти.

The post По Грција и Албанија, и Хрватска ги укинува мерките за влез appeared first on Република.